اتعرفت على شاب من الانترنت وكان بينا كل احترام وتقدير بعد فترة من تعارفنا صارحني باعجابه وبحبه ولكن انا قلتله انا (مش بتاعت الكلام ده) يعني انا معنديش فى الحب وكده انا بفضل انه تكون العلاقة بطريقة رسمية(الزواج) ومش حقدر اتعرف عليه اكثر الا فى حدود النت وبس وهوا وافق.. وفضلنا على كده كام شهر وكان اعجابي بيزيد بيه اكثر وهوا كمان
وكان كل مايتقدملي عريس اقوله عليه وهوا يقولى ارفضي عشان هوا عايز يتقدملي .. بس لما يزبط وضعه فى الاول وبعد كده هيجي يطلبني
وانا كنت ارفض عشانه وكل مرة اطلع بحجة قدام اهلي
بعدها حسيت انه معاملته تغيرت وان دخوله بدأ يقل من زي الاول ولما دخل قالي انه كان عنده ظروف فى البيت منعته انه يدخل .. بعدها بحوالي اسبوعين او اكثر لقيته برضو بدأ يدخل قليل وفضل 5ايام مش بيكلمني لما سألته قالي انه عنده مشاكل فى الشغل منعته انه يدخل وكان مشغول مع العلم انه فى الوقت ده كنت بشوفه بيدخل على الفيس بوك كل يوم وبيتكلم مع اصحاب هناك (شباب +بنات) وهوا قالي فى الاول انه مش بيدخل عليه وانه معندوش اكاونت بس انا عرفت ومرضيتش افهمه اني عرفت وفضلت ساكته
في يوم تقدملي عريس وكلمته عليه قالي ارفضي وانا مقدرش اتقدملك دلوقتي عشان ظروفي.. بس المرة دي كان العريس كويس وعجب اهلي وانا مقدرتش ارفض المرة دي ..كلمته وقلتله انى المرة دي معنديش حجة وفى وسط ما انا بكلمه لقيته قفل الايميل وراح لجماعة الفيس وفضل يهدرز ويضحك معاهم … من بعد الموقف ده مقدرتش اسكت اكثر من كده .. ودخلت وكلمته قدامهم اني اتصدمت فيه وماكنتش متصورة انه ده يحصل منه
فات اسبوعين منكلمش بعض بعدها لقيته باعت لي مسج بيقول ربنا يعوضك بواحد احسن مني
زعلت اوي انه بسهولة كده نهى اللى بينا بكلمتين ..حاولت افهم منه ليه عمل كده مارضيش يكلمني بعت بس مسج قالي انه زعل لما واجهته قدام صحابه فى الفيس وانه متوقعش مني اني اعمل كده وانه فعلا كان بيحبني وكان عايز اكون ليه.
انا مش عارفه هل انا فعلا ظلمته ولا الحق معايا … ودلوقتي اتصرف ازاي معاه ؟؟؟
هل ينفع اننا نرجع لبعض ؟؟؟ ساعدوني
الحب على النت
هل ينفع اننا نرجع لبعض
اضيف بتاريخ: Sunday, December 2nd, 2018 في 02:42
كلمات مشاكل وحلول: اعجاب, الانترنت, الزواج, الفيس بوك, النت, حب, زواج, شاب, عريس
طوال تلك الفترة وهو يسرح بك ويخدعك وانت زي المغفلة مش عارفه حاجة يابنت ده كداب وبتاع بنات وتلاقيه يكلم بنات بعدد شعرك احمدي الله انك ماتطورت معه في شئ وعرفت حقيقته انسيه خالص ولاعاد تردي عليه واقبل بالزواج من الشخص اللي يتقدم لك واهلك موافقين عليه وربنا يسترعليك ويؤفقك ويسعدك
أنت شكلك عبيطة والواد ده هيضيع منك كل الفرص الجيدة للزواج . يا بنت الحلال كل شيء على النت كلام في كلام. أنسي هذا الواد وغيره وبلاش نت وعيشي حلاوة الارتباط مع من جاء لكم الى البيت.