انا بنت عندى 22 سنه وكنت مخطوبه قبل كده من 3 شهور من واحد عمل الغلط من مد ايده عليا ورفع صوته عليا فى بيت اهلى واهانته ليا وترياقته عليا واهلى وكمان بيحاول يقلل منى ويحسسنى انه احسن منى وكمان محاولته لسيطرته عليا (كل دا فى شخص واحد) المشكله بقى فى اهلى لما كنت بتخانق معه على اللى بيعمله دا كانوا بيقفوا فى صفه لما احكيلهم على اللى عمله كانوا يا اما يكدبونى يا اما يقولوا عليا انى بقافله على الواحده ولما كانوا يشوفوا الغلط بيعنيهم كانوا يقولوا عادى مش مهم واتفجئت بيهم لما قلت لمامتى انه باسنى بالعافيه كان ردها كل المخطوبين كده وولما قلت لبابا قالى انتى اللى عايزه كده وكانوا برده بيدافعوا عنه وكل مره كنت بقول ليهم مش عايزاه كانوا بيقلبوا عليا ويخلوا عيشتى طين ولما جب اخرى قالولى انهى انتى الموضوع مش لنا دعوه بيكى وان ربنا هيحاسبنى علشان ظلمته ويقولى ربنا هيوعدك باللى اوحش منه ومامتى بقى انا كنت بعتبرها صحبتى كنت بقول لها على كل حاجه ومش بخبى عنها اى حاجه بقت تقول لبابا على الحاجات دى وبطريقه وحشه وقومت الدنيا عليا
بقيت حاسه ان مش دول اهلى خالص اللى علمونى الصح والغلط انا رعيت ربنا فيهم وفيه لكن مش لقيت حد منهم واقف معايا وطول الوقت شتايم وتنبيط بالكلام عليا وكلامهم يجرح اوى مبقتش قادره استحملهم ولا استحمل كلامهم
انا طول الوقت ادعى ربنا ليهم بالهدى وبقعد اقرا قران كتير واستغفر ربنا
نفسى حد يقولى انتى مش غلطانه لما سبتى بنى ادم زى دا نفسى حد يقولى انى مش ظلمته دا اللى كان نفسى اسمعه منهم
ممكن حد يقولى اعمل ايه
مشاكل عائلية
اهلي في صف خطيبي ضدي رغم الاهانة
اضيف بتاريخ: Saturday, November 23rd, 2013 في 03:25
كلمات مشاكل وحلول: بنت, مخطوبة
للاسف بمصر يوجد الكثير من الاهل الذين يعتقدون ان البنت عالة وان الزواج حتى لو من انسان سيء الاخطاء سيكزن جيد لابنتهم ما يعرفونة انهم يرتكبون الخطا من البداية ومع الزواج ستصبح المشاكل اكبر فسخ الخطوبة ولا الطلاق يعني الاثنين ممنوع يعني انتهم تضعونها وسط نارين للاسف سببة التخلف العقلي والجهل وتراكم الطبقات فوق الجهل ليخنق الانسانية اتعجب اين المسؤليين والمتعلمين فالبلد الكبيرة لنشر الوعي .نصيحتي لكي ان تحاولي اقناعهم بانهم يرتكبون خطا ان لم يفهموا للاسف بسبب الجهل والتفكير الرجعي اتمنى ان تحاولي التفهم التعايش ثانيا واولا واهم شيء ان لاترتكبي ذلك الخطا مع اولادك واتمنى ان تتعلمي وتتخرجي لان التعليم والنجاح هي الحرية الوحيدة والامل بان لايتكرر وضعك ولتصبحي اكثر وعي وليحترمونك الناس ويعرفوا قيمتك ولتصبحي شيء مهم وفعال بمجتمعك لتعرفي مكانتك ولتكتشفي شعور جميل من الوجود والتميز والمكانة الجمال الذي ستنشرية للكون .
بصراحه مش عارف اقولك ايه دا انا لو ابو خطيبتى عرف ان انا بوستها كان رمانى من البلكونه ,,, بس انتى كده صح
ابنتي العزيزة كل واحدفي الدنيادي مبتلا في دينه اوفي اخلاقه اوفي عمله اوفي كل شي في حياته والمومن دايمامبتلالازم تعرفي الشي ده وتحتسبي الاجروالثواب من رب العالمين قال تعالى- وبشرالصابرين الذين اذااصابتهم مصيبة قالواانالله واناليه رجعوان – و-انمايوفى الصابرون اجرهم بغيرحساب – واعلمى ان الصبر على البلاء من علامات المومن التقي حافظي على اخلاقك وشرفك وكرامتك وبري والديك مهماشفت منهم من اساءةاومعاملة غيركويسة تنالي رضا رب العباد عنك وتاكدي ان الله يرضى عن الباربوالديه والقايم بحقوقهم عليه ويبارك لهافي عمره ورزقه ويرزقه الذريةالصالحة برواباكم تبركم ابناءوكم ولايضرك مافعلوه اوماقالواعنك دامك ترضي الله وتخشي ربك في كل تصرفاتك وافعالك وربي يسترعليك ويرزقك بالزوج الصالح اللي يسعدك في حياتك