سبت بيت جوزى من سنة و4 شهور بعد ما ربنا رزقنى بابنى اللى عمره برده سنة و4 شهور
زوجى غلط فيا وفى اهلى كتير وفى اخلاقى وتربيتى واتهمنى اتهامات كتيرة
وساب ابنه المولود ومبعتلوش مصاريف ولا شافه طول المده دى
رفعت قضية طلاق وقايمة ونفقة وهو بعت عشان يطلقنى ودى بس اتنازل عن كل حقوقى وانا رفضت
وكل شوية يبعت انه عايز يرجعنى وتانى يوم يبعت يقول عايز اطلق وبقالنا كتير على الحال ده
لما بيبعت يرجعنى انا بطلب منه ياجر شقة برة بيت اهله او يمضى على شيك وهو مش بيرضى
دالوقتى هو باعت يصالحنى وانا بفكر ارجع عشان ابنى يتربى مع ابوه واهرب من لقب مطلقة
بس انا خايفة منه ومش واثقة فيه خصوصا انه مش بيعمل اى حاجة عشانى ولا حتى بيعترف انه غلط فيا
وخايفة اتنازل عن طلباتى يرجع يزعلنى تانى ولو متنازلتش مش هيرجعنى
اعمل ايه
مشاكل الازواج
زوجى بخيل وطماع وابن امه وطلبت الطلاق
اضيف بتاريخ: Saturday, September 7th, 2013 في 10:53
كلمات مشاكل وحلول: الحياة الزوجية, الزواج, الطلاق, زوج
الطلاق من تشريعات الإسلام الحنيف ربنا جعله حل وفرج على المتضايق لا يليق بك أن تهربى من الفرج الذى أحله الله وتختنقى بزوج مجرم لم يعرف قلبه الحنو على طفل برئ من صلبه ولا تأخذه غرائز الأبوة الطبيعية الى الإنفاق عليه كما يفعل الرجال جميعا هل إذا مات زوجك هذا لن يتربى ابنك أو هل إذا تربى ابنك فى هذا الجو المقرف سوف تنتظرين منه البر بك يوما ، هذا بخلاف تقصيره(الزوج) فى حقك الذى طالما حلمت أن تجديه فى الماضى مع زوج الستقبل اتركيه يرحمك الله من بعده
الزوج اللي مايحترمش زوجته ولايقدرهاولايصون كرامتهايبقى مايستاهلهاابداولاعمره يحافظ عليهااويسعدهااطلب الطلاق منه واصري عليه حتى تستردي كرامتك وكرامةاهلك وربنايعوضك ويكرمك بابن الحلال اللي يستاهلك ويقدرك ويسعدك الف من يتمناكي ياقمر انت شابةفي عزشبابك حرام تضيع عمرك وحياتك مع واحدزي ده
اختي اوعك ترجعي له خالص ده مش بنى ادم واستحالة يتغيير اساليني انا الاشكال دي اللي وراءه امه عمره مايبقى راجل يتحمل المسوولية ويحترم الحياةالزوجية احمدى الله انك عرفتي حقيقته حرام ترمي نفسك وشبابك وكرامتك لاجل واحدتافه وحقير وبخيل وابن امه خلي امه تنفعه وانتي اطلبي الطلاق فورا ولزميه النفقةلك ولولدك وربي يكرمك بالرجل الصالح المحترم اللي يستاهلك ويسعدك