مشاكل الزواج

أهل خطيبتي بيسألوني عن مرتبي

صاحبة والدتي عرفتني على بنت تعرف امها من زمان، بغرض الجواز، المهم روحتلهم البيت زيارة التعارف اللي اتكلمنا فيها وعرفنا بعض وسيبتها يومين تستخير وتفكر، بعدها ردو عليا بالموافقة بس ابوها محتاج يقعد معايا يتعرف عليا فروحت اقعدت معاه وسألني عن شغلي وظروفي ومرتبي فأنا اندهشت من سؤالهم عن مرتبي فقلت جايز يكون بحسن نية بيسالو عادي فقلتلهم مرتبي بس هم حسو اني اتضايقت شوية بس عادي القعدة عدت من غير ما نتكلم في تفاصيل الجواز عشان عرفتهم أنه المرة اللي بعدها هجيب والدي والدتي ونتفق، المهم سيبتهم اسبوع عشان يفكرو ويرتبو أمورهم واتصلت بيهم عشان أحد ميعاد المقابلة وأبوها اداني ميعاد ع أساس أنهم موافقين فروحت انا وخالي وأمي عشان نتكلم ف تفاصيل الجواز فاتفاجئت أنهم بيفتحو موضوع المرتب تاني وأنه مش عاجبهم ومن وجهة نظرهم أنه ميفتحش بيت فحاولنا نقنعهم بأنه ظروف الشباب كده ف الوقت الحالي إلا أنهم كانوا ماسكين ف موضوع المرتب وأنه مش هيكفيها مصروف وغيره ومتكلمناش ف تفاصيل الشبكة والعفش، فحسينا أن الناس دي ماديين وكل تفكيرهم أن بنتهم تعيش مرتاحة ماديا ونهينا القعدة ومشينا، المشكلة أنهم حطوني ف موقف محرج مع اهلي وكان ممكن يوفرو عليا مشوار زي ده أنهم يرفضو بشياكة ف التليفون قبل ما اروح لهم.. هل اللي عملوه ده عادي ولا ايه؟

مشاكل وحلول ذات صلة

اضيف بتاريخ: Tuesday, June 30th, 2020 في 03:11

كلمات مشاكل وحلول: , , , ,

3 رد to “أهل خطيبتي بيسألوني عن مرتبي”

  1. Peace
    02/08/2020 at 07:13

    لو عايز الحق حط نفسك مكانهم أي اب عايز يطمن على بنته فاللي عملوه ده صح وما تزعلش وتجري تشوف واحدة تانية عشان تثبت لنفسك إن ألف واحدة تتمناك لأ بالعكس اصبر شويه لحد ما دخلك يتحسن.. وخلي بالك الحياة الزوجية غير العزوبيه الزواج كله مصاريف والحياة صعبه جدا جدا جدا عن تجربه..وحتي لو عندك شقتك والجهاز موجود إنتا في بعد كده خد بالك جدا بعد الزواج كل خطوة بالفلوس.. وربنا يوفقك يارب وتكون اسعد واحد.

  2. Ahmed
    02/08/2020 at 05:17

    هو عادي انهم يسألو عن المرتب علشان يقدروا يقيموا الوضع المادي

    ولكن اللي حصل معك ده يحرق الدم بصراحة
    يا أخي دي لو آخر بنت اهرب
    ومفيش أي احراج مع أهلك
    يكفي ان الوضع كان قدامهم في كل التفاصيل
    اللي منك يهمه مصلحتك صدقني

  3. عمر
    02/07/2020 at 03:29

    لا تقرب ناحيتهم تانى لو هيعطوها لك ببلاش

اترك رداً أو حلاً لهذه المشكلة