بحب واحد من ٨ سنين و كبرنا مع بعض قبلتنا مشاكل كتير جدا و سبنا بعض و اتخطبت و بعدين لقيت نفسي مش قادر انساه و كتير قالي لان خطيبك كان بعيد عنك و مسافر و معزفش ينسيكي ، سبت خطيبي و رجعتله . انا متخرجة و بشتغل و هو سقط ٣ مرات لسه فاضله سنتين عشان يتخرج من الجامعة بس هو مرتاح ماديا و بيشتغل مع باباه
بعد ما رجعنا كل حاجة كانت كويسة و جيه اتقدملي و اهلي مش عارفين ياخدوا قرار لانه لسه مخلصش دراسته
و اللي اهلي لسه مش عارفين يكتشفه انه احتماعيا مش زي خالص رغم انه ساكن جنبي و نفس المدرسة و الجامعة لكن بسبب ظروف شغل باباه اثرت على طريتفه في الكلام و المعاملة . هو في حاجات كتيرة كويسة بس طبعا في حاجات وحشة زي ان هو بيكدب كتير على اهله و اصحابه و ددي حاجة مخوفاني انه يكذب عليا ، كمان هو كتير بياخد من باباه فلوس من غير ما يعرف اكنه بيسرقه . علميا مش زي مثلا لغة الانجليش عنده مش موجودة تماما .. بس بردو وافقت و جيه البيت و تمام !!! لا مش تمام
من كتر التفكير اللي كنت في ظهر في حياتي واحد تاني زميلي في الشغل كان عنده مشكلة و انا وقفت جنبه و لكن مع الوقت اتحول لحب او اعجاب انا فعلا مش قادرة اعرف و للاسف خنت حبيبي و بقيت بقابله و اخرج معاه و عرفته اني بحب واحد بس في مشاكل مش قادرة اكمل معاه
زميلي دا بيحبني جدا و حاجات كتير اكدتلي كدا هو بيراعي ربنا ف لقمة عيشه و كل حاجة كويسة بس هو اقل مني ماديا مش اجتماعيا بسبب انفصال والديه عن بعض ،
انا مش عارفة اعمل ايه اروح لمين مين الاحسن ليا انا عمري ما فكرت اني اتحطت في الموقف دا ، هو انا كدا مبقتش احب حبيبي عشان خنته هو في حاجة اسمها اني احب ٢ ؟؟
ساعدوني ارجوكم
الحب قبل الزواج
هو انا كدا مبقتش احب حبيبي عشان خنته
اضيف بتاريخ: Sunday, November 19th, 2017 في 22:00
كلمات مشاكل وحلول: اعجاب, الجامعة, الحب, المدرسة, بنت, حب, شاب
شوفي يابنتي ربنا عرفوه بالعقل وهذا الشاب الاول طلع كداب وحرامي ومتكل على ابوه وفاشل في دراسته يعني بصريح العباراة مايستاهلكيش وليس الزوج المناسب لك وعمرو لن يتغير اويصلح من حاله اما الشاب الثاني زميلك في الشغل فهو شخص محترم جدا ويراعي ربنا في اكل عيشه ويحبك فعلا فلا ترفضيه ابدا ومسالة انه اقل منك من الناحية المادية فدي لاقيمة لها ولن تؤثر على زواجكما طالما في الحب والتفاهم والارتياح والاحترام بينكما صدقيني حصل معي كدا في بداية حياتي كنت شاب ظروفي المادية صعبة واعول اسرتي امي واخواتي بعد وفاة والدي رحمه الله وتعرفت علي بنت زميلتي في الشغل وصارحتها بحقيقىة مشاعري وحبي لها رغم انها احسن حالا مني ماديا ووجدت انها وافقت على الارتباط بي وصارحتني برغبتها في الزواج مني والحمدلله تزوجنا ووقفت معي في بداية حياتنا الزوجية وعمرها ماقصرت معي في شئ ابدا كانت ولازالت نعم الزوجة الصالحة انجبت لي الابناء وقامت على تربيتهم احسن التربية وربنا لايحرمنا من بعض ويديم علينا نعمة الخير والسعادة والاستقرار في هذة الحياة
مفيش حاجه اسمها تخبي اتنين بس عقلك الباطن بيقولك ان الاول مش مناسب و فعلا هو مش مناسب كداب و حرامي و فاشل في الدراسه يعني ممكن يكون مش صالح لك