السلام عليكم ورحمة الله تعالي وبركاته … انا بنت عندي 16 سنه بحب موقع مشاكل وحلول ده اوي وملقتش مكان انسب من اني اطرح مشكلتي عندكو و ي رب ترشدوني
مبدئيا كده اقروا كلامي كويس وانا هطرح مشكلتي بكل وضوح وصراحه وقولولي رايكم … انا بحب واحد قدي وهو بحبني موووت كمان بس بتحصل بينا خناقات وغيره كده ودلوقتي حاسه بان علاقتنا متدهوره … انا وهو بنحب بعض سنتين وكنا اتعرفنا علي بعض في الفيسبوك مع العلم ان هو من قرايبي … كان دايما يسالني عندك صحاب بقوله لا مش عندي وكل مره عماله يسالني بقوله لا وانا صراحه كان عندي 3 اصحاب هم صحابي اوي من 3 سنين يعني علاقتنا قويه وبس في حدود الاحترام فقط … وانا لمن كنت بساله فهو كمان بقولي لا مش عندي … المهم عدينا فتره كده انفصلنا عن بعض وسمعت من صحابي في المدرسه عن اسمه وانو يعرفوووه وكده المهم كان عنده صاحبه باعتلي ادد عالفيسبوك وانا وقسسسما بالله العظيم لما اتكلمت مع صاحبه كنت عارفه انه هيعرف اني بتكلم معاه انا كل همي كان اني بس اخليه يغير عليا ويعرف انو مش فارق معايا طبعا انا اتعذبت اوي لما كنا انفصلنا وهو كمان …المهم شاءت الاقدار ورجعنا لبعض وهو اكتشف اني بتكلم مع صاحبه وفهمني غلط وم قدرتش اني اشرحله مشينا الموضوع عادي بس بقي يلمح لي كده كده اني قليله ادب او شي بالشكل ده وانا بفهم لغه التلميح قوي ! المهم صحابي كان فتره بقولي فلان ده بقربلك بقوله اه وفلان ده برضو بقوله اه وطبعا هم صحابي … من كام يوم قالي بتريقه كده فلان عامل ازاي وانا اصلا كرهت اللف والدوران فكلمتو بالحقيقه وريحت دماغي وقالي ليه مش كلمته من زمان وقالي جمله كسرت كياني .. قالي نصيحه لقدام لما ترتبطي بحد قولي من بدري عشان متحصلش مشاكل… اتناقشنا كده بس دلوقتي حاسه بانو فقد الثقه فيا اوي نحنا بنتكلم وبنهزر مع بعض واي حاجه بس كمان بحس ان الثقه مفقوده هو انا كده هكون باينه قليله ادب في نظره صح … وانتو كمان ايه رايكو … عايزه ترشدوني لاني حاسه نفسي ضايعه مع العلم ان انا كمان اكتشفته بتكلم مع صديقاتي … اسفه اني طولت وكلامي مش مرتب واسفه عالاخطاء الاملائيه كمان … والسلام عليكم
الحب الاول
هو كده انا ابقى قليله ادب ؟
اضيف بتاريخ: Sunday, March 4th, 2018 في 21:48
كلمات مشاكل وحلول: الحب, المدرسة, بنات, بنت, حب
شوفي يابنت الناس اي علاقة من خلال الفيسبوك تكون محرمة وغير صحيحة ولاتؤدي الى الارتباط الحقيقي وكمان عيب اوي انك تتكلم مع الشاب ده من وراء اهلك دي تصرفات فتاة مراهقة وكلها طيش وتهور وتجلب لك ولااهلك العار والفضيحة نعم دي قلة ادب منكي لانك بكدا تخدع الشاب اللي واثق فيك ومفكر انك تحبيه وتقدري مشاعره وعواطفه وعمرو ما يطمن لك او يثق فيك واي شخص مكانه يعمل كده لانك ماتستاهل احد يعبرك ولاتقدري المشاعر ابعدي عنهم الاثنان واقطع علاقتك بهما واتركي تلك التصرفات المحرمة والغير اخلاقية واهتمي بدراستكي ومستقبلكي جيدا وحافظي على اخلاقكي وشرفكي وسمعة اهلكي وكرامتهم وربنا يسترعليكي ويؤفقكي ويسعدكي في حياتكي