انا دلوقتي بنت عندي ١٨ سنة و ظهر ف حياتي شخص و عارف اهلي و عارفه و عارفه اهله و اهلي عارفين بعلاقتي بيه المهم انه حبني اوي لدرجه انه اتغير و بيتغير عشاني و حكالي عن ماضيه كله بس هو دلوقتي عنده مشكله هو حصلتله ظروف و لِسَّه مكملش دراسته الجامعية و هو عنده ٢٢ سنة بس بيشتغل و من عيله كويسة و بيشتغل حلو بس لِسَّه الدراسة مدخلش جامعة و لِسَّه معملش حاجه جامدة اوي ف شغل ، المهم اني اشترط عليه ان عشان يبقي فيه حاجه لازم يخلص دراسته و يستقر و كدا و هو وافق و وعدني و بيسعي لدا ، دلوقتي انا داخله ع ثانوية عامة و غصب عني هبعد عنه و كدا و مفروض اني اما اخلص انه لازم ياخد خطوة و لو مخدهاش كدا يشيل اي فكرة ف دماغه بقي .. بس هو عموما بيتحايل عليا عشان نقرا فاتحه و كله يبقي رسمي و انا مش راضيه عشان سني و عشان لِسَّه مظبطش الدنيا و عشان طبعا اهلي مش هيوافقوا لان اهلي اصلا عاوزني اركز ف دراسة و شغل و بس اما حب و جواز بالنسبالهم بعدين اوي و مش هيوافقوا ع اي خطوة بدري خالص لازم اكون متخرجه او ع اقل ف اخر سنة جامعة عشان اتخطب انما قبل كدا مينفعش .. و هو ي عيني بيحبني اوي و هيموت و ياخد خطوة جد معايا .. انا دلوقتي ف حيرة كبيرة ما بين ضغط اهلي و هو ، خايفة أندم بعد كدا اني خسرت حبه و خسرت شخص كويس اوي و خايفه ف تفس وقت اخسر مستقبلي و يبقي اهلي عندهم حق و خايفه كمان اكون دبست نفسي معاه و بعد كدا يبقي فيه حد احسن و اكون اتعلقت و علقت نفسي بيه و يبقي شخص غلط .. ف انا فعلا مش فاهمه حاجه و مضغوطة و خايفه جدا ( مع علم اهلي بيحبوه جدا جدا بس طبعا مش حابين انه لِسَّه مكملش و كدا )
