انا عندي 16 سنة بس شكلي شكل طفلة عندها 7 سنين بالكتير، انتوا عمركوا مهتتخيلوا اد ايه انا وحشة وشكل جسمي وحش اوي.
يعني الناس مثلا بتضايق لما يسألوا حد هم وحشين ولا لا يقولهم لا حلوين بكذب صح؟؟ انا بقا بيتقالي مش مهم شكلك سييك منه انت روحك حلوة، محدش بيعرف يكذب عليا حتى ويقولي غير كده.
حتي روحي بقت وحشة لاني بقيت كئيبة بعد ما كنت على طول بضحك، بس تعبت معدتش بعرف انزل اقعد مع الناس ابدا بسبب ان كل ما أي حد يشوفني لاما يبصلي بصات وحشة لاما يقولي انت عاملة كدا ليه.
انتوا متخيلين ان فيه ناس كانوا بيحبوني اوي اوي اوي و بيكلموني كتير قبل ميشوفوني ولما شافوني فضلوا يبصوا بقرف وبعد كدا لما شافوني معادوش بيسلموا عليا حتي؟؟
لما بقعد مع عيلتي ف رمضان ببقى مضحكة القعدة ليه؟؟؟ صحبتي حلوة اوي اللهم بارك اللهم بارك اللهم بارك وانا بحبها جدا بس هي بتقعد تتباهى بجمالها قدامي وتبصلي بقرف وتقولي انت شبه العرس كدا ليه؟
انا تعبت والله العظيم وحاجات كتير اوي، انا عمري ما روحت حتة غير واتقالي انت وحشة وشكلك غريب، والناس بتبعد عني طب ايه علاقة شكلي بانهم يبعدوا عني؟؟
ومرات عمي بتكره ماما بس هي ما شاء الله اللهم بارك ربنا رازقها بقمرات ربنا يحفظهم، متخيلين انها بتغيظ امي ببناتها وبيا وبتوقف بناتها جنبي وبتخليهم يضحكوا على شكلي مع انهم اصغر مني بكتير بس شكلهم احلي واطول وشكلهم بنات يعني اللهم بارك.
والله انا ما بحسد حد ربنا يباركلهم ف جمالهم، بس انا كل شوية حد يقولي انت وحشة كرهوني ف نفسي وف حياتي.
ومحدش يقولي الكلام بتاع مش بالشكل لانه بالشكل ومش بالروح الحلوة ولا حاجة ما روحي قبل ما الناس يشوفوا شكلي بتبقي هي بعد ميشوفوا شكلي بيبعدوا ليه بقا؟؟
ومحدش يقولي ثقي بنفسك عشان الناس تشوفك حلوة، انا بلبس احسن لبس وعمري محسست حد اني كارهة نفسي، بس انا شكلي بيتكلم بوحاشته بلاش الكلام المحفوظ ده كله.
بس افتكروني ف دعاؤكم انا عايزة ابقي شبه البنات، بس ادعولي أمانة عليكم ابقي حلوة واخش الكلية الل نفسي فيها واخش الجنة، يا رب كل الل يدعيلي ربنا يرزقه الفردوس الاعلى وراحة البال وكل الل نفسه فيه ويبعد عنه كل شر ويقرب منه كل خير.
ادعولي امانة عليكم لاني معنتش حتى بكلم الناس ولا عارفة اقرب من حد ولا انزل من بيتنا حتى، والله الحمد لله انا راضية وربنا عاطيلي نعم.
انا لو استغفر الله اتخيرت بينها وبين الجمال هختارها بس انا تعبت نفسي احس اني بنت بس حتى!!
انا عندي نفس مشكلتك و ادك و بنت ممكن نبقي فريندز عادي :”)
هو انا ليه وحشة هو انا ليه مش حد بيحبني هو انا ليه مش بشوف حد معجب بيا غير الناس العادية خالص هو انا ليه مش بحب شكلي ولو حبيته يوم برجع تاني يوم اكرهه انا انسانة مهملة جدا نشج بعرف افكر و ممكن احيانا بغير من اللي حوليا حتي لو حولت كتير اني اتحكم في الغيرة ديه وهو انا ليه غيابي مش بيفرق معاهم ليه وصلت لانهم يقولولي في وشي ان روحي مش حلوة ومتحبش انا حتي شكلي في الصور مش حلو
مش اعتراض علي خلقة ربنا بس انا تعبت من نفسي وكرهتها
للاسف فعلا معظم الناس مش بس الرجاله بتحب البنات الجميله يعني مره لقيت شاب بشتري منه حاجه وشاف بنت صغيره في السن بس عيونها ماشاء الله تبارك الله عليها والشاب كان مزهول رغم انها صغيره يعني عينه كانت هتاكل البنت كان بيضحك ويدلل معاها
رغم انها صغيره وكمان ميعرفهاش
العبره ف كلامي،،، ان الناس بتعجب بالحاجه الجميله
لاكن ده مش كافي انهم بيحبوها
يعني انتي ممكن تعجبي بجزمه بس هي ضيقه عليكي
هتشتريها،، لا طبعا هتاخدي حاجه بديله ليها
هو كده انتي ربنا خلققك لشخص هتكمليه شخص يشبه تفكيرك
ممكن يكون ربنا مدلكيش الجمال الظاهري .. الي يعجب الناس
بس اكيد ربنا مديكي رزق طالما اتخلقتي يبقا ليكي هدف ورزق وفي مهمه انتي جايه تعمليها
لازم تتعلمي تثقي بربنا ثم نفسك
واخر حاجه،،
اوعي تحسسي نفسك انك عبء.
وقربي من ربنا اوي وانسي الناس،، وخلي عندك امل بالله
وانا اوعدك ان ربنا هيغير من حياتك.. لانك حقيقي انسانه من جوا وانسانه نادرة ♥️
بصي مش هقولك كلام اصبرك بيه
بس احنا كرجال بناخد بالمظاهر لكن بنحب الروح الحلوه اكتر من المظاهر
بمعنى انتي ممكن تشوفي بنت شكلها مش حلو نهائي ماشية جنب احد او متجوزه راجل وسيم وشيك وبيعشقها صح
ليه بقى ده علشان الروح الحلوة هي اللي بتعلم جوه اي انسان
اهتمي بنفسك ونظافتك وشكلك الخارجي والداخلي واقسم بالله هتغطي على بنات قمرات
اقولك حاجة تانية
انا حصل معايا موقف والله على ما اقول شهيد
خطبت بنت حلوه جدا جدا جدا ومحترمة جدا جدا حسيت اني معايا كنز وربنا عوضني
وشهادة الجميع ان البنت دي هي واللي زيها امل اي شاب
بس للاسف مستحملتهاش غير سنة وكنت جبت اخري منها
كئيبة وسيئة الظن دايما
كرهتها وقلبي اتقفل من نحيتها نهائي لدرجة اني في اخر ايمي معاها قبل فسخ الخطوبة كنت بنهار لمجرد اني اشوف رقمها بيرن عندي مش طايقها حتى في خيالي
تخيلي ده بقى انتي
ف مش بالشكل خالص
واي راجل مدرك هيقولك مش الشكل هو العامل الرئيسي في الحكم وتكوين الرأي
انتي مش وحشة ولا حاجة .. انتي بني ادمة عسل وقمر. انا احترمتك جدا لما لاقيتك كتبتي علي صاحبتك اللهم بارك
رغم انك كان ممكن تقولي حلوة وتقولي دي بني ادمة مغرورة وفيها وفيها لكن انتي اخلاقك الجميلة طغت عليكي .. عاوز اقولك أن عيلتك بيحبوكي ..دا انتي اللي بتحلي القعدة معاهم لو انتي شخص عادي خلاص مش هيفرق معاهم وجودك ..نصيحتي ليكي انك تحاولي تهتمي ينتظرك وجمال في حدود الدين
.يعني مثلا وانتي في البيت اعملي وصفات لشعرك أو حطي كريم وروج وظبطي نفسك وانتي في بيتك بس متتصوريش ابدا ولا تخلي حد بصورك ..وربنا هيوفقك في حياتك كلهاااااااا ان شاء الله وهتشوفي
لاحول ولا قوة الا بالله عمرها مكانت بالشكل صدقيني خليكي واثقة بنفسك دوري ع اكتر حاجة بتحبيها وطوري نفسك فيها وهتنجحي باذن الله ويوم متنجحي هيقولولك واو عملتيها ازاي وهيحسو بنقص فعلا هما اه ممكن يكونو جمال بس ربنا بيعوض عبده متستسلميش ودوري ع نفسك
أنا مقدر حجم مشكلتك وعارف العذاب اللى انتى حاسه بيه بس صدقينى لا الجميله من جواها سعيده ولا العاديه سعيده لكن فيه حاجه لازم أنبهك ليها إنتى لسه عيله عندك 16 سنة يعنى مع الوقت ملامحك هتتغير للأحسن ان شاء الله ولازم تغيرى من نفسك يعنى لازم تذهبى لطبيب يشوف أيه سبب قلة حجم جسمك والعبى رياضه وحاولى تاكلى أكل صحى وان شاء الله هتبقى زى الفل…أختى الجميله ربنا يسعدك ويملأ قلبك بالرضا والسرور
حبيبتي أنا كتت ف صغري تقريباً كنت كده زيك و بالرغم لما كبرت و بقى ليا معجبين و شايفيني حاجة كبيرة أوي و حلوة جداً أنا بردو شايفة نفسي زي ما كنت صغيرة وحشه و بفضل اتريق على شكلي و جسمي و كل حاجة فيا و بيتقدملي ناس و بحس ف عيونهم بانبهار بشكلي بنبرة صوتي و مع ذلك أقسم بالله بحسهم ما بيفهموا عشان شايفة نفسي اوحش واحدة ف الكون ف انتي يا حبيبة قلبي ولا تشغلي بالك أنا مكنتش بشغل بالي و من غير ما حد يقولي انتي حلوة أو وحشه أنا كنت بفضل اتريق على نفسي عادي عشان محطش ف بالي حاجة تزعلني و أقول دي خلقة ربنا و بالمناسبة بردو شكلي أصغر من عمري بكتير بس بصراحة دي حاجة بحبها ف نفسي جدا ًًًًًًًًً وتلاقيني أتعامل على إني صغيرة فعلاً مش كبيرة مع ناس أصغر مني أصلا ً وبعدين 16 سنة لسه صغنونة عيشي عمرك ده و اهتمي بمذاكرتك و إن شاءالله مع الوقت الشكل بيتغير و كتير كمان بكرا إن شاءالله الكل ينبهر بجمالك بس انتي متحطيش حاجة ف بالك تزعلك والله مافيش حاجة مستاهلة وبعدين حاولي بصي للأقل منك ف كل حاجة هتلاقي نفسك أحسن منهم الحمدلله ع الأقل الحمدلله بصحتك مش عندك إعاقة بس والله فعلاً لو حبيتي نفسك زي ما انتي و طنشتي أي حاجة تزعلك صدقيني هتبقي إن شاءالله أحلى واحدة ف الدنيا و على فكرة كمان أنا جه عليا ظروف خلتني أكره إن شكلي الحمدلله أتغير للأحسن وبقى لي معجبين عشان أقسم لك بالله وقعت ف مشاكل كنت بعاني بسببها جامد و كرهت شكلي اللي بقى أحسن م الأول كتير واتمنيت أرجع لعمرك ده و يرجع شكلي وحش زي الأول كان كل ده أرحم لي ف المشاكل اللي وقعت فيها احمدي ربنا كتير ع اللي انتي فيه و خلقة ربنا كلها جميلة أهم حاجة تطلبيها الستر و راحة البال بجد والله أنا لسه عندي مشاكل و بعاني منها و بنات كتير بيعانوا من حاجات أكبر من مشكلة الشكل و الجمال
في الموقع ده شفت قصه لبنت بتحكيها وبتقول كانت وهي صغيره وتقريبا من سنك. بتقول كان شكلها وحش والناس تتريق عليها ولكن البنت تعبت ولجأت الي الله وكانت تقيم الليل وتشتكي الي الله وكانت تدعي ان ربنا يرزقها الجمال وفعلا بعد سنين بقت من اجمل البنات وجمال فوق الوصف ودي قصه حقيقيه وفي الموقع ده وتقدري تبحثي عليها كمان… الخلاصه اطلبي من الله المستحيل وهو مجيب…. كفايه قلبك الابيض اللي لا يحسد حد وقيمي الليل وادعي بكل شي ولا تأيسي من رحمة الله
شوفي يابنتي الغالية قال تعالى – ولقد خلقنا الانسان في احسن تقويم – ولاحد يعترض على خلقة الخالق عزوجل فقلي الحمدلله على كل حال واوعك تتاثري بنظرات الاخرين لك وكلامهم عنك الجمال الحقيقي ليس في الشكل وانما في الاخلاق والدين والتربية وانت ربنا حارسك بنت محترمة وتعرفي ربنا كويس وعلى دين وخلاق وتربية فاضلة مش عاوزك تبعدي عن الناس و لا الوحدة والانطواء بل اخرج للحياة وشاركي الناس همومها وافراحها واحزانها و خليك واثقة ومعتزة بنفسك وباخلاقك وتربية اهلك لك وبالمحافظة على صلاتك وقراءة القران وبالصوم والاستغفار والدعاء لك وللاخرين وبالاهتمام بدراستك والتفوق فيها واياك والكسل والإحباط او التذمر والياس وأيضا اهتم بمظهرك ولباسك فانت فتاة شابة في سن الشباب البسي وتعطري وتجملي وسرحي شعرك ومارسي حياتك بشكلها الطبيعي وربنا يسترعليك ويصلح حالك ويؤفقك ويسعدك طوال عمرك ويجعلك من خيرة البنات الصالحات النافعات لاهليهم ومجتمعهم ويبارك فيك ويزيل عنك كل الهموم والغموم والمتاعب ويرزقك من حيث لاتحتسبي اللهم امين
انتي تبالغي في تفسير كلام الناس وحساسيتك زائدة ، اكثر الناس يقولو اي كلام لا يفكرو فيه ولا يهتمو له مجرد كلام وخلاص ، ولا يهتم الناس باشكال بعضهم ولا تهمهم صورهم الا من يريد ان يتزوج من بنت يبحث له عن جميلة ،اما غير هذا لا يعنيه شكلك ولا صورتك ،ومن طبيعة الناس انهم لأا يحبو الا اولادهم وانتي لن تجدي مودة لك الا عند والديك واخواتك ،لا تطمعي في هذأ من الناس ، سواء كنتي جميلة او قبيحة هذا ليس اهم شيء في حياتك ، من تعطى في الدنيا شيء ينقص من حظها في اخرتها ومن تحرم من شيء من الدنيا تعطى اجمل منه بعد موتها ،كل شيء بعدل وميزان لن يظلم انسان مثقال الذرة ، لا يحزنك اي شيء الا ان تحسدي غيرك او تظلميه فيقتص حقه من حسناتك ونصيبك ، لو رأيتي جمال رأيته في بعض من اعرفهم في صغري كانو يغارو منهم ويحسدوهم الان صارو بلا ملامح القبيح مثل الجميل مجرد اجساد عليها جلود متجعده ، الحاسد والمحسود لم يتبقى الا اخلاقهم واعمالهم ، لا يفتنك كلام الناس ويستخرجو به شر نفسك وتخسري ما كتب لك في الاخرة يعوضك عن الدنيا ، الكلام لا يضر ولا يؤذي الا الحمقى ، لو وصفوك الناس بابشع الاوصاف لا تبالي بكلام الناس ، قابلي كل سيئة باحسن منها يعوضك جمال اخلاقك جمال في صورتك وروحك وجسدك في حياتك الآاخرة