الحب على النت

اتعرفت على شاب من الانترنت تفكيره متحرر جدا

اتعرفت على شاب عن طريق الانترنت من اكتر من سنتين كلامنا كله كان على النت وبعد كده قررنا نشوف بعض وتقابلنا وبعد اول مقابله قالى انه بيحبنى طبعا مكنتش مصدقه كلامه لان انا مكنتش بقتنع بحب النت وبعد كده طلب منى طلبات وان علاقتنا تاخد شكل تانى وكان مبرره ان اى اتنين بيحبوا بعض ممكن يعملوا اى حاجه بدفع الحب وان ممكن توصل لعلاقه بينهم زى اى اتنين متجوزين طبعا انا موافقتش وقطعت علاقتى بيه حاول يكلمنى كتير جدا لكن انا كنت شايفه ان ده مش صح وحرام وبعد الحاح رجعت كلمته تانى واتاسفلى وقلى ان مش هيطلب منى حاجه زى دى تانى فى الفتره دى كنت حبيته بجد واتعرفنا اكتر وعرفنا كل حاجه عن بعض بشكل اوسع عرفته عن مغامراته مع البنات واللى كانت بتوصل لمرحله العلاقه بين الازواج وعرفت انه عنده ميول غريبه او ان عقله متحرر فى حاجات متتنسبش مع مجتماعنا صبرت معاه على انه هيتغير ولكن كانت افكاره شاذه جدا وبعد فتره طلب منى الارتباط بشكل رسمى وافقت وكنت هطير من الفرحه لانى حبيته بس كل ما الوقت يقرب للارتباط براجع نفسى كتير لان هو تفكيره متحرر جدا وفى نفس الوقت فى احد افراد اسرته شخصيه مش كويسه وهو حكالى عنها يعنى مش كويسه اخلاقيا حاولت اتجاهل كل لحاجات دى واشوف الاجابيات انه طيب وبيحبنى وحنين لكن بفكر فى المستقبل وانه هيكون اب لاولادى عايزه اخد قرار كل ما اخد قرار البعد احس ان انا هكون ظالمه لانى هوجعه ببعدى ده وفى نفس الوقت انا هتعب ببعدى عنه انا عارفه الرد هيكون ايه ان انا ابعد عنه بس محتاجه حد يشاركنى فىرأيى

مشاكل وحلول ذات صلة

اضيف بتاريخ: Thursday, November 30th, 2017 في 01:37

كلمات مشاكل وحلول: , , , ,

3 رد to “اتعرفت على شاب من الانترنت تفكيره متحرر جدا”

  1. ابوالبتول
    17/01/2018 at 21:15

    انت عرفتيه من خلال النت فهل تظني ان دي علاقة صادقة وتؤدى الى الارتباط تبقى واهمة جدا ومغفلة كبيرة مابنى على باطل فهو باطل والمصيبة السوده انك عرفتي حقيقته بانه شخص متحرر جدا وعنده هوس بالجنس ولايستاهل ان يكون زوج لك واب لاولادك في المستقبل دي الحقيقة التي لزوم تعرفيها ارفضيه واقطع علاقتك به نهاية وللابد واياك والرجوع اليه مرة اخرى وربنا بيكرمك بابن الحلال الصالح اللي يعرف ربنا ويقدرك ويصون مشاعرك ويحافظ عليك ويسعدك طوال عمرك

  2. توبة نصوح
    07/12/2017 at 22:27

    ابتعدي فورا عنه انتي الوحيدة التي علقت على سؤالها كونني مررت بقصة مشابهة لكن الحمد لله لم اكن انا زوجته ففي حين التكلم معي كان عرسه قريب وخان زوجته انت كذلك ربما ستصبحين زوجته لكن تذكري انك ستتعرضين للخيانة كثيرا وربما سيأتي لك بأمراض خطيرة والعياذ بالله ثم ماذا تفعلين مع شخص لايفرق بين الحرام والحلال، لن يصبح ابدا ابا جيدا لابنائك صدقيني الشخض الذي يتكلم عن الامور الحميمية بكل وقاحة هو شخص يحوي على الكثير من العيوب التي لست على اطلاع بعد بها. ابتعدي ابتعدي ابتعدي حتى في حالة انه يريدك فعلا رغم انني اشك في ذلك….المهم ابتعدي مهما كانت خيارته معك

  3. المتواضع
    02/12/2017 at 02:03

    اختي الفاضلة سر نجاح العلاقات الزوجية هو التفاهم وانتي تقولين انه افكاره غريبة يعني فيه اشكال
    مشكلته ليس متحرر بل مريض جنسيا بمعنى مهوس بالجنس و ممكن اثناء الجماع يطلب منك امور قد تخالف الشرع وهذا سبب ايضا لوقوع المشاكل
    الزوج الصالح الذي يخاف الله تاكدي ان الحياة معه ستكون اسهل و اريح ولو قلتي لي ان هذا الشخص يصلي ومتدين لموافقتك الراي حتى وان كانت فيه عيوب لان خوفه من الله راح يغطي على جميع عيوبه وحتى معاملته لك ستكون جيدة
    اما هذا الشخص لا اعلم شخصيته لان الحكم عليها تحتاج للمعاينة لكن يجب التريث كثيرا وولاتقومي باي خطوة حتى تتاكدي من طباعه وايضا لا تنجرفي وراء عواطفك حتى لا تتخذي القرار الخطاء

اترك رداً أو حلاً لهذه المشكلة