أنا بنت عندى20 سنة داخلة 3 كلية متقدملى شاب عنده تقريباً 30 سنة أو حاجة و30 مؤهله ليسانس أداب يعمل فى شركة بترول ،الشخص ده مميزاته كويسة بس المشكلة ان فيه إعاقة بس مش عقيمة وسببها حقنه أخدها بالخطأ سببتله إنه يتكلم كويس بس ييجى فجأة ويتهته وبعد كده يواصل الكلام عادى وكمان فى إيده اليمين ف هوبيتعامل بيها عادى بس مش أوى يعنى لماييجى يسلم على حد صابعه تتعوج شوية وهو اتكلم بكل صراحة عن سبب ده كله وراضى بنصيبه وقال “””الحمدلله أنا أحسن من غيرى”””””” مع العلم ان إعاقته ((زى مابيقولوا))لم تمنعه عن العمل أنا قولت زى مابيقولوا لأن إعاقته مش شديدة لأن كلمة إعاقة كبيرة أوى هو مايجيش حاجة ف المعاقين والحمد لله ،،شخصيته متفاهم وواضح وعقلانى وتفكيره متحضر ,،،،،،،،، أما بالنسبة للى حواليه والدته وعمامه بالمناسبة أحنا من الصعيد وهو عايش فى مصر ووالدته عايشة معاه أن والده الله يرحمه طلقها أما عمامه إخوات والده عايشين عندنا ف الصعيد يعينى عو مش بينزل غير ف الأجازات والمناسبات ،،، المشكله ان عمامه ووالدته صعبين شغلتهم الفلاحة والزراعة وتربية المواشى وعند عمامه أن الستات تشتغل يعنى تروح الزرعة وتربى المواشى وهما بيت عيلة كبير أوى بس احنا مش زيهم يعنى بابا مش مربينا ع الحاجات دى ومش بنستحمل نشوفها دى مشكلة عمامه “”” ان الستات لازم تشتغل معهم معاهم””” أما والدته على حسب ماعرفت انها صعبة جداً جداً قالولى لو هتعيش عازلة هترتاحى أما لوخالطة معاها يبقى طلاق من أول شهر وهو ميقدرش يسيب والدته لأنه الوحيد والشقة اللى عايشين فيها 65 متر يعنى يدوب
المشكلة بقى إن أهلى مش عارفة موقفهم الرفض بسبب مرة والدته ومرة عمامه بالرغم من انه عايش بعيد عنهم ومرة اعاقته بالرغم انها مش عقيمة وهومتقدملى ليه أكتر من6 شهور وبابا بيماطل ف الرد والسبب ان انا كنت مخطوبة قبل كده وفسخت الخطوبة ف شهر 1 اللى فات وهو اتقدملى ف شهر 2 يعنى ماكانش ينفع يرد عليه ف الفترة دى نهائى ..
أنا دلوقتى مش عارفة اعمل ايه الشخص ده كويس بس المشكله ف والدته وعمامه أما بالنسبة للإعاقة فأنا احتسبتها عند ربنا وقولت طالما مش مانعاه من الشغل وممارسة حياته يبقى خلاص مش هتفرق معايا وأنا محدش مريحنى وكل اللى بيقولوه ان أنا هوائية ولسه بدرى عليا وده بسبب خطوبتى الأولى اللى عقدتنى من حياتى ،، وانا صليت صلاة الاستخارة ليا أكتر من 20 يوم والحمد لله محستش بخنقة أو ضديقة يعنى الأمر عادىبس المشكلة رد فعل أهلى بيقولولى انى اواجه المجتمع باختيارى واتحمل النتايج بجد محتارة أرجوكم ردوا عليا بسرعة لأنهم مستنين الرد خلال يومين وانا مش عارفة أعمل ايه ولازم أشوف حل لأن بجد تعبت محدش مريحنى ياريت تريحونى وتردوا عليا النهاردة
مشاكل الخطوبة
افكر بالإرتباط بشخص لديه اعاقة بسيطة
اضيف بتاريخ: Thursday, August 15th, 2019 في 04:57
كلمات مشاكل وحلول: الاستخارة, الخطوبة, الطلاق, الكلية, بنت, شاب, صلاة الاستخارة, مخطوبة, مصر
ياااختي المشكلة مش في الشاب وانما في اهله والعيشة معاهم مسالة الإعاقة دي قضاء وقدر وماتسبب مشكلة ابدا لكن الحياة والبيئة اللي يعيشها مع اهله هي المشكلة التي لن تتاقلم معها فلا تكابري وتقولي انك ممكن تقبل الوضع ده وتعيشيه تبقى واهمة جدا وتظلمي نفسك استحالة جدا انه يترك اهله ويخالف عاداتهم وتقاليدهم التي نشا عليها فمن الأفضل لك ان تقولي له الحقيقة كل شيء قسمة ونصيب وتتركيه وربنا بيكرمك بحسن منه ان شاء الله
رايى الشخصى اختى
انه طالما انسان كويس و انتى استخرتى ربنا توكلى على الله
اولا بالنسبه للاعاقه لا تضعيها بالحسبان لا تعتبر اعاقه اصلا
بالنسبه للام لازم تفكرى كويس لان ده موضوع مهم و اتسبب فى طلاق كتير اوى و بالنسبه لطبيعة حياتهم برضه الموضوع مش هايبقى سهل
فنصيحتى ليكى انك تتطلبى منه اما تكونوا فى مكان تانى غير انك تكونى فى بيت العيله عندهم او هاتكون تحت احتمكال ان تحصل مشاكل فيما بعد بسبب طبيعة و اسلوب الحياه
عشان نكون واضحين من البداية انتي متقنعه لانه شغال في شركة بترول وباين عليكي ماديه اهم شئ في حياتك الفلوس
كان لي زميل مثل هذا الشاب الذي تتحدثي عنه وگان من افضل زملائي وكت ارتاح دائما لما اسولف معه ،من طيبة قلبه لا احد يهتم لاعاقته الجميع يحبه وكان هو متزوج وله اولاد وبنات ،
انتي صح ، لا تحتاجي احد يقدم لك نصيحة ، اهم شيء عملتيه صلاة استخارة ومتفهمة لاي ظروف للناس ،وعلى كل حال يبقى لك احتسابك وحسن عملك مهما حصل
شوفي يااختي اذا كان الشاب على دين وخلاق وتربية حسنة ومحترم جدا واهله ناس كويسة فعلى بركة الله لاترفضيه واقبلي الزواج منه وحاولي اقناع اهلك عشان يوافقواعليه ومسالة الاعاقة دي حاجة ماتاثر عليه وماحصل له قضاء وقدر من ربنا عزوجل وموضوع ان امه واعمامه عايشين في الصعيد فده لايمنع الارتباط به ممكن تعيشوا في شقة قريب من شغله وتقدروا تشترطوا عليه من الناحية دي وربنا يجعله من نصيبك ويتمم لكم بالخير ياست البنات ويؤفقك ويسعدك طوال حياتك