انا مخطوبه بقالى تقريبا سنتين خطوبه تقليديه صالونات يعنى المشكله انى لحد دلوقتى لسه محبتش خطيبى مع انه بيحبنى قوى وبيحترمنى واهله كمان ناس محترمين قوى واهلى واهله متفاهمين والعلاقات مابينهم تمام بس انا مش قادره احبه هو محترم جدا واخلاقه عاليه عشان كدة وافقت عليه علشان الرسول قال من جائكم من ترضون دينه وخلقه فزوجوه انا اخترته على اساس المبدا ده وقلت مش مهم الحب هيجى بعدين وعدت شهور وسنين وله محبتوش لسه مطمنتش واتاكدت ان هو ده اللى انا عايزاه وهو ده اللى هيبقى زوجى
وفيه حاجه كمان يمكن تكون تافهه بس تعبانى قوى ان اهو خريج كليه شريعه وقانون قسم شريعه يعنى شغله هيبقى شيخ انا طبعا المشايخ على راسى بس انا عمرى ماتخيلت انى اتجوز شيخ وكل مااسمع حد بيقوله ياشيخ ببقى مخنوقه قوى وحاسه انى مخطوبه لراجل كبير انا عارفه انى بتكلم فى حاجه تافهه بس انا والله بتعب قوى لما بتخيله كده ان هو يلبس لبس الشيوخ وابقى حاسه انى مش متجوزة شاب انا كنت بتمنى فى خطيبى انو يبقى متدين ومتدين جدا كمان بس مكنتش عايزاه يبقى شيخ مش مبدا وظيفه او منصب خالص والله لكن مبدا احساس جوايا انى هتجوز شيخ انا طبعا مقدرش اقف فى طريقه والحاجه اللى هو حاببها بس اعمل ايه فى احساسى ده حاسه انى مش قابله ان جوزى يبقى كده وانا وافقت عليه من قبل مااعرف قسمه او شغله والتفاصيل دى يمكن اكون اتسرعت او هو نصيبى
انا تعبانه قوى وخاييفه يجى يوم فرحى وانا لسه مش عارفه طريقى انا فاضلى سنه تقريبا واتجوز خايفه يجى يوم فرحى وانا حزينه زى يوم الشبكة كنت بضحك فى وشوش الناس بس عشان الامور تعدى وكنت بنقى الشبكه اى حاجة فى اى حاجه عشان الليله تعدى واخلص والله العظيم كان هاين علي انا عشت طول عمرى احلم باليوم اللى هتخطب فيه واعيش احلى ايام مع خطيبى فى طاعه ورضا ربنا لكن بصيت لقيت نفسى اترميت فى بحر من الوجع والحزن والقلق من ساعة مااتخطبت كل ماشوف بنت اتخطبت او مخطوبه وفرحانه وبتحب خطيبها بدعيلها طبعا ان ربنا يوفقهم ويزيدهم لكن فى نفس الوقت بتعب قوى وبتحسر على حالى وسنين عمرى اللى بتضيع فى خطوبه ماشفتش فيها غير الالم
انا عايزه اقول ان هو بيحبنى وبيهزر معايا وهو مش متشدد خالص بالعكس محترم ومتدين ودمه خفيف برضو وانا كمان بهزر معاه بس مش بحبه وهو ميعرفش كدة هو اللى باينله انى بحبه بس بس كان حصل موضوع كدة وعرف انى مش بحبه وانا فضلت ابررله انى بحبه بس مش متاكده ومحتاجه فرصه تانيه وبعدين رجعنا زى الاول عادى
انا عملت كدة عشان مااخسروش وماظلموش بس انا حاسه انى كدة بظلمو اكتر وبظلم نفسى معاه كمان
افيدونى بالله عليكم انا تعبانه قوى وجوايا صراع نفسى كبير انا كان نفسى اعيش ايام خطوبتى لكن الحمد لله
انا دلوقتى المفروض انى فى احسن ايام حياتى وانا بجهز نفسى وهو بيجهز الشقه وبنختار الدهان والفرش وكل التفاصيل دى كانت حلم من احلامى لكن دلوقتى انا ببكى من الالم لانى كان نفسى فرحتى تكمل
افيدونى بالله عليكم وقولولى اعمل ايه يمكن ربنا يبعتلى الجواب عن طريقم وربنا يجازيكو خير
مشاكل الخطوبة
خطيبي شيخ المستقبل مش قادرة احبه
اضيف بتاريخ: Thursday, June 30th, 2016 في 05:29
كلمات مشاكل وحلول: الخطوبة, بنت, شاب, مخطوبة
ياعزيزتي مش عارف انت عاوزه ايه اكثر من كدا طالما الشاب خطيبك متدين وعلى خلق ومحترم واهله ناس طيبين ومحترمين ماتقولي الحمدلله على النعمة اللي اعطاها ربنا لك غيرك من البنات يتمنوا الخطوبة ومش لاقيين عموما عاوزك تعرفي ان الحب الحقيقي ياتي بعد الزواج و لن تندمي على زواجك من هذا الشخص بل هتكون في غاية السعادة والطمانينة والاستقرار في حياتك معو استهدي بالله وابعدي عن تلك الاوهام اللي هتخرب عليك سعادتك واتقي الله في خطيبك وتعامل معه كويس وبادليه الحب والمشاعر الصادقة ولاتظلميه ابدا واياك ان تسمع كلام الناس الاخرين كوني واثقة من نفسك ومن خطيبك ومتوكلة على الله عزوجل عشان ربنا يؤفقكم ويسعدكم في حياتكم القادمة
انت مش عاوزه الشاب المتدين الخلوق اللي بيعرف ربنا عزوجل وعايزه شاب لادين ولاخلق عنده ويشرب سجاير ولا خمره ويعاكس البنات في الشارع والا ايه حكايتك يابنت الناس مش عارف سبب مقنع لرفضك خطيبك الشاب اللي تقوليه عليه شيخ دين صدقينى انت الخسرانه لوتركت هذا الشاب خطيبك والف وحده تتمنى الزواج منه استعيذي بالله من الشيطان وتقربي من خطيبك وعامليه كويس وكوني صادقة معه في مشاعرك وعواطفك واحمدي الله على النعمة اللي اعطاك الله اياها واتركي عنك الافكاروالاوهام التي هتخرب حياتك وتدمرك والله يسترعليك ويصلح احوالك
اتركيه فورا والأن! لا تنتظري ولا يوم. أنا كنت بوضع متلك تماما، انخطبت لشب ممتاز ومتدين ومتعلم بطريقة الصالونات كما تسمينها ولكني ما أحببته ، مع أني حاولت جدا أن أحبه وكنت أقول مثلك اذا جاءكم من ترضون دينه وخلقه فزوجوه وأن الحب يأتي بعدين. كذب!!! الحب لم ولن يأتي. تركت خطيبي والحمد لله أكملت دراستي وتخرجت مهندسة كمبيوتر واشتغلت في عدة شركات وسافرت وثم فتحت شركتي الخاصة والحمد لله سعيدة جدا جدا الأن بحياتي. اتركيه لكي لا تظلمي نفسك وتظلميه بالطلاق بعدين وحتى اذا في أولاد بينظلموا معك. الزواج رزق والرزق على الله وهو سيرزقك ان شاء الله برجل تعشقيه ويكون أحسن من ما تريدين.
عسا ان تكرهو شييئا لعله خيرن لكم . يمكن يجيكي واحد اتحبيه ويسير ايمد اده عليكي ومترتاحيش معه
وخطيبك اخلاق ودين وغير هيك شكلو بحبك . استهدي بالله وتوكلي على الله بحترم وبعاملك منيح ومو مقصر معك ضلك معه
ازا مقصر عليكي اتركيهاو تعامله مو كوي س
انت مش قلت في بداية كلامك ان الرسول الكريم قال – من اتاكم من ترضون دينه وخلقه فزوجوه -لماذا انت متناقضة مع نفسك وتفكرين حسب مزاجك واهواك ومترددة وخايفة من الاستمرار مع الشاب طوال تلك المدة الطويلة مش حرام عليك تخليه يتعلق بك ويبنى عليك كل احلامه ويظنك الزوجة المناسبة له وانت في حقيقة الامر لاتحبيه ولا تطقيه خالص لماذا قبلتي بالخطوبة من الاساس والا فاكرة انو الزواجة لعبة رخيصة عندك ومشاعر الناس ايضا مالها قيمة ولااعتبار عندك اسمحيللي اقوللك انك فتاة بلااخلاق ولاتربية ولامحترمة دامك عايزة تبنى حياتك على الكذب والخداع من البداية فلن تتوفقي ابدا ومصيرها للفشل السريع مش عارفه ايو حاجة عن الدين ولاعن القيم والمبادي والاخلاق عايزة تتزوجي واحد على مزاجك وخلاص حتى لو كان بلادين ولاخلاق ولاتربية معه اهم شي يكون شاب حليوه مسبل شعره ومربي خنفاس او يشرب خمرة وبتاع بنات مش فارقة معك خلاص صارحي الشاب المتدين خطيبك وقولي له الحقيقة وبلاش شغل الكذب والاحتيال بتاعك ده زواجة مش لعب عيال وروحي تزوجي لك واحد من الشباب اللي عاجبينك وتشوفيهم سوا في الشارع او في الجامعة ومن خلال النت واتركي الشاب المتدين للانسانة التي تستاهله وتقدره وتصونه وتعرف قيمة الزواج من شخص متدين يخاف الله في حياته وانت عيشي حياتك مع الشخص اللي تختاريه وتري انه الزوج المناسب لك دون اللجو للكذب اوالخداع والسخرية من الاخرين والاستهزاء باهل الدين اللي انت ماتستاهلي الارتباط بهم ولا تستحقي ان تكون زوجة لواحد منهم وكلواحد يرى ناس بعين طبعه
مش لازم تشعرى بالخجل انك غير متقبلة نفسيا ان زوجك المستقبلى يبقى شيخ لا عيب و لا حرام ….الواضح انه فشل فى انه يكسب قلبك رغم المدة الطويلة التى قضيتماها معا و برضه خايف أظلمه احتمال يكون خجول و مش قادر يعبر عما بداخله. على كل حال أرى أن تصارحيه بمخاوفك بشأن وظيفته المستقبلية و من هنا سيكون بينكما حوار قد يبدد مخاوفك و يكون فرصة للاقتراب من بعضكما البعض اعتقد لو فيه بينكم حوار من زمان كنتى قدرتى تكونى أى مشاعر ناحيته حتى لو كنت سلبية الخطير فى الأمر اننى أشعر أنك و هو ما زلتما غرباء عن بعض و ما فائدة فترة الخطوبة لو لم تستغل فى اكتشاف و معرفة شريك العمر أسأل الله أن يهديكى الى ما فيه صلاح أمرك
اختي الجواز قسمة ونصيب وما فية انسان بهالدنيا كامل المواصفات الكمال لله وحدة وكتير من الناس مش مرتاحة مع جوزها القليل صاحب الحظ الموفق معاكي خيارين اما تقبلي بة او تضلي عانسة وتنتظري ليضيع عمرك ولسة ما شفتي الانسان المناسب كل ما يتقدم لكي شب ما راح يناسبك صلي واستخيري الله في خطيبك وشوفي الدنيا حظ ناس عايشة وناس محرومة نا بتتوفق وناس ما بتتوفق هذة من تجربتي بالحياة ينطبق قول الشاعر وما نيل المطالب بالتمني ولكن تاخذة الدنيا غلابا مش كل الناس مرتاحة ولا موفقة ربنا يوفقك بتمنى لكي النجاح
ولا شيخ ولا حاجة انسان عادي بس مربي دقنه وبوجهه شوية شعر ومتخصص في مجال من مجالات الدين , انا لدي عمي وابن عم لي اخر هكذا ولا عمرنا قلنا لهم ياشيخ الا من باب السخرية ونمزح معاهم ونلعب سوى , لكن اصبح لدى الناس عادة اي واحد مربي دقنه يقولو له يا شيخ , الشيوخ هم الذين نشأو من صغرهم في المساجد وتفرغوا للعبادات والزهد والعلم الشرعي وشاخوا على هذه الامور الزهد والعبادة وتعلم الدين وتعليمه , انا اعرف ناس متخصصين بمجالات دينية ومربين دقونهم وصايعين وما تفرقي بينهم وبين اي ناس غيرهم من غير المتدينين حتى لما نخرج نروح رحلات يكونو هم ملح الجلسات والسهرات ما يفرقوا عن غيرهم الا انهم يؤدون الصلوات باوقاتها ولا يدخنون واغلبهم بعيدين عن الفواحش والمنكرات , اصلا مصطلح شيخ غير موجود حقيقيا هذا من صنع العادات والا حتى اليهود والهندوس والبدو والعربان مربين ذقونهم او لحاهم انا اعرف بدو عندنا لحية الواحد منهم اتوصل الى نص صدره وهم مهربي مخدرات واسلحة وطول الليل سهرانين بالمقاهي , لا يوجد شيء اسمه شيخ الا عند الناس وسوف تجدينه انسان مثله مثل غيره من الناس تماما لا يزيد بشيء ولا ينقص , الا اذا كان رجل تقي صادق فهذا اكيد درجته عند الله افضل وخير من كثير من الناس , والله لو كان رجل تقي وصالح وصادق في تدينه كل انسان يتمناه لاخته وبنته ولا ياتي منه الا الطيب والاحسان , صلي استخارة وادعي ربنا يختار لك , ولا يغرك المظاهر ربما كمان يطلع واحد كذاب او دجال او يستخدم التدين ليغطي على اعمال اخرى يقوم بها , كل شيء في الدنيا جائز ,