مشاكل البنات النفسية

انا و زميلتي مش طبيعيين.. اروح لدكتور نفسي ولا ايه

السلام عليكم
انا مشكلتي اني حاسة ان انا و زملتي مش طبعيين باختصار اني من صغري و انا بحلم باليهود ديما بحلم اني بحاربهم و مرة احلم اني جاسوسه مصرية في تل ابيب ومرة احلم ان الامريكان بيحاربو اليهود و انا ماشية مع واحد فلسطيني في تل ابيب و مش بس كدة انا كمان ديما حاسة اني مش فاهمه الي من سني و لا هما فهمني انا في تالته ثانوي نسيت اقولكم اني و انا في تانية ثانوي اتعرفت علي بنات نزلت بسببهم في الدراسة و كنت بهتم بشكلي زيهم و في الفترة دي بطلت احلم الاحلام دي لكن لما نزلت في المجموع رجت لربنا

انا عايشة في سينا مع اهلي مع اني من محافظة تانية و مش عارفة ايه الي جبنا هنا
و ديما بحلم بالشهدا و هما بيضحكوا
و مرة احلم اني اتجوزت شهيد
ومرة احلم اني شايفة شهيدين ادامي ولد و بنت وكانوا حلوين جدا
و السنادي جات واحدة جديدة عندنا المدرسة برضو من محافظة تانية و بعدين جت هنا اول ما شفتها حسيت اني عاوزة اكلمها
المهم انا اكتشفت انها زي تمام في كل حاجة و كمان ملهاش اصحاب زي و اول ما فكرت في النقاب لقتها بتفكر فيه
وبرضوا دايما بتحلم بالحرب مع اليهود
و كمان بتحلم بالحجات الي حتحصل
والله العظيم
و الله العظيم
انا مش بكدب
ومرة حلمت اني جاتلي رساله بس قلت لما اصحي حفتحا و قبلها حلمت اني اتجوزت الشهيد
و رحت الدرس و قبلتها و قالتي انا حسه ان مصرنا واحد
و بعدها روحت ببص في السما لقيت كلمت الله كبيرة ببص عليها لقيت بعدها كلمة محمد
و اول انبارح شفت الله تاني تلات مرات
و انهاردة شفت محمد تاني في اكتر من سحابة في نفس الوقت
و حكتلي انها حلمت بزميل لينا قبل ما تيجي سينا برضوا كان بيحارب اليهود
و لما ركذت عليه لقيته زينا مش بيفكر زي الي في سنه كل الولاد هدفهم انهم يكونو كويسين قدام البنات
ودة عادي ولا بيعمل زي الولاد و لا اي حاجة عادي جدا و لا كان في بنات اصلا دة غير ان ملوش اصحاب زينا مجرد زمايل و بس و كمان غامض
انا حاسة اني مش طبعيه
دة غير اني بعد ما قررت النقاب حلمت الحلم دة

حلمت اني لبسة نقاب اسود و اسدال اسود بس لاسدال كان فيه قطعيتين صغيرين و كانت فيه ستات كتير و كلهم لبسين النقاب و كان منهم ستات مشلولين
وكان معايا وحدة مش عارفة هي زملتي و لا لاء مش فاكرة و كان تقريبا في حد بيجري ورانا
وبعديت رحت لجبل كان من الرمل و فيه مقابر و كان فيه مقبرتين مبلولين بالماء
دة غير اني دايما بتجيلي رساسل في الاحلام
مرة واحد جرنا و زميلي وقف معايا في الشارع و سالني عن معاد درس و رديت عليه في اقل من نص دقيقة و جالي الحلم دة

اني كنت طالعة من المدرسة الابتدائي الي كنت فيها بس في الحلم كانت ثانوي و كان فية شاب و سيم اسمة احمد كان زميلي بس اول مرة اشوفة في الحلم و كنا قبل المغرب بشويةو قفت و هوه كان بيتكلم مع صاحبة وبعدين بقينا بعد المغرب انا قلتلو وصلني احسن انا خايفة بس انا مش كنت خايفةو كنت عاوزاة يوصلني و احنا في السكه سمعت صوت بيتكلم عن الموتي و كان بيقول عمركم شفتم الموتي و عنيهم الطرية و كلام يخوف انا مش فاكراه و كانت الدنيا ظلمة و كانت هناك حجرة او محل منور و فية انتريه
انا قعت اقول بعد ما دخلنا يا رب سامحني انا توبت انا عملت اية غلط و قلت لزميلي اه انا خليتك تمسك ايدي
بس انا مش هعمل كدة تاني و بعدين خرخنا و كملنا مشي و بعدين و صلنا لحتة نور انا قلبي اطمن و مسكت ايده و قبلته ع خده و قلتلة شكرا علشان وصلتني و بعدين قلتلة ايه دة انت مسكت ايدي تاني

اروح لدكتور نفسي و لا اعمل ايه

مشاكل وحلول ذات صلة

اضيف بتاريخ: Monday, February 25th, 2019 في 07:46

كلمات مشاكل وحلول: , , , ,

3 رد to “انا و زميلتي مش طبيعيين.. اروح لدكتور نفسي ولا ايه”

  1. Dr sarah
    03/03/2019 at 05:08

    إخلعى النقاب يجعل الله لك مخرجا … النقاب عاده يهوديه

  2. منة الله
    26/02/2019 at 03:58

    جن وعفاريت ايه عادي يا بنتي انتو عايشين في سينا واكيد ضرب النار وحظر التجول والتفجيرات عندكم طول الوقت وانتو طبيعي متربيين على عداوة الاسرائيليين وكده فالموضوع داخل عندكم في الاحلام وعادي كلنا بنحلم احلام او ساعات بيتهيألنا اننا حلمنا حلم وانه اتحقق والله اعلم برضه لو الموضوع تاعبك اوي وشايفة انه افضل تروحي لدكتور نفسي روحي

  3. عمر
    25/02/2019 at 12:06

    ممكن يكون عندك مس من الجن وهو اللى يخليكى تحلمى الاحلام الملخبطه دى..عليكى بالرقيه الشرعيه وان شاء الله هترتاحى

اترك رداً أو حلاً لهذه المشكلة