هموم البنات

الانتقاد الدائم من الجميع …والمعايرة بشكلي

في البدايه انا يمكن اطول بس اقروا يمكن جات ف وقتهاا..
انا بنت عندي 14 شعري كيرلي بس ماما وعيلتها كلهم شعرهم ناعم وبنات عمي كلهم شعرهم ناعم حتى اخواتي الولااد يعني انا الوحيده اللي ف العيلتين كدا .. معنديش مشكله ف الكلاام دا المشكله ان الكل بيستهزأ بيا عشان شعري ممش شرط من ورايا لا بيتكلمو من قدامي ويعدوا يضحكوا فعليااا زهققت كل م حد يكلمني يعايرني بشعري.. حتى ماما واخواتي.. دايما كدا يعايروني ويتريقوا على شكلي وصحابي برضو
… يعني مثلاا عندي صاحبتي دايما تصورني وانا مش واخده بالي وتاخد صوري تحطها حاله على الواتس كلهم بقا يعدوا يتكلمو علياا طبب اتكلمو من ورايا طيب لا ازاي؟! هما يشتمو عليا وعلى شكلي وهي تصور الشات((المحادثه)) تبعتهالي وتضحك على اخرهاا.. وعند عيلة ماما اما نبقا عندهم هما شعرهم ناعم حرير ماشاء الله 🔥وطويل بقا وكدا وصباغات ومكياج ومهتمين بنفسهم حتا اللي قدي يعدوا كلهم يتريقوا عليا وعلى شعري ولاد وبنات ويضحكوا على اخرهم ويشدو ف شعري ويفردو شعرهم ادامي مش دا اللي مضايقني ف الموضوع لا عادي انا متعوده على كدا من وانا صغيره دايما كانو يعملو كدا وكبيرهم قبل صغيرهم كنت بضحك قدامهم عادي واما اروح بيتنا اقفلل علي نفسي واعيط كنت 3 او 4 سنين تقريبا.. بس حاليا عادي بخليهم يقولوا اللي هما عايزينه واضحك عادي لكن مبقتش اعيط ولاا انزل دمعه حتاا. يعني لو انفعلت اووي الدموع بتفضل ف عيني مبتنزلش ع الحال دا يجي من ونا ف خامسه ابتدائي ونا دلوقتي رايحه اولى ثانوي لااني رايحه بدري سنه …
لكن اللي بيزعلني وبيتعب نفسيتي اخواتي وماما بدل ما يدافعوا عني بيتريقوا معاهم انا كنت بيضه جداا بس اسمريت من الدروس.. يعدوا بقاا يعايروني بشعري وشكلي كلهم كلهم بلاا اي استثنااء ..
اتحجبت لبست طرحه زمايلي كانو يخلوني قاعده ف الدرس ويرفعوا الطرحه ويتريقو على شعري ويضحكو هما والمدرسين صدقوني ي اجماعه انا شعري مش بايظ للدرجه دي.. شعري اللي هو كيرلي عادي .. ومش كيرلي اووي كمان والسمار من الشمس هيروح عادي رغم ان انا بقيت قمحاويه مش سمرا لو حد جه قالي اهتمي بنفسك وحطي مكياج واعملي شعرك وبتاع انا مبفكرش ف الحاجات دي ي جماعة انا حابة ان انا اشوف الحكايه دي اما اكبر مش حابه اني افضل افكر في شكلي ولبسي واسيب تعليمي ما اهتمش بيه زيهم وكلاامهم واسلوبهم وحش معايا انا معرفش انا عملتلهم اي بس المواضيع دي بتزهقنيي جداا زي مثلاا مره كنت ف اولى اعدادي وفرح بنت خالتي كان ف القاهره كان عندنا ساعتها حالة وفاه ف مش كلنا روحنا. روحت انا واخويا وقرايبنا التانين عادي جدا كانت  اول مره اروح القاهره نزلنا م الباص وكنا ع الطريق السريع مسكت ايد اخويا عشان امشي معاه راح شايل ايدي من ايدو وراح واخد بنت خالي اللي هي قدي واخت العروسه وراح قايل لابن خالي خدها ف ايدك مش عايزها فراح قاله ولا انا وكلهم مشيوا وسابوني حتت الكبار ف عديت الطريق لوحدي بس كنت زعلاانه من اخويا جدا بس كالعاده يعني ملهاش لاازمه اخد موقف لانه مش مهم بالنسبه له اصلاا ومره كنت انا وهو بنتخانق على حاجه راح قايلي انتي يوم ما تموتي احنا هنعمل فرحح انا بكرههك ومش بطيقك يا رب تموتي ….
ساعتها عرفت وجهة نظر الكل من نحيتي صحابي اهلي اخواتي قرايبي كله بس اللي معرفتهوش ليه كارهيني كدا رغم اني معملتش حاجه لحد ؟!
بقعد دايما اكلم نفسي واحضنها واطمنها ان هما ملهمش لازمه واني اذاكر حلو عشان انا عارفهة لو بابا وماما حصلهم حاجه بعد الشر اخواتي هيرموني وقرايبي هيرموني فلاازم اتعلم حلو عشان محتجش لحد
عارفه ان في بنات بتدفع فلوس كتير عشان تخلي شعرها كيرلي وانه موضه بقا ومكدا طمنت نفسي وقولتلها كداا وخلااص المواضيع خلصتت لغاية هنا وبسسس انا مش هسمح لحد يعاملني كدا تاني او يكلمني كدا …
اناحكيت جزء صغير م المواقف اللي بتعرضلها بشكل يومي..
بس الهدف من دا اي وكلاامي داا الرساله —–
((متكرهوش الناس ف شكل جسمها وشعرها ولون بشرتها وصوتها او اي حاحهة تانيه بحجة انكو بتهزروا انتو متعرافوش هما بيحسو اي كسر الخواطر ي جماعه مش عظام اتكسرت وهنجبرها ((نجبسها)) كسر الخواطر قلوب تهقر ))
ي ريت افتقاركوا للتربيه ميخلكمش تقللو م اللي قدامكم.. يمكن جات لحد ف وقتها اكيد طولت عليكم بس خلااصة الناس دي \
الاشخااص الذين يعانون من تقدير منخفض للذات يميلوون لاذلاال الاخرين طامعين في ارجاع جزء من تقديرهم لذاتهم 🔥♥♠

مشاكل وحلول ذات صلة

اضيف بتاريخ: Wednesday, October 30th, 2019 في 06:38

كلمات مشاكل وحلول: , ,

2 رد to “الانتقاد الدائم من الجميع …والمعايرة بشكلي”

  1. ااننللننل
    27/02/2020 at 00:26

    ماشاء الله عليكى 14 سنة بس وبتكتبى كدا حبيبتى انتى فى فترة المراهقة فترة وحتعدى

  2. VUJj0n
    31/10/2019 at 17:03

    انتي لم تخسري شيء ، الكلام الجميل الذي كتبتيه هنا تعلمتيه من كل اللي حصل معك ،لا تكرهي احد ولا تحملي في قلبك شيء على اي واحد من الذين قالو لك اي كلام او تصرفو معك باي اسلوب زعلك ، هم علموك بطريقة قاسية وغير مقصودة ، لكن بدونهم لم تكوني تعرفي معاناة من يتعرض لعدم التقبل من الاخرين ،وليسو كلهم ،منهم من لا يهتم ولا يبالي باي كلام ، كلامك مفيد وجميل

اترك رداً أو حلاً لهذه المشكلة