الحب من طرف واحد

ازاى اخليه يحبنى ويبقى من نصيبي

انا بعشق واحد جارى واخو صحبتى بقالى 3 سنين ومتدمره بسببه وقالبلى حياتى ومش عارفه اعمل ايه .. البدايه من 3 سنين كنت بعتبره زى اخويا واكتر عشان واكلين شاربين وعايشين مع بعض وبعدين كنت حاسه انه بيحبنى وفعلا جيه فى احلى يوم فى حياتى قالى انه بيحبنى وانه هيستنانى طول عمره لانى كنت مسافره لابويا سنه وراجعه وانا والله عشقته وبصوت واعيط بسببه ليل نهار دلوقتى ..

المهم انه خلال السنه دى عرفت انه حب انتيمتى وهى جارتنا بردو وانه كان عايز يكلمها وهى رفضت وبعدين كلم واحده تانيه على انه بيحبها وبنات كتير وكده ولما عرفت ساعتها انا كنت مكبره شويه وشلته من دماغى وزعلت وخلاص وقفلت على كده عشان اركز فى حياتى ومستقبلى لانى كنت فى ثانويه عامه .. المهم خلال السنين بتوع الثانوى انا كنت بدح ومبخرجش من اودتى والحمد لله دخلت طب بشرى وجبت اعلى مجموع ودا لانى عاقله ومن الضغط الرهيب مكنتش بعمل حاجه غير الصلاه والمداكره والنوم واشوف صحابى وبس .. اما هو فكنت بشوفه كتير فى الدروس لانه ادى وساعتها مكنتش بحبه اوى زى دلوقتى ولا كنت بكلمه .. حصلت ظروف واضطريت اخد معاه درس فى البيت عنده مجموعه وكده فى شارعنا ومكنتش بكلمه لا احباب ولا اخوات ولا اى حاجه كان كل حاجه عندى مستقبلى وبس .. المهم مره طلب منى يتعرف على واحده صحبتى شفها فى درس وكده وانه بيحبها وكان بيقول الكلام دا ادامى وكلميهالى وانا بحبها وعايز اركز والحق نفسى والكلام دا كان بيموتنى ساعتها لكن انا سبتله الدرس كله واعدت سنه كامله بعدها مكلموش غير الكلام العادى وخلاص

المهم فى اخر 3 ثانوى والحمد لله عديت ودخلت طب بدات احس انه اتغير اوى وبقى انسان جميل ومحترم اوى وبدات احبه لاول مره فى حياتى بجد وهو كمان كان جايله هندسه بس كان نفسه فى شرطه او كليه عسكريه ..المهم انا معرفش ازاى حبيته وعشقته وفكرت فيه ويوم النتيجه جبتله نتيجته ونتيجه اخته وكان فرحان اوى وسلمت عليه وانا عيطت اوى من الفرحه ادامه وقالى وشك حلو ومن ساعتها وانا والله وشى حلو عليه اوى وكله بيقول كده .. ابوه مكنش موافق يقدم على شرطه او كليه عسكريه رحت واقنعته واعدت ساعه الف وجبتله ملف التقديم من النت وودديتهولم الساعه 1 بليل والحمد لله اتقبل فى شرطه وحبيته وعشقته لدرجه الجنون لدرجه والله محدش متخيلها .. ومن ساعتها وهو اتغير اوى بقى احسن انسان شفته فى حياتى بقى يصلى كويس وميكلمش بنات وحنين اوى على اخواته واهله لدرجه مش طبيعيه وبقى حساس اوى ومبيبصش على بنات واتغير لدرجه محلمتش بيها .. والمشكله معايا دلوقتى انى بحبه وبحس انه بيحبنى وفى حاجه عايز يقولهالى وباين فى عينيه بجد..
انا والله بحبه وكنت بدعيله فى الصلاه انه ينجح ويدخل شرطه وكنت ببص عليه كل يوم الصبح وهو مسافر واستناه لما يرجع واحاول اعرف اخباره من اى حد ومن الفيس بتاعه.. ومعرفتش اى حد فى العالم انى بحبه غير انتيمتى بس ( الى كان بيحبها وانا مسافره ) وطبعا معرفتش اخته لانها بتغير عليه جدا ولو عرفت مش هتكلمنى تانى وانا بعشقها ومقدرش اخسرها بسببه ..

مشكلتى دلوقتى انى بحبه ومش بشوفه الا كل اسبوعين مره وبيبقوا ثوانى كمان ولحسن حظى كان عندى فرح واحد قريبى وكان معزوم وكل شارعنا فيه انا غصب عنى لاقيته واقف جمب اخته وعماله تكلمه وقرايبه وكده اتكلمت معاه بس اتكسفت بعدها جدا وقلتله بهزار بس ايه الاحترام دا كله وطلعت اجيب مايا لاقيته واقف مع جارنا راح بصلى وبصتله وكله لاحظ حتى اخته اتخنقت معايا وقالى استنى بس وبعديها مشيت وهو مشى ومش هشوفه تانى لمده شهر عشان الامتحانات
قولولى بس اعمل ايه بجد والله تعبت ومبنمش ومبفتحش كتاب بسببه انا والله محترمه جدا وعمرى ماحبيت ولا كلمت حد ولا حتى على النت وكل دا عشان اكون مخلصه الاخلاص الرهيب دا لحبيبى مهما يكون وللاسف طلع هو الشخص دا الى عزبنى ومعزبنى .. انا بعد طول النهار واليل افكر فيه واجيب صوره واتفرج عليها وبحب دايما اسمع اخباره ولما بتيجه سيرته بترعش وبتكسف وبيبان عليا وكله حاسين انى بحبه امه واخته واهلى كمان حاسين انى مهتمه بيه .. وانا والله عمرى ماتخيلت انه هيبقى انسان محترم اوى كده وانا مستعده اعمل عشانه اى حاجه او اشتغل خدامه تحت رجليه الى هو يؤمر بيه والله هعمله .. قولولى بس اجيبه ازاى او اعرف احساسه ناحيتى ايه ؟؟ ازاى اخليه يحبنى .. وانا والله هبقى دكتوره والحمد لله جميله جدا وبيضه وعينيا ملونه وجالى ناس بالهبل فى طب واحسن الكليات وبيعشقونى جدا وانا برفضهم عشانه ودا الى اكدلى اكتر حبى ليه … بحبك يا **** و لاخر يوم فى حياتى ويارب اشوفك احسن واحد فى الدنيا وتكون من نصيبى .. ****

مشاكل وحلول ذات صلة

اضيف بتاريخ: Sunday, May 27th, 2018 في 21:47

كلمات مشاكل وحلول: , , , , , ,

ردود to “ازاى اخليه يحبنى ويبقى من نصيبي”

  1. ابوالبتول
    30/05/2018 at 00:40

    ايه العبط اللي انت فيه ده يابنت الناس حرام عليك تعمل كلدا في نفسك علشان واحد مايستاهل ولايقدر تلك المشاعر والعواطف حبك ده من طرف واحد اللي هو انتي اما الشاب فعمرو ماحبك ولافكرفيك من اصلو دي الحقيقة التي حاب اقلها لك لوكان فعلا يحبك لصارحك بجد بحقيقة مشاعره ورغبته في الارتباط بك انت بكدا ترخص نفسك لواحد مايستاهل ابدا وتظلم روحك الف من يتمناكي يازينة البنات وانت ماشاء الله بنت حلوة وجميلة وعلى قدر عالي من التعليم وهتلاقي نصيبك لامحال مع الشخص اللي يستاهلك ويعزك ويصونك ويسعدك العمركله عايزك تركزي في دراستك ومستقبلك وتنسي الشخص ده وتقطع علاقتك به نهايئا وللابد وتحافظي على دينك وخلاقك وسمعتك وسمعة اهلك وكرامتهم واصبرى فسوف تلاقي نصيبك مع ابن الحلال اللي يستاهلك اوعي تفكري في الكلام معو او مصارحته بمشاعرك ده عيب اوي وغلط في حق البنت المحترمة ماتعملش كدا مهما حصل انسيه ولاتعيريه اي اهتمام خالص والحب الحقيقي يكون للشخص اللي يرتبط بك برابط رسمي كالخطوبة هذا هو اللي يستاهل انك تخلص له وتفكري فيه ربنا يصلحك ويهديك ويسترعليك ويرزقك بابن الحلال اللي يسعدك في دي الحياة

اترك رداً أو حلاً لهذه المشكلة