انا كمان عندى مشكلة ونفسى والله حد يحلهالى انا اول مرة احتار فى حاجة انا دايما ببقى جامدة فى كل المواقف اللى بتحصلى وبعرف احكم وليا شخصية فاختيار حجات كتير بس فى واحد انا بحبه وهو كان بيعد يقولى انه بيحبني كان بيقولى ويقول لجارتى مثلا وهى تقولى على اللى قاله ولما كان بيكلمنى كان فاضله شوية ويقول فيا شعر وخلانى احبه اوى بس انا من النوع اللى مش بثق فى حد انا بحبه بس من جوايا مش عايزة اعوم فى الخيال او اديله الثقة وكدة لانى من كتر المشاكل اللى بشوفها وكدة فانا عارفة ان مفيش حد ليه امان المهم كان حلو معايا وكان بيحلف بايمنات المسلمين انه بيعشقنى وجه فى الفترة الاخيرة دى مبقاش بيكلمنى انا علطول لما بكون فاتحة مثلا فيس اولا ميشوفنى فاتحة يكلمنى علطول فاتغير مبقاش بيكلمنى انا بقى من النوع تقيلة اوى وبحبه هو اللى يجرى ورايا فسالته انت متضايق من ايه بعد ما سبته يخلل كام يوم قاللى ان هو بيعمل كدة عشان مش بهتم بيه فبعدين قلت لما اهتم بيه شوية واهتميت بس مجتش على كرامتى بردو انا كرامتى اهم من الكل وبعدين مبقاش بيكلمنى خالص بقى متغير شوية هو مش بيتكلم برخامة بس حسيته مش زى الاول بعد شوية وبعدين عرفت ان فيه واحدة تانية لدرجة انو بيحكى عليها لاخته قدامى وبيحكى عن كل البنات قدامى انا وكان بينرفزنى بس انا بعرف اغيظه ازاى بعمل نفسى مش متنرفزة نهائى فبنرفزه هو اكتر بس الحكايات دي كلها من جوايا مديقانى انى هتجنن واعرف هو بيحبنى ولا لا وكمان مش عارفة اتعمل معاه ازاى ولا اجيب اخره ازاى عشان خاطرى حد يرد ويقولى اعمل ايه معلش انا طولت بس انا اول مرة احكى لحد
الحب قبل الزواج
ازاي اعرف هو بيحبني ولا بيلعب بيا
اضيف بتاريخ: Monday, April 28th, 2014 في 14:33
كلمات مشاكل وحلول: الحب, مشاكل الحب
هو ادم راح لو واحده غيرك يبقا مختش منك الهو عاوزه علشان لو كان بيحبك كان اقل حاجه اتقدملك فهو راح للتانيه علشان اديتو الهو عاوزه ولله أعلم بس هو دا المنتشر اليومين دول
ولله لو بيحبكهيبان عليه وي مش هيقدر يستغني عنك بس ده لامواخده عاوز حاجه تانيه خالص مش حب
انت با عليكي انك تبعدي عنه خالص 3 4 ايام وي تئفلي الموبيل وي الفيس لو هو بيحبك هيعرف يوصللك وي يقولك وحشتني يا حبيببتي ولله اعلم بنيه كل واحد
انا من رايى ان انتى تصرحيه وتخليه يقولك هو بيحبك ولا لا انت كدا متعلقة بيه وممكن هو يكون مبيحبكيش وبيضحك عليكى بس انا بنصحك انك تعرفى الاول هو بيحبك ولا لا ولازم يقولك لان كمان الشباب ملهاش امان نهائى ممكن يقولوا كدا وفى الاخر يبقة كلام فى الهوا انا حصل معايا كدا بس انا خليته براحته لغيت ما هو جه وقالى انا مش بحبك قولتله انا كنت جيه اقول نفس الكلام بس انا بنصحك تعرفى هو لسه بيحبك ولا مع حد تانى
صدقيني لما اقولك ان كل الشباب كده هو بيحبك وكل حاجه بس خاي على كرامته بردو حس انه مدلوق عليكي اوي وانتى اللى تقيله علشا كده بيحاول يتقل ليكي انا مجربه كما اني حلاله المشاكل في شلتى والبنات بيفضفضوا معايا ويقولوا على كل حاجه وكذا بنت عندها نفس مشكلتك فاكتشفت انها فطره عندهم بس بردو مش لازم تدلقي عليه انتى الاول اختبري حبه بموقوف يبين لك اذا كان بيعمل كده لانه زهق منك ولا لانه خاف على كرامته بس الاول شوفي لما انتى بتكلمي على اولاد قدامه وتحاولى تخليه يغير بصي في عنيه وشوفي رده فعله ايه واكيد العين بتكشف صحبها وخصوصا بالحب
اختي العزيزة انا بنصحك ان ما تتعبي حالك ابدا ادا كان بيحبك او ما بيحبك فبلحالتين انت الربحانة لان ادا كان بيحبك فانت ربحت حب حياتك وادا كان ما بيحبك وهو عم يلعب بيكي فانتي ربحت تجربة مثل ما بيقولو الضربة يلي ما بتقتلك بتقويكي
انا من راي تبعدي عنه فتره تشوفي رد فعله ايه , هيسال عليكي ولا لا هيقدر يستغنى عنك ولا لا , الفتره دي هيا اللى هتبينلك وهتبينله هو بيحبك ولا لا ولو بيحبك مش هيقدر ع بعدك وانتى متعلقكيش نفسك بيه الحب ملوش امان وصوابعك مش زي بعضها
ازاي اعرف هو بيحبني ولا بيلعب بيا
حبيبتى الحب لا يعرف هذا النوع من العلاقه المتحفظ والمحجور عليها تحت مادة الكرامه وفقرة التقل والتخليل
وبخلاصه الى حصل بينكم إنه قدر يلفت نظرك ويوصلك حبه وخلاكى تفكرى فيه وبعدين شافك خلاص إنشغلتى بيه فلحفظ كرامته لانه من نفس تركيبتك إستناكى تبادرى بالإقتراب واللهفه وما إلى ذلك فكرامتك حجزتك خلف الأبواب وحتى تكسرى هذه القيود بدأ بإستفزاز العاطفه جواكى بالكلام عن أخريات ليشتعل فكرك لتخرجى من هذا الصمت وتتمسكى بيه ويمسك زمام الموضوع ويدير الكنترول وليس انتى
وسيدق على هذا الوتر إلى ان يسيطر حبه عليكى فتتنازلى شيئ فشئ وتوته توته
بس نصيحة أخ أستوب
الواضح جداً إنه بيحبك والواضح أكتر إنك بتحبيه لانك متعرفيش غيره بما ان فيه حب بينكم إذا كل واحد بانيله برجين مراقبه للتانى من بعيد أسوارهم الكرامه وشباكهم عزة النفس
الحل:-
إستغلى أى فرصه بوجوده وياريت مترتبهاش سبيها تيجى صدفه بحته خالص
وقوليله بالنص أنا عارفه إنك معجب بيه وأنا معنديش مانع ارتبط بيك بس مبفكرش فى الموضوع ده دلوقتى بصراحه بس لو أهلى وافقوا الله غالب أكيد هما عاوزين سعادتى لو عايزنى بابا فى البيت واقطعى فتره ولو اضطريتى تقفلى فيس وموبايل والله الموفق
انامش عارفة تفكيرالبنات اللي زيك كده له عواقب وخيمة على شرفهاوكرامتهاوسمعةاهلها ازاي تتكلمي معه اصلا بدون ارتباط شرعي كخطوبةمثلا انت من الاساس غلطانة ولازم تتحملي نتاج تصرفاتك السيئة اقطع علاقتك فورا ولو كان بيحبك وصادق معك يتقدم لاهلك والا كل واحديروح لحال سبيله والف من يتمناك ماعدموش الرجالة بس ماترخصي نفسك لواحدمايستاهلكيش سلام ياقمر
اولا سيبك من كل الكلام اللي هوه بيقوله انتي تركزي علي افعاله مش اللي بيقوله
و ما اعتقدش ان انتي يتخاف عليكي ده انتي كده ماشيه زي الفل خليه يخلل اكتر و هوه لو بيحبك هيلاقي طريق يكلمك بيها بس مش تطنشيه خالص بردو ده التقل صنعه
اتقلي علي الرز لحد لما يستوي مش يتحرق
ممكن يكون كان متعلق بيكي مش اكتر و بعدك عنه او تنفيضك ليه في الاول كان بيخلي الرغبة عنده تزيد في انه يحاول يقربلك اكتر و بعد ما وصلك بقيتي عادية في نظره و بقي بيبص لواحدة تانية فعلا يكرر معاها نفس الموضوع من الاول
و نصيحتي ليكي لو انتي جامدة فعلا متشغليش دماغك بيه و فكك من حوارات الحب و الكلام ده , لان مفيش حد يستاهل حب الواحدة فعلا غير ابن الحلال اللي ييجي و يخبط علي بابها و يطلبها من أهلها و يجيب اهله معاه و يختارك قدامهم ده بجد اللي يستحقك فعلا , غير كدة كلام فاضي و ضحك ع العقول
انا بقي بحب واحد و بيقول انه بيحبنى مع انه اكبر من ب7سنين بس هو كان بيكلم بنات عليا فى اول ارتباطنا و قالى على كل حاجة و كل ما اجى اسيبه يقولى لا حلاام عليكى بس هو متغير اوى عن الاول فى الاول كان بيقعد يكلمنى طول النهار و طول الليل و كل شوية رسالة و اول ما افتح الفيس يقعد يكلمنى و نضحك و دلوقتى كلمنا كله خناق و هو كلم ماما و هى رفضت لانه صعيدى و فرق السن و علشان هيعيشنى فى الصعيد انا بموت فيه وحصلت مشاكل قبل كدا كتير علشان بابا عرف و هو كان متمسك بيا و فى الفترة دى انا حاسة انى بكتشفه من اول وجديد و طبعه مش عجبنى دايما بيشتم و يزعق و بيتعصب بسرعة و الغيره عنده شى صعب و دايما كنت بستحمله لحد ما خلاص جبت اخرى انا بجد تعبت و مش عارفة اعمل اى معاه و كل ما احاول ابعد عنه احس انى مش قادرة اعيش مش قادرة امسك تليفونى و متصلش بيه
هو تقريبا والعلم عند الله واد شمال كان عايز بس يتعرف ومش عارف ايه وبعدين يروح لغيرك والانواع دى منتشرة كتير ربنا معاكى وهو مش بيحبك ولا حاجة والعلم عند الله