الحب قبل الزواج

غلطت لما وثقت فيه وحبيته وانا مش قد عقاب ربنا

انا يمكن هطول عليكم شوية بس يا رب كل واحد يقرا المشكلة يقراها ويتعامل كان هو اللى فى المشكلة بدون تجريح ارجوكم عايزة مساعدتكم
انا حبيت واحد من 6 سنين ايام الجامعة ولعب العيال كنت لسة 18 سنة حبنى اوى واتعرفت على اهلة واتعرف هو على اهلى واتفقنا نتخطب بس اهلة كان معاهم فلوس بس بخلاء علية المهم وكان طبعا هو لسة بيدرس المشكلة انى حبيتة بدرجة كبيرة وهو كمان حبنى جدا هو اصلا اللى عرفنى معنى الحب المشكلة وللاسف ان اتعاملنا كاننا متجوزين فى كل حاجة المشكلة اللى حصلت معايا وانا لغاية دلوقتى مش فهماها ان اول يوم لمسنى فية المفروض ماكنش ينزل دم لانة (اعذرونى انا هتكلم بكل صراحة لان دة اخر امل ليا فى انى الاقى حل ) حصل ايلاج بسيط وفكرنا ان انا لسة بنت وماحصلش حاجة المهم لما روحت البيت لقيت فى لون فى هدومى وفكرتها افرازات مش دم لان هدومى كانت غامقة وغيرت هدومى وتانى يوم لقيت نقطة صغيرة جدا دم وحكيت لة عالموضوع هو استغرب اوى وقالى ازاى احنا ماعملناش حاجة المهم احنا اتاكدنا انى فعلا فقدت عذريتى يومها قالى مش مشكلة المهم انك تكونى ليا انا طبعا كنت زعلانة جدا انى اصلا غضبت ربنا المهم مرت الايام وللاسف اتعودنا على كدة وكنا نقول احنا متجوزين وكنت كل مرة بكون ندمانة بس بضعف اوى قدامة مرت سنتين عالحال دة وقدر يقنع اهلة وييجو يخطبونى وماحصلش نصيب وكل حاجة ابتدت تبوظ قدام عنينا وكنا عارفين كويس اوى ان دة غضب من ربنا علينا وابتدى كل لما يروح شغل مايتوفقش فية وتبنا لربنا واتفقنا مانعملش ابدا كدة تانى واتفقنا يسافر برا ويرجع نعتمد على نفسنا ونتجوز وكان كلى ثقة فية رغم ان معاملتة معايا اتغيرت ماكنتش بحس انة مهتم ولا بيحبنى زى زمان وكان يقولى احنا فى اية والا فى اية خللينا نحل مصايبنا الاول وابتدا يقولى انتى بتكدبى عليا وانا بشك فيكى بس واللة انا كنت قطة مغمضة قبل ماعرفة كنت مفكرة ان كل اللى بسمعة عن الجواز العرفى دة افلام هو اللى علمنى كل حاجة المهم سافر برا وابتدا يبعد اكتر عنى ولما كنت بكلمة يقولى احنا لازم نبعد عن بعض انا خايف عليكى اعملى العملية واتجوزى لان ظروفى بقت اصعب فى الغربة وعالحال دة فضل شهور وانا اقولة هستناك العمر كلة انا مايهمنيش الفلوس انا مراتك مرت الايام وفعلا احتقرتة وحسيت انة انسان انانى مابيحبش الا نفسة وتعبنى عالاخر قلت هعيش وخلاص بس الصراحة كنت عايشة على امل انة يرجع ليا وبالفعل بعد حوالى شهرين تلاتة اتصل بيا وقعد يقول انا ندمان انا لسة ظروفى وحشة بس عمرى ماهتخلى عنك انا هعوضك كام شهر وهرجع واخطبك وكان فعلا بيعاملنى كويس ما كنتش مصدقة انة هيرجع بالسرعة دة وفعلا رجع ولما رجع فى الاول ابتدا يستهبل ويعاملنى بردة وحش وحاول كتير ينام معايا او يلمسنى وانا رفضت خالص قلتلة انا بحبك وعايزة ربنا يكملنا على خير وصبرت كتير وماجاش يخطبنى الا لما جة عريس ليا وعرفتة انى هقبل بية لو هو بايعنى وساعتها جة زاحف ويقولى انتى عايزانى انا هعوضك وصدقتة طبعا لانى بموت فية ولانى ماينفعش اغش انسان تانى ولا اتخيل اعيش مع غيرة واتخطبنا وغصبنا احنا الاتنين على اهلنا يوافقو عشنا كام يوم حلوين وللاسف ضعفنا تانى ونمنا مع بعض وكان كل محاولاتى نكتب كتابنا عشان مانغضبش ربنا اكتر من كدة وكنت كل مرة استغفر ربنا واقول لا يمكن اعمل كدة تانى وييجى قدامى اضعف وطبعا للمرة التانية تيجى مشاكال لية فى شغلة ويبدا يتغير معايا تانى وانتى كدابة وانا بشك فيكى وسيبينى اشوف مستقبلنا اللى ضاع وسافر تانى واخر مرة كلمنى فى التليفون من برا تعب نفسيتى وقعد يقولى انا بشك فيكى واللى بينا دة بقايا الحب اللى كان تعبت وهو سامع اللى بيحصل فى التليفون ووقعت فى الارض وحصلى تشنجات ولسانى وقف وكان هيجيلى جلطة جم اهلى ولحقونى وقعدو يتحسبنو علية لانهم عارفين انى بكلمة وهو اللى عصبنى كدة ومن ساعتها مافكرش يتصل يقول الانسانة دة ماتت والا عايشة ولا سال عليا انا عارفة انى طولت عليكم جدا بس واللهى انا مش وحشة كدة ولا بعمل اى غلط انا كل غلطتى انى وثقت فيه وحبيتة انا مش قد عقاب ربنا بس انا واثقة فى رحمتة وانا لو قدامى الانسان دة عمرى ماهعمل كدة ابدا ابدا انا حكيت لكو معظم التفاصيل ارجوكم اقرو بعناية مشكلتى امسكوها جزء جزء عايزة تعليق على كل حاجة وقولو ليا اعمل اية انا تعبت تعبت اوىقولولى اسيبة واعيش ان شاللة لوحدى قولولى الانسان دة بيحبنى والا رجع ليا امتلاك قولولى اى حاجة او حتى ادعولى اسفة بجد انى طولت

مشاكل وحلول ذات صلة

اضيف بتاريخ: Thursday, July 19th, 2018 في 23:52

كلمات مشاكل وحلول: , , , , , , ,

6 رد to “غلطت لما وثقت فيه وحبيته وانا مش قد عقاب ربنا”

  1. ابواميرة
    06/05/2020 at 22:03

    انا من راي -أبو البتول – والبرنس – في كل ماذكروه لك هذا هو الراي الصحيح والصايب أتمنى انك استفدت من كل ماحصل لك وتعلمت جيدا من إعطاء الثقة لاناس لاتستحقها ودفعت الثمن غاليا من شرفك وسمعتك وسمعة اهلك واياك والاستمرار معه افسخ خطوبتك منه فورا وانسيه خالص وربنا بيرزقك بحسن منه ياست البنات الدنيا لسه بخير وفيها شباب ولاد حلال وربنا يكرمك بواحد من هولاء الشباب الصالحين وتلاقي الخير والاستقرار والسعادة معو طوال عمرك

  2. البرنس
    30/07/2019 at 18:08

    في وحدة بنت جيراننا كانت على علاقة بشاب وقدر يضحك عليها ويوهمها انه يحبها وعاوز يتزوجها حتى وثقت فيه زيك كدا واعتدى عليها وسلبها شرفها وفي الاخر تركها وسافر للعمل في منطقة اخرى والبنت يتيمة ابوها متوفي وامها ست كبيرة في السن ومريضة واخواتها صغار ولجات البنت لي واخبرتنى بالقصة كلها وعايزه اساعدها وفعلا اعطتنى رقم الشاب واسمه ورحت اتكلم معه واطلب منه يستر على البنت ويصلح غلطته ويتزوجها وفي البداية رفض وقال كلام عنها ماحد يرضى يقوله قلت انت فاكر بنات الناس لعبة ياواطي اخليك تتزوجها غصبا عنك والا ارميك في السجن واعمل لك فضيحة قدام اهلك وزماليك في الشغل و انصرفت بعدها بيومين الشاب يتصل بي ويقول ارجوك مش عاوز مشاكل ولافضائح مستعد اتزوجها وتحت امرك في كل اللي تقوله وفعلا جاب ناس من اهله وتزوج البنت وقعدت معه قرابة السنة وكم شهر وبعدين طلقها لانو اهله كانوا معارضين هذا الزواج وربنا كرمها بالزواج مرة اخرى عن طريقي اخترت لها شاب محترم وابن حلال كويس وافق انه يتزوجها وعاشت معه وانجبت منه الاولاد وبنات وحياتهم سعيدة وكل شئ تماما

  3. البرنس
    30/07/2019 at 17:59

    عشم ابليس في الجنة انو يتزوجك بعد مااخذ منك اللي هو عايزه انت عبيطة ولاايه حكاية انت اصبحت في نظره تافهة ورخيصة وعمرو مايفكر يتزوجك ابدا وازاي ترجعي له ثاني بعد اللي عمله معاكي ده واحد سافل وحقير وكداب المهم الان لازم تقولي لااهلك الحقيقة وماتخبيش عنهم شئ عشان يرغمو الكلب ده على الزواج منك ويستر عليك من الفضيحة هو فاكر بنات الناس لعبة يخطب ويعمل عملته السوده وفي الاخر عاوز يخلع ويخليك تواجهي مصيرك المحتوم لازم يكمل معاك ويتزوجك فورا وبعدها لوحاب يطلق مافيش احد يلومه مافيش نصيب واتطلقتم ويكون دا درس لك عشان تعرفي ازاي تحافظي على سمعتك وسمعة اهلك وكرامتهم

  4. ابوالبتول
    18/10/2018 at 23:55

    يااختي طوال 6سنوات وانت في هذة العلاقة المحرمة مع هذا الشاب السافل الواطي واستطاع ان يضحك عليك ويسلبك اعز ماعندك شرفك وبكل بساطة رخصت روحك له وفرطتي في شرفك وسمعتك وسمعة اهلك وكرامتهم شي مخزي وعاركبير وقعت فيه وكبيرة من كبائر الذنوب وهي الزنا طبعا استحالة ان يكمل معك ولايرضى بالزواج منك لانك في نظره رخيصة بعدما سلمت له روحك توبي لربك واستغفريه واندم على ماحصل منك واسترى نفسك قبل افتضاح امرك بان ترقعي غشاء بكارتك وتقبل بالزواج من اول شخص يتقدم لك وتنسى ذلك السافل الحقير وتمسحيه من حياتك كلها وتقطع اي صلة لك به نهايئا وللابد اياك والرجوع اليه مرة اخرى مهما كانت الاسباب وربنا غفوررحيم يقبل توبة عباده وارحم بك من كل البشر وبيكرمك الله ويعوضك خيرا منه ان شاء الله

  5. شخص بسيط
    24/07/2018 at 03:26

    مش بيحبك. ابعدي عنه

  6. ابوالبتول
    20/07/2018 at 21:10

    شوفي يابنتي الحبيبة قرات مشكلتك وتالمت جدا لما حصل لك وعاوزك تسمعي مني كل الكلام اللي بقوله لك لاجل مصلحتك واعتبريني زي والدك اللي خايف عليك ويريد الخير والسعادة لك لاشك انك غلطت كثيرا في حق نفسك وحق اهلك وسمعتهم وكرامتهم بعلاقتك المحرمة مع هذا الشاب السافل الواطي اللي ماعندوش ذرة من الرجولة استغلك ابشع استغلال وقدر يضحك عليك ويوهمك بالحب الكاذب والمشاعر الزائفة حتى ياخذ حاجته منك وانت فعلا صدقتيه ومشيت وراءه زي العمياء حتى ارخصت نفسك له وسلمت شرفك له وبعدمااخذ منك اللي هو عاوزه صار يشك فيك ويعاملك وحش وتغييرت معاملته لك لانك في نظره بنت مش كويسة وكان حريا بك ان تبعدي عنه عندما افقدك عذريتك وتقطع علاقتك به نهائيا لكنك لم تفعل هذا حبك له اعماك وخلاك بلاعقل ولاتفكير ولاكرامة دي الحقيقة ماتزعليش لاني بقولها لك والان رجعت له مرة اخرى وتقول انه خطبك من اهلك لما شعر انو في عريس جاي لك لانو مش عاوز يتركك ليس حبا فيك ياعبيطة وانما مش لاقي وحدة ساذجة مثلك تعطيه كل اللي هو عاوزه منها هل اتضحت لك الصورة ام لسه عادك في غياهب سباتك وغفلتك الكبيرة اللي ماوردت على احد اسرعي في فسخ الخطوبة منه فورا واخبري اهلك بانه اغتصبك وافقدك عذريتك حتى لو تطلب الامر رفع دعوة عليه واتهامه بالاغتصاب لكي تستردي كرامتك وكرامة اهلك لانو هذا النوع ماينفعش معو الا كدا مثلما احتال عليك وخدعك لازم ينال جزاؤه الرادع ويتسجن ويتخرب بيته ولاتاخذ العواطف او يرق قلبك له كفاك هذا الضعف والذل والمهانة اللي انت فيها كوني حازمة وصارمة معو واياك والتساهل معو او التنازل عن حقوقك منه حتى يعرف الناس انك بنت شريفة ولك كرامة وانك ضحية واحد سافل ومنحط ماعندوش دين ولاخلاق ولارجولة وتخلصي منه للابد وتقدري تعيش حياتك وتتعلم مماحصل لك علشان ماتثق في احد بعد كدا ولاتعطي قلبك لشخص مايستاهلوش ابدا وربي بيكرمك ويعوضك بخير منه بابن الحلال اللي يستاهلك ويقدرك ويسعدك في هذة الحياة ولايمنع انك تعمل ترقيع لغشاء بكارتك لاجل تستري نفسك لانك مظلومة وبرئية والله يسترعليك انت وكل بنات المسلمين ويصلح احوالك ويهديك وكل بناتنا المسلمات

اترك رداً أو حلاً لهذه المشكلة