الحب على النت

اكمل في علاقة النت ولا اقطعها

انا 24 سنه وهو 30 .. انا كنت قدمت على شغل فى وزاره عن طريق النت المهم لقيت واحد بيتصل بيا كلامه مكسر فى العربى اوى .. بيقولى انا بتصل بيكى عشان انصحك ان كده السى فى بتاعتك فاضيه ومحتاجه تدعمى نفسك قولتله انت ملكش دعوه كل اللى ليك انك تقبلنى او لا لكن تدينى نصايح لا وفرها لنفسك وقفلت السكه فى وشه بعدها لقيت ايميل ضافنى كلمته طلع هو نفس الشخص جاب بياناتى من السى فى .. كلمنى بهدوء وفهمنى انك كان شغال هناك وبيقتح الميل من وقت للتانى بس هاجر هو ولقى السى فى بتاعتى االمهم سمعتله ونفضت كلمنى على الموبيل تانى ارد واقفل فى وشه ومكلمناش بعض نهائى بعد كده .. بعد سنه كلمنى على الموبيل قالى انا فى مصر اقدر اشوفك قفلت السكه فى وشه برده .. وكنت بفتح الميل من الشهر للشهر بس مكناش بنكلم كتير .. المهم سنه ورا سنه وصلنا ل سنتين على الحال ده لحد ما قالى انه معجب بيا انا كنت مرتبطه ب واحد زميلى قولتله معلش انا ارتبطت اضايق المهم بطلت ادخل على النت عشان كنت مشغوله ولما محدصلش نصيب فى ارتباطى اكتئبت فتره وبعدها ب كام شهر قعده مره عالنت كلمنى لقيت نفسى بحكيله وفرح اوى انى فركشت وقرب منى كان بيستنى رد منى ب فارغ الصبر بس هو مكنش فى بالى ولما اتكلمنا كتير قربت منه مفيش شهر وحدد معاد نزوله مصر عشانى المهم قبل ميعاد سفره اختقى كذا يوم وبعدين ظهر و قالى ان باباه تعبان وسافرله بلد تانيه واعتذرلى جدا انه مش نازل انا قولت ده كداب ومش دوغرى المهم اتأكدت ب نفسى انه صادق بس مكنتش اعرف انه ابن ذوات اوى كده والله وهو عمره ما كان متكبر عليا بالعكس كان بيجى على نقسه كتير عشان اوافق اكلمه حتى .. الغريب انه فى اليوم ده صارحنى انه كان متجوز اجنبيه جواز جواز مش جواز عشان ياخد جنسيه وانفصلوا من زمان جدا بامر محكمه لانهم متجوزين مدنى بقوله انت ليه وقولتلى الموضوع ده بعد كل المده دى وليه دلوقتى قالى بصراحه عايز اكمل اجراءات الطلاق عشان اقدر اتجوزك ((( مع العلم انا لو كنت قعدت 100 سنه مكنتش هعرف انه كان متجوز غير منه ))) بصراحه اتبسطت من صراحته رغم صدمتى بالخبر ده .. المهم حدد معاد نزول تانى كمان كام شهر .. انا بدأت اتعلق بيه اوى وهو ولا بيحور فى اى حاجه عشان مبانش منه حاجه تخلينى اشك فيه بالعكس طول الوقت باقى عليا ..
سؤالى دلوقتى ايه اللى يخلى واحد مستواه كده يفكر بالطريقه دى ؟ او فيا (( انا مستوايا الحمد لله كويس جدا بس هو اعلى )))
ليه اتعلق بيا كده مع انه فى مجتمع اوربى مفتوح وانا محجبه ملتزمه ومتوسطه الجمال ؟
انا خايفه لما نشوف بعض ننصدم فى بعض فى شكلنا تصرفاتنا عاداتنا كل حاجه .. اه شوفنا صور بعض بس اكيد الحقيقه مختلفه
اكمل ولا اقطع العلاقه دى ؟؟

مشاكل وحلول ذات صلة

اضيف بتاريخ: Saturday, December 10th, 2011 في 10:27

كلمات مشاكل وحلول: , , , ,

17 رد to “اكمل في علاقة النت ولا اقطعها”

  1. مصطفى روميو
    04/11/2013 at 00:48

    حب النت ده حب زباله وكله كدب فى كدب شوفى حياتك بعيد عن النت دى نصيحه منى وعن تجربه شخصيه والله كله كدب والله النت ده اسؤاء اختراع حصل

  2. ابواميرة
    11/01/2013 at 14:46

    انامع الاخت سالي في ماقالت وهو عين الصواب انت من كلامك عنو انه محترم ومن عيلة كويسة وصادق وصريح معك في كلامه مافيش مانع انوبيتقدم لاهلك ويخطبك رسمي حسب الاصول وربي يجعله من نصيبك ويسعدك في حياتكم

  3. غدر الزمن
    21/03/2012 at 02:23

    انا حكيتى شبيهة ليكى وع راى المثل اللى يشوف بلاوى الناس تهون علية بلوتو بصى يا ستى مش فى كل الاحول العلاقات عالنت بتكون غلط بس برضو الواحد بيقدر يتعلم من غلطاتة وانتى لو بتحبية فعلا قبلية مرة شوفى ايه طرقتو كلامو تصرفاتو وبعدين انتى من نفسك هتخدى قرار مناسب ليكى

  4. ماريا
    01/03/2012 at 18:53

    ياعااااالم اقراواي مشكلة هنا لا تحكمو على الناس من خلال العنواين ه اقراو المشكلو والفتاة ماذا فعلت حتى تقول خافي ربك انها ملتزمة وصادقة ومحترمة لانها جاءت وسالت هنا وهي بعد لم تقابله ماذادمتي يا اختي خائفة بهذه الطريقة هذا جيد لان هناك مثل يقو اللذي يخاف ينجو بمعنى قابليه في مكان عام كمطعم او مقهى محترم وانت بكامل لباسك المحترم وحجابك ودعي حاجز الاحترام يحيطك بهالة من الحماية هذا افضل شيئ قد يكون على حق لما لا خصوصا الناس الذين لديهم تجارب في الزواج تجدينهم سئموا من التسلية لا تفقدي الثقة في ربك ربما هذا سبب لما يريده الله

  5. مجروحة من الحب
    25/02/2012 at 12:51

    طيب هو هستفيد ايه من التسلية عن طريق النت وهو في قدامه بنات حقيقيات ممكن يتسلى بيهم… المهم انتي مش خسرانة حاجة كملي لاخر الطريق وشوفي هيحصل ايه بس المهم تاخدي بالك من نفسك لما تخرجي معاه وروحي معاه لاماكن عامة بس.

  6. palstainn
    08/02/2012 at 11:17

    هو في حب علي النت موجود اكتيير .وكل واحد فينا ممكن يعجب بشخص ويحبو.لكن المشكله مو بلحب المشكله بثقه الشخص الي اعرفتي قلك كل شي .لكن ما اعرفتي كل شي عن حياته..كمان انا لو بدي اتجوز وحدة من بلدي بسافر وبخطار البنت الي بتعجبني من ناحيه دينه وعقله وثقافته وبرجع فيه تاني ..مش احسن ما احب بنت من السيفي الي مش مكتوف فيه غير اسمه وعنوانه كبر الجمجمه يا معلم …عزراا

  7. RONA
    06/02/2012 at 21:37

    انا كنت اعرف واحد على النت كا عايش برة و بعدين كان بيحكيلى على واحدا بيحبها اتعرف عليها من على النت بردة و الحمد للة اتجوزو دلوقتى و عايششين مبسوطين الحمد للة
    صحيح اغلب العلاقات الى على النت الشباب واخدنها هزار و لعب لكن بردة فى نا صادقة و بتدخل البيوت من ابوابها اهم حاجة خلى بالك من نفسك و اوعى اوعى تتنازلى عن اى حاجة فى التزامك و اخلاقك دة الى بيميزك عن غيرك و ربنا يوفقك ان شااء و تااة و تهم حاجة الاستخارة اوعى تبطليها و ربنا يقدم الى فية الخير ان شاء اللة

  8. لولا
    08/01/2012 at 19:18

    انا هقولك لان انا بعيش قصه مشابهه لقصتك انتى خليكى مكمله معاه لحد ماتشوفى اذا كان هينزل اجازة ولا لا وتشوفيه ويشوفك بس اهم حاجه خلي بالك من نفسك كويس كونى حريصه جدا فى تعاملك معاه وخصوصا ان ده مش مصرى وبعد ما تشوفيه ويخلص من المشاكل اللى هو فيها اطلبى منه انه يتقدم رسمى واذا طلعلك بحجج فارغه يبقى لازم تسيبيه ضرورى وتتاكدى ان ده بيلعب بيكى وربنا يسترك ويستر كل بنات المسلمين

  9. أحمد
    03/01/2012 at 07:06

    الاخت العزيزة
    الحقيقة انا مش اقولك اية الصح و اية الغلط لانك اكيد عارفاة
    لكن المهم بجد ان في حاجة مش طبيعية في القصة دي و على الاقل و في ابسط الاحوال هو مش صريح و يمكن يكون وراه اكتر بكتير من اللي في بالك من بداية الموضوع و هو عامل فيلم حقيقي و صدقيني الدنيا علمتنا ان الجواب بيبان من عنوانة
    طبعا انا عندي احتمالات كتير للشخص دة و مفيهاش اي احتمال انة يكون طبيعي
    احب اقولك ان من الكلمات البسيطة اللي كتبتيها انا قدرت اشوفك كويس فمابالك باللي انت بتكلمية عالنت اكيد قرأ كل ما بداخلك و فهمك قوي
    طبعا حكاية ابن ناس و خلافة دة موضوع ان صدق فميعنيش انة كويس و يمكن يكون مش في صالحة

    الاهم اللي ياريت تسمعيني فية يا انستي العزيزة ان العمر غالي قويييي
    و مش عرضة للمخاطرة و المغامرة فبلاش تلعبي بية
    انستي العزيزة نصيحة من واحد شاف كتيير بلاش
    الحياة فيه كتيير نعاني منة اكتر من المغامرة بالعمر كلة و اياكي تحلمي ان الدنيا فيها كل الكم دة من الرومانسية الوردية و البساطة اللي بيتكلم بيها و اللي انت حسيتيها منة
    ياريت تقوليلنا انت عملتي اية و هحاول اتابع الصفحة دي
    شكرا و اسف للاطالة

  10. مصريه وافتخر
    29/12/2011 at 08:13

    بسم الله الرحمن الرحيم

    اولا احب ارد الاول على الردود المتخلفه سورى على اللفظ بس حاجه تشل بيقولك مقراتش الموضوع
    ويقول خافى الله اولا انتى لاكفرتي ولا اجرمتى علشان يقول خافى الله هو بقى لو بيخاف ربنا يقراء ويفهم الاول علشان يكون عادل فى الاجابه
    المهم انتى مش صغيره علشان متميزيش من واحد بيتسلى وواحد صادق معاكى
    ده شيئ انتى الى تحسيه
    ثانيا الى بيقول حب ع النت ويستخف بردو
    فبقولوا طول مافيه التزام وحدود يبقى مش عيب
    ويمكن النت ربنا جعله سبب بالارتباط
    لانه مسبب الاسباب
    زى مابنسمع واحده قبلت واحد فى مكان مثلا وشافوا بعض واعجبوا ببعض واستمروا بقصه حب

    ثم ارتبطوا النت هنا حرام والمقبلات مش حرام؟؟؟؟
    على الاقل من ع النت هيكون عبر الكتابه لاصوت ولا صوره

    اين الحرام؟؟؟؟

    هدخل فى الافاده صلى استخاره مره وتنين وعشره وتركى الموضوع للذى لايغفل ولا ينام

    اهم شيئ مثل ماقولتى انكى فتاه ملتزمه فهذا عنوانك الالتزام فى كل امورك معه حت ان يصير من نصيبك

    وايضا اذا اتقدملك من ترضين دينه وخلقه وحسيتى ان ده لمصلحتك ولرضى اهلك فتوكلى ايضا على الله ولا تنسى وقتهاانك من قبل صليتى استخاره فربما يكون هذا الخير لكى

    وعليكى بدعاء وربنا معاكى يارب ومع الى زيك تقبلى مرورى

  11. سالي
    19/12/2011 at 21:19

    بصي لازم تقطعي علاقة علي النت وتقوليلة حاجة واحدة لو كنت بتحبني لازم تيجي تتقدم لي رسمي علشان احنا في مجتمع شرقي مش بيحكم بعلاقة النت. واتمني لكي كل التوفيق

  12. يارب ارحمني برحمتك
    18/12/2011 at 14:17

    انا بصراحه ماقريت قصتك كامله لانها مره طويله بس قريت العنوان ومن العنوان اقلك خاافي ربببك واستحي من ربيك واعرفي الي تعملييه هذا شي غلط والله ماراح يوفقك لو شو ما صار وهذا شي يغضب رب العالمين انك تحكي مع شاي ع النت خافي ربك واحسبي الف احساب قبل كل شي تحياتي

  13. حل
    14/12/2011 at 02:30

    شوفي يا ستي انا هأنصحك نصيحة لوجه الله …وسيبك من الكلام المكتوب فوق انه بيضحك عليكي ومن الافكار اللي في راسك ..
    اولا : لو هذا الشاب بيتسلي زي الردود اللي فوق . فبدون زعل .. مش هيستفيد حاجة منك يعني انتي مش اغراء بالنسبة له لانه عايش بالغربة وقرفان من شوفه الحجات دي ..ثانيا : انا شاب ومتغرب وعارف تفكير الشباب العربي بالغربة احنا بنفضل نرتبط ببنت شرقية محافظة حتى لو كان شكلها بيشبه شيخ الغفر ..المهم الثقافة والعادات تكون متشابه . لان العادات هنا مختلفة ..ثالثا وهوا الاهم : اعطيه الفرصة بالارتباط وخلي الباب مفتوح مش هتخسري حاجة ,لكن لا توقفي حياتك يعني لو جالك عريس غيره اتوكلي على الله , لكن في نفس الوقت بلغيه انك انخطبتي عشان ما تربطيه معاكي وتتحملي ذنبه بعدين ..اسمعي كلامي واعملي كدا ..ويلا خلاص كفاية كده الكلام هوا مافيش حاجة بنتكلم فيها غير مشاكل البنات حتى في النت كمان .ههههههه

  14. لحظه وداع
    12/12/2011 at 05:05

    لو أنتة حاسه انو صادق أطلبى منو ييجى ويتقدم وهتعرفى من ردو هل هو جد ولا بيتسلى

  15. الطيار الرايق
    11/12/2011 at 07:10

    اذا كان صادق من جواه زى منتى صادقه معاه يتقدملك فى البيت بدون لف ولا دوران ولا خروج ولا فسح / المحامى

  16. ولا يهمك
    11/12/2011 at 02:02

    من غير مشوف انتي كاتبة ايه 10 %من الي علي النت بس بيكونو صادقين لانهم غالبا بيبقو مرضي نفسين لانهم بيحولو يتعرفو علي بنات متخفين في شخصية غيرهم

  17. الساجدة تحت عرش الرحمن
    10/12/2011 at 13:33

    السلام عليكم يا اختى
    شوفي يا حبيبتى هو مفيش حاجة اسمها حب من النت ولا في حب من ورا شاشه الكمبيوتر عايزاكى تسالي نفسك ,واحد ادامة بنات الدنيا كلها ليه يتجوز بالطريقه دى ويسيب البنات اللي ادامة وشايفهم؟ اذا كان مراتة اللي هو مختارها بارادتة دلوقتى هيطلقها خلي بالك ان الشباب مفيش حيله الا بيعملوها عشان يوصلوا للبنت ويمكن هو بيتعامل معاكى كدة عشان يديكى الامان وتثقي فيه هو لو عايزك بجد هيجى يخبط علي باب بيتكم غير كدة يبقي بيتسلي

اترك رداً أو حلاً لهذه المشكلة