الحب من طرف واحد

مش عارفة حبي لابن عمي من طرف واحد ولا ايه

انا بنت عندى 19 سنة احب بن عمى كثيرا ولا اعرف ما هو شعوره وهل هو حب من طرف واحد بس انا احبة منذ ان كنت فى اولى ثانوي وهو اكبر منى بثلاث سنوات وانا الان فى سنة تالتة كلية وهو مخلص ودلوقتى فى الجيش

احنا عيلتنا مش قريبين من بعض اوى وبنشوف بعض كل فترة

وفى احدى الزيارات لاقيتة بيبصلى اوى ومتنحلى حتى اختى لاحظت يعنى حسيت انة هوا كمان معجب بيا بس احنا مش بنتكلم مع بعض خالص

المهم انا طبعا عندى اكونت على الفيس بوك ودورت علية ولاقيتة بس اتكسفت اعملة ادد لان احنا ملناش علاقة ببعض بس اخويا عملة وعلى فكرة هوا مش كان بيقعد على الفيس بوك كتير وكان بيدخل قليل اوى

المهم كانت فى واحدة صحبتى هى جريئة حكيتلها على الموضوع وقالتلى انا هعملة ادد

المهم طبعا عملها اكسبت وبقت عادى واحدة من اصدقائة وانا فى الفترة مكنتش عرفة اذا كان هوا عارف ان دى صحبتى ولا و لا

وهو تقريبا مكنش عارف انى على الفيس بوك اصلا

وفى مرة من المرات اللى كانوا فيها عندنا اختة عرفت انى على الفيس طبعا انا ماليش كلام وطبعا صحبتى محولتش تكلمة خالص

بس صحببتى عملت حركة انها عملتلى انا وهوا تاج فى صورة واحدة

ولا قيتة عمل كومنت على الصورة دى على الرغم انة مكنش بيعمل كومنتات على اى صورة بيتعملة فيها تاج

ومن ساعتها وبدات احس انة بيفتح الفيس كتير

بس وفى مرة من المرات اللى كانوا فيها عندنا وكنت قعدة انا واختة على الكمبيوتر

على العلم ان اختة مالهاش علاقة بالنت ومتعرفش اة هوا الفيس بوك دة وكانت عاوزانى ادخلها علية واعملها اكونت

وفعلا عملتلها وقولتيلها انا فى واحدةقريبتنا تانية على الفيس وخلتها تعملها ادد بس لاقتها بتقولى ان اخوعا الى هوا انا بحبة شاف اسمها وعرف انها على الفيس

على العلم ان قريبتى دى اكبر منى ومنة وهى كمان مخطوبة وكنت انا الوحيدة اللى عندها فى الاصدقاء

بس وعرفت انة بيدخل عندى على الفيس

فبدات اتقل علية وخبيت كل المعلومات بتاعتى اللى على الفيس وخلتها ظاهرة للاصدقاء بس

و كنت مستنية انة يعملى ادد خصوصا وان هو بلاقية بيبصلى كتير اوووووووى وعينة كلها حب

على العلم انة خجول اوووى ومش بيتكلم مع بنات

بس وخليت كمان صحبتى تمسحة من عندها

وفضليت مستنية ومجاش

فرحت عملتلة ادد انا لاقيتة ساب الطلب عندة 3 ايام وبعد كدا وافق على العلم انة بيوافق على اى طلب سواء كان من بنت او ولد

وحسيت انة بيتقل بس معرفتش لية يمكن علشان خليت صحبتى تمسحة وقفلت كل المعلومات بتاعتى يمكن

بس انا دلوقتى مش عارفة اعمل اة وانا بحبة اووى وهوا دلوقتى فى الجيش وان مستعدة استناة بس فى نفس الوقت خايفة انة يطلع مش بيحبنى على الرغم انى يشوف فى عينية كلام كتير ومن نظراتة بحس انة بيحبنى ماذا افعل؟؟؟؟؟؟

مشاكل وحلول ذات صلة

اضيف بتاريخ: Thursday, January 6th, 2011 في 19:33

كلمات مشاكل وحلول: , , , , , , , , , , , , , ,

6 رد to “مش عارفة حبي لابن عمي من طرف واحد ولا ايه”

  1. ابوبتول
    30/07/2014 at 03:20

    شوفي يااختي البنت المحترمةاووي ماتعملش اللي انت عملتيه ابدا وماترخص نفسهالاحد مهماكان حتى لوكان ابن عمك اومن احداقاربك الاخرين هولوكان عاوزك بجديتكلم ماحدش مانعه على الاقل يصارح اخته بحقيقةمشاعره تجاهك فالاحسن ماتعلقي نفسك باوهام كاذبة وتاكدي ان الحب الحقيقي يكون من الطرفين وليس من طرف واحد والحب مش بنظرات العين لابدمن الافعال غيركده يبقى مش حب حقيقي

  2. ابواميرة
    24/12/2012 at 11:38

    خلي اخته هي حبل المودةبينكم صارحيهابحبك لاخوهاومشاعرك تجاهه وانتظري الردمنو لوكان الشاب يحبك فعلا حيقول لاخته اوانه يعتبرك زي اخته عندهاحتعرفي حقيقة مشاعره نحوك وفي الاخركل شي قسمةونصيب حتى لومحلصش نصيب يبقى ابن عمك وانتو اخوات

  3. ما معنى الحب
    09/05/2011 at 19:27

    بصى يمكن الرد متاخر بس انا حاسة بيكى بس الحب فى الزمن ده صعب اوى انك تشعرى بى انا فى نفس المشكله بتعتك والله بس الفرق انى عارف انو يعرف بنات كتير وانا عارفة انك حاسة بحاجة بدمرك كل لم تشفى وتلقى مش حسس بيكى بجد صعبة بس انا يائس خلاص خلاص ربنا معكى يارب بس ياريت تكلمى على انك واحده تانى معجب بى شوفى هيرفض ولا وان رفض قوليلوا لية
    وان شاء الله هيقول لا عشان بيحبك انتى

  4. الطائر الحزين
    12/01/2011 at 16:51

    اولآ لازم يعرف انك بتحبيه عشان ممكن تستنيه وبعدين يخرج من الجيش ويرتبط بغيرك وفى الوقت ده هيكون سنك عدى هو كل شئ نصيب بس احنا نعمل الى علينا والباقى على ربنا وممكن تختبريه عن طريق الموبايل من رقم اخر بس المهم فى اسرع وقت لازم يحس بيكى وعلى فكره اى انسان منا يتمنا يلاقى حد يحبه ويهتم بيه يعنى هو لو مش بيحبك وانت صرحتيه اكيد اكيــــــــــــــــــد ها يحبك واتمنا ذالك وبالتوفيق ان شاء الله اخوكى عادل \\\\ طالب فى جامعة القاهره \\ كلية تجاره \\ الفرقه اللرابعه

  5. العاشق
    12/01/2011 at 14:34

    اناري انك تصرحيه علشان لو صرحتهوش هتخسريه وهتحسي بندم او تحولي تلمحيلو وتكلمي معا علي انو ابن عمك يعني او كصديق واذا حبيتي تتقلي ومعمليش حاجه من الي قولتلك عليها انك تبعدي عن حاجه اسمها حب

  6. temo
    12/01/2011 at 13:12

    اختى فى اللة السلام عليكم ورحمة اللة وبركاتة انا هكلمك بالعامية انتى تسبية وتشوفى اخرة اية معاكى بس اوعى تعترفى لية انك بتحبية حذارى علشان هذة النوع من الرجال خاصة انة ساب طلب الاضافة يومين معناة انة يعنى عايز يعرفك انة ولد تقيل انتى تسبية بس من نظات عينة لما يبص ليكى وتحسى انة هذة النظرة نظرة شوق وحب انظرى انتى وحسسية انك بتحبية بردو بس بالنظرات وحذارى تقولى الكلمة بتاعة احبك دى صدقينى هتنزلى من نظرة خالص الراجل بيحب الانسة الخجولة كونى خجولة اكثر من اللازم فى التعامل امامة واذا هو فعلا بيحبك مشش عايز يتسلى بس بيكى سوف يتقدم لخطبتك ولو حتى بكلام مع الوالد واذا ضميرة غير صحيح من ناحيتك ربنا هيبعدة عنك ان شاء اللة وسوف ياتى احسن منة ربنا يوفقك يارب ويكون من نصيبك ويطلع انسان جدير بيكى معلش طولت عليكى

اترك رداً أو حلاً لهذه المشكلة