الحب على النت

حبيته وهو مش بيكلمنى خالص ولا بيسأل عليا

انا بنت عندى 17 سنة عمرى ما فكرت انى احب الوحدة خلتنى اكلم ناس من ع النت كاصحاب علشان املى فراغى او علشان الاقى حد اتكلم معاه قبل ما انسى الكلام المهم عرفت واحد عنده 20 سنة كان فى سنة 3 فى الجامعة وكنت بكلمه كاخوات واصحاب بس هو كان بيكلمنى بطريقة غريبة كنت دايما حاس انه عايز يقولى حاجة جه فى مرة قالى انه بيحبنى وانه عارف انى مش بفكر فى الحاجات دى بس هو بيحينى بجد وهيحافظ عليا وعمره ما هيجرحنى ولا يعطلنى عن المذاكرة فى الاول قلتله انا مش ينفع احب من النت قالى هو احنا لقينا طريقة غير دى نعرف بعض بيها ويمكن ربنا عايزنا نعرف بعض بالطريقة دى المهم مش اقتنعت ورجعنا نتكلم تانى زى الاصحاب وبعد فترة كان مخنوق وقالى انه بيحبنى ومش قادر ع الطريقة ال بنتكلم بيها وانه محتاجلى معاه بجد لما حسيت انه محتاجلى مقدرتش ابعد عنه او اسيبه فى الفترة دى المهم اتكلمنا مع بعض لحد ما حبيته وحسيت انه هو الوحيد الحنين عليا فى الدنيا وانه بدل اهلى واخواتى واصحابى واتكلمنا فى الموبايل وبعد فترة بدا يقلل من كلامه معايا ويقولى ظروف وغصب عنه
وبعديها عرف انى عملت عملية ومش سأل عليا رن عليا مرة واحدة وكنت فى الدرس مش عرفت ارد عليه بعديها مش سال عليا تانى
كلمته علشان اسال عليه قلت يمكن زعل كلمنى عادى خالص وقالى انا مش بكلمك علشان الامتحانات قربت وانا مش عايز اشغلك
وكان بيكلمنى كل يوم بعد الامتحان يطمن عليا وانا كمان كنت بكلمه بعد امتحانه اول ما الاجازة جت مش بيكلمنى خالص ولا بيسأل عليا
قلت يمكن تعبان بس واحدة صاحبتى قالتى انه بيفتح النت كل يوم يعنى كويس
انا مش عارفة اعمل ايه انا بجد اتعلقت بيه اوى وهو عارف انى كنت معتبراه هو ال ليا فليه يعمل فيا كده ؟

مشاكل وحلول ذات صلة

اضيف بتاريخ: Monday, March 19th, 2018 في 06:57

كلمات مشاكل وحلول: , , , , , ,

2 رد to “حبيته وهو مش بيكلمنى خالص ولا بيسأل عليا”

  1. ابوالبتول
    25/04/2018 at 22:51

    شوفي يابنتي الحبيبة مافيش حاجة اسمها صداقة او اخوة بين الفتاة والشاب لازم تعرفي هذا احساسك بالفراغ العاطفي من اهلك هو السبب اللي اوقعك في هذة العلاقة مع هذا الشاب ظنا منك انه هو الحبيب المنتظر والفارس الاحلام لك ومافكرتيش في عواقب تلك السلوكيات الخاطئة والغير اخلاقية اللي تعمليها على سمعتك وسمعة اهلك وكرامتهم توبي لربك واستغفريه واحمدي الله ان ربنا صرف هذالشاب عنك وابعده عن طريقك واياك والاتصال عليه او التفكير فيه انسيه تماما واهتم بدراستك ومستقبلك جيدا والمحافظة على خلاقك وشرفك وسمعة اهلك وثقتهم فيك وربنا يسترها معاك ويصلح حالك ويؤفقك في حياتك كلها ويرزقك بابن الحلال اللي يستاهلك ويقدرمشاعرك ويسعدك العمر كله

    قَـيّـم هذا الحل: Thumb up 0 Thumb down 0

  2. ابو حقي الكوياني
    21/03/2018 at 15:22

    استغفرر الله العضيم واتوب اليه
    بسم الله ابداء
    مرحبا يا اختي ولو اني ما عندي هلكت فهم بهل مواضيع بس حبيت اضيف كومنت بلكت تستفادين من التعليق شي .
    توبي واستغفري وادعي الله بما لديك من مشكلة ولا تسلمي مشاكلكي للبشر فالبشر لا ينفعون ولا يضرون من شيء ليئن انا قدمت ونشرت مشكلتي بس محد فادني بأي شي ولكن سأفعل ما طلبت منك ان تفعلين .
    وصلى الله على سيدنا محمد وعلى اله وصحبه وسلم

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة