مشاكل الثانوية العامة

ازاى اذاكر فى الثانوية العامة

انا طالبة عندى 15 سنة وداخلة اولى ثانوى عام انا شاء الله انا جبت فى 3 اعدادى 265من 300 ولو كنت اجتهد اوى كنت جبت اكتر من كدة بس انا كنت بلعب شوية . بس فى الثانوى مش عايزة ولا درجة تتضيع منى عشان انا عايزة اخش طب ان شاء الله . فارجوا منكم انكم تنصحونى اعمل اية عشان استعد واكون جاهزة للثانوى واجيب مجموع حلو من الاول ازاى اذاكر فى الثانوية العامة و  اجتهد وازاكر من الاول عشان احصل طب . انا بثق فى نصائحكم فمتبخلوش عليا بنصيحة او هتى ردودكم الحلوة الى بترفع معنوياتى

مشاكل وحلول ذات صلة

اضيف بتاريخ: Sunday, June 19th, 2011 في 21:29

كلمات مشاكل وحلول: , ,

26 رد to “ازاى اذاكر فى الثانوية العامة”

  1. مصطفي الشيخ
    08/10/2015 at 15:14

    ذاكري واحفظي وافهمي واتكلي علي الله

  2. hamada
    25/05/2015 at 08:06

    يااجماعة اناا محتاج رايكم فى قسمة ثانوية عامة
    كل محاول اشيل موضوع القسمه ده ⸮⸮
    واتخيل إن السبع مواد هيبقوا مليانيين ومش هقدر اخلصهم فى سنه واحده
    مش عارف اعمل واناا كمان علمى علوم كمان شهرين وهبدأ دروس 3
    فمش عارف لما اشوف المواد وكده ولا ايه ⸮⸮
    ارجوا االرد

  3. هنو
    11/09/2013 at 03:13

    أنا دحين اولى ثانوي وقبل حسيت انها صعبة بس لما بدانا دراسة سرت كل ما ناخد درس اروح البيت اراجعو واحفظه زين كاني بختبر فيه بكرة والحمد لله بعد دي الطريقة حسيت مافي ولا اي صعوبة بس يبالك تنتبهي مع المعلمه وتحلي واجباتك اول باول وتذاكري اول باول وتسوي كل شي من بدري يعني لو عندك حفظ قران او قصيده تحفظيها من قبل موعد التسميع وتسميعها وترتاحي دا هو نظامي وصراحه مريحني كثيييير .والله يوفق الجميع

  4. جودى محمود
    11/11/2012 at 23:40

    انا عوزة اسئل سؤال ………هل الطلاب نوعين؟نوع مش بيعرف يزاكر غير لما يكون بيحب ؟ونوع تانى مش بيعرف يركز مع الحب
    اصلى انا بصراحة اتضحلى حاجة انى انا من النوع الاول لانى لما حبيت التزم بالمزاكرة بس معرفتش ودرجاتى قلت مش عارفة لية ياريت حد يجاوبنى ياجماعة ارجوكم

  5. simple laugh
    28/10/2012 at 05:42

    ربنا يوفقك وينجحك ان شاء الله
    الثانويه العامه مش محتاجه مزاكره وبس هى كمان محتاجه تشغيل دماغ ف بنات بتكون مش بتقوم من على الكتاب بتجيب درجات مش كويسه وف واحده تانيه بتفتح الكتاب بس مش زى الاولى ولكن بتشغل دماغها وبتجيب درجات اعلى منها انتى بس اعملى اللى عليكى وازاكرى واجتهدى وسيبى الباقى على ربنا واتقربى من ربنا وادعيله ومتشغليش بالك باى حاجه غير مستقبلك

  6. سما
    12/03/2012 at 05:29

    انا طالبه فى تانيه ثانوى علمى وبالنسبه للفرنساوى فهو ماده سهله اوى وللبنت الى مش عرفه تحفظ كلماته تحاول تقسمهم على كل يوم فى الاسبوع ومفيش مانع تسمع اغانى وهيا بتحفظهم فى الاول عشان تتقبلهم ومش مشكله لو حست فى اول مره انهم متحفظوش كويس ممكن تانى مره تراجع عليهم وهتلقيهم تمام انشاء الله ولو سمحتم يا جماعه انا عايزه اعرف جدول لمراجعة المنهج وللمزاكره كويس لو حد يعرف وشكرا

  7. هاجر
    18/11/2011 at 04:35

    اانا فى تانية ثانوى بس عندى مشكلة انى مش عارفة اذاكر الفرنساوى واحفظ كلماتة حسة ان انا اضيع فى المادة دى باللة عليكم حد يدينى نصيحة ازاى اذاكر الفرنساوى بجد وربنا يوفقك ويوفقنى اميييييييين

  8. dodo
    16/11/2011 at 00:34

    الاقتراب من اللة وبر الوالدين والصلاة

  9. mostafa diab
    15/11/2011 at 09:54

    والله ذى ماقالت العضو سيندريلا هو ده المطلوب بث لازم من الدروس الخصوصيه يذات العلمى

  10. yasmeen
    29/10/2011 at 22:41

    ربنا يوفقك وتقربي من ربنا و اعملي اللي عليكي

  11. يمنه محمد
    08/10/2011 at 21:43

    لا انا فى 3 اعدادى وانا قرات هذه الاقترحات فيها مبشر زى كلام احمد عزت شرقاوى بس انا حسه انى مش خايفه منها يا رب احساسى يكون فى محله

  12. محمد
    23/09/2011 at 22:08

    الثانوية العامة دي بالنسبة لي كابوس

  13. esoo
    05/09/2011 at 20:41

    انا كمان دخله اولى ثانوى عام بس كل معلوماتى عن الثانويه العامه ان هى محتاجه مذاكره

  14. صاحبة المشكلة
    17/07/2011 at 16:11

    بجد بجد النصايح روعة وفى غاية الافادة ومتشكرة على الجهد الكبير والتعب واسال اله العظيم ان يجعلة فى ميزان حسناتكم

  15. احمد الشرقاوى
    15/07/2011 at 17:27

    والله احب اقول ان الثانويه العامه مرحله زى اى مرحله عدت وانصح فيها ب|
    1 _ التقرب الى الله بالصلاه وقرهءة القران وذكر الله فى كل وقت.
    2 _ بر الوالدين فدعائهما ليك خير من الدنيا وما فيها.
    3 _ تنظيم الوقت فهو من اكبر سبل النجاح بعمل جداول للمذاكره ولو كل يوم.
    4 _ لابد ان يكون لك هدف من عملك دايما يكون فى ذهنك ولابد من ان تقاتل للحصول عليه.
    5 _ كثرة الملخصات والكتب لزيادة المهارات وحل الكثير من التمارين.
    6 _ اياك وترك الدروس معتقدا انها تضيع الوقت فى بعض الاحيان ولا تكثر من الدروس.
    7 _ لا تؤجل عمل اليوم الى الغد والله اهم نصيحه اللى تخده تذاكره فى يومه.
    8 _ لاتفكر فى اى شيىء الا فى مذاكرتك ولو حدث ماحدث
    9 _ من الضرورى التنافس مع الاخرين وان تنظر دائما للافضل منك وتنافسه.
    10 _ لابد من تخصيص وقت للترويح عن النفس كالكمبيوتر او التلفاز وغيرها.
    11 _ شيل من دماغك كل اللى بيشتغل الصبيان والبنات حاليا .
    12 _ المذاكره بجديه واتقان ولا تستهين بالشىء ولاتقول انه تافه.
    13 _ لا تفوت منك اى شيىء ولا تقل انه ليس موضع امتحان واسأل مدرسك عن كل صغيره وكبيره.
    14 _ لاتقل ان الامتحان صعبا ولم استطع الحل ولكن قل ان الامتحان صعب وبمجهودى وتعبى ساجتازه.
    15 _ انصح بعدم مذاكرة ماده واحده فى اليوم لتجنب الملل .
    16 _ بعض المواد لاتحتاج لتركها كالفرنساوى وكلمات الانجليزى وادب العربى …….
    لابد ان تثق فى الله اولا ثم فى نفسك ولا يكن عندك قلق وتوكل على الله واعلم ان الله لا يضيع من احسن عملا .
    *****
    ||||اتمنى ان يكون قد اعجبكم هذه النصائح نسال الله التوفيق

    أخوكم فى الله
    (أحمد عزت الشرقاوى))
    والسلام عليكم ورحمة الله وبركاته
    ***نسألكم الدعاء***

  16. سندريلا
    14/07/2011 at 22:44

    أنا طالبة 3ث مستنية النتيجة وكنت شاطرة جدا ولما دخلت الثانوية اكتشفت انها مختلفة شوية بمعنى ان حتى لوانت مش ذكية اوي بس هي محتاجة مذاكرة واطلاع اكتر بالإضافة للنصايح السابقة انصحك تشوفي ملخصات كتير لكل مادة وتحلي كتير جدا علشان تزودي المهارة وكمان تحلي امتحانات سابقة والقديمة بالذات زي 95و96 وتحاولي تقللي الدروس الخصوصية لانها مضيعة للوقت زي الE l محتاج مهارة ومعرفة باللغة عموما وحفظ كلمات كتيييييييييييير ومش محتاج درس وسيبي معظم الدروس الخصوصية فترة المراجعة واعتمدي على نفسك ف الحل والمراجعة لان كلام المدرسين معاد وموجود ف الملخصات وقبل كل ده الثقة والاستعانة بالله أولا ثم الثقة بالنفس واهتمي ب 1ث لانها مهمة جداااااااااا

  17. صاحبة المشكلة
    12/07/2011 at 12:31

    متشكرة جدا على نصائحكم الغالية بجد جميلة واكيد هعمل بيها وجزاكم الله خيرا

  18. الثانوية العامة
    09/07/2011 at 14:58

    اهم شى الايمان بالله والثقة بالنفس والاجتهاد الكثيف وحل اسئلة كتير والمواظبة على المذاكرة اول باول

  19. الثانوية العامة
    09/07/2011 at 14:50

    انا دخلة تانية واعتقد ان الانسان اولا يكون قريب من ربنا والصلاة اهم شئ والمذاكرة باجتهاد ويكون فى هدف فى الحياة تسعى لتحقيقة (الطب)والثقة بالنفس والبعد كل البعد عن وسائل التشتيت (التلفاز)

  20. صاحبة المشكلة
    04/07/2011 at 23:01

    يارب يالولا تطلع زى ما انت بتقولى تكون سنة عادية ومش عايزة كل الخوف والقلق دة وبشكركم تانى على ردودكم الجميلة

  21. lola
    28/06/2011 at 00:45

    ثانويه عامه مش غايزه مزكره بغباء زي الناس مافكره بالعكس هما مدينها اهميه اوي متستهلهاش ثانويه عامه كل دي عايزه ختي درسك تروحي تزكري وتحلي علي تمرين الكتاب بس زيها زي ايه سنه عاديه مرينا بيها بس تزكري الدرس في نفس اليوم وتحلي عليه تمارين الكتاب في نفس اليوم لو زكرتي في نفس اليوم مستحيل تقوليلي انك مش فاكرا انا عندي مدرس قالي انه جاب 94 في الميه وكان كل اسبوع بيخرج مع صحابه وكان عايش حياته مش ليل نهار مزاكره زي الناس مبتقول

  22. انا مسلمة مصرية
    22/06/2011 at 12:24

    انا بشكركم جدا على ردودكم وبجد جميلة وان شاء الله هعمل بيها بس على فكرة انا اصلا وخدة المبدا دة من غشنا فليس منا انا اصلا مابغشش بس فى ناس بتصعب عليا فبروح مدياها سوال بس فى الثانوى ان شاء الله مش هعرف حد هكون مع نفسى وشكرا بجد اوى على نصائحكم الجميلة وماتزعليش منى ياليلى انا مش قصدى حاجة عليكى وشكرا

  23. sunbeam
    21/06/2011 at 00:47

    عايزة أقولك حاجة تانية إياك والغش لأن الغش حرام شرعا وما تسمعيش كلام أي حد يغريكي بهذة المعصية وربنا بينزع البركة من نجاح الإنسان الغشاش سواء غش أوغشش أعوذ بالله
    لأن اللي بيغش ربنا بيعاقبه في الدنيا والآخرة ولو عملتي اللي قلتلك عليه فى الإجابة الأولى مش ممكن هاتحتاجي لأي شئ وها يكون يوم الإمتحان يوم سعيد عليكي لأنه يتوج تعبك طول السنة
    وشكراً لك

  24. sunbeam
    21/06/2011 at 00:39

    اولا أنا عايزة احييكي ن معنى سؤالك انك عايزة تجتهدى وناوية خير ان شاء الله
    اول حاجة ضرورى جدا تذاكرى أول بأول وكإنك رايحة تمتحني بكرة
    وما تسيبيش أي درس مهما كان بسيط إلا لازم تذاكريه
    وبعدين في عطلة نهاية الأسبوع تعملي يوم أجازة واليوم الثاني مراجعة علي مذاكرة الأسبوع كله
    وكل باب أو فصل تخلصيه إعملي إمتحان لنفسك عليه
    وحلي الأسئلة التي في آخر كل باب
    ولو واجهتي صعوبة إسألي المدرس عليها في أي وقت الفسحة مثلا وأتمنى لك التوفيق والنجاح دائما

  25. حسان
    20/06/2011 at 14:48

    انا انصحك اك تشيلى مل المشاكل من عقلك وتجدى زميله لكى تنافسيها فى التميز وان تجدى مثل اعلى لك وتجدى فى ما تدرسيه شئ يحببك فيهوتشيلى من دماغك كل الى بيشغل البنات اليومين دول

  26. ليلى
    20/06/2011 at 11:18

    والله كل اللي في ثانوي عايز يخش طب
    لازم تعرفي ان الطب عايز مجهود كبيرررر واتمنى انك متعمليش زيي ضيعت السنة لعب وهزار وزنقت نفسي قبل الامتحانات بيومين بس الحمد لله لجنتي كان فيها غش بس ربنا يستر من الكيميا كمان اسبوع
    ربناااااااا يوفقك ويوفقني

اترك رداً أو حلاً لهذه المشكلة