مشاكل الخطوبة

ازاي اسيب خطيبي من غير ما اجرحه

انا عمري 18 سنة ومخطوبة بس انا مش مرتاحة مع خطيبي بتحصل بنا مشاكل كتير انا اتخنقت وعايزة اسيبه بس مش عايزة اجرح مشاعره ولا ابقي افتريت عليه بس بصراحة انا مينفعش اكمل معاه اولا هو مش الشخصية الي كنت عايزاها بيعمل حاجات بتضايقنى منه بحس انى مخطوبة لعيل رغم ان عنده 21 سنة بس تصرفاته طايشة انا قبل مااتخطب لما كنت بشوف شخص بيعمل الي هو بيعمله كنت بقول عليه تافه فلما اتخطبت لقيت خطيبي بيعمل التصرفات الي بتضايقنى دى حولت اغيرها فيه بس معرفتش …علطول في اي مشكلة يبقي عايز بطلعنى غلطانة ويبقي عايزنى اقول انا اسفة وكل مشكلة بتحصل بنا يروح يشتكينى لاي حد من اخواتى وبفضل اقوله اي مشكلة تحصل للمفروض تبقي بينى وبينك بس طبعا ولا كانى بقول حاجة بس انا الي مصبرنى عليه انه بيحبنى وانا خايفة اسيبه ملقيش حد يحبنى كده بس ساعات بحس انه مش بيحبنى يعنى ساعات كتير بتحصل مواقف بيبينلي انه مش بيخاف عليا وساعات انا مبهموش يعنى اهم حاجة عنده هو عايز ايه ويعمل الي هو عايزه حتى لو ممكن يضرنى في حاجة تانية بقي بجد دى الي لو سبته يبقي علشانها اولا مش بيهمه مذكرتى ولا امتحناتى والمفروض انى في الثانوية العامة هو مش بيقدر حاجة زى دى يعنى مثلا قبل امتحانى بيوم كان عايز يجي زيارة قولتله مش هينفع انا عندى مذاكرة بس بردو مهمهوش وجه وفضل قاعد لحد الساعة 12 وفي الاخر قالي اسيبك عشان تذاكري وانا والله ماعرفتش اذاكر يعنى هو لو بيخاف عليا مش المفروض حتى لو يقعد شهر ميشوفنيش يقولي لا ياحبيبتى وانا مش هاجى اهم حاجة مصلحتك وذاكري وكده يعنى ….واكبر مشكلة لنه بيبقي عايز لما يشوفنى يمسك ايدى وانا لما بقوله حرام بيزعل ويقولي انى مش بتحبينى وانا بقوله لا انا بحبك بس كده حرام عشان ربنا يبارك لنا في حياتنا بس بردو مش بيقتنع ولما بيمسك ايدى ببقي مخنوقه منه بس مش بقوله انا عايزة اسيبه بس مش عارفة وخصوصا احنا اولاد عم يعنى لو سبته علاقات الاهل هتبقي مضطربة بالله عليكم قولولي اعمل بجد انا مخنوقة ومش عارفة اخد قرار

مشاكل وحلول ذات صلة

اضيف بتاريخ: Friday, June 21st, 2019 في 04:00

كلمات مشاكل وحلول: , , , ,

2 رد to “ازاي اسيب خطيبي من غير ما اجرحه”

  1. شيماء
    06/01/2022 at 18:00

    عندي ٢١ سنه و بحب واحد و هوا بيحبني لا بيحبني ايه دا بيحبني دي كلمه قليله ، بيقولي انا بموت في التراب اللي بتمشي عليه و نفسه يعمل اي حاجه علشان انا بس اكون مبسوطه ، المشكله ان انا بدأت احس انه مش مناسب ليا و بضحك علي نفسي و عليه لما بقوله بحبك انا بحب حبه ليه و يمكن دا اللي مخليني مكمله معاه بس خايفه اكون بظلمه لان انا حاسه من جوايا ان انا مش عايزه اتجوز الشخص دا مش شايفاه ك زوج مع انه والله عنده مميزات كتير بس انا مش حاساه و نفسي الموضوع يخلص من عند ربنا و انا معملش حاجه او عريس ييجي و ساعتها اقوله ان كل شيء قسمه و نصيب بس مش عايزه تتردلي ف يوم من الايام لان مفيش واحده تحلم يحبها حد نص اللي بيحبهولي بس هوا مش عايز اولاد و بيقولي هوا واحد بس دا لو في و غير كدا انا حاسه ان مستواه المادي مش اوي و انا مش مليونيره برضو بس عارفين لما تحلموا ب حاجه و تلاقوا حاجه تانيه و مش ف وظيفه ثابته و انا بجد تعبت ببقي فرحانه لما بنتكلم جدا و ببقي حاسه اني عايزاه بس عقلي رافض تماماااا و دايما بيقولي لو سيبتيني انا هتدمر …. مش عارفه اعمل ايه بجد تعبت و خايفه …

  2. ابوالبتول
    21/06/2019 at 16:55

    طالما انك مش مرتاحه مع خطيبك من البداية فمن الافضل انك تفسخ الخطوبة معه وكل واحد يروح لحاله والزواج قسمة ونصيب ماحدش يجبرك على البقاء والاستمرار في الخطوبة دي وربنا بيكرمك بحسن منه ان شاء الله

اترك رداً أو حلاً لهذه المشكلة