ابلغ من العمر 24 عاما كنت بحب خطيبى جدا بالرغم من قصر المدة اللى عرفته فيها وهو اكبر منى بثلاث سنين وطبيعة شغله انه بيسافر بيعد حوالى ثلاث شهور ويرجع عشر ايام
من حوالى خمس شهور فركشنا وهومسافر وماشفتوش وقعدنا حوالى شهرين ما نكلمش بعض لحد ما اعتقدنا ان اللى كان بينا مش حب ولكن لما رجع الاجازة اللى فاتت وشفنا بعض بالصدفة كل اللى جوانا من عتاب ولوم وزعل راح وبمجرد ما شفنا بعض كل اللى بينا دى راح وقدنا نضحك وكأن اللى فات ما جاش وشفنا بعض كذا مرة انا عن نفسى قلت له خلينا اصحاب بس ما نقطعش العلاقة اللى بينا لكن هو صمم وكلم ماما واخويا واعتذر انه يرجع والشخص دى يا جماعة صعب جدا ومش بسهوله انه يحب من كتر شوقه اللى شفته منه قبل ما يسافر انا حبيته اكتر من الاول ميت مرة وحلف ان كل الحاجات اللى كانت مضيقانى فيها هو هيغيرها وجى ميعاد سفره وما كنش هيسافر عشانى لكنى وصلته للباص ومشى وهو حزين للغاية وطول ما هو مسافر واحنا بنكلم بعض بالساعات وشوق وحب ووحشه مفيش كده الحال دى استمر اكتر من شهر ونصف مش عارفه ايه حصل لى فجأه هوخلاص عشر ايام وهينزل القاهرة حاسة مفيش لشوق ولا لهفة منى لدرجة انه وهو بيكلمنى بيقولى ساكته لا بقوله مش لقيا حاجة اقولها هو حساس اوى فقالى يبقى انتى مليتى منى قلت له لا اكيد بس انا يمكن مليت من بعدك بعدها حاسة انه اتغير قلل مكالمته معايا اتحجج بالشغل والضغط كنا ما نمش اللا لما نقول لبعض تصبح على خير وما نبداش شغل اللى لما نصبح على بعض كل دى اتغير دى احنا كنا ما بنصدق يوم الخميس يجى عشان بعده الجمعة والسبت اجازتى من الشغل فنسهر نتكلم مع بعض كل دى اتغير من نحيتى اوى واثرت عليها اوى هو حس انى مليته فبدا يبعد عنى شويو انا عمرى ماكنت كده ولا انا حد ملول ولاحاجة ولا فى حاجة جديدة فى حياتى مش عارفة اعمل ايه بعد ماكنت ببقى مبسوطة وانا بكلمه حاسه دلوقتى انى عايزة اقفل معاها وبتهرب منه انا مستغربة نفسى جدا ارجوكوا قلولى اعمل ايه واى اللى وصل الامور بينا لكده وانا واثقة ان البداية من عندى اصحابى بيقولولى دى حالة ملل وهتعدى انا مش عارفة اعمل ايه وهو قرب ينزل اجازة والمفروض كنا هنعمل خطوبه اعمل ايه ما اكلموش لحد ما يجئ ولا اصارحة باللى جوايا وان فى فجوة بتوسع ما بينا ونشوف لها حل . ردوااااا عليه من فضلكوا انا محتارة جدا وهل اللى بينا دى حب ولا الملل فى العلاقة حاجة عادية
الحب قبل الزواج
احساسي ناحية خطيبي حب ولا ملل
اضيف بتاريخ: Friday, July 20th, 2018 في 01:21
كلمات مشاكل وحلول: اصحاب, الحب, بنت, حب, شاب
والله أستغرب من البنات اللواتي يقمن علاقات صداقات وحب مع الشباب .وهن يعلمن جيداً أن هذا فعل محرم. فلا يوجد شيء اسمه صداقة بين شاب وبنت . لا تجمع بينهما رايطة زوجية. مثلما لا توجد رابطة حب وصداقة بين الذئب وبين النعجة…وكم من علاقة بين شاب وبنت انتهت بنتيجة مأساوية. ولو افترضنا جدلا أن الزواج المبني على الصداقة قد تم فعلا . فلا شك في أنه سوف يفشل وربما ينهار، وذلك لأن تلك الصداقات إنما تقوم على المظاهر الكاذبة والعواطف المزيفة. وعندما يحدث الزواج ( وهذا نادر) تذهب كل تلك المظاهر والعواطف أدراج الرياح . والسبب هو أن ذلك الزواج قد أسس على خيوط الوهم والأحلام. وعندما طلعت عليه خيوط شمس الحقيقة بددت تلك الأحلام والأوهام …
أختي العزيزة …
ازيك وازى صحتك عاملة ايه ؟ كويسة ؟ !
نخوشوا في موضوعنا
بصي عشان ميحصلش النوع ده من اللي قولتي عليه لا بد من تجديد العلاقة وتنويع الكلام وتحكوا في أكتر من موضوع وانتي تسمعيله وهو يسمعلك بردوه ،، ده عشان متبقاش الحكاية مبتتغيرش زى ما هى كله حب ولهفة وشوق وكلام من ده
ديه نقطة
النقطة التانية
انا ملاحظ حاجة على فكرة ومشعارف اسالي نفسك بردوه فيها وانتي اللي تقدري تردي عليها
هل لما بيسافر ويبعد عنك بتلاقي مشاعرك اتغيرت يعني من الاخر مش قادرة تتأقلمي على طريقته وطريقة شغله وانه لازم يبقا معاكي على طووول افتكر اذا هى الاجابة بأه فلازم تفكري في كل اللي ما بينكم وتصارحيه بكدة عشان لا تتعبي نفسك ولا تتعبيه معاكي في المستقبل ان شاء الله،،، ولا السبب في احساسك كدة انه مفيش جديد في العلاقة ما بينكم وكلامكم ،، انتي اللي تقدري تحددي وتقولي ؟ ! ، وعلى فكرة افتكر ممكن جدا يتسرب له نفس الاحساس اذا انتي حسستيه بيه
عالعموم
الجواز والخطوبة وكدة أكبر من احساس ملل ممكن يتسرب بين الراجل والست أو البنت ، لأنها أكيد الشرط في الجواز علاقة أبدية
بس
وكل اللي أقدر أقولهولك ربنا يقدملك اللي فيه الخير يارب ويسعد قلبك ويفرحك
وشكرررا
أخوكي الانسان الطيب
كلهذا ومافيش خطوبة بينكما استغرب جدا من اهلك ازاي يرضوا بدي المسخرة وساكتين على تصرفاتك الغيراخلاقية دي مافيش ياماما رابط رسمي يربطك بالشاب ده وهو طوال تلك المدة يسرح بك ويلعب بعواطفك لاجل ينال مراده منك وبعدها يرميك رمية الكلاب ولايسال فيك ده النوع من الشباب اعرفه جيدا لاهو حق زواج ولاعاوز يتحمل المسوولية ومقضي عمره كدا يلعب بمشاعر بنات الناس ولست اول ولااخر وحدة يعرفها تجديه عارف بنات كثار بعدد شعرراسك اتمنى انك تبعدي عنه وترفضي الارتباط به وتقطع علاقتك به وربك بيكرمك بابن الحلال اللي يستاهلك ويقدرمشاعرك ويصون كرامتك ويسعدك العمركله