خطيبي فرحنا كمان اسبوعين بيسمع لمرات عمه اه هي ال مربياه ماعنديش مشكله بس المشكله انه بيسمعلها بزياده وبيحكي لها كل حاجه عنه كذا مره قولتله بطريقه غير مباشره مش كل حاجة تتحكى بس مافيش فايده خايفه دا يأثر على حياتنا بعد كدا ومش عارفه اعمل ايه هو طيب وحنين بس دي مشكلته الوحيده ومش عارفه احلها يعني تتصل بيه وهو معايا تسأله انت فين اتأخرت ليه لو مامته مافيش عندي اي مشكله لكن والدته متوفيه وانا بغير منها ومش بحب مرات عمه دي ومش عاوزه حد يتدخل في حياتنا وفي نفس الوقت مش عاوزه اكون سبب اني بعده عن اهله انا بحبهم كلهم بس ماعدا مرات عمه دي من يوم ما شوفتها وانا قلبي مش مرتاح لها اعمل ايه مش عارفه
اولا – مرات عمه دي كم عمرها وهل هي امراة على دين وخلق وطيبة ام لا ثانيا- خطيبك هذا هل هو شاب متدين وعلى خلق وواثقة فيه ومتاكدة من صدق مشاعره معك ام لا ثالثا- افهمي خطيبك انك هتبقى زوجته وان اسرار الحياة الزوجية موتمنة ولايمكن نرضي بفش تلك الاسرار لاحد مهما كان ولازم خطيبك يقدر شعورك وغيرتك عليه رابعا – لو زادت تلك التصرفات من خطيبك ولم يحترم مشاعرك ورغبتك ويقدر شعورك فمن الافضل انهاء تلك الخطوبة وفسخها وكل منكما يذهب لحال سبيله وربك بيعوضك خيرمنه