الحب وفارق السن

حبيت انسان متزوج ومردتش اخرب بيته

المشكلة من البداية انى كنت بشتغل فى شركة ما لمدة 3 سنين كنت اعمل فيها مسئول قسم التسويق بمناسبة انا عندى 23 سنة وبعد فترة من وجودى بالشركة صاحب الشركة حسيت منه انه معجب بيا واهتمامه الملحوظ بصراحة لفت انتباهى وفى نفس الوقت عمرى ما كنت اتخيل انى ممكن احبه فى يوم من الايام لانه كان شخصية غريبة فى كل حاجة ومكنش حد بيحبه وطبعا لانه صاحب عمل له تحكمات واراء مخلفة وضد تفكير العاملين بالشركة . المهم بدأ يتغير فى اسلوبة وطريقته وكان التغير ده ملحوظ جدا وبعد ما اتقرب منى حصل بنا كلام خارج ناطق العمل وسألته ايه سبب التغير الرهيب ده من الاوحش للاحسن طبعا قالى انتى . انتى اللى غيرتنى على فكرة هو عنده 36 سنة ومتجوز جواز قرايب وغصب عنه بحكم العيلة وفلوس العيلة والحاجات اللى بنسمع عنها دى وبدأت القصة . اجمل سنتين فى عمرى لانى لاقيت كل اللى انا عايزاه حنان وحب وشخصية وعمرى ما استغليت حبه لى من الناحية المادية طبعا وكنت برفض اى وسيلة لاخد منه اى شئ ولانى من عيلة مرتاحة مادية كانت علافتنا زى المسلسلات التركى فى كل حاجة كنت بحس انه بيبقى مبسوط اوى وانا معاه كان بيحكيلى كل اللى مضايقه لحد ما اكتشفت مراته العلاقة دى وطبعا كان رد فعلها زى اى ست بتكتشف ان جوزها على علاقة مع واحدة تانية ولما وجهته قال لها انها معجبة بيا وانا كلمتها وفهمتها ان الموضوع مينفعش من الاخر جاب الموضوع عليا . وطبعا الموضوع اتعرف فى الشركة لان رئيس مجلس الادارة ابوه واتكلم معايا واكدت كلامه وقولت اللى هو قاله بالظبط فضلت انى اشيل الموضوع لوحدى وانى مكنش فى خراب بيته المهم فضلت انى ابعد تماما وسبت الشغل مع انى ابوه كان رافض تماماا انى اسيبه لانى كنت شاطرة جدا فى شغلى لكن انا صممت على قرارى وبعد حوالى شهر رجع تانى يتصل بيا فى الفترة دى كنت تعبانة لانه اتصدمت فبه بس كنت بشفعه لانه كان هيعمل اية مينفعش يهد ييته وبعد كدة رجعنا لبعض تانى كان احسن معايا من الاول ولانى بعدت عنه كنت اكيد بوحشه وفى يوم طلب منى الجواز قالى انه ميقدرش يبعد عنى كفايه انهم بعدوكى عنى نتجوز ومحدش بيعرف منهم ( اهله ) انا رفضت لانى حياتى معاه مكنتش هتستمر لانه مش هيقدر يقف قصادهم ولان اللى بيبع فى الاول بيبع فى الاخر انا كنت عارفة كل ده بس كنت بحبه اوى وفى الاخر راح اتجوز واحدة تانية وبعد لتانى مرة عنى ساعتها وقفت حياتى عليه ومكنتش شايفه غيره . وبعد مرور حوالى 6 شهور من جوازه رجع تانى يتصل بيا كان فاكر انى هفضل مستنية اتصاله لان اكتشف ان رد فعلى قاسى اوى معاه وقفلت التليفون فى وشه … انا عارفة انى غلطت انى سمحت لنفسى اعيش قصة مش من حقى بس والله انا لو كنت عايزة اعمل حاجة كنت اتجوزته بس انا مقدرش اكون سبب فى خراب بيته وعرفت بعدها ان مراته عرفت بجوازه وحصل مشاكل ….. انا دلوقتى بشتغل فى شركة احسن من اللى كنت فيها ربنا عوضنى خير واتعلمت انى احافظ على قلبى مهم كان …..

مشاكل وحلول ذات صلة

اضيف بتاريخ: Friday, April 27th, 2018 في 23:18

كلمات مشاكل وحلول: , , , ,

ردود to “حبيت انسان متزوج ومردتش اخرب بيته”

  1. ابوالبتول
    28/04/2018 at 02:24

    انت غلطانة جدا في حق نفسك وفي كرامتك وكرامة اهلك ليه مافضحتيه امام مراته وابوه وكل العاملين في الشركة وقولت لهم الحقيقة بانه هو اللي كان يجري وراك وعايز يعمل علاقة مارضيتش تفضحيه وفضحتي روحك هل عرفت الان انك كنت غلطانة اوي في السماح له بالاقتراب منك واقامة علاقة معاك وانت عارفه انه متزوج وفي مشاكل بيينه وبين مراته ولكنك تجاهلت كلهذا تماما والحمدلله انك ماتورطت معو في العلاقة وانك تركت العمل عنده في الشركة وربنا اكرمك بالعمل في شركة اخرى احسن من الشركة اللي كنت فيها وصنت شرفكي واخلاقكي وسمعة اهلكي وكرامتهم وتعلمت من هذا الدرس انك ماتثق في احد ولاتعطي قلبك لحد مايستاهل وصدقيني انه كان هيتزوج غيرك لو تزوجك والنوع ده من الناس طبعه الخيانة ولاامان له فاكر انه بفلوسه ومركزه يشتري بنات الناس ويلعب بمشاعرهم وعواطفهم لاجل اشباع رغباته المريضة وشهواته الشيطانية فكري في مصلحتك والاهتمام بشغلك والمحافظة على دينك وخلاقك وشرفك وربنا بيكرمك بابن الحلال اللي يستاهلك ويقدرمشاعرك ويسعدك ياقمر البنات الف من يتمناكي ماتستعجليش على رزقك نصيبك سوف ياتيك لامحال عليك بالصبر والدعاء والله عزوجل بيفرجها عليك وعلى كل بنات المسلمين والمسلمات ويكرمك من واسع فضله

اترك رداً أو حلاً لهذه المشكلة