السلام عليكم
أنا هحاول أحكى حكايتى بشكل مختصر ، أنا إسمى أ*** عمرى 24 سنه إتخرجت من حوالى 3 سنين و مازلت عاطل دايما فيه مشاكل فى البيت و الصغير مبيحترمش الكبير و كله بيزعق فى كله و الأب و الأم مبيعملوش حاجه و يوم ما يعملوا بيزعقوا و يشتموا الكل الظالم و المظلوم و بما إنى عاطل فكل شوية أبويا أو أمى بيقعدوا يذلوا فيا حتى أخويا الصغير بقى بيذل فيا علشان أبويا هو اللى بيصرف عليا و فتحت مشروع من فتره لكن المشروع فشل و مشفتش من وراه غير الصداع كل يوم و قلة القيمة لذلك قررت إنى أقفله خصوصا بعد ما الدخل الشهرى للمشروع بقى أقل من قيمة الإيجار و شكلى هبدأ من جديد أفكر فى أى حاجة تانية و أنا حاليا ماليش أى أصدقاء و البركة فى أمى طفشتهم كلهم لإن كل ما كان واحد ييجى يزورنى فى البيت كانت بتطفشه بأى وسيلة و يمكن بقالى حوالى 6 سنين مزورتش حد ولا حد زارنى أما بالنسبة لإخواتى فالأخ الأصغر منى غبى بمعنى الكلمة و تافه و كل لما حد يكلمه يتكلم بصوت عالى وطبعا لا أبويا ولا أمى قادرين عليه أما أختى فدى واخده حماية من أمى و مبتخليش حد يكلمها أو يحاسبها و لو حد كلمها بتزعل وبتقرفنا فى عيشتنا و إكتشفت من فتره إنها بتكلم ولاد على الفيس بوك فمش عارف أعمل إيه ؟
فياريت تقولولى الحل لمشكلة أصدقائى اللى بعدوا عنى بسبب أمى ؟ و فى أبويا اللى مالوش كلمة ؟ وفى حياتى الكئيبة اللى مش لاقى لها مخرج ؟ وفى أمى و أبويا اللى عمالين يذلوا فيا علشان أنا عاطل ؟ وفى مصر اللى مفيش حد بيشتغل فيها إلا بالواسطة ؟
انت يا عبده برضك مثل الأخ صاحب الموضوع اذا مش عاجبكم مصر خلاص ارحلوا عنها وهاجروا شباب اخر زمن مصر ام الدنيا وفيها خير ليوم القيامة وعمركم ماتلاقوا بلد احسن منها ولااهل احسن من أهلها مع اني مش مصري أصلا ولكن عشت فيها اجمل أيام عمري ولازلت احبها من كل قلبي ولي فيها ذكريات لايمكن انساها ابدا وأصدقاء اعزاء لاقدر استغني عنهم
شوف يااخي دي مشكلة موجودة في كثير من البيوت والاسر وليست معاك انت لوحدك ولاتلقي باللائمة على ابوك وامك بل الظروف والمتاعب تخلي البني ادم بالشكل دا وانت الان شاب 24 سنة راجل اعتمد على نفسك وعش حياتك مثل بقية الشباب اعمل لك أصدقاء واخرج معاهم ومش شرط اهلك يعرفوا مين اصحابك لانك مش صغير اوبنت عشان يخافوا عليك بالشكل دا وابحث لك عن عمل تعيش منه وتكون نفسك والشغل مو عيب في مجال كان المهم انك ماتقعد في البيت كما النسوان حتى النسوان صاروا يزاحمو الرجال في الاشغال وماعاد يحبوا قعدة البيت ابدا ولو جاك عقد عمل بر مصر سافر يااخي زي الشباب الاخرين وربنا معاك ويؤفقك ويكرمك بالرزق الحلال ويفتح أبواب رحمته عليك انت وكل إخواننا وابناءما الشباب
بص يا عم
بالنسبة لأصحابك عادي ممكن تصاحب ناس جديدة ,أ ترجعلهم تاني مفيش مشكلة بس المرة دي انت اللي هتروحلهم متخليهمومش هما اللي يجولك ولا حتي تخلي مامتك تعرف انك رجعتلهم
أما أبوك حاول تسمع كلامة ومتزعلوش لأنك فعلا محتاجله وهو الوحيد اللي هيقف جنبك وهيساعدك لغاية لما تقف علي رجلك تاني وفهمه الوضع اللي أنت فيه ومعلش أستحمله عشان علي الأقل يكون راضي عنك
حياتك الكئيبة دي بقا بتاعة ربنا مش بتاعة حد تاني انت لازم تستمر ف حياتك وتتعب حرفيا عشان توصل لأي حاجة انت عايز توصها ف أرضي باللي انت فيه وحسن علاقتك بربنا وهي دي اللي هتحللك كل حاجة
أما بالنسبة لأختك حاول تكلمها بينك وبينها ف موضوع الولاد ده وفهمها ان انت خايف عليها ولو رجعت للموضوع تاني ممكن تقول لوالدك او والدتك يتصرفوا معاها بس من غير ضرب او مشاكل كبيرة ولو فيه حد من والدك او والدتك عصبي جدا يستحسن متقولهوش خصوصا لو انتوا علية متدينه
اما مصر بقا ف للأسف كلنا عايشين فيها 🙁
ربنا معاك يارب وتحل كل مشاكلك