انا بنتي عندها 10 سنوات لم تكن تعاني من التبول الليلي سابقا ولكن فجاه من 4 شهور تقريبا بقت بتعاني من المشكله دي وما رضيتش تقولي عرفت بالصدفه وسالتها وكانت محرجه تقولوي طمنتها وقولتلها اتكلمي عادي وما تخافيش ولا تتكسفي لانه دي مشكله مش عندك لا عند كل الناس علشان اطمنها وارفع معنوياتها وكلمتها لو خايفه من حاجه او حد زعلها او وقعت او لو شافت قيلم رعب وخافت منه قالتلي ما فيش حاجه من كل ده وخدتها للدكتور وعملتلها تحليل دم وتحليل بول وصور اشعه وكل حاجه طلبوها الدكاترا والنتيجه كانت ايجابيه وما فيش عندها ولا حاجه ولا حتى التهاب واعطاها الدكتور دوا بقالها 3 شهور بتاخده وخلصت كميه الدوا كلها اللي من الدكتور وما فيش حاجه اتغيرت ولسه بتبول في الليل وانا مش عارفه اعمل ايه واتصرف ازاي على طول بتقولي هوا انا يا ماما هفضل كده لما اكبر والله بحاول ما اعملهاش بس مش باديا والدكتور وصفلي ساعه اول ما بتبول الساعه بترن بسرعه وجبتها وبتقولي يا ماما الساعه مش بترن والله ما خليت حاجه الا وعملتها وقلبي بيتقطع عليها
العناية بالاطفال
ابنتي تعاني من التبول الليلي
اضيف بتاريخ: Wednesday, March 16th, 2011 في 08:59
كلمات مشاكل وحلول: التبول اليلي, العناية بالاطفال, مشاكل صحية
انتى جربتى دكتور متخصص بالتبول الاارادى ومانفعش يبقى تجربى تروحى لدكتور نفسى ومن الممكن يكون حصل شىء مع بنتك فى المدرسة وخايفة تقولك
عزيزتي الفحوصات أكدت أن بنتك سليمة والسبب نفسي بسبب الفلم يبقى ليه الدواء أرجوك لا للدواء الشيء الثاني الاطمئنان طنيها أنه شيء طبيعي بسبب الخوف وأن ما فيش داعي تخاف خليها تنسى وأنتي باين عليك الخوف وبالتالي ينعكس على بنتك أرجوك ما تركزيش على الحكاية أنا عارفة ده شيء صعب والله يكون في عونك بس حاولي وأنا ما أظنش أن السبب الفلم حاولي تتأكدي لو في سبب أخر بس مش بألحاح على البنت
السلام عليكم انا ام لطفلتين 4سنوات منهم وحدة بتتبول بس باجى قبل ماتنام بحوالى 3سعات مشربهاش مية ولما تنام كل ساعتان اصحيها تدخل الحمام والحمد لله بيجيب نتيجة شوية شوية وانت اعملى كدة برضة وان شاء ربنا يجيب نتيجة مع بنتك
اخواتي لا هيا بتتبول في الليل بس انا الموضوع ده مش زعجني انا بشتريلها فوط صحيه على شكل لباس بتلبسه وغيرتلها السرير بسرير جديد اللي مضايقني انها بتقولي هوا هكبر وافضل كده ويا ترى في حد هيعرف في الموضوع ده نفسيتها هيا اللي تعباني مع اني بقولها ده عادي ولو تشوفي انا اعرف بنات بكونو فرحانين انهم بيعملو كده ودي فتره وهتعدي واللي تعبني اكتر واكتر انها مكنتش كده وهيا صغيره اما بالنسبه للدكتور انا خدتها على دكتور مختصر وعملتلها فحوصات عنده وكمان رحت لدكتور في المستشفى وعملت فحوصات وتحاليل هناك وبيقولولي ما فيش عندها اي حاجهوالدوا اللي اشتريته ليها كان تمنه 600 دولا بس للاسف ما لقيتش نتيجه انا حاليا بشتغل على الناحيه النفسيه ليها ودايما بهزر معاها واخليها تهزر وحتى مش بسالها ازا اتبولت او لا بس هيا بتقولي يا ماما بحس ان زميلاتي في المدرسه بيتكلمو عليا فالموضوع ده شكله ماثر عليها وقلتلها دي كلها تهيات ومحدش بيتكلم عليها بتقولي كده مع انها بتكون مش سامعه اي حاجه من اصحابها وكمان رحت المدرسه وقلتلهم لما تطلب منكم تروح الحمام خلوها تروح بسرعه والله ما خليت حاجه الا وعملتها وحتى فحص لحج المثانه عملته وقالو انه حجمها طبيعي وكل حاجه تمام
عادي ابني هههههههههههه لس بيتبول عنده 12 سنة مرة مافيش ومرة بيتبول اعمل له ايه
تلاتة شهور مافيش والان الحمد لله رجع يتبول
انا لااحرجه ممكن حالته تعبانة ربنا يشفيه ويعافي بنتك
بصى يا اختى انا سمعت قصه مشابهه للشيخ ابو اسحاق الحوينى قال كان فيه رجل يرتاد المسد ومكنش يمر اسبوع الا لما يجيب لابنه دواء بخمسين جنيه فاستشار الشيخ ابو اسحاق فقاله ايه رايك تجرب انك تتصدق على فقير وتحته تحت عينك عشرة جنيه كل شهر لفقير وتنويها فيقول الشيخ والله الرجل ده بعد ما دفع العشرة جنيه قالى مسكت الدوا كله وكبيته فى المنور وهذاالولد لم يمرض قط جربى يا اختى الطريقه دى وان شاء الله ربنا يشفى ابنتك
الاخت السائله اهدأى ولا تقلقى فهذا أمر عارض ينتهى ان شاء الله وممتاز جدا أنكى تهتمى رفع الحرج عن ابنتك وتطمينها فيا ليت كل الامهات يتفهمن كيف التعامل مع الابناء والبنات والرجال أيضا. لكنى أنصحك بأن تغيرى الطبيب فواضح أنه لم يضع يده على السبب وراء عملية التبول اللا ارادى لذالك أنتى لم تجدى أى تحسن.مثلها مثل مريض يعانى من ألم بالعين ويأخذ علاج لألم الظهر لا فائده.أعتقد والله أعلم هذا هو السبب.اذهبى لطبيب متخصص ومشهود له(اذا كنتى من محافظة الأسكندريه فاذهبى للأستاذ الدكتور(محمود الزلبانى)فهذا طبيب موفق ولهم.
اختى الفاضله ياريت توضحى شويه الموضوع هل هى بالنهار ايضا بتتبول على نفسها وان كانت بتتبول بالنهار هل هى بتحس بالبول بعد ماينزل ولا قبل ماينزل بلحظه ومش بتقدر تمسك نفسها وهل بنتك عملت اى عمليات جراحيه لاقدر الله فى منطقه الرأس