انا عندي 18 سنة و من عيلة كويسه الحمدلله و بابا بيخاف ربنا جدا . انا بحب واحد عنده 24 سنة بس هو كل ده لسة مخلصش كلية لانه اصلا بيشتغل غواص في مرسي علم هو حاليا في المعهد و مش مهتم معلينا هو شخصيىه معقدة جداااا و مش بيؤمن بالحب و طبعا هو تعاملاته كلها مع اجانب و هم علي طول بيحاولوا يدخلوا معاه في قصة حب .. المهم هو اخو واحد صاحبي جدا و متربي معايا فا اتعرفت عليه و اتكلمنا انا و هو كتييير جدا و دايما يحكيلي مدي كرهه للبنات و خاصة المصريين و قالي معتقدش ممكن احب واحده او اكون معاها و لا انا الصراحة كان في بالي ان يكون في حاجة بنا
المهم قربنا لبعد جدا و بدا يحكيلي عن حاجات هو بيقول ان مفيش حد يعرفها غير المقربين ليه .. و بدا يبقي في اعجاب بنا .. و صارحنا بعض , متتخيلوش انا كنت قد ايه فرحانة ساعتها لاني اول مره اعرف يعني اية حب لاني كنت قبل كدة بكلم واحد بس عادي انا مكنش حاجة بالنسبالي
المهم صادف و هو عرف عنه و كلمني و اتقابلنا و قالي كلام انا عمري ما هنساه .. هزأني بس بذوقه و انا مقدرتش اتكلم و الموضوع عدي وانا عشان عرفة اني غلطانة استمريت معاه و قلتله انا هبينلك اني مكنتش بلعب ولا بتسلي بيك و المهم فعلا كان في اوقات هو بيعاملني وحش جدا و كننت بستحمل لاني فقد ثقته فيا .. و بمرور الوقت بدا يرجع اهو شوية يحس اني بحبه بجد و بقي يعاملني كويس و حكي لماماته عني و هي بقت مش مصدقة انه ممكن يكون ف علاقة حب مع بنت مصرية و كلمتني و تعد تحكيلي انها بتحمد ربنا علينا بصراحه هي طيبة جدااا و بجد الست دي تعبت كتير ف حياتها و المشكلة الاكبر ان باباه انسان اقل ما يقال علية حقير هو مدمن .. متتخيلوش مدي كرهه لباباه ازاي و باباه ده سبب من اسباب الي هتبقي عائق كبير اوي بنا لو حصل بنا ارتباط رسمي لاني انا اخويا ظابط و بابا بيخاف ربنا جداا .. المهم هو سافر من شهرين عشان الشغل كان في الاول بيكلمني كتير جدااا يمكن حسيت فعلا اني بوحشه و بعد كده بدا يبعد شوية شوية و لما سالتة قالي انه مش بيبعد و لا حاجة و الشغل و الكلام ده هو بصراحة شغلة متعب جدا بس هو حابه بس لما الموضوع زاد بقي قلتله ان مش هينفع كده و الكلام ده قالي انا ف الاول كنت بكلمك كل يوم بس زهقت لان مفيش اي جديد بيتقال فا هتكلم ليه ؟
هو انسان صريييييح جداا بس طبعا في حدود الادب و هو علي طول بيحكيلي علي البنات الي بتكلموا و الي هيموتوا عليه بس انا مفيش في ايدي حاجة غير اني اسكت لان ده شغله و لما مرة حاولت اقوله علي بنت منهم انا كنت عارفاها ميكلمهاش و يقطع علاقته بيها قالي انا مقدرش اعمل كده مع زبون عندي ده شغل انا مش بلعب . هي عايزه بقي حاجة تانية مع نفسها و لو انتي هتعملي كده مع كل واحده يبقي مش هنخلص وانا هزهق
انا بجد مخنوقه اوي و انا مش بحب ابقي مهملة كده من ناحيته
ممكن حد يساعدني
الحب قبل الزواج
مخنوقة من اهماله ليا
اضيف بتاريخ: Friday, May 11th, 2018 في 05:32
كلمات مشاكل وحلول: الحب, بنات, بنت, حب, شاب, قصة حب
عايز اكون صادق وصريح جدا معاك يابنت الناس الشاب ده لايصلح ان يكون زوج لك لعدة اسباب هاذكرها لك 1- كراهيته لابوه الغير مبررة والغير مقبولة 2- شخص بتاع بنات ولايقدر على قطع علاقته بهم 3- ادمان ابوه للمخدرات كلهذة الاسباب تؤكد لك انه ليس الشخص او العريس المناسب لك مش عاوزك تنخدع في المظاهر وكلامه المعسول والحب والمشاعر ولا علشان عندو فلوس كلهذة لاقيمة لها وده زواج مش لعب عيال لازم تحسن الاختيار للعريس من كل النواحي والاهم الدين والاخلاق والسمعة الكويسة له ولااهله انت بنت حلال كويسة ومن عيلة محترمة وتستاهل احسن منو بكثير وهتلاقي نصيبك جايك مع ابن الحلال الصالح اللي يستاهلك ويقدرمشاعرك ويصون كرامتك ويسعدك العمر كله في هذة الحياة