الحب الاول

عاوزين نتجوز بس ظروفه الماديه صعبة

انا بنت عندي 19 سنة من 6 شهور اتعرفت علي شاب اكبر مني ب5 سنين حبينا بعض اووووي بس كانت بتحصل مشاكل كتير اوي بينا وكنا بننفصل وبعدها باسبوع كنا بنرجع تاني لاننا بنحب بعض اوي ومنقدرش نبعد عن بعض وفي يوم حدد ميعاد انه يجي يقابل اهلي علشان يخطبني ومجاش وعرفت بعدها انه حصلت ظروف منعته من انه يجي بس هو كان بيحاول يبعدني عنه لان ظروفه الماديه صعبه وانه مش هيقدر يوفرلي نفس العيشه اللي انا عيشها في بيت اهلي وحاول كتير يكرهني فيه وكان بيسيبني ويغير ارقام تليفونه وكان بيرجعلي تاني ويقول انه بيحاول يبعد عني علشان ميظلمنيش بس مبيقدرش وفي يوم سبنا بعض واتقدملي عريس ووافقت عليه واتخطبنا وكنت رجعت اكلمه تاني كاصحاب واخوات بس مقدرتش حسيت اني بظلم نفسي وبظلم خطيبي وفكيت الخطوبة ورجعتله تاني وجالي اتقدملي بعد ما فركشت خطوبتي وانه بيحبني وانه مبقاش يقدر يستغني عني واتفق مع اهلي علي وقت الخطوبه بس المشكله انه جيه من ورا اهله وابويا قاله لو مجبتش اهلك مفيش خطوبة هتم وهو قالي لو اهلي موفقوش يجوا معايا انا هاجي لوحدي ولو اهلك موفقوش بيا انا هخدك وامشي وهتجوزك مش عارفه اعمل ايه بس احنا وصلنا لدرجه اننا منقدرش نبعد عن بعض ثانيه وطوال اليوم مع بعض في التليفون ومبنسبش بعض خالص بالرغم من ده كله علاقتنا في حدود الله ومحصلش بينا حاجه تغضب ربنا ابدا لانه شخص كويس بيحبني وبيخاف عليا ودايما ينصحني للصح اعمل ايه بالله عليكم افيدوني لو اهله مجوش معاه واهلي رفضوا جوازنا اتجوزه ولا اقوله واقنعه نستني

مشاكل وحلول ذات صلة

اضيف بتاريخ: Sunday, January 13th, 2019 في 01:40

كلمات مشاكل وحلول: , , , ,

ردود to “عاوزين نتجوز بس ظروفه الماديه صعبة”

  1. منة الله
    13/01/2019 at 05:39

    اصبري عليه انتي لسه صغيرة والدنيا مش ها تطير وهو مش كبير برضه فاستنو شوية يمكن تعرفوا تقنعوا اهاليكو احسن ما تتشردوا سوا

اترك رداً أو حلاً لهذه المشكلة