اني عمري 34سنة ولسه محدش اتقدم ليه وكل الي حاولوا يتوسطوا بيني وبين عرسان كل العرسان رفضوا (بس كان في نفس الوقت معجبين كتير بس محدش يتقدم)مع اني بش مهندسة وشكلي حلو ومن عائلة كويسة ومحترمة وكل الناس بتتعجب زي الواحدة بمواصفاتي يحصل لها كده انا دي الوقت ارفض ان اقابل اي حد ممكن ان يجبوه عشان يتعرف بيه للزواج مليت وتعبت من كتر ما ترفضت الاحساس بالنقص وعدم الثقة بالنفس والمرارة والالم تعبانة عشان الوضع ده وتعبانة عشان اتحرمت من ان يكون ليه زوج وعيلة واطفال انا كل ما بشوف طفل احس بقلبي يتقطع انا عارفة ان ده امر رب العالمين بس اعمل ايه بالشاعر الي بداخلي .ارجوكم مش عاوزه حد يقول ان نصيبي لسة متحاشلي.(ملحوظة :في ناس قالولي اني معمولي سحر)
مشاكل العنوسة
عمري 34 سنة ولم يتقدم لي شخص
اضيف بتاريخ: Saturday, March 5th, 2011 في 08:53
كلمات مشاكل وحلول: اطفال, العنوسة, زواج, زوج, مشاكل البنات, مشاكل العنوسة, مهندسة
اعرف اسرة جميع بناتهم لم يتزوجوا , يقال والله اعلم انهم انتقلوا وسكنوا في بيت كانوا اهله كذلك وجوا وسكنوا مكانهم , يعني الاغلب انه حسد يمكن حسد صاب المنزل واللي يسكن فيه يصير له نفس الشيء , يقال ان العين تنزل الرجل القبر والجمل القدر او عين لامة احاطت بهم ,
اعلمي اخيتي أن ما أصابك لم يكن ليخطئك ،وأن ما أخطاك لم يكن ليصيبك، ولا يرد القدر الا الدعاء
أكثري من الدعاء وخصوصا في الاوقات الفاضله والله لن يخذل عبدا التجأ اليه
اشغلي نفسك بعد العبادات بالمباحات بدل اشغال نفسك بالتفكير والقلق
اسال الله لك فرجا قريبا
أنا زييك وعندى 32 سنة ومشكلتى أنى مش قادرة اقبل راجل والسلام انا عندى فكر مستقل وشخصية مستقلة ونفسى استقر مع رجل بمعنى الكلمة يفهم معنى الحياة ويحتوى المرأة ويكون قوى وفى نفس الوقت حنون والرجالة فى الزمن دة دلوقتى فعلاً قلوالو فى رجالة بيحملوا صفات الرجولة الحقيقية التى انعم الله عليهم بها كانت مشاكل كتير اتحلت ومنكرش أن فى ستات تقليديين ومبيعرفوش يحافظوا على أزواجهم ولا بيعرفوا مفاتيح أزواجهم عشان يسعدوهم ودة بسبب قلة الثقافة بالأمور الحياتية والزوجية لكن انا أتقدملى زميل لى اصغر منى ب 3 سنوات متزوج وبيحبنى جداااا لكنى رفضت لأنى مقبلش على نفسى الأحساس الى هى هتحس بية بس هو بيقول انها متقبلة الوضع لأنهاعندها مشكلة فى العلاقةومش بتديلة حقوقة الشرعية بسبب مشكلة كبيرة عندها نفسية وجسمانية وحياتة معاها متدمرة لكن مش عايز يطلقها عشان ابنة وانا مقدرش اقلة طلقها لأنى براعى ربناوفى نفس الوقت هو متمسك بية جداوانا خايفة أجازف ياترى ااقبل عشان سنى ؟؟ ولا اعمل اية طبعا موقف محير وخصوا انى هسافر برة معاة وهى رافضة كمان تسافر معاة وعايش لوحدة فى السعودية ومش عارفة اخد القرار وخصوصا انى اتقدملى ناس ومش متجوزين بس مش قادرة اقبلهم نفسيا انا فى حييييرة ودة حال بنات كتييير وكل دة بسبب السن وفى النهاية بقول دة نصيب ولازمندعى ونرضى بأمر الله
بازن الله ربنا هيرضيكى بزوج يراعى الله فيكى بس اصبرى
اختي العزيزة، انتي مش لوحدك ونفس المواصفات اللي بتقوليها عن نفسك كأنك بتتكلمي عني وانا عندي ٣٧ والموضوع ده ساعات بيأثر فيا وبافتكر اني معمول لي عمل وكده، لان كل اقاربي مستغربين اتي قاعدة لحد دلوقت، لكن لم بابص حواليا بالاقي بنات كتير كده وكل ما البنت بتكون حلوة ومثقفة وبتشتغل ومستقلة الشباب ساعات بيخاف منها وبتكون فرصها متأخرة شوية، لازم تصبري ده اختبار الزمي ذكر الله وقراءة الرقية الشرعية، وماتعيشيش حياتك كلها في انتظار، فلا تؤلي فرحتك ولا خروجك ولا انبساطك مع صحاباتك واهلك. اخرجي واهتمي بنفسك وعيشي حياة متوازنة واعلمي ان الله قار علي كل شيء ولا يصعب عليه سبحانه انه يزوجك في الحال لكن لو اطلعتم علي الغيب لاخترتم الواقع. لا تيأسي من رحمة الله. ناجيه في جوف الليل، ادعيه دعاء المضطر الذليل، تضرعي له (واوصيكي بقراءة الرقية الشرعية) ويفضل بعد صلاة الفجر يوميا. اكيد ربنا بيحجب عنا الضرر والشر وفي نفس الوقت يختبرنا. أذكرك ونفسي بالآية الكريمة من سورة العنكبوت (أحسب الناس أن يتركوا أن يقولوا آمنا وهم لا يفتنون). الله سبحانه يعلم معدن كل انسان ومدي قدرته علي الاحتمال وكل انسان محدد له اختبار معين في الحياة عليه أن يجتازه بنجاح حتي ينعم بمرضاة الله تعالي وبالجزاء الكبير. أتمني لك السعادة وأن يرزقك الله الزوج الصالح الذي يسعدك وتنبي منه الأطفال. عاجلا وغير آجلا ويرزقي ويرزق كل بنت يا رب.
ربنا يعينك يا اختا والله كل شي في هذا الدنيا مكتوب من يوم ما اتولدنا ومافي ايدينا شي غير الصبر بما كتبه لنا الله ام موضوع السحر موجود وعليكي بالتحسين بالرقية الشرعية لا غيره وقراءة سورة (ص) كل يوم وكمان سورة طه ووفقكي الله وانا كمان زيك بس املي في ربنا كبير
انا سنى 28 والحمد لله على كل شىء ان الله سبحانه وتعالى احسن خلقى واعطانى من الاشياء كثيرا وفكرت كثيرا مثلكم لما لم اتزوج والخ ولكنها حكمة الله للتضرع له وده مش عيب اللهم ارزقنى من لدنك زوجا صالحا واكون زوجة صالحة وان لم يعطنى فله فى ذلك حكمة وبردوا سوف اتضرعلوا … بس فى حاجة عندما لجأت لله سبحانه وتعالى تأملت فى حياتى وقتها لقيت ان بها كثير من الاخطاء فيجب مراعتها
اااانا زيك مشكلتى هى دى بس الفرق انى ميش حلوة .انفى طويل وتحت عينى اسمر،شوفتى انتى احسن من ناس تنيه كتير,على الاقل حلوة ومفكيش عيب،فنحمد ربنا على كل حاجة وعلينا بالدعاءوالصبر وعند الاحساس بالعاطفة للرجل او الاطفال فاشتكى الى الله فهو حنين ورحيم ,وما منعك الا ليعطيك ،واضحكى علشان الكائبة ما تبان عليكى مثلى .من واحدة حسه بيكى
ياحبيبت قلبى لسةواللة مجاش نصيبك وبعدين ان شاء اللة ربنا هيرزقك بواحد يكون فعلا يستهلك
الحقيقه انا عندي نفس مشكلتك وبنات كتير والموضوع ده بقا منتشر جدا وبالذات بين البنات المحترمه والمتدينه والي في نفس مستواك العلمي واعتقد ان ده اختبار ربنا بيضع فيه البنت المتدينه عشان يختبر صبرها وقوه ايمانها ربنا قادر يجوز كل البنات لكن في حكمه من كل شي ربنا بيعمله فثقي ان ربنا عايز يرفعك درجات من خلال صبرك وكمان وانه سبحانه بيحب يسمع صوت دعائك ورجائك فحد يطول ربنا يحب يسمع صوته وان شاء الله حيرزقك قريب جدا بالزوج الصالح الي يقر عينك ويستهلك مش اي حد
الزمن اللى احنا فيه للاسف زمن لايوجد فيه احد يحس بالتانى وده اللى خالنا نوصل لكده كثرة المهر وتكليف الزواج جعلة الشاب يتهرب من الزواج وخوفه من تحمل المسئوليه انا شايف الايام ديه ان معظم الشباب بيخاف وتهرب من تحمل المسئوليه خالى بالك انك لايوجد بيكى عيب لكن ارجع واقالو لكى ان ده شى مكتوب ولا يكون اللى ما كتابه الله انا معاكى انك من حقق ان تتزوجى وتنجبى اولد لكن هذه الدنيا اصبحت لاتعطى من يطلب ففوضى امرك الى الله وعسى ان ربنا يرزقك بالعريس انشاء الله كما احب ان اعرفك انى اعرف شيوخ تقراء القران على الماء ويشرب من يريد الشفاء او من هو معمله عمل وهذه الماء تفك العمل
افتكرى الاية دى بس بسم الله الرحمن الرحيم (واصبر فانك باعيــننا) صدق الله العظيم
ولا سحر ولا شعوذة
كل ده كلام فاضي..
احمدي الله أنت أفضل من كثيرات غيرك
أنت لديك علم وثقافة
وغيرك جاهلات
أنا أعلم أن غاية المرأة بيت به زوج وأطفال
ولكن لكل نصيبه وقدره
وهكذا قدر لك الله أمور حياتك
ولا أحد يعرف أين الخير وماذا سيحدث غدا أو بعد غد…
ثقي في نفسك وإياك أن تحسي بضعف،، فكوني شخصية رائعة..
والأطفال أجمل ما في الدنيا،، وليس شرطا أن يكون لديك طفلا لتمتعي نفسك بهم،، يمكنك ملاعبة أطفال أقربائك وتكوين علاقة طيبة معهم فإنهم سيشغلون فراغك..
وختاما أسأل الله أن يرضيك بما يرضاه وأن يرزقك الزوج الصالح الذي يعوضك عما مضى من عمرك وانقضى..
اختى الغاليه
انا كمان مهندسه زيك ولسه مش جه نصيبى بس لازم تثقى بنفسك اكتر من كده احمدى ربنا انا عارف بنات اتجوزوا وهما 20 سنه واقل ومش خلفوا وبنات غيرهم اتجوزا اكبر منك كمان وربنا رزقهم بالاطفال سبحان الله فى السماء رزقكم وما توعدون ليه مش جه فى بالك ان ولا واحد من العرسان دول يستاهلك وليه مش جه فى بالك بردو ان ممكن تكون شخصيتك اقوى منهك الرجل الشرقى بطبعه بيحب المرأه اللى تحسسه انها اضعف منه مش عيب انك تسألى المقربين ليكى والدتك مثلا وصحباتك اى عيوبى ومش عيب لما تصلحيها علشان تكونى الافضل لنفسك قبل اى حد تانى واعرفى دايما ان ربنا مش بينسى ابدا عبد من عباده بس اذا احب عبدا ابتلاه اتمنيتى كليه الهندسه وربنا اهدهالك يبأه اصبر علشان اكيد اللى ربنا هيهدوهولنا تانى مش شويه دنا اصبر واصبر واصبر لاخر العمر كمان وبعدين اضحكى بأه كده دنتى مهندسه اد الدنيا واحقد عليكى باه لو بتشتغلى علشان انا لسه متخرجه ونفسى الاقى شغل ……ربنا يرزقك اللى يستاهلك ياحبيبتى ياااااارب
اختي في الله ـ نصيحة منى((الــــرقـيـــــة الــشرعية ))الان انا متزوجة وام لطفل رررائع ..اسال الله لك ولجميع بنات المسلمين ازواج صالحين وذريه باره …ارددها ثلاثه اللهم آمين اللهم آمين اللهم آمين .
عزيزتى اقرئى قبل ما تنامى وانتى على وضوؤ وطهارة سورة يس ونيتك فيها ان يكشف الله ما بكى من ضر فاذا حلمتى باى شىء متعلق بما انتى فية من سحر وخلافة فاعرضى نفسك على متخصص ولقد امرنا الله سبحانة وتعالى نا ناخذ بالاسباب فهذا امر موجود ويجب ان نقر بة شفاكى الله وعفاكى وولا تمشى وراء كل من يقول انا مش مقتنع بهذا الكلام ان هناك ما يمنع من زواج او ما شابة ذلك والله الموفق المستعان
لو علمتم الغيب لاخترتم الواقع
اختي العزيزة للسحر في حاله التعطيل عن الزواج اعراضه معروفه وهي رؤيه الشخص بغير صورته الطبيعيه ان كانت هذه موجودة فاتقي الله ولا تذهبي الي ساحر والتذمي بالصلاه والاذكار واكثري من ذكر الله رب لاتزرني فردا وانت ارحم الراحمين
اصبري ان فرج الله قريب
اللهم ياحد يافرد ياصمد يارب السماوات السبع يا مفرج الكروب فرج عنها ماهي فيه واكرمها كرم الكريم اذا وهب .
مش انتي بس يا اختي بيحصلك كده والله بنات كتير زيك وانا وحده منهم بس لازم الواحد يكون مؤمن بربنا ويعرف ان الجواز والعيال هم رزق من ربنا واحنا اكيد رزقنا في السماء ادعي ربنا وصلي وبيقولوا قراءة سورة البقرة مفيدة جدا وذكر اسم (يالطيف) مية مرة يوميا وادعي لكل البنات بالجواز العاجل ان شاء الله
ربنا ييسر لك امورك
ادعى بدعاء الزواج قربي من ربنا
واعرفي ان في الاخطر في بيتجوزوا ومابيخلفوش ويطلقوا
ربنا رحيم
اقولك على حاجة انا خلاتى الاتنين برضه متجوزوش لحد دلوقتى وسنهم!!!!!!!! والناس بيقولوا حكاية السحر دى برضه لكن انا بصراحة مش مقتنعة بالكلام ده خالص ومش داخل دماغى بذرة دى حاجة بايد ربنا سبحانه وتعالى وانا بصراحة حاسة بيكى جداااااا ومتزعليش يا حببتى اكيد ربنا مأخر النصيب عشان سبب معين وكل تأخيرة وفيها خيرة اهم حاجة انك تكونى صداقات مع بنات كويسة واخرجى وتفسحى وفكى عن نفسك الدنيا مش مستاهلة ان الواحد يعمل فى نفسه اى حاجة وان شاء الله هيجيلك نصيبك لحد بيتك وهتتجوزى وتجيبى عيال كتيييير وهتقولى ورد المنى قالت وابقى اعزمينا على الفرح ربنا يصبرك
خليكى اجتماعية وتخفيش انك تعملى صدقات مع حدج واضح انك من عيلة محافظة جدا بس انت فى سن يسمحلك بالتصرف لنك عرفة الصح والغلط وممكن تختارى انتى بنفسك وربنا معاكى وسيبك من موضوع السحر خليكى مرحة وبشوشة وهتمى بنفسك وربنا هيوفقك
على فكرة احيانا الشباب بيعجب ببنات كتير بس ساعة الزواج بيفكر الاف مرة ان كانت الانسانة دى تصلح زوجة ام لا
h السلام عليكى اولا مافيش حد بياخد غير نصيبة بس فكرى انتى الاول جايز فية حاجة انتى مش واخدة بالك منها
اولا بمسى على احلى بنوته فى الدنيا بصى الجواز قسمة ونصيب انا زيك نفس المواصفات ومحدش اتقدملى الصلاة والدعاء يضاد القدر اه والله يعنى مثلا كل ما تعدى كتير القدر يتغير الصلاة وكمان الدعاء قيام الليل يكسر اى حاجة وحشة حسد ياستى عمل ده لو كان اى حاجة نصحتى روحى عمرة وازهبى للكعبة وقولى لربنا والله يارب جدتلك عشان تستجبلى وتقسمى على الله انه يستجبلك والله ان شاء الله هقولك مبروك بس صفى نيتك وادعيلى والتزمى بازكار الصباح والمساءان شاء الله الدعوة تستجاب عشان الدعاء يضد القدر
طيب أنتى ممكن تشتغلى وتحاولى تعملى ماجستير وكل لما تخرجى أكتر فى أى مجال عمل ليكى أكيد إن شاء الله أكيد ابن الحلال حيشوفك ومتستعجليش ربنا أكيد فاكرك
يعني بش مهندسة ومن عيلة محترمة ومش مقتنعة إن الزواج ده رزق وبتفكر إنه ممكن يكون معمولها عمل ، أنا معاكي ان الموضوع يقلق حبتين ، بس دي مشكلة بنات زيك كتير ، طبيبات وصيادلة ومدرسات ومهندسات وكل طوائف البلد ، وبعدين لو شفتي بنات غيرك وموقفهم هتحمدي ربنا على كدة ، يعني لو اتجوزتي وطلع جوزك بني آدم واطي وسافل وبهدلك وجبتي عيال كنتي هاتبقي مرتاحة ، ولا جوزك طلع خاين ولا عاجز ، ولا مافيهوش سمات الرجولة ، زي مابنات كتير بتعاني دلوقت وبتندم إنها اتجوزت أصلاً ، دي كلها احتمالات واردة ، أما انتي صرت أعقل في اختيار الشخص المناسب ، وبعدين من كلامك انتي إنسانة كويسة جدًّا ، خلاص يبقى اللي مايرتبطش بيكي يبقى مالوش في الطيب نصيب ، حطي دايمًا نفسك في مكانها اللي يليق بيها ، وسيبك من تصرفات الآخرين هم ليهم حساباتهم اللي أكيد ماتناسبكيش ، وبعدين بركة يا جامع ، اللي يستاهلك لسة معاده ماجاش ، بس هو جاي وأكيد وبالأصول وهايبقى أكيد يستاهلك . وهاتبقي أسعد من بنات كتير اتجوزا وهما عندهم 15 سنة بس الصبر مفتاح الفرج
ربنا يسعدك ويبعتلك اللي يستاهلك
مشكلتك محيره شويه بس انا هقولك على الى عندى انا اعتقد ان السحر هوه الى عامل كل ده عشان هوه فعلا موجود فى القراءن بس متيئسييش وان شاء الله ربنا هيبعتلك ابن الحلال وقربى لربنا عشان ربنا وحده الى قادر يخليكى زوجه وليكى اطفال وكمان ماتخلييش مخاوفك واحاسيسك تسيطر عليكى وربنا يوفئك
مش هقولك ان كل شئ نصيب ومتعرفيش الخير فين ولسه ربنا شيلك رزقك .
أنتى عارفه دا كويس ومش محتاجه اقلهولك يعنى .
بس انتى لفتى نظرى لموضوع السحر دا هوا ممكن وارد يعنى مش بعيد ان يكون معمولك سحر .
وكمان انتى بتقولى فى عرسان وبيرفضو .
طب ايه سبب الرفض؟؟؟
أكيد فى سبب وبعدين غريبه ان كل العرسان يرفضو .. أكيد فى سبب .
بس فعلا انتى ممكن تروحى لشيخ وتشوفى موضوع السحر دا .
بس عايزه اقولك حاجه لو ربنا مش كاتبلك ان يبقا ليكى زوج فى الدنيا .
هوا شايلهولك فى الجنه ان شاء الله .
وياريت تقولى الدعاء دا
اللهم ارزقني زوجا صالحا تقي نقيا مجاهدا في سبيلك يأخذ
بيدي إلى الجنة و يكون في قوة عمر و جمال يوسف
و رقة أبي بكر و حنية عثمان و يحبني كحب محمد لخديجة
و أحبه كحب خديجة لمحمد صلى الله عليه و سلم
يارب ياحنان يامنان فرح قلبى قريب
الحمدالله رب العالمين وصلى الله على سيدنا محمد واله الطيبين الطاهرين .
اللهم انى اسالك بأنى اشهد انك انت الذى لا اله الا انت الاحد الصمد الذى لم يلد ولم يولد ولم يكن له كفوا احد . اقضى حاجتى . آنس وحدتى .. فرج كربتى اجعل لى رفيقا صالحا كى نسبحك كثيرا ونذكرك كثيرا فأنت بى بصيرا يامجيب المضطر اذا دعاك . احلل عقدتى . آمن روعتى . يالهى من لى الجأ اليه اذا لم الجأ الى الركن الشديد . الذى اذا دعى أجاب . هب لى من لدنك زوجا صالحا . اجعل بيننا الموده والرحمه والسكن . فأنت على كل شئ قدير . يامن قلت للشئ كن فيكون . ربنا آتنا فى الدنيا حسنه وفى الاخره حسنه . وقنا عذاب النار . وصى اللهم على سيدنا محمد وعلى اله وصحبه وسلم .
اقرى الدعاء دا كتير . وربنا يارب يرزقك بالزوج الصالح عاجلا غير اجلا .
الله يعينك ويصبرك وينعم عليك بنعمة النسيان ومش حقولك اعملي في تربية الايتام لان اي حاجة في الدنيا مش حتعوضك عن الفطرة والحاجة للعيلة والاستقرار…. ربنا يعوضك في الاخرة انشاء الله.
السلام عليكم يااختى
فى البدايه احب اقولك ان محدش يعرف الخير فين ويمكن عدم زواجك لحد دلوقتى خير لكى اكيد بتسالى ازاى اتحرم من حاجه كويسه ويكون خير ليا؟ بصى يا ستى مش ممكن تتجوزى وزوجك يطلع انسان ميتعشرش او اولادك كانوا يطلعوا مش كويسين وساعتها تندمى على اليوم الى اتجوزتى فيه او مشاكل اخرى .الى عاوزه اقوله هو الى انتى فيه ده خير لان ربنا مش بيجيب الا الخير ولازم تصبرى وتحافظى على فروجك بقول الله تعالى 0وحافظو على فروجهن)ولازم يبقى عندك ثقه فى الله انه هيعوضك وصبرك واحتمالك هو ثوابك فى الدنيا الكلام سهل والفعل اكيد صعب بس بيبقى اصعب مع الى معندهمش ثقه فى الله وارجو منك ألا تفقدى الثقه فى نفسك .(لما تقراى ردى ارجو التعبير عنهبالموافقه ام لا).
مش لازم الانسان ياخد كل حاجه فى الدنيا , و اكيد ربنا معوضيك بحاجات تانيه بس انتى مش واخدى باليك منها .
طبعا انتى متئومنيش بالسحر والاعمال والكلام ده انا رائى قربى من ربنا وادعى وان شاء الله ربنا هيعوضك فى حاجة احسن ومتيأسيش من حايتك اشتغلى وقابلى كل اللى يتقدملك ولا ييأس من روح الله الا النفس الضعيفة
اختى العزيزه لا سحر معمول ولا عمل ولا أى شىء وحسب مواصفاتك اللى قولتيها فأنتى لا ينقصك شىء ولكن . نقول كلام بهدوء صدقى ربنا قبل ما تصدقينى أو تصدقى
أى حد يقولك ان نصيبك لسه مجاش . يعنى ايه الكلام ده. معنى الكلام ده ان نصيبك
وزوج المستقبل اذا كان مكتوب فى علم الله من قبل أن يخلق الكون أنه سيأتى ويتزوجك فأكيد أكيد هيجى ويتزوجك رغم عن كل البشر بس ربنا اختارك من بين الناس وحطك فى اختبار الصبر وقوة الاحتمال . هتقولى وليه يعنى اختارنى أنا مفيش غيرى وهكذا ليه البنات بتتجوز وأنا لسه. طبعا ده حوار بيدور فى رأس أى بنت تأخر زواجها لكن برضه بيكون فيه اعتراض على أمر الله وقدره. صدقينى اتحملى واتركى أمرك لله وقولى يا رب انت اللى عالم بالخير فين يكون وانت ربى وانت خالقى وانت أعلم بى وبحالى فيسر لى حالى وأكثرى من الاستغفار ورددى دائما الأيه الكريمه والتى تقول. بسم الله الرحمن الرحيم.( فقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم أنهارا) معنى ذلك أن الرجوع الى الله والاستغفار الدائم والندم على الاعتراض يكون سببا فى العون من الله
للانسان ويرزقه وقتها بالزواج والأولاد والأموال هذا غير جزاء الأخره من الجنه ونعيمها. وبشر الصابرين.
اولا انا عايزة اقولك حاجة مع احترامى لكلامك موضوع الجواز ده والله بجد قسمة ونصيب ومش معنى انك ما اتجوزتيش يبقى انتى عندك نقص او اى حاجة لا سمح الله انا عارف بنات زى القمر وما فيهومش اى عيب وكمان اكبر منك ولسة ما اتجوزوش بس لسة نصيبهم ما جاش واكيييد ربنا شايلك خير والله بس انتى ما ترفضيش انك تقابلى الناس اللى بتجيلك ادى لنفسك فرصة وما تقوليش انك مليتى ولا تعبتى هى دى سنة الحياة وبالنسبة لموضوع السحر ده ما تركزيش معاه خالص بس لو تقدرى تجيبى شيخ موثوق فيه ويعرف ربنا يرقيكى عشان بس تطمنى من الموضوع ده
دي فعلا يكون صحيح موضوع السحر .. انصحك تروحي لشيخ يعالج بالقرأن وليس دجال .. مع الدعاء ان شاء الله هتتحل المشكله .. تقربي الي الله .. رزقكي الله زوج صالح يتقي الله فيكي
هناك أدعية لتعجيل الزواج لفضيلة الشيخ أحمد عبده عوض فى كتابه الأدعية الجامعة ……أولآ قراءة سورة المعارج يوميآ مرة واحدة وقراءة سورة الواقعة ليلة الجمعة مرة واحدة وقراءة سورة الذاريات مساء مرة واحدة …..وهكتبلك آ يات تقرأيهامائة مرة كل يوم؟(لو أنفقت ما فى الأرض جميعآ ما ألفت بين قلوبهم ولكن الله ألف بينهم انه عزيز حكيم)…(ومن آ ياته أن خلق لكم من أنفسكم أزواجآ)…(وربك يخلق ما يشاء ويختار ما كان لهم الخيرة سبحان الله وتعالى عما يشركون)…(وما تشاءون الا أن يشاء الله رب العالمين)…(لا اله الا أنت سبحانك انى كنت من الظالمين)….(وخلقناكم أزواجآ)….(ربنا هب لنا من أزواجنا وذرياتنا قرة أعين واجعلنا للمتقين امامآ)…(وأيوب اذ نادى ربه أنى مسنى الضر وأنت أرحم الراحمين )…(انما أشكو بثى وحزنى الى الله وأعلم من الله ما لا تعلمون)…(ماشاء الله لا قوة الا بالله)..(هو الذى خلقكم من نفس واحدة وجعل منها زوجها ليسكن اليها)…وبعد كده تقولى يا حى يا قيوم برحمتك أستغيث ..مع صدق النية والتوكل على الله ةصلاة الفجر حاضرآوعدم الوقوع فى المعاصى وصلاة ركعتين حاجة بنية الزواج والتصدق بيقين؟؟؟؟؟؟؟؟؟؟؟وهقولك حاجة ربنا يرزقك بالزوج الصالح النافع
لو انتي بالمواصفات دي فعلا يبقي دي حاجة غريبة بس اكيد انتي عاطية كل وقتك للشغل لازم تخرجي في كل مناسبة وتروحي اماكن جديدة عليكي وفي رجالة كتير في السن ده واكتر بيدوروا علي عرايس يمكن نصيبك يبقي في واحد منهم وشكرا
حاولي بس تتقربي من ربنا اوي وانتي ان شاء الله لو معمولك حاجه ربنا يحلهالك واقري قران دايما واكيد كل شئ باوان انتي مش لوحدك كدا بنات كتير نفس حالتك ارضي بقضاء الله