انا بحب شاب جدا وهو بيحبنى بس المشكلة انى فى يوم كانة بنكلم مع بعض وطلب منى الاميل اللى على الفيس بوك وشاف الكلام اللى خطيبى الاول كان كاتبهولى وشاف الكلام اللى كنت بتكلمة مع اصحابى على الصفحة بس انا مش حكيت لية عن اى ماضى لية لانى مكنتش عايز افتح موضيع قديمة بس والله الععظيم بحبة جدا وطلبت منة انو يسمحنى مش عايز وقلتلة انا كنت بتمنى الاقى حد بيحبنى بجد بس انت الانسان الوحيد اللى حسيت معة بالامان غير اى حد كلمتة والله وقلتلة انا مش خنتك ولا كلمت حد عليك انا مش عملت اى حاجة علشان تعقبى قلى عايزة ترجعلى بشرط تجيلى تحت البيت عندى علشان اعرف اللى انتى بتثقى فية كذا مرة اكلمة علشان ارجع لية يقول لى نفس الشرط وانا بحبة جدا ومش عارفة اعمل اية بس بصراحة انا قلقانة انى اروح ناحية البيت عندة لانة كان بيكلمنى ومش عايز يرجع غير بشرط دة وانا والله العظيم تعبانة جدا من غيرة رغم انا فية عريس متقدملى بس انا بحب الشخص دة جدا وببعتلة رسائل ومش بيرد علية لزمن الشرط اللى انا ارجع لية اجى عند البيت عندة وادخل مدخل البيت بس انا خايفةومش عايز ة اروح بجد يا عالم ممكن يحصل اية ياريت بجد حد يساعدنى
خلي بالك اذا اختلي بيكي مش هيسيبك الا لما يفقدك شرفك وسمعتك – العريس اللي متقدم لك اضمن من اللي بيملي عليكي شرط يفقدك سمعتك وكشرفك وكرامتك – المثل بيقول عصفورة في الايد ولا عشرة علي الشجرة – اي شاب لما بيعرف اي بنت لو لقي اي فرصة يختلي بيها لازم يفقدها شرفها وسمعتها وكرامتها وبعدين هي تجري وراه وتترجاه يتجوزها ويتستر عليها – كل البنات اللي بتغلط بتقول انها غلطت علشان كانت بتحبه ومش قادرة تبعد عنه – خلي بالك امامك حفرة انا بحذرك منها اما تسمعي النصيحة واما هتندمي العمر كله – الشرط اللي بيقولهولك علشان انتي ملهوفة عليه – بتحبي فيه ايه وهو عاوز يفقدك اعز ما تملكي – اللهم اني قد بلغت اللهم فاشهد – ربنا يفوقك ويحميكي – وكل عام وانتم بخير .