الحب على النت

حبيتوا من الفيس بوك وسابني بعد ما قابلني

اولا السلام عليكم

ثانيا انا مشكلتي اني عرفتو من الفيس بوك واتصاحبنا لمدة سنة واحنا مع بعض صحاب شات و تليفونات بس وكنا اصحاب لدرجة جميلة جدا بس انا حبيتوا غصب عني وهو كمان حبني اوقال كدا واعترفلي بحبوا ليا وانا كمان وفضلنا مع بعض 3شهور من غير مانزعل بعض ولانتخانق خالص خالص بس بعد ال3شهور دول بدا يتهرب مني ومن تليفوناتي ولما اقولوا اشوفك يقول مش فاضي بعد ماكان بيتحايل ع خمس دقايق يشوفني فيهم المهم قالي احنا لازم نسيب بعض عشان انا حبيتك اوي وضعيف قصادك جدا وانا مش كدا فتحايلت علية كتير جدا انو يفضل معايا وبعد اسبوع رجعلي بس مافيش اسبوع اتخانق معايا روحت قلتلوا انت مش هتذلنيي عشان بحبك انا المرادي الا هسيبك يالا مع السلامة وقفلت ومكلمتوش من وقتها ولا هو عبرني حتي برنة واحدة سؤالي بقا احنا ياتري كنا بنحب بعض بجد ولا كان بيلعب بيا وانا عبيطة صدقت

ع فكرة دا اول حد احبوا واعجب بية انا عندي 18سنة

مشاكل وحلول ذات صلة

اضيف بتاريخ: Tuesday, December 28th, 2010 في 20:16

كلمات مشاكل وحلول: , , , , , , , , ,

21 رد to “حبيتوا من الفيس بوك وسابني بعد ما قابلني”

  1. البرنس
    10/09/2019 at 21:53

    لا طبعا ده مش حب واحمدي الله انك بعدت عنه ولاحصل بينكما شئ ولازم تحافظي على خلاقكي وشرفكي وسمعتكي وسمعةاهلكي ولاتثقي في اي شاب في هذا الزمن اهتمي بدارستكي وربنا يكرمكي بابن الحلال اللي يستاهلكي ويقدركي ويسعدكي طوال حياتكي

  2. ابواميرة
    26/01/2013 at 16:20

    ابنتي ماكان الولد بيحبك ابداولاعمره كان صادق معك كان بيتسلى بيك وعاوزياخذحاجةمنك ولمافشل في خذهاسابك وراح يدورغيرك والافضل تهتم بنفسك وبكليتك والعمرلسه قدامك طويل بيجي اليوم اللي تلاقي فيه الحب مع الرجل اللي يستاهلك وقادريسعدك

  3. دايخه في دنيا بايخه
    06/04/2011 at 20:21

    بصي يا حببتي دا مش اللي اسمه الحب هو اكيد وطبعا كان بيتسلي واهو لقي الحاجه الحلوه اللي يدلع معاها شويه حاله حال معظم الشباب اليومين دول وشكله كدا لقي وحده غيرك يتسلي معاها واهو بيغير جو برده وبعدين اذا كان الحب لواحد تعرفيه او بيشوفك وتشوفيه مش مضمون هتصدقي ده يا بنتي انتي في نظره وحده مش محترمه استني متزعليش انا بس مش عايزاكي تضعفي ادام اي حد يقولك كلمتين حلوين دا ربنل قال -ولا تخضعن بالقول فيطمع الذي في قلبه مرض-صوني نفسك واطلبي من ربنا انه يسمحك ع كلامك معاه لانك شكلك نسيتي ان صوتك عوره —–اطلبي من ربنل يرزقك حب بالحلال طيب انا هسالك سؤال انتي ممكن تقولي لاهلك انتي بتحبي فلان ده =لا طبعا لان دي حاجه غلط وحرام و ع كده محدش عرف دي كانت حاجه جواكي حسيتي بحلاوتها لوحدك ف دوقي عذابها برده لوحدك—-ع فكره انا كنت بحب واحد عالشات م فتره قصيره ومن يومين بس فكرت مكلموش وقلت لربنا يا رب انا سبته حبا فيك ورغبة اليك فاعني ع ان اتحمل والحمد لله قد كان ودلوقتي مش بفكر فيه خاص وانا مرتاحه كده صدقيني لاني سبته لغرض هسمي وحب اطهر
    اللهم ارزقنا جميعا باحب الطاهر الحلال الذي لا يغضبك واسبل سترك علي بنات المسلمين كافة
    امييييييييين
    اسفه للاطاله

  4. IvIeSsa
    02/01/2011 at 02:30

    لا طبعا ده ماسموش حب أبدا حب إيه ده بس؟؟
    حبيتوا خطوط بعض ولا ارقام تليفونات بعض انتي لسه صغير ربنا يحرصك ويحميكي من الشباب إللي زي البني ادم ده مجرد شيطان وزي مابيعمل وعمل معاكي عمل مع الف زيك دول بيبقوا فاضيين واطفال صدقيني لعب عيال وبيتسلى طبعا ماتصدقيش الكلام ده طبعا

  5. انثى ولكن ..
    31/12/2010 at 17:48

    بصى انا ولد وعندى 22سنه وحبيت مره واحده زيك بس برضو سبنا بعض بس انا كانت زميلتى فى الجامعه المهم
    الانسان اللى يقدر انه يبعد عن اللى بيحبه ويقوله لمجرد انه حتى بيهزر انا مش عايزك او احنا لازم نسيب بعض صدقينى عمر الانسان دا مابيحب اللى معاه او معلش بيقدره او بيخاف على مشاعره وبصى فى الزمن اللى احنا فيه دا مفيش حد بيعرف يحب صح اى شاب دلوقتى فاهم الحب دا خروج ودخول مع الانسانه اللى المفرض انه بيحبها معنى بيحبها انه يحافظ عليها من اى كلمه تمسها او حتى لمجرد ان حد يتكلم عليها بس صدقينى انا متاكد انه مفيش حد بيعرف يحب فى زمانا دا
    المهم انتى لازم تبعدى عن الانسان دا لانه مش بيحبك اللى يحب ميقدرش يبعد ثانيه عن اللى بيحبه ودا ممكن يكون بالنسبه ليكى ممكن تكونى عايزه تتطمنى عليه او تسمعى صوته بس دا لانك بتحبيه بصى لنفسك وحنينك ليه وبصى لتصرفاته هتلاقى اللى انا عايز اوصلهولك انا اسف على الاطاله وبعدين انتى عندك العمر لسه بدرى ممكن تحبى تان وتتحبى وهتعرفى وتشوفى الفرق لما تلاقى حد بيحبك بجد ويخاف عليكى

    فى النهايه
    انا متاكد انه مفيش حد يستاهل ان الواحد يديله حبه اللى هو اغلى شى عند الانسان ممكن يمنحه لحد تانى
    اسف على الاطاله
    ربنـــــــــــــــــــ يوفقك ــــــــــــــــــا

    الله معك يا غدر الحب الله معاك

  6. يعينى عليك يازمن
    30/12/2010 at 01:46

    بصى هو ممكن تطلعى من النت بصديق بجد للزمن لكن حبيب لا اسهل حاجه هيقولها انا عرفتك من النت ومضمنش انتى قابلتى مين قبل كده لو عايزة تعرفى حد اكسبيه كاصديق او صديقة بس طبعا تختارى صح

  7. النبيل شارل
    29/12/2010 at 22:02

    يا صاحبه المشكله غريب امرك يعني ما فهمتي ان الرجل كان يريد استغلالك ين طلب منك الفلوس البنت مهما كانت غنيه والرجال مهما كان فقير لا يمكن ان يسمح لنفسه ان يأخذ مال من البنت اللي يحب يا بنت الكرام كما قلت سابقا انتي اخطأتي الاختيار وذالك ليس عيب ابدا الان انهضي بنفسك وانسي الماضي وعيشي حياتك فأنتي تستحقي الافضل

  8. شخص ما
    29/12/2010 at 19:47

    بصي هو ممكن تكوني انتي حبيتي بجد بس هو محبكيش كان بيضيع وقته وخلاص
    اصلا الشباب اليومين دول مبيعرفوش يحبو وبيبقى قليل اوي لما تلاقي ولد بيحب بنت بجد بس موضوع الفيس ده عادي لان واحده قريبتي اتعرفت على واحد في النت وهما دلوقتي متجوزين وعندهم بنوته هو مش كلهم بيبقوا حلوين بس معظمهم وحشين جدا قربي من ربنا اوي انتي لسه صغيره ولسه ماقابلتيش حبك الحقيقي وادعي ربنا يبعد عنك الشر

  9. حبيبة الرحمن
    29/12/2010 at 16:56

    انتم يابنات مالكم ايه فيكم اسلوبك غريب فين تربيه البنت فين خوها من ربها وفين حياءها وفين احترمها لابوها وامها واخواتها وفين احترامها انفسها حرام عليكم راعي ثقة اهلك فيكي وراعي ربك في حالك عمر الحب والزواج مابيجي عن طريق شات ولا نت ولا موبيل ولا الارف ده ده مش حب دي وقاحه اللي بيحب حد بيبقه علني والناس كلها عارفه بحبهم مش زي الحريمه وفي الاخر نقول ياريت اللي جراء مكان فكري في مستقبلك وفي دراستك ده كله لعب اللي بيحب حد مش بيكلمه تليفون بيخاف عليه من اي حاجه ده لعب حبيبتي خافي علي حالك

  10. صاحبة المشكلة
    29/12/2010 at 15:25

    اولا ميرسي جدا لرودودكم عليا وميرسي لنصايحكم بجد شكرا
    والاستاذ الا بيقول انة لما شافني لاقاني وحشة بالعكس انا امتلك مواصفات من الجمال بالنسبة عالية والله دا مش كدب ولا رشكر في نفسي وع فكرة انا اعلي منو في مستوي اجتماعي ومستوي تعليمي بس عيبي اني حبيتوا بجد واتعودت علية ووضحتلوا دا اوووووي ولما حس كدا بعد عني وكمان هو كان بيطلب مني فلوس ولما رفضت مرة من بعدها اتغير عليا

  11. رغوده
    29/12/2010 at 14:47

    بصى من وجهة نظرى وانا ادك فى السن وفاهم الى احنا فيه بصى مفيش حب من على النت ولا فى حب من غير النت دا حرام شرعا حرام يا اختى وانا عايزه اقولك على حاجه بس عموما متزعليش وسيبك وركزى فى دراستك ربنا يرحمنا سلاام

  12. النبيل شارل
    29/12/2010 at 11:23

    يا بنت الكرام اتدرين ما هو السبب الذي جعله ينفصل عنك لانك قابلتيه الشباب لايحبوا البنت السهله اللي يقابلوها بسهوله انصحك نصيحه كوني صعبه نعم كوني صعبه حتى لو كان الشخص يحبك لا تبوحي له بحبك بسهوله لانه قد يستغل ذالك الحب

  13. داوي جروحي وبعدين روحي
    29/12/2010 at 09:27

    احنا فى زمن يعلم بيه ربنا بس ربنا يهدينا ويرحمنا انا عاوزه قولك حاجه انا اولا شاب زاى اى شاب بس احنا كشباب وبنات البنت بتحب تسلا والشب نفس كذاللك انا برضو كنت فى نفس المشكله بتعتك بس الحمد لله خرجت منها بصعوبه لان اللي بيحب من القلب بيحب بجد واللي بيحب اوي لازم ينجرح اوي وانا قررت انى اتجوز جواز تقليدى وشكرا الصمت المجروح

  14. المهاجر
    29/12/2010 at 08:58

    من الآخر ده كان بشتغلك … ولما شافيك ولاقى – ما تزعليش منى – إن شكلك وحش … قال يا فكيك … ده الحقيقة اللى انتى وغيرك لازم يعرفوها … مفيش شاب مصرى عادى بيتجوز أو بيحب واحدة عرفها من على النت … إلا فى حالات نادرة … وفى الحالات دى فى الغالب البنت بتكون صاروخ ما يتسبش … وعلى رأى المثل عندنا هنا first come , first served

  15. احمد
    29/12/2010 at 01:11

    مافيش حب الزمن ده
    وانا ولد وعارف نظرة الشاب للبنت الي تكلمو على النت
    مابيحترمهاش وبيتسلى فيها بس
    لو حبك مش هيدايئك ابدا ولا هيزعلك ولا هيسيبك
    ابعدي عنو ولو رجعلك كلميه عادي وكانك ماحبتيهوش ابدا

  16. نور عيني
    28/12/2010 at 22:19

    بصي انا شفت موضوعك دا وبجد اضايقت عليكي انتي ليه عامله في نفسك كدا ليه يابنتي عادى يامه هاتشوفي في الزمن اللي احنا فيه دا ولعلمك الشات والفيس بوك دول اعتبريهم مجرد دردشه مش اكتر لان مفيش حد ليه امان دلوقتي وتوقعي اى حاجا تحصل واى غدر من اى حدانا كنت طيبه زيك كدا بظبط بس حصلي غدر كتير والهم من حبيبي ومن اصحابي وكل امه اشوف حد بيكون حاصل معاه بلاوى برضو وانتي سيبك منه وبكره تنسي خالص واوعي تتصلي بيه تاني سيبيه خلاص ولو فكر يكلمك كلميه عادى بكل برود واعملي معاه نفس اللي عملو معاكي وربنا يسترها معانا

  17. BARCA
    28/12/2010 at 22:10

    المشكلة مش انك حبيتي من على النت او من طريقة تانيه
    المشكلة انك حبيتي مين

  18. ahlam
    28/12/2010 at 22:09

    خليكي يا حبيبتي من حب الاولاد في الشات والله دا فقط فرع الراس وبس الات لتعارف وبس مش الحب والعلاقات والامور دي هو ما بيكلمك انت وبس هو بيكلم بنات غيرك الاولاد هم دو لما بيلقو بنت احلى من تانية بيسبوها
    خليكي من خرفات الشات عشان هو كلو كدب في كدب انا سبق لي حبيت ولد من القطر بس هو كان اكبر مني ب 11 سنة وعم دالك حبيتو ومت فيه بس في اخير طلع كداب ومريض نفسي هو جاء وزرني في بلدي الي هو المغرب وكان يفكر يتزوج بيا لكن في الاخير طلع مو زين وكداب ومن بعد شلت من بالي ومسحت كل دكرياتو والحمد لله انا الحين في احسن احوال بدون

  19. حل
    28/12/2010 at 22:06

    حساباته تختلف عن حساباتك
    سكتكم مش واحدة
    بالنسبة له انت ماضي ويجب ان يكون هو بالنسبة لك ماضي
    اي محاولة لارجاع شريط الذكريات لن تخلو من الم
    لا تعذبي نفسك
    هو اختار انت اختاري
    هو اختار البعد انت اختاري سكة اخري
    بس ما تنسيش ربنا لاحسن ينساك ” نسوا الله فانساهم انفسهم “

  20. غدر الحب
    28/12/2010 at 21:28

    بصى انا ولد وعندى 22سنه وحبيت مره واحده زيك بس برضو سبنا بعض بس انا كانت زميلتى فى الجامعه المهم
    الانسان اللى يقدر انه يبعد عن اللى بيحبه ويقوله لمجرد انه حتى بيهزر انا مش عايزك او احنا لازم نسيب بعض صدقينى عمر الانسان دا مابيحب اللى معاه او معلش بيقدره او بيخاف على مشاعره وبصى فى الزمن اللى احنا فيه دا مفيش حد بيعرف يحب صح اى شاب دلوقتى فاهم الحب دا خروج ودخول مع الانسانه اللى المفرض انه بيحبها معنى بيحبها انه يحافظ عليها من اى كلمه تمسها او حتى لمجرد ان حد يتكلم عليها بس صدقينى انا متاكد انه مفيش حد بيعرف يحب فى زمانا دا
    المهم انتى لازم تبعدى عن الانسان دا لانه مش بيحبك اللى يحب ميقدرش يبعد ثانيه عن اللى بيحبه ودا ممكن يكون بالنسبه ليكى ممكن تكونى عايزه تتطمنى عليه او تسمعى صوته بس دا لانك بتحبيه بصى لنفسك وحنينك ليه وبصى لتصرفاته هتلاقى اللى انا عايز اوصلهولك انا اسف على الاطاله وبعدين انتى عندك العمر لسه بدرى ممكن تحبى تان وتتحبى وهتعرفى وتشوفى الفرق لما تلاقى حد بيحبك بجد ويخاف عليكى

    فى النهايه
    انا متاكد انه مفيش حد يستاهل ان الواحد يديله حبه اللى هو اغلى شى عند الانسان ممكن يمنحه لحد تانى
    اسف على الاطاله
    ربنـــــــــــــــــــ يوفقك ــــــــــــــــــا

  21. اخصائيه نفسيه
    28/12/2010 at 21:15

    بصي يا حبيه قلبي الحب ده حاجه كبيره جدا معناها توافق وتفاهم بين طرفين هو كان بيقضى وقت ماكنش بيحبك ومعنى انه يقابلك ده شئ غلط انت ارتكبتيه هو لو بيحبك يخاف عليكي من كلام الناس مش يقابلك وانتى لازم ما تسمحيش لده انه يحصل اللى بيحب واحده بيخاف عليها وعلى سمعتها هو حس انك سهله بعد ما قابلتيه كمان انك قبلتى على نفسك انك تقابلى شاب غريب وما تعرفيش عنه حاجه وده غلط كبير جدا افرضى كان من الناس اللى بنسمع عنهم وصورك ولا عملك فضيحه كان هيبقى ايه العمل اعرفى انه ربنا بيحبك انه بعد عنك الشخص ده واعرفى انه اللى بيحب واحده بيتقدم لاهلها عشان يتجوزها بيدخل البيت من بابه

اترك رداً أو حلاً لهذه المشكلة