انا بحب بنت خالى بكلية الطب ومش عارف شعورها نحيتى الان لكن من حوالى 4 سنين كان بينا علاقة حلوة وكانت بتهتم بى اوى وتركز معايا بالكلام وتبصلى كتير لما اكون عندهم وتستمع لحديثى قوى وتبدى اعجابها وتشجعنى وساعات كانت بتقولى كلام حلو مرة قالتلى ازيك يا حبيبى بالتليفون ومرة خرجت معاها وقالتلى انا عيد ميلادها كان امبارح وعقبالك لم تتجوز وهكذا ومرة قالتلى انا عايزة فرحها يكون فى الشتاء وحكيت عن فستان الفرح وقتها انا ما كنش عندى الجراة ارد عليها بعدها بفترة قصيرة صرحتها بحبى وفى نفس الوقت عرفت بعض من حياتى السابقة مش كويسة المهم ردت على انها بتحبنى زى اخوها وبعديها قل الكلام بينا وانا اتحرجت وبعدت فترة لكن ما نستهاش لحد الان وعايز اتقدملها مش عارف يا ترى ده كان حب ولا وهم مع العلم انى لا استطيع ان اواجها او اتقدملها واترفض هتكون صعبة على اقوى نرجو من الاخوة الاعزاء الافادة
الحب من طرف واحد
حبيتها ومش قادر انساها
اضيف بتاريخ: Sunday, October 17th, 2010 في 23:30
كلمات مشاكل وحلول: الحب من طرف واحد, الحب من طرف واحد, بنت, حب, علاقة, عيد ميلاد, فستان, فستان الفرح, كلية, كلية الطب, مشاكل الحب
ممكن صحيح زي ماقالت لك انهاتحبك زي اخوها الافضل انك ماترخص نفسك امامهااوتتمادى في الكلام معهاواعتبرهازي اختك تماما وربي يكرمك بابنة الحلال اللي تقدرك وتسعدك
اخي انا واقع فى مشكلة نفس مشكلتك روح اتقدم وانت وحظك وسيبها لله وتوكل على الله وربنا معاك بس الفرق انى قولتلها وياريتنى ما قولتلها ***********وقالتلى خلينا اخوات ياعسل ده عسل اسود ومنيل !!!!!!!!!
انا حابه اساعدك ماشي اكيد انت اذا كنت بتحبها حق مستحيل تنساها يلا بسرعة ادعي لله سبحانه ان يقدر يلي فيه الخير حتى لو كان هو عدم الزواج منها لكن انى نفكر هيا علاش تحكيلك على فستان الزواج ومتى هيكون الوقت في الشتاء لازم تحاول معها ولو كان عندك اخوات صارح اختك يلي بترتاح ليها اكثر لان البنات يفهمو على بعض اكثر مرات هيا تحبك لكن انت فاجاتها باعترافك ليها فكانت ردت فعلها هكي ومرات هياتحبك خاصة مادمت كانت مهتمة بك لكن تحذير ليك نصيحة لا تضغط عليها اكثر التجا لربي هو الحلال لمشكلتك
سؤالك هتعرف رده لما ان شاء الله تتقدم
لأن لو كل اللي بيتقدموا وبيترفضوا دي حاجة عادية ووراد انها تحصل ولو صعبة زي ماانت بتقول مكنش حد اتجوز اصلا بقي
كمان القرابية ان شاء الله هتسهل الامور
مبروك مقدما 🙂 🙂
لو كانت بتحبك بجد وانت حبك ليها صادق حاول مرة واثنين وثلاثة وهى بازن الله لو بتحبك هتوافق على طول وشكرا
انصحك انك ماتروحش لانها ماتستاهلش حبك ليها وهتلاقي احسن منها قريب
اعتقد
لو كانت بتحبك
وكانت محرجة منك مثلاً
كان بدل ان تقول لك انها تحبك كأخ لبقت في مكانها صامته
ممكن شيفاك مثل اخوه حاول تعرف انه بتحب اولا اعمال نفسك بتحب وحده وهتخطبها واعمال نفسك بكلمهافى التليفون وشوف هتعمل ايه علشان متظلمش نفسك
استخير ربنا الاول وربنا يجعلها من نصيبك إن كنت مخلص
علي فكرة مش شرط انها قالت كدة يبئا مش بتحبك
ممكن تكون قالت كدة عشان متقولش عليها بنت مش كويسة
واتقدم وربنا يوفقك
اذا كان وضعك الاجتماعي تناسب معها -توكل علي الله وتقدم- الوضع العلمي اقصد-
واذا لم يكن هناك نصيب فالامر بسيط جدا -بدلا من ان تكون زوجتك -اجعلها اختا لك -لان الزوجة من الرزق الذي يعطيه الله للانسان
اخي انا واقع فى مشكلة نفس مشكلتك روح اتقدم وانت وحظك وسيبها لله وتوكل على الله وربنا معاك محمود وهبة الفيوم
نصيحه من اخ اوعه تتسرع وتروح تتقدم لها
لازم الاول تعرف حقيقة شعورها ناحيتك واذا كانت موافقه ولا لا
فانت حاول تقرب منها اكتر ولما تتاكد انها بتحبك وعايزه تتجوزك
ساعتها روح اتقدم لها وانت مطمن
اما لو عرفت انها ما بتحبكش كجواز فياريت ما تحرجش نفسك وتروح وتتقدملها
لان ساعتها الجرح هيكون اكبر
ياريت خدها نصيحه منى واسال مجرب
سيد العاطفى
مصر___بنى سويف