اسرار البنات

اعلم انى شاذه بما لا يخالف شرع الله

مشكلتى دى انا اول مره احكيها او اتجرء ع انى اقولها الا لاربنا وانا بدعي انو يسعدنى انى اتغلب عليها وهى انى انا شاذه مش هقول كلام ابرر بيه ده بس الشذوذ الى عندى ده عاطفى مش جسدى انا من صغرى قبل معرف يعنى ايه جنس و انا بميل لاحب البنات ( الحب الى هو بين الولد و البنت) وعمرى محسيت باى شعور مرهق اتجاه اى ولد و اى بنت كنت احس ده نحيتها مكنتش ابينه و احتفظ بيه لانفسى علشان ربنا لاغايت مرتبط بشاب و اعدنا اربع سنين واتخطبتله خلال ال4 سنين محستش ولا مره معاه بحنين لاى علاقه جسديه وبعد الخطوبه اتعرفت ع بنت عن طريق الانترنيت بس ع اساس انى ولد مش بنت حبتها جداا وهى كمان بس متعرفش حقيقتى انى بنت و انا كنت مخطوبه لاشخص ده كان بيحاول يقرب ليه بطريقه مش كويسه فسخت الخطوبه لانى كنت بحس انى قرفانه منه بمجرد انى اقوله وحشتنى و انى كنت بشوفه زى الكلب الى ديمن مخرج لسانه و عاوز منى شئ حسيت بشئ تانى خالص اتجاه البنت دى . اعترفتلها انى بنت اتخاصمنا لانى كنت معاها بقالى 3 سنين و اتفاجات انى بنت وهى كانت بجد بتحبنى حب حقيقى و اتفقنا اننا نكون اصدقاء واخوات و بس وانا وافقت لانى لاقيت ان ده الصح و العلاقه اتغيرت تمام وانا معاها ودخلت حياتى وحده تانيه بنفس الطريقه حسيت معاها نفس الشئ وانى انا الولد .. مش عارفه النهاية بس انا مش عارفه.. وانا حاليا عندى 25 سنه و العمر بيجرى و مش قدره انى اعيش مع راجل هظلمه و هظلم نفسى ومش بحاول اعمل علاقه مع اى بنت علشان ربنا وانا كل يوم بيفوت عليا بدمر اكتر بموت بالبطئ مش رضيا ع انى بنت و ف نفس الوقت مش هقدر اتمرد ع الوضع ده وانا بصلى و اصوم وادعى ربنا انى ابعد عن الاحساس ده لانى امى نفسها تفرح بيها وانا محدش حاسس بايه لانى مش هقدر اقول ده ولا اتجرء ع انى اقوله ……. ملحوظه وانا صغيره كنت مسميه نفسى اسم ولد واى حد ينده عليه باسمى مردش بجد انا ف مشكله خطيره وعمرى بيخلص وانا حسه انى لسه معشتش شئ افرح بيه ..عاوزه حل غير ان حد يقوالى قربى لاربنا لانى بتقرب ليه فعلا ومش بغضبه الحكايه كلها مشاعر ف خيالى وجوايه انا وبس ….وغير انى انا بنت جميله ف اسلوبها و تصرفاتها و شكلها يعنى اى ولد بلفت نظره واى بنت كمان مش عارفه انا المفروض اعمل ايه خيفه يجى الوقت انفجر و اغضب ربنا لانى تعبت

مشاكل وحلول ذات صلة

اضيف بتاريخ: Wednesday, April 24th, 2019 في 17:10

كلمات مشاكل وحلول: , , , , , , ,

4 رد to “اعلم انى شاذه بما لا يخالف شرع الله”

  1. ابوالبتول
    21/06/2019 at 17:41

    شوفي يااختي مش هكون قاسي عليك او اجرح مشاعرك لاابدا لانو دا مش من خلاقي ولاطبعي اجرح احد انت بحاجة الى طبيب نفسي مش معنى كلامي انك مريضة لا وانما حالتك دي تستدعي الذهاب للطبيب ويكن على درجة كبيرة في التخصص وسوف يعملك جلسات قرابة 5-6شهور وترجع احسن من الاول ان شاء الله صدقيتي حصل مع ابنة اخوي كدا كانت فتاة شابة 22سنة وعندها نفس الحالة اللي عندك ترفض الارتباط من اي شاب يتقدم ليها واهلها مش عارفين ايه حكايتها ولاعاوزه تخبرهم الحقيقة فلجات الي بحكم اني عمها واعتبرها زي وحدة من بناتي وحكت لي المشكلة اللي تعاني منها واخبرتها بانه مافي مشكلة الا ولها حلول باذن الله وطلبت منها تقطع علاقتها بالبنات دول وتلتزم بالصلاة والصوم وقراءة القران وكثرة الاستغفار وفعلا بدات تحافظ على صلاتها وتقرا القران وتداوم على حفظه والتزمت بالحجاب وقطعت علاقتها بالبنات اللي كانت على علاقة بهم وذهبت بها الى دكتور نفسي كبير في امراض النفسية وشخص لنا حالها ان دي اضطرابات هرمونية وبدا في علاج حالتها لمدة 5شهور والحمدلله تحسنت كثيرا ورجعت طبيعية جدا وهي الان مخطوبة لشاب تقدم لها وارتاحت له واهلها موافقين عليه وربنا يوفقها ويتمم لها بالخير وعقبالك عندك ان شاء الله اتمنى انك تعمل زيها وتلتزم وتحرص على التقرب من الله عزوجل واداء العبادات على وجهها وربنا بيكرمك بكل الخير ويجعلك مخرج مماانت فيه ويرزقك بابن الحلال الصالح اللي يستاهلك ويسعدك العمركله

  2. WQ;D M
    25/04/2019 at 16:42

    مشكلتك لا تحتاج استخدام علاجات نفسية ، العلاجات سوف تدمرك وتخلق لك مشاكل لم تكن موجودة من قبل ، هذه المشكلة التي لديك ليست من المشاكل التي يجب معها اللجوء للطب النفسي والعلاجات ، انتي محتاجة لتصحيح اخطاءك المخالفة لفطرة وطبيعة البشر ، يعني اتپعي الطريق الصحيح تجدي نتائج جميلة وطبيعية ، والتفكير الشاذ يوصلك لنتائج شاذة،

  3. Peace
    25/04/2019 at 05:12

    هو ظاهر من سردك للموضوع إنك متعلمه واخلاقك عاليه.وعاقله جدا.. بدليل إنك ما عملتيش الغلط مع أي واحده من اللي انتي عرفتيهم.. الحل الوحيد اللي لازم وحتما تعمليه واوعي تترددي هو زياره طبيب نفسي في أسرع وقت ويستحسن تعرفي والدتك عشان هي الوحيدة اللي هتقف معاكي وما حدش يعرف غيرها احكيلها.. وخلي بالك مش معنى زياره طبيب نفسي يعني إنتي مريضه نفسيا لأ اللي عندك ده عباره عن قرص علاج بسيط مش اكتر من ٦شهور بالكتير وهتبقي طبيعية جدا.. بس شوفي دكتور كبير له خبره في الطب النفسي عشان يجيب من الآخر.. وانشاء الله هتبقى تمام وهتعيشي حياتك زي أي بنت وربنا يوفقك.

  4. بدون مراجعة،
    24/04/2019 at 19:53

    كل الناس تأتيهم افكار وسخة وقذرة وملعونة احيانا لكن لا احد يستمع لها ألا انسان قذر ومريض مثلها ، لو مثلا رأيت مال الا قد اافكر بسرقته ،لو تشاجرت مع شخص الا افكر ان انتقم منه وعندما ارى جمال صورة وجسد مثير ألا يدعوني ألى التفكير في الچنس ، هذه طبيعة جميع الناس او اكثر الناس ،لكن لأ احد يتبع هذه الافكار الا الاغبياء والناس الوسخة ،انتي بغباءك وعقلك المتخلف وانانيتك ظيعتي على فتاة 3 سنوأت من حياتها وهي تظنك شاب ربما كانت كل يوم وليلة تنتظر في اي وقت ان يطلبها للزواچ ، لا يوجد بنت تحب اي شاب الا وهي تتمنى ان يكون زوج لها ، وبعد 3 سنوات اكتشفت انك فتاة ولماذا لانك تحبي البنات ، وهي ماذا عن حياتها ، وماذا تفعل بك وبحبك، وهل تظني ان أحد يريدك لحبك واي پنت تعجبك من حقك ان تحبيها ، ليس من حقك ان تتدخلي في حياة اي بنت او شاپ ما لم تقدمي له ، وماذا لديك غير انوثتك التي خلقها الله لك ، انتي انسانة ****ة او ****ة عقليا، انثى وجميلة واي رجل يراك يعجب بك ثم ترغبي في انثى ،والنتيجة لأشيء تظيعي حياتك وحياتها ومستقبلها بدون اي فائدة او هدف، لانك تحبي البنات ، سوف تكوني اكره مخلوقة تعرفها اي بنت بحياتها، اصلا فكرتك من الاساس عن الرجل پانه مثل ألكلب الذي يلهث مطلع لسانه تدل على انك بليدة في تصورك وفهمك لاي شيء على حقيقته ، وانتي سوف تقعي في كل امور حياتك في حماقات واخطاء كثيرة وتكتشفي بالنهاية ، انك شاذة لانك اسوء من الاخرين ، الذي يميزك هو فقط شيء سيء فيك ، ولا احد يريدك او يريد حبك ، كل انثى تريد رجل لديه ما تحتاجه وألرجل يحتاج لانوثة، لا احد يريد علاقة لاجل الحب ، كل انسان له اهل واخوان واقارب قلوبهم مليئة بالحب له ،

اترك رداً أو حلاً لهذه المشكلة