مشاكل الحمل والولادة

الحاجز الرحمي ودوالي الخصيتين

السلام عليكم
انا متزوجه من ثلاث سنوات تقريبا مشكلتي من جوانب كثيره اولها زوجي يسافر للعمل اول مره سافر بعد50يوم من زواجي وطبعا لم يحدث حمل سافر ورجع بعد سنه جلس معي شهر ولم يحدث حمل عملت اشاعه بالصبغه طلع عندي مايسمي بالرحم ذو قرنين سافرت ان له جلست معه خمس شهور واكتشفنا هناك بعد عده تحاليل له دوالي بالخصيتين ويحاج عمليه وقالي لي الطبيب انا ايضا انني احتاج منظار لازاله الحاجز الرحمي المهم اني رجعت لمصر وما في بالي اي حمل بعدها جاءت لي الدورة الشهرية وحمدت ربنا قدر الله وما شاء فعل وبعدها بكام يوم نزل مني دم بني حللت طلع حمل بس ما كان في كيس حمل اخدت مثبت بس ما اراد ربي ونزل قبل ما اشوفه وعمل زوجي العمليه وبياخد العلاج وبعدها نزل اجازه وقررنا نعمل حقن ولا تلقيح الدكتور قرر له حقن علشان الحركه لسه ضعيفه بس الحمد لله في تحسن وانا قالو لي ما ينفع بس الحاجز لازم منظار لتصليح الرحم وازاله الحاجز لان وجوده راح يعمل اجهاض للجنين وجوده مش السبب الاساسي في عدم حدوث الحمل لكن بياثر نوعا ما وقد كان سويت العمليه واخدت العلاج وجات دوره بعدها وسافر جوزي وقبل ما يسافر ترك لي عينه من السائل المنوي المجمد علي اساس اعمل العمليه بعد ما الرحم يشفي بعد ثلاث شهور علي حسب كلام الدكتور بس دلوقتي لقيت نازل مني دم بني مش عارفه من ايه ويصاحبه قليل من الم بطن الدوره مع انه لاوقتها ولا لونها ولا ريحتها خايفه يكون نزيف ومش عارفه اعمل ايه اعمل العمليه الحقن مع ان تكلفتها غاليه مع اني خايفه لا تنجح ان عمري 20 سنه وجوزي 31 عارفه لسه صغيرين بس سبب اللجوء للعمليه هو سفر جوزي هو عرض عليه يجلس هنا وانا ما رضيت بسبب انه لم يدخر اي شيئ مع انه مسافر تقريبا 3 سنين قولت حرام بعد كل التعب ده ما نكون عملنا اي شئ حتي من شغله ممكن نتعالج معلهش انا طولت عليكم بس ارجوكم قالولي اعمل ايه اعمل العمليه ولا استني ولا اخلي جوزي ينزل مع انه مش موافقه نفسيتي بتتعب هنا ومش مرتاحه في الجو هنا عرضت عليه يعمل اقامه عنده بس قالي صعب دلوقتي هل اصبر واخليه يصبر بشغله لحين ما يدبر لي اقامه عنده بعيد عن الناس انا بحبه جدا ومقدرش اعيش من غيره وهوكمان بيحبني ارجوكم حد يقولي رايه
شكرا

مشاكل وحلول ذات صلة

اضيف بتاريخ: Saturday, April 13th, 2019 في 09:30

كلمات مشاكل وحلول: , , , , ,

3 رد to “الحاجز الرحمي ودوالي الخصيتين”

  1. ابواميرة
    03/05/2020 at 22:45

    ربنا بيكرمكم ان شاء الله بالخلفة الصالحة اصبري وماتقلق ابدا في ستات كثير بيتاخروا في الحمل ولافي داعي للحقن وأطفال الانابيب ربنا كريم وباذن الله سوف يكرمكم المهم انك تحرصي على العلاقة الحميمة مع جوزك ويفضل انه مايطيل السفر عنك او تذهبي للعيش معه فدا مهم جدا في إنجاح عملية التلقيح اثناء العلاقة وخصوصا بعد انتهاء الدورة عندك يفضل زيادة عدد مرات الجماع حتى يحصل الحمل ان شاء الله

  2. ابوالبتول
    13/06/2019 at 09:45

    من واقع خبرتي يااختي العزيزة ان سبب المشكلة التي تعاني منها بسبب الحاجز الرحمي اللي عندك ويحتاج لعملية لازالته وهي عملية بسيطة ولاتقلق منها ابدا ايضا سفر زوجك المتكرر وغيابه عنك يجعل فرص الحمل ضعيفة جدا لازم تعرفي الشي دا وتخليه ياخذك للعيش معاه اوينزل فترة طويلة يقضيها معاك فالتلقيح مهم جدا في فترة الخصوبة ويساعد كثيرا على الانجاب وخصوصا في ايام التبويض بعد الدورة الشهرية عند المراة اتمنى كون افدتك بهذة المعلومات وربنا يرزقكم الخلفة الصالحة ويوفقكم ويسعدكم في حياتكم الزوجية

  3. Peace
    14/04/2019 at 10:57

    طبعا اصبري لحد ما يعملك إقامة ده أولا.ثانيا اصبري شويه على موضوع الاطفال سنه حتي تكونوا نفسياً هادئين وخلي بالك من حاجه انتي المفروض ما تفكريش في موضوع الاطفال ده إلا بعد ما يعملك إقامة ده رايي الشخصي لأنكم مشتتين في الفتره واوعي تخليه ينزل سبيه في شغله واركني موضوع الاطفال شويه وانشاء الله لما نفسيتكوا ترتاح وتبقوا مع بعض ممكن ما تحتاجوش ولا حقن ولا حاجه وده حصل كتييييير جدا وبالتوفيق يارب.

اترك رداً أو حلاً لهذه المشكلة