السلام عليكم
انا انسه متقدم ليا قريبي وهو بيحبنى من اكتر من 11 سنه وكل سنتين او تلاته يتقدملي وارفضه لانى معتبراه اخ لكن هو مصمم عليا وعايز يرتبط بيا وهو انسان عادى يعنى ولا بحبه ولا بكرهه وعشان مش اظلمة اديت لنفسي فرصه انى افكر في الارتباط بيه لكن هو ليه افكار ساعات مبتعجبنيش او مش بقتنع بيها ودة بيسبب اختلاف ساعات مابينا وهو دلوقتى عايز يجى يحدد معاد خطوبتنا مع بابا وانا محتارة اوافق عليه ولا ارفض خايفه اوافق وبعد كدة اندم انى ارتبط بيه وكمان يحصل مشاكل بين اهلنا لاننا اقارب ويخسروا بعض وخايفه لما اوافق اكون بظلم نفسي انا معاه لانى محبتهوش ولا كرهتوا والخوف انى مقدرش احبه بعد كدة محتارة جدا اعمل ايه اوافق ولا ارفض الارتباط بيه مع العلم انى صليت استخارة 3 مرات ومشوفتش حاجة اسفه للاطاله
الحب بين الاقارب
محتارة في قرار زواجى من قريبي
اضيف بتاريخ: Monday, December 3rd, 2018 في 02:43
كلمات مشاكل وحلول: الاستخارة, الخطوبة, الزواج, بنت, زواج, شاب, صلاة الاستخارة
يااختي ممكن نعرف سبب رفضك الزواج من هذا الشاب قريبك لو على مسالة الحب فعايزك تعرفي ان الحب الحقيقي يأتي بعد الزواج وحرام عليك الشاب طوال 11 سنة وهو يحبك ولافكر في الزواج بغيرك فدا كافي لاجل تقدري له مدى الحب الكبير اللي يكنه لك ولاتنسي انه قريب لك وسوف يحطك جواة عيونه وبيصونك ويصونك كرامتك احسن من الغريب صلي صلاة الاستخارة مرة ثانية وثالثة وعاشرة حتى يطمن قلبك ويرتاح وانت لك حرية القرار بعدها