مشاكل الشباب النفسية

اعاني من التهتهة في الكلام واريد علاج

السلام عليكم .. انا  شاب عندى 16 سنة و انا بعانى من التهتة فى الكلام و خاصه فى بعض الحروف بقطع فيها او بعلق فيها و انا كثيب و تعبان الموضوع ده مزهقنى خالص و خجول و ثقتى فى نفسى مش عاليه اوى .. والدى الان  42 سنة  عنده التهتة بس سبحان الله واثق من نفسة و مشهور بين الناس ومش بيخاف و كمان شغال فى اكتر مهنة فيها كلام كتير مدرس .. وانا مش عارف اعمل ايه بجد انا لما اجى انظر للمستقبل بشوف نفسى انى انا مش هقدر انجوز و مين هيبصلى وانا كده مع انى بابا و ماما غير خالص . ارجو الرد

مشاكل وحلول ذات صلة

اضيف بتاريخ: Saturday, July 28th, 2012 في 07:47

كلمات مشاكل وحلول: ,

17 رد to “اعاني من التهتهة في الكلام واريد علاج”

  1. سوزان
    16/06/2019 at 21:48

    السلام عليكم انا عندي 13 سنه و اعاني من هذه المشكله اريد نصيحه لحل هذه المشكله

  2. ahmed
    02/10/2016 at 16:36

    انا عندي 16 سنة واعاني من التهتهة جدا في حاجات كتير جدا بتضيع مني بسببها مثلا في اسئلة في الفصل بكون عارفها وبخاف اقوم اجاوب احسن زمايلي يضحكوا عليا انا بجد تعبان

  3. الفهدالاسود
    20/03/2016 at 22:01

    اخي الفاضل ولكل الاخوةالذين يعانون من مشكلة التهتهة في الكلام انصحكم باتباع الخطوات التالية فيها تساعدكم على التخلص من هذي الحالة نشاءالله تعالى 1- التكلم بهدوء والتركيز اثناء الكلام 2- معالجةالاخطاء اللي وقعت فيها واعادة الكلام حتى يتم تفادي الخطا الذي وقعت فيه 3- عدم التسرع في الرد اوالكلام واخذ نفس عميق مثل الشهيق اوالزفير 4- الحرص على قراءة القران باستمرار حتى يفتك لسانك وتذهب منك التهتهة 5- تناول 3 ملاعق عسل اصلي يوميا عندالريق والاستمرار على ذلك حتى تتحسن حالتك 6- الاكثارمن الدعاء لله عزوجل بان ينطلق لسانك ويذهب عنك ماانت فيه فخير العلاج الدعاءوالاستغفار لله عزوجل والله يشفى الجميع

  4. محمد اشرف عوض
    10/11/2015 at 20:07

    انا محمد اشرف عندى 19 سنة ونابعانى من التهتهة بشد ولا اعرف السبب بالتحديد
    احيانان بكلم طبيعى واحيانان ذى منتو عرفين ارجو الحل ارجوكم ياشباب

  5. العمر ربيع
    12/08/2015 at 05:01

    احسن حاجة لمن عنده التهتهته سواء ولد اوبنت ان يتقرب الى الله ويدعو الله ويقول( يارب احلل عقدة من لسانى يفهموا قولى وامنحنى الثقة بالنفس والجراه والشجاعة يا ارحم الرحيم يارب انا دعوتك فاستجب دعائى يا ارحم الراحمين )وياريت لما حد يطلب المساعدة يطلبها من الله عز وجل مفيش حد فى الكون يقدر يساعدك الا الله عز وجل

  6. بسببها بتضيع فرص
    30/05/2015 at 01:20

    انا 18 اعانى من نفس المشكله وتضيع فرص كتير بسبب دى بس انا بحاول اتجنبها بس مش فى كل الاحوال وعايز اقدم فى كليه عسكريه وخايف وعايز ليها علاج ضرورى بجد يا جماعه فى الفصل او كده بتسأل بقول للمدرس معرفش وساعات اسئله انا بس اللى عارفها بس اخاف وانا بقولها اتهته وزميلى يضحكوا عليا

  7. محمود
    27/11/2014 at 21:30

    هذا الموضوع انا عانيت منه كثير جدا في حياتي و للاسف كان هو المتحكم الوحيد في مستقبلي مثلا لا تختار مجال عملك الذي تحب بل الذي ليس به كلام و سبب لي التوحد و الانعزال الاجتماعي وتدريجيا تجد نفسك تفقد ثقتك بنفسك و تتنازل عن حقوقك عند الاخرين خوفا من التواجه معهم و لا تستطيع ان تبدع او ان تظهر وجهة نظرك امام الاخرين في موضوع ما و لو اجبرت علي النقاش مع الاخرين دائما انت المهزوم حتي ولو كنت علي صوابو كثير القلق من المستقبل خصوصا عند التفكير بالزواج.
    خلاصة الكلام انه مرض جبار جدا و اكيد اصحابه عندهم قدرة تحمل جبارة وانا لا ابالغ, حتي ان سيدنا موسي عليه السلام اعتقد ان التهتهة ارهقته جدا لذلك دعا ربه ان يحلل عقدة من لسانه و ايضا طلب من ربه ان يمده بهارون عليه السلام لدعوة فرعون لعبادة الله لان هارون عليه السلام كان يتحدث بطلاقة و لخوف موسي عليه السلام ان يواجه فرعون.

    انا عن نفسي اعتقد ان من يصاب بهذا المرض سيعيش بقية حياته في بؤس و حزن دائمين و للاسف المجتمع لا يرحم نهائيا منذ الطفولة و هي اهم مرحلة للعلاج و حتي الشيخوخة , و لو خيروني اتمني من الله ان يصاب كامل المجتمع به خصوصا من يستهزئون بنا ليروا الامر مثلنا.

    و من منطلق عدم وجود علاج نهائيا لهذا المرض رسمت لنفسي عدة منعطفات اذا اجتزتها اعتقد ان القلق سيزول تدريجيا .
    1- مناقشة مشروع التخرج.”بالمناسبة مرضي السبب الرئيسي في عدم استمراري في الدراسات العليا”
    2- الزواج و من ستقبل بنا ؟.
    3- هم الاولاد عند الانجاب اذا كانوا لا سمح الله مصابين و خصوصا البنات و حتي لو كانوا سالمين فان مرض الاب سيبعد الشباب عن خطبة ابنته خشية ان تنجب له مصابين.

    و في النهاية يخرج علينا احدهم و يقول ان المشكلة بسيطة

  8. nada
    08/11/2014 at 02:40

    انا عندى 15 سنه ولحد دلوقتى بتهته ف كﻻم كﻻم وبتحرج اوى اتكلم قدام حد عشان محدش يألس عليا مع ان انا لما بكون لوحدى بتكلم عاادى ومش بتهته خالص ومش عارفه اعمل ايه وفعﻻ الموضوع ده مزعلنى ااوى مخلينى مش عارفه اتكلم مع صحابي وﻻ اتكلم مع مدرس واجاوب معاه

  9. نفس مشكلتك
    15/06/2014 at 23:48

    بسم الله الرحمن الرحيم انا عمري 16 سنة اعاني من نفس المشكلة تهتهة في الكلام من صغري ورحت على كتير دكاتره غالبية الدكاترة حكولي حل واحد هو هو {الشهيف و الزفير } لو في اليوم ساعتان فقط وقسمهن على اليوم ,والشهيق هو اخذ نفس عميق وحبسه في فمك قدر الاستطاعة ,ثم اخراجه من فمك وهو ما يسمى بالزفير حكولي هاد الكلام وانا في صف رابع ابتدائي ,استمريت لفتر ة من الزمن تحسنت كتير جدا ثم اهملت هذاذ الموضوع وانا كبرت و والمشكلة كبرت وزادت معي وانا الان رجعت تاني احاول اعمل شهيق وزفير وان شاء الله ربنا يشفي الجميع وشكرا

  10. احمد
    29/10/2013 at 21:39

    السلام عليكم . . انا عمري 20 وعندي التهتهة ومضايقتني اوي عايز حل ارجوكم معاش قدرت اعمل اي شي

  11. محمد
    23/09/2013 at 16:22

    انا فى اولى ثانوى وانا شاطر بس انا اكون عارف الحل ولا اقدر على ان اقوله واقول للاستاذ معرفش لانى خايف اقول الاجابه يتحكو عليه الولاد والبنات ده بش حرام

  12. Super gurl
    06/03/2013 at 20:40

    اللله والله التهتة دى بتدى جاذبية للشاب روعة والله نفسى اتجوز واحد بيتهته عسل عسل عسل دى
    حاجة حلوة اوى على فكرة

  13. yehya
    24/02/2013 at 23:34

    فى فيلم اجنبى اسمة king of the speech بيحكى عن قصة ملك انجلترا جورج والد اليزالبث الفيلم دا انصحت بمشاهدتة هتتعلم ازاي تتكلم فبة طرق علمية تعالج الموضوع التهتهة لانة كان ملك انجلترا و بيتهتة

  14. الله معى
    04/08/2012 at 16:14

    عوض ده بخلقك الطيب مع الناس واى حد يتريق عليك فى الموضوع ده قوله دى حاجه متعبنيش ربنا خلقنى كده (وحاول متتعصبش او تبين زعلك عشان محدش يمسكها عليك ويزهئك بيها ) وابعد عنه عشان ده 100% ميبقاش صاحب وخليك مع الناس اللى بتسال عليك دايما وانت بتحس بحبهم ليك ومتنساش الاخلاق الاخلاق هيه اللى بتجبر الانسان اللى ادامك على احترامك

  15. تقى
    03/08/2012 at 06:12

    على فكره انت غلطان جدا
    ثقتك بنفسك هتنسيك العيب دا هو اصلا مش عيب
    وكمان متفكرش حاجه انا بكلم على انا كبنت لو حبيت حد وعنده تهته فالكلام دا مش هيهمنى اصلا بالمره لانى لما هحب روح الشخص هشوف فيه كل حاجه حلوه ملامحه وصوته حتى التهتهه واى حاجه منه هتبقى على قلبي زي العسل
    يعني اقصد متنظرش للمستقبل نظره سوداء لا والله هتلاقي اللى تحبك وتقبلك بكل عيوبك وتفهمك قبل ماتقول الكلمه اللى على لسانك كمان انت لما تركز فالدراسه يعني انا ببص للمستقبل هيبقى معاك شهاده ممتازه وبتشتغل شغلانه محترمه مثلا طويل او عندك اي ميزه تانيه مش شرط طويل وسيم اي حاجه ماهو اكيد ربنا مديك نعم لازم تبصلها وتستغلها احسن استغلال وكمان نصيحه من اخت واظب على قيام الليل عشان ربنا يقذف في وجهك من نوره فينعم عليك بنعمه قبول الناس ليك حتى ولو فيك عيوب الدنيا ..
    تانى حاجه انت ممكن تحدد معاد ما دكاتره ويمكن الموضوع دا يتحل ولو جربت حاول اكتر من مره
    اخر حاجه احب اقولك الدعاء بيصنع المعجزات ابكي واخشع لله اللى خلقك هو فايده الحل وسره بين الكاف والنون ادعيه ومش هيردك واستمر متزهقش ان الله لا يمل حتى تملو واحسن الظن فيه وهو هيكرمك اخر كرم وداوم على الاستغفار بنيه ان ربنا يزيح عنك الموضوع دا وهو بقدرته هيساعدك
    وكمان انا قريت عالنت ولقيت حل حلو وجميل جدا ممكن يفيدك
    تحفيظ القرآن الكريم، أو على الأقل السور القصار منه كي يستقيم لسانه، ويصح نطقه للحروف.
    جرب كدا امسك المصحف واحفظ السور وامسك مسجل وسجل صوتك وانت بتسمع واسمع نفسك وشوف ايه الحروف اللى بتقف عندها او الكلام وكدا وحاول تانى وتالت وبالاراده والعزيمه ربنا هيكرمك باذنه وحده
    بس انا قلت كل اللى عندى ويارب يفيدك اخى
    ربي يسعدك ويفرح قلبك يارب

  16. عـــروســـة البحــــــر
    30/07/2012 at 09:07

    السلام عليكم
    شوف يااخى المشكله اللي عندك مشكله بسيطة اوى وممكن علاجها بسهوله اولا لازم يكون عندك ثقه بنفسك كبيرة اوى لان انت احسن من غيرك كتير فخلي ثقتك بنفسك مالهاش حدود واعرف انك ممكن تكون احسن مش الشخص السليم وان ربنا ادالك نعم ومميزات تانيه كتيره تقدر تتفوق بيها علي الشخص العادى والعلاج انك تدرب نفسك علي الكلام والثقه بالنفس وعدم التوتر او الخوف او القلق وكمان تقدر تروح لدكتور تخاطب ومع الجلسات هتلاقي نفسك بقيت عادى ومفيش مشكله

  17. AOS
    29/07/2012 at 16:32

    بسم الله, في البداية يمكنك إستشارة دكتور تخاطب لمساعدتك في إخفاء عيوبك….أنصحك بمشاهدة فيلم The King’s Speech و الذي يحكي عن قصة حقيقه لملك بريطانيا و الذي كان عنده تهتهه فظيعه و كان مضطر لإلقاء خطب أمام شعبه مما وضعه في حرج فظيع ثم ذهب إلي دكتور و الذي ساعده فيما بعد علي علاجه لدرجة أنه كرمه لمرتبه فارس أو شئ من هذا القبيل

    بالنسبة لي أنصحك أن تتكلم بهدوء و بتركيز فمثلاً و الله يعلم أنه لا أسبه البرادعي عندما يتحث العربيه تشعر بتهتهه و لكن عندما تسمعه يتحدث بالإنجليزيه لا تشعر بهذا علي الأطلاق, لأنه يفكر أكثر عندما يتحدث الإنجليزيه …فتوكل علي الله و كن هادئاً و حاول أن تصحح أخطائك و تجنب تسرعك في كل يوم و لو حدث أن تهتهت حاول أن تداري هذا بكحه كأن الكلمة أنحشرت في حنجرتك و الله المستعان

اترك رداً أو حلاً لهذه المشكلة