الحب من طرف واحد

اعترفتلة بحبى وندمانة اوى

انا مش عرفة ابتدى قصتى منىن بس انا تعبت من جوايا جامد اوى انا حسة انى بموت بالبطئ كل يوم انا بنت عندى 18 سنة ومن عائلة متدينة اوى وانا كمان متدينة ولبسة طويل وواسع عشت طول عمرى سعيدة فى حياتى معرفتش معنى الحزن خالص ولا عرفت معنى الحب ولا كان ليا تجارب سابقة انا بجد كنت اعتبر قطة مغمضة كنت لما اتعامل مع حد يلاقينى طيبه اوى ويقول لماما انا همشى ازاى فى الدنيا دى عشان الزمن دة مش عايز الطيبة لحد ما جة واحد يشتغل فى مكان قرب مكان سكنى ابتدى اول ما جة يحاول يهظر معايا وانا مكنتش مديالة وش خالص وابتدى كل مايشفنى يبتسملى وانا ما كنتش ببصلة كنت بحط وشى فى الارض وبمشى وكذا مرة لما ادخل وحد من صحابة يجى يبعلى يروح هو زقة ويجى يبعلى انا طبعا ما كنتش بحط فى دماغى لحدما لقيتة فى مرة واقف مع واحد صحبة وبيشورلة عليا بس مش عرفة بيقولوا اية فمرة دخلت اشترى حاجة لقيتة بيبتسملى اوى فانا كمان ابتسمت وابتدى بقى من سعتها لما يشفنى مشيه يطله ويعض يبص عليا ويسلط صحابة يبصوا عليا وكان بيبين ادامى انة مؤدب اوى كان لما يشفنى يبتسم ويحط وشة فى الارض لحد ما حبيتة جدا جدا بدرجة لا توصف ولحد دلوقتى مش شيفة غيرة خالص شيفاه هو وبس وهو كان بيبيلى كدة يعنى لو مرة مبصتلوش يعمل نفسة زعلان وبيفكش غير لما ادخل وانا الى ابتدى الابتسامة ولو اعدت مثلا اسبوع مدخلش بردة يزعل اوى ولما يشفنى يبصلى بزعل كدة ويدور وشة انا طبعا كنت بحبة كل يوم اكتر من اليوم الى قبلة ودخلت فى مرة لقيتة بيمدلى ايدة وعايزنى امسكها انا طبعا مردتش لقيتة فرح اوى لما مردتش وبعدين فضلت كدة كتير لحد ما تعبت وقلبى وجعنى اوى لانى افتكرتة بيحبنى من كتر التعب لقيت نفسى بصارحه بمشاعرى بس كل دة قلتهوله فى ورقة ودخلت اشترى حجات وادتهالة وكان هيغم عليا فى الوقت دة لانى عمرى ما عملت حاجة زى دى هو خدها وقراها وفرح اليوم دة فرح كان طاير من الفرحة وبعدين ابتدى اهتمامة بيا يزيد وابتدى يحسسنى انة بيحبنى اوى وكدة لحد ما لقيت الصدمات ابتدت تنزل عليا ابتدى يوصلى عنة انة بتاع بنات وانة فوق كل دة خاطب صحابى هما الى قالولى وكمان قريبى عشت بقى فى جحيم واتمنيت الموت كتير ابتديت احس انى ولا حاجة ولا عندة ولاعندى ندمت انى اعترفت بحبى لة وتبت لربنا وكنت بعيط كل ليلة وانا بصلى وبتوب على الزنب دة بدات اقول انا ازاى عملت كدة ازاى عصيت ربنا ازاى نسيت ربنا ونسيت اهلى تعبت بجد بقى يوصلى ان اصحابى لما يدخلولة يقعد يهظر معاهم ويعكسهم وكمان قريبى بردة بيعمل معاهم كدة اودامى هو المحترم الى مش بيعمل كدة بقيت اخاف اصحابى يدخلولة من الى هاسمعة بعد كدة كنت بسمع كلام بيخلنى بعيط من جوايا بس ببين عكس كدة وهما بيبقوا فاكرين انه مش فارق معايا عشت سنة كلها عزاب ودموع وكنت كل يوم بتمنى الموت خسيت بشكل غبى جتلى حالة نفسيى لدرجة انى مبقتش بقدر اشيل حاجة اعصابى مش بتستحمل كل ما اشيل حاجة تقع منى عيت كتير اوى ورقدت فى السرير كتير وانا طبعا كل دة بعدت عنة عشان خاطب كل دة كان بيوصلى وانا بعيدة جة بعد كدة هو مشى من مكان شغلة بردة تعبت اوى كنت مش بضحك مش باكل مش بشرب مطلعة همى فى المذكرة وفوق كل دة بشارك اصحابى افرحهم واحزنهم عشت بجد شهور صعبة اوى لحد ما ابتديت اتعرد على عدم وجودة بس كتير كنت بقوم من النوم مش عايزة اصدق انة مشى كنت بطلب من ربنة انة يرجع عشان اشوفة ولو يوم واحد بس وربنا استجاب لدعائى ورجع رجع بردة يعمل معايا زى الاول يبيلى انة بيحبنى وكدة لرغم انة لما مشى شفتة مرة صدفة فى الشارع عمل نفسة ميعرفنيش وانا كنت بتعذب عشانة ونفسى اشوفة ودلوقتى رجع وبردة لما صحابى يدخلولة يقعد يهظر معاهم ويعاكسهم وانا بسمع بردة وبتقطع حد يقولى اعمل اية اعمل اية انا نفسى اكرهه مش عرفة نفسى اسمع الى بيعملة مع صحابى وميهمنيش انا حياتى بتتهدم انا بكتب دلوقتى وبعيط نفسى اعيش حياتى نفسى اكرهه نفسى انسى انى اعترفتلة بحبى نفسى مهما وصلنى عنة من كلام ميهمنيش وميفرقش معايا انا خلاص حسة انى بموت بجد وفية سؤال تانى حد يجوبنى علية هو انا ليا حق عندة ربنا يجبهولى ولا مليش اى حق قولولى اعمل اية نفسى حياتى تتغير نفسى نور وفرح يدخل فى حياتى انا عايشة فى حزن جوايا بس مش محسسة حد بتكلم مع ربنا بس اعمل اية ارجوكم قولولى واسفى على الاطالة شكرا

مشاكل وحلول ذات صلة

اضيف بتاريخ: Saturday, February 2nd, 2019 في 06:33

كلمات مشاكل وحلول: , , ,

3 رد to “اعترفتلة بحبى وندمانة اوى”

  1. ابوالبتول
    04/02/2019 at 22:28

    شوفي يابنتي انت كنت مثال البنت المحترمة المتربية اللي كل واحد يفخر بها حتى ظهر هذا الشيطان الخبيث في حياتك وغيرك تماما هو شاب فاسق وصايع وبتاع بنات فقدر باسلوبه وتصرفاته معاك يوقعك في طريقه ولقد استطاع هذا الخبيث الماكر اللعب بمشاعرك وعواطفك حتى اصبحت اسيرة له والعاشقة المتيمة به فلازم تفوقي من الغفلة وحالة الهذيان اللي انت فيها وتعرفي انه شاب فاسق ولايستاهلك ولايقدر تلك المشاعر فلابد ان تتركيه وتنسيه خالص وترميه وراء ظهرك لو كنت فعلا حريصة على دينك وخلاقك وسمعتك وسمعة اهلك وثقتهم فيك وربنا بيكرمك بخيرمنه ان شاء الله هتلاقي ابن الحلال الصالح اللي يستاهلك ويقدرك ويصونك ويسعدك في هذة الحياة

  2. أخو البتول
    02/02/2019 at 11:53

    ثبت علميا أن العشق هو أحد أنواع الادمان
    وزي ما الشاب يمشي سيجارة ورا سيجارة لغاية لما يقدرش يستغني عنها.
    كذلك انتي اتساهلتي في نفسك الاول نظرة وراء نظرة لغاية لما استحكم به مرض العشق وصرت مدمنة

  3. أخو البتول
    02/02/2019 at 11:47

    غباء انت بعد ما قربتي تنسيه يقوم يشتغل عليك زي الاول وتيجي رجعاله تاني . صحيح القط يحب خناقه

    الحاجة التانية مفيش حاجة اسمها متدين ويقع في خطيءة الحب. طب تيجي ازاي دية الا اذا كان بقا كان ببعيد الله عن جهل وليس علم.
    الحب او العشق حرام عند المسلمين سنة وشيعة ولا يوجد إطار له إلا الزواج الشرعي فقط عندءذ يكون حلالا

    للمزيد راجع رأي بن القيم في علاج العشق هدانا الله جميعا

اترك رداً أو حلاً لهذه المشكلة