مشاكل مرض القولون

تعبانه وبيقولوا دي اعراض مرض القولون

انا تعبت من سنه كان عندى ظروف فى البيت اللى كنت ساكنه فيه المهم كنت خايفه فتعبت بقى عندى مغص وضغطى ينخفض ويجيلى هبوط وضيق تنفس ومش بقيت عارفه ده ايه رحت لدكتور واتنين قالى مفيش حاجه دي  اعراض مرض القولون العصبي بلاش تخافى او تتعصبى بس الموضوع تطور وبقى قلبى دقاته سريعه جدا وفى الم خفت رحت للدكتور قالى ده من القولون والله وادانى دوا وقالى سيبى البيت وفعلا عزلت بس من ساعتها وانا بتعب بنفسى وعمليه الاخراج والانتفاخ مش مظبوطه خالص واحيانا عظمى بيوجعنى واحيانا اسفل ظهرى ورجلى من فوق لحد الركب مش بعرف انام من الالم تعبت قوى واليومين دول عظمى وجعنى قوى وزورى مش فى الم بتاع اللوز حاساه ضيق كده خايفه يكون غده درقيه او نكافيه حد يفيدنى لو مر بالمشكله دى هو القولون ده مش بيخف لازم اشوف كل الاكل اللى تعبنى وابعد عنه ولا فى حاجات مشهوره وشكرا

مشاكل وحلول ذات صلة

اضيف بتاريخ: Saturday, May 25th, 2013 في 08:44

كلمات مشاكل وحلول: , ,

5 رد to “تعبانه وبيقولوا دي اعراض مرض القولون”

  1. ابوبتول
    10/08/2014 at 23:03

    عليك بالعسل يااختي فيه شفاءللناس وبطلي شرب المياةالغيرصحية والاهتمام بالاكل دون اسراف اوتفريط والابتعادعن شرب المشروبات الغازيةكاكولا اوبيبسي ونحوها ومارسي رياضةالمشي ونشاءالله تبقي صحتك كويسةوسليمة

  2. احبكم في الله
    04/02/2014 at 21:53

    شوفي الاعراض اللتي لديكي جميعا لدياذهبي لدكتور نفساني والله راح تدعيلي

  3. تــائهــــــة إلا حيث لا أدري
    30/11/2013 at 15:00

    لاء انتي لازم ترقي نفسك اقري الاذكار وشغلي سورة البقره وانشاء الله تتحسني

  4. HanyMoh
    16/07/2013 at 04:39

    واضح إن نفسياتك مش مظبطة
    طنشي وانسي التعب والعبي رياضة يوميا هتلاقي كل حاجة بقت فلة

  5. الطائر المغترب
    26/05/2013 at 18:00

    السلام عليكم ورحمه الله وبركاته
    اختى الكريمه بالنسبه الى عمليه الامساك والغازات سببها معروف وهو من اكل الالبان ومشتقاته جميعاوالسبب عدم وجود او ربما موجود ولكن بنسبه قليله فى الامعاء وهو انزيم اللاكتوزا لان سكر اللاكتوزا الموجود فى الالبان ومشتقاتها لا يوجد الانزيم فى الامعاء الذى يمتصه فيتخمر فى الامعاء ويسبب امساك وغازات ولكن توجد نوع من البرشام اسمه لاكتازا الانسان ياخده قبل اكل الالبان ومشتقاتها او معها ليعوض هذا الانزيم وبعدها سوف تحسين بالراحه ان شاء الله تعالى انا عندى نفس المشكله والحمد لله توصلت لحلها بهذا البرشام وللعلم الاشخاص الذين ينقص عنده هذا الانزيم يتسبب لهم فى الامساك او الاسهال وللعلم ايضا وجود الامسالك يرفع ضغط الدم ويسبب الام فى القولون العلاج سهل وبسيط كما ذكرت فى برشام لاكتازا شفانا وشفاكم الله ان شاء الله تعالى

اترك رداً أو حلاً لهذه المشكلة