السلام عليكم ورحمة الله وبركاتة
انا عندي ٣٢ سنة متزوجة من ١٣ سنه وعندى ٣اولاد وعلي الرغم من اني مؤهل عالي الا اني اضطريت اوافق بزوجي ده مش متعلم وانا لسه في اولي جامعه هروبا من بيت اهلي بسبب تعرضي للتحرش والاهانه من والدي.
ومن يوم الجواز وانا عندى مشاكل صعبة مع اهل جوزى وعادي عشت واستحملت علي الرغم من ان جوزى سلبي جدا واخر مشاكلي معاهم ان حماتي تهمتني باني علي علاقه بحمايا وبرده جوزي لم ياخذ اي موقف من الكلام ده بالاضافه انه علمني سلوكيات خطا كتير جدا منها التدخين واخرى خاصه بالعلاقه ما بينا,
انا استحملت كل ده علشان مرجعش بيت اهلي واشوف الافعال القذرة من ابي لكن سلبية جوزى وبقي يروق دماغه ويسيبني عند اهلي من اول الجواز وقت السفر بس و سلبيته دى كمان طمعت اصحابه فيا لدرجة انهم عرضوا عليا اني انفصل منه واتزوج منهم وانا رفضت طبعا
بس انا مش قادرة اكرهه وبرده معتش قابله العيشه معاه خاصة بعد ما اتعرفت علي شخص حسيت انه خايف عليا اكتر من اهلي وصارحته بكل شئ عن حياتي حتي موضوع بابا وحبيته جدا وطلب مني انفصل واتزوجه وبصراحه مش عارفه اعمل ايه ولا اعمل ايه اكمل مع زوجي ولا اسيبه واتزوج من الشخص اللي اختاره قلبي وياترى اولادي هيكرهوني لو سبت ابوهم …وامي علمت بتعلقي بالشخص ده ورفضت طبعا وقالت انها مش هتعرفني تاني وانها تحرم عليا لو انا سبت جوزى .وانا مش عارفه اصارحها باللي هو بيعملوا معايا …. حد يفيدني انا ضايعه بجد
ملاحظ فى شكواكى ان الكل ظلمك
ابوكى اتحرش بيكى
جوزك بيمارس معاكى افعال خاطئة وانتى قبلتى
حماتك اتهمتك بوجود علاقه مع حماكى
اصحاب جوزك عاوزين يرتبطوا بيكى بعد ما تسيبى جوزك زى ما صديقك عاوز
فى حاجة غلط لازم تعرضى نفسك على طبيب نفسى او اخصائى نفسى او مستشار علاقات زوجية
بصرف النظر عن اتهامك لافعال والدك القذرة ولكن لازم تعرفي ان تعلقك بواحد تاني ده قرار هيشكل حياة ولادك علشان امهم لامؤخذة بتلعب من ورا ضهر جوزها، وثانياً لما الاقي العنوان مكتوب فيه “الاختاره قلبي” وجيا تتهمي ابوكي انو جوزك الغير متعلم ده، المفروض انك تكوني زوجة وام قبل ما تكوني حبيبة، المفروض كل فكرك يكون انك ترتقي بحياة اولادك، وانت فاكرة ان الاخ البيحبك وعارف انك بتحبيه من ورا جوزك وعيالك ده مش هيشبع منك ويرميكي جمب الحيط منكم لله طلعتم جيل عنده مشاكل بسسب غبائكم!
اللي إنتي عاوزه تعمليه ده هو الضياع بعينه.ترمي 3اطفال وتطلقي دي حاجه حلوه أوي وقدري بعد مثلا سنة التاني طلقك هتروحي فين لبابا اللي بتقولي بيتحرش بيكي ولا تبوسي رجل حماتك لأن جوزك سلبي فما فيش غير حماتك اللي هترجعك ومش هترضي ترجعك…اصحي للكلام كويس وما تخليش حاجه تغرك… الدنيا كلها بلاوي الجدع اللي يعرف يتكيف معاها…نصيحتي يا بنت الحلال ابعدي نهائي عن الشخص التاني ده هيخرب بيتك وهيدمرك غيري رقم تليفونك ولو في حساب فيسبوك اقفليه.. وأصحاب جوزك شويه خونه وإنتي عليكي عامل كبير أي شخص يتخطي حدوده معاكي اقفليه بلهجة سيئه جدا واغلطي فيه عشان الكل يعرف إنك قويه ومش سهله..واللي يغلط في جوزك حتي لو هو سلبي بيني إنه راجل وله كلمه اوعي تقللي منه قدام حد..وبينك وبينه طلعي القديم والجديد عليه وربنا بهديلك الحال.وحافظي على بيتك.بالتوفيق
قصتك دي حدثت لواحد من اخواني كان متزوج من فتاة وعندهم 3 ولاد وكانوا يعيشون مع الوالد والوالدة في بيت الاسرة وكانت تحدث مشاكل وخناقات مستمرة بينهم حتى اتضح المستور كما يقولون جات امي واخبرتني بالحقيقة الصادمة بانها رات زوجة اخي في وضع غير أخلاقي مع ابي وتكرر هذا الموقف منهما وعندما تكلمت مع زوجة ابنها اضطربت الفتاة وعملت مشكلة كبيرة وللأسف زوجها سلبي تماما وكل اوقاته يقيضها مع اصدقاؤه او في العمل ولايهتم بشئ ابدا المهم هديت من غضب امي وقلت لها لاتتكلم مع احد في هذا الموضوع حتى اجد حل لتلك المشكلة واتصلت على اخي وطلبت منه ان يأتي لبيتى لامرهام وجاء وطلبت منه ان يجد له سكن هو عياله مستقل عن بيت الاهل منعا للمشاكل والخناقات وفعلا وجد له سكن وانتقل للعيش به وارتاحنا من مشاكلهم ولكن اتضح لنا حقيقة الامر ان تلك الزوجة كانت غير محترمة بالفعل فقد استغلت غياب زوجها عنها وكانت على علافة بأحد جيرانهم في العمارة التي سكنوا بها وافتضح امرها وتطلقت من اخي -جوزها- واخذاخي أولاده ورجع يعيش مع اهله ولاحول ولاقوة الابالله الخيانة جريمة كبرى يقع ضحيتها الأبناء وهي السبب في خراب ودمار كثير من البيوت والاسر
أرى انك لم تقولي الحقيقة كاملة عن حياتك وماحدث لك في الأول من تحرش ابوك ومضايقاته لك وكمان اتهام حماتك لك بانك على علاقة بزوجها -حماك – فلاندري اين الحقيقة ومافيش دخان بلانار واظنك متساهلة جدا وتثيري الرجال بشتى الطرق ودا اللي اوقعك في كلهذي المشاكل ولاتضع اللوم على جوزك وحده وتبري نفسك تماما فحتى لو كان جوزك سلبي جدا ولايهتم بك ومقصر في واجباته كزوج لك ليس مبرر ان تصدر منك تلك التصرفات المحرمة واللااخلاقية واخرها انك تفكري في الزواج من شخص تعرفيه وانت لاتزال على ذمة جوزك أبو اولادك فدي خيانة أخرى تضاف الى تصرفاتك القذرة واللااخلاقية الأخرى الخلل واضح فيك انت ولن يتصلح حالك او تري الخير والسعادة وانت بهذا الوضع لابد ان تتوب لربك وتستغفريه وتقلع عن المحرمات والمعاصي ومواضع الفتن والشبهات وتحرصي على صون شرفك وسمعتك وسمعة جوزك وتفكري في مصير اولادك قبل كل شيء وربنا يصلحك ويسترعليك ويهديك