الحب على النت

حبيته من قبل ما اشوفه اصلا ولا اتكلم معاه

معلش انا اسفه انى هطول حبتين تلاته أنا عندى 14 سنه كان عندى اكونت ع الفيس قديم كنت ضايفه عليه شباب كتير أوى بس والله مش قلة أدب ده لانى كنت لسه مش عارفه ان ده غلط ! المهم مش بقتحه بقالى حوالى سنه وجيت بالصدفه ف مره بفتحه ف لقيت عليه ولد مش عارفه انا اتشديتله أووى من شكله مع انه مش أمور أوى بس حسيت انه شدنى مش عارفه ليه ولا ازاى .. المهم انا حكيت لصاحبتى عليه من كتر ماكنت مش قادره استحمل اسكت وكنت تقريبا مفيش موضوع الا اما اجيب سيرته فيه فالنص وفضلت اتابعه حوالى اسبوعين لحد ما عرفت تقريبا حاجات كتير عنه .. كان نفسى اسمع صوته أوووووى وهو كان حاطط رقمه ع الفيس اخدته بس والله العظيم عشان اسمع صوته مش اكتر ومكنتش بتكلم أما يفتح .. وطبعا كل ده بردو بيبقى يتحكى لصاحبتى , ف مره قالتلى هاتى كده رقمه اشتغله وطبعا لانى كنت واثقه فيها عطيتهولها وكلمته قدامى مكملش 20 ث لان هو اصلا طبعه مش بيعرف يتكلم كتير ومؤدب وهيا بقى فضلت تقولى عليه رخم ومغرور وكل ده عشان مطولش معاها ,, وامبارح بالصدفه صاحبتى دى كانت عندى ف البيت فبقولها تعالى اوريكى ….. نزل صور جديده لقيتها بتقولى بصى انا عايزه اقولك على حاجه بس عارفه انك هتزعلى منى وكده بس انا والله عشان عارفه انك نفسك فيها قلتلها قولى قالتلى انا بقيت بكلمه وانا وقتها والله كنت حاسه انى هتشل قالتلى انا مكلمتوش غير مرتين بس وقلتله على اسمى واما ناخد على بعض شويه هبقى اضيفه ع الفيس واديكى مره تسلمى عليه ف الفون وبعدين تبقى تضيفيه وابقى اطلع بقى انا ف الوقت المناسب أصل انا حلمت ان انا ف مره كنت جيتلك هنا وبعدين انتى فضلتى تعيطى قوى وقلتلك مالك قلتيلى اصل انا بحب ….. اوى وهموت نفسى خلاص .. ف والله عشان خاطرك انتى بس
أنا مش عارفه والله هيا ليه عملت كده انا عمرى ماتمنيتلها حاجه وحشه بس هى كل حاجه بتبقى معايا عايزه تاخدها وخلاص هتبدأ ف الاول كده وبعدين هنمثل فيلم الف مبروك من تانى اللى اتفرجت عليه 100 مره منها وان هيا بقى ملاك وغصب عنها مش بايديها انهم حبوا بعض
أنا والله كان دمر محروق أوووى وكنت عايزه اى حد احكيله اى حاجه عشان كنت هموت ولقيت واحده صاحبتى بس هيا متعرفهاش وحكيتلها كل حاجه فلقيتها زعلت أوووى بردو وقالتلى على حلول كتير اوى وكده بس مش هينفع ولا حل ف لقيتها بتقولى طب بصى انا عندى فكره مش عارفه هتعجبك ولا لا قلتلها قولى قالتلى اما تقعدى ع النت ابقى ابعتيلى اللينك بتاعه وانا اكلمه اقوله الحكايه كلها وان انتى معجبه بيه بس مش عايزه تقولى انا اتحرجت اوى انى اكسفها والله قلتلها ماشى وقالتلى هديكى الباسورد حتى عشان تبقى معانا ف كل حاجه وانا مرضيتش بس هى اديتهولى غصب عنى ,
المشكله بقى دلوقتى ان هى ممكن تقوله كده هو بقى يوصل لصاحبتى اللى بتكلمه التانيه دى الكلام فنخسر بعض وانا بصراحه مش عايزه اخسرها لان هيا تعتبر اقرب حد ليا وحتى لو مش كانت كده انا مستحيل هعرف اعيش وضميرى بيأنبنى انى خسرت بنت عشان خاطر ولد لانى عمرى مابصيت لولد وطول عمرى عايشه عادى تيجى المره اللى ابص فيها يحصل كل ده ! أنا اسفه بجد انى طولت كتير بس لو سمحتوا ممكن اى حد فيكم يعتبر نفسه مكانى ويقولى الحل بقى

مشاكل وحلول ذات صلة

اضيف بتاريخ: Sunday, May 27th, 2018 في 21:52

كلمات مشاكل وحلول: , , , , ,

ردود to “حبيته من قبل ما اشوفه اصلا ولا اتكلم معاه”

  1. ابوالبتول
    27/05/2018 at 22:19

    دي تصرفات بنت مش محترمة ولامتربية وحرام عليك تعمل كلدا وانت في سن 14سنة امال لو كنت في 20سنة هتعمل ايه اكثر من كدا خلاص مافيش خوف من ربنا عزوجل ولارادع من دين ولاتفكري في شرف اهلك وسمعتهم وكرامتهم كل البلاوي دي من النت افسد خلاقكم وتربيتكم يابنات اليوم وخلاكم بالشكل ده عاوزك تتقي الله في نفسك وفي اهلك وتقطع علاقتك بالولد ده نهاية وللابد وتصوني خلاقك وشرفك وسمعة اهلك وتحافظي عليهم جيدا وتهتم بدراستك ومستقبلك ربنا يصلحك ويهديك ويكفيك شر ولاد الحرام ويسترعليك يابنت الناس انت وكل البنات اللي زيك

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة