مشاكل الخيانة الزوجية

متزوجه وارغب في الطلاق

انا امر اه ابلغ من العمر 29 عاما متزوجه منذ 8 سنوات من رجل يكبرني ب19 عام ولدي ولدين وزوجي هذا لا انكر انه كان انسان جميل عطوف طيب القلب تزوجته وهو لا يملك الا قوت يومه وصبرت معه وبدء يعلو ورصيده يعلو في البنك حتي ذلك اليوم الذي رائيته ومعه امراه اخري في السياره وطبعا اتحجج وكمان التليفون اول ما يدخل من البيت يتقفل ويخرج يتفتح ومشغول دايما وكان يطلع اسراري لكل امراه يخرج معها المهم ان كلهم جيراني في المنطقه طبعا بيضحك بفلوسه عليهم واكيد هما ظروفهم عملت فيهم كده وكلهم متزوجين وفي يوم نزلت كان عندي امتحان دبلومه وبصراحه مكنتش واثقه فيه جبت جهاز mb3حطيته ونزلت روحت الكليه ورجعت سمعت الجهاز لاقيت ان كان في واحده في البيت ولما واجهته قالي مش انا وعرفت اخته وسيبت البيت ورجعت علشان الولاد وبعد فتره لاقيته بيغيب عن البيت كتير وفي يوم كانت امي عندي ونزلت تشتري اكل وكلمها واحد صاحبه وقالها انه اتجوز عليا واداها عنوانه وقالها ده مايستهلش بنتك وفعلا روحت ولاقيته متجوز وطبعا قعد فتره بره البيت وسامحته ورجع وقولت يمكن نزوه وتعدي وهو قالي سيبها لله هاتيجي من عند ربنا وهاسيبها وبقاله سنه ونصف وانا بصراحه تعبت بشوف تليفونه الاقيه مكلمها قبل ما يطلع البيت وممكن 10 مرات في اليوم وانا ممكن مره ودقيقه اخباركم ايه وبس انا بصراحه زعلانه علي نفسي انا تعبت وقررت اسيبه وياريت تساعدوني انا عارفه انه مش هايسيبها بس ده انسان مافكرش الا في نفسه ونسي ولاده

مشاكل وحلول ذات صلة

اضيف بتاريخ: Wednesday, September 14th, 2011 في 18:29

كلمات مشاكل وحلول: , , , , ,

24 رد to “متزوجه وارغب في الطلاق”

  1. ابوالبتول
    22/10/2018 at 23:42

    لاياعزيزتي الدين والقانون في صفك لازم ترفع عليه قضية في محكمة الاسرة تطلب فيها الطلاق منه والزامه بالنفقة الشرعية للاولاد والمحكمة تحكم لك بالطلاق غصبا عنه وتلزمه بالنفقة لاولاده ولايقدر ياخذهم منك ابدا الحضانة تكون للام حتى يكبروا الاولاد وعيشي حياتك فانت لسه شابة وصغيرة وزي القمر والف من يتمناكي والطلاق ليس نهاية المطاف وزوجك ده شخص اناني ولايستاهلك ابدا ربنا بيكرمك ان شاء الله بخير منها صدقيني قصتك دي ذكرتني بقصة ابنة خالي كانت متزوجة بشخص مثل زوجك ده اناني وخاين وقفت معه وساعدته حتى تحسنت احواله وبعدها تزوج عليها باخرى وصار يظلمها ولايسالش فيها وعندها منه 3ولاد ومقصر في حق اولاده وكلما طلبت منه الطلاق يرفض ويهددها باخذ الاولاد منها وضاقت ذرعا به وعندها لجات الي لاني مثل اخوها وطلبت مساعدتي لها في هذا الموضوع ورفعت عليه قضيه في المحكمة مطالبة بالطلاق منه فورا والزامه بالنفقة للابناء وفعلا المحكمة طلقتها منه والزماه بالنفقة الشهرية للاولاد وتبقا الحضانة لها حتى يكبروا والحمدلله خلصت منه وارتاحت وربك اكرمها بالزواج من رجل ابن حلال صالح ويخاف الله عزوجل يعامل اولادها كانهم اولاده وعاشت سعيدة معه في حياتها الزوجية ودي سنة الحياة

  2. ابوبتول
    15/08/2014 at 02:15

    اختي اناقلبي معاك ومتعاطف جدالحالتك وابغاك تسمعي نصيحتي وتعمل بها لانوفيهاالمخرج الحقيقي لكل ماتعانين منه 1-اطلبي الطلاق منه وفورا2-مسالةزواجه من الست دي لاتقدم ولاتوخر واستحالةيطلقها حتى لوقبلت بالعيش معه 3-حضانةالاولاد شرعاوقانونامن حقك ولاتسقط الحضانةعنك الافي حالةزواجك من رجل اخر 4-وجوب الزامه بالنفقةالشرعيةللاولاد عبرالمحكمة ولاتتنازلي عن حقوق اولادك وربي يسترعليك ويبارك لك في ولادك وتلاقي منهم كل الخيروالبركةوالسعادة

  3. ابواميرة
    30/10/2013 at 01:32

    اختي داه مش بنى ادم محترم وعنده دين ولااخلاق ولاكرامةابدا حيوان تافه وحقير هولوراجل يطلقك من سكات وبلاش فضايح لانه هوابوالفضايح كلهاومن حقك ترفعي عليه قضيةوتجرسيه في المحاكم عشان يعرف ان الله حق وانو بنات الناس مش لعبة حقيرة في يده واوعي تتنازلي عن حقوقك وحقوق ولادك الشرعية لازم النذل ده يعرف ان الزواج مسوولية عظيمةمايعرف قدرهاامثاله من المنحطين الخونة اللي يحلون الحرام ويحرمون الحلال وتاكدي انك على خير وربنامش بيتخلاعنك بيخلصك منه وبيعوضك بخيرمنه بالزوج الصالح اللي يراعي الله فيك ويقدريسعدك ويصونك

  4. ابواميرة
    28/11/2012 at 21:36

    اختي الفاضلة تالمت كثيرا لمعاناتك مع هذالزوج الاناني المتسلط واسال الله ان يخلصك منو عاجلا غيراجل وهو لايستحق ان يكن زوجا وابا لاولاده لانو خاين وزاني يمارس الرذيلة والله ينتقم منه احرصي على اولادك

  5. سلسبيل
    08/11/2012 at 18:45

    انا بقولك الله
    يصبرك ولو رجعالها بلحلال ما تعارضي واكسبي جوزك وفوزي انت بيه وحاربي علشان اسرتك وما تضعفي جوزك ليكي ولاولادو كوني شاطرة وما تتصرفي بقلبك اتصرفي بعقلك

  6. مروه
    02/06/2012 at 23:21

    انا متعاطفه معاكي لان مريت بظروف زي ظروفك لكن نصيحتي لك فوضي امرك لله وعليك بالدعاء ان كان هذا الزواج فيه شر لك ولاولادك ربنا يصرفه عنكم بس انت بتحبيه وكل اللي انت فيه غيره عشان كده اتقربي له واشغليه بك خليها هي تغير منك الي ان يقضي الله امرا كان مفعولا

  7. زوج مقهور جدا
    08/03/2012 at 14:12

    مشاءالله عليك كل هذه الامور وصابرة

    انا زوجتي عيشتها احسن عيشه وللأسف خانتني بدون سبب حتى لما اسالها تقول ما تعرف كانا مسحورة بس الحسنة انها اعترفت لي بعد يوم بس من قبلات فقط

    ياليت زوجتي تقرأ مشكلتك وتعرف كم فيه نساء بيتحطوا فوق الراس والله وبيصبروا من شان ربنا وبس

    الله يعينك ويوفقك
    وعشان اولادك اصبري وانتي ما بتفكري في الزواج مرة تانيةزي ما قلتي طيب خليك زوجة مع وقف التنفيذ يمكن ربنا يهديه يوم من الايام ويعوض صبرك خير وفرح وسرور

  8. ساره
    22/01/2012 at 20:35

    بصراحه حسيت بالحزن علشانك لاني عشت ظروفك ومقدره موضوع الخيانه ده,لكن نصيحه مني ليكي انتي دلوقتي عندك اولادك ومن مصلحتهم يعيشو بحض امهم وابوهم ده احسن لنفسيتهم ولمنظرهم قدام الناس خصوصا انك قلتي مش ناويه تتجوزي وهتكرسي حياتك لاولادك,وده كان قراري انا في يوم من الايام قلت انا هرجع اعيش مع جوزي ومش هطلق وهيكوني هدفي اولادي بس ومليش دعوه بيه يعمل اللي يعمله,وفعلا يا اختي رجعتله وسبته عايش عن اللي خاني وياها لكن الست حتى لو كان قرارها انها تربي اولادها لكنها في النهايه انثى وعايزه تحس بانوثتها وعايزه اللي يهتم بيها ويقدرها ,فوالله بعد ما كانو اولادي هم الهدف الاول في حياتي خليت ازاي ارجع جوزي وارجع حبه ليا هو الهدف الاول فبدات اكلمه تلفونات لاني مكنتش بشوفه كان كل وقته عند الخاينه واسمعه كل الكلام المعسول واخليه يشتاقلي ويحن ليا واكلمه عن مشاكل العيال واني صابره علشان عارفه انه هوا اللي هينقذ عياله ,كنت بقوله كل الكلام ده بدون احساس مجرد كلام علشان ترجع حياتنا لطبيعتها لكن سبحان الله مع الوقت لقيتني بحس كل كلمه بقولهالو وهوا كمان وسامحته ورجعلي وساب اللي خني وياها والحمد لله دلوقتي معيشني ملكه ومش بعملي اي مشاكل اصلي والكلام المسول اللي كنت بقولهوله هوا حفظه وحسه وابتدا هوا اللي يطبقه فما تتسرعيش يا اختي وارجع واقولك الست الشاطره هيا اللي بتقدر تخلي جوزها ميخرش برا البيت بتحتفظ في جوزها بحضنها طول الوقت

  9. fathysafa
    10/10/2011 at 15:51

    السلام عليكم
    سيدتى فيه كثير من الرجال تمدى لهم ايدك وبعد ذلك يعضوها تفعلى معهم الخير يفعلوا الشر طبعا أنا معاكى وحاسس بيكى ولكن أقولك يمكن يكون وضعك هذا أفضل من الطلاق بكتير وإذا كان ولا بد أنك تطلقى منه لا تفعلى هذا ابدا إلا إذا طرقتى كل الأبواب من أجل الأصلاح وفكرى جيدا لأن الطلاق قد يكون اصعب مما أنتى فيه احسبيها وأن شاء الله ربنا يوفقك لما فيه الخير

  10. الطيار الريق
    25/09/2011 at 09:52

    اوك هوه رافض الطلاق ومزهقك فى المصروف اطلعى على المحكمه ارفعى عليه قضيه نفقه ليك وللاولاد وسيبى الطلاق دلوقت وهصرفك فيها بعدين بس ارفعلا النفقه خلينا نشوف رده فعله ايه لانه تقريبا متاكد او احساسه بيقوله انك مش هتتجرئى ترفعى عليه قضيه فخلينا نرفع عليه النفقه نشوف رده فعله ايه وفى نفس الوقت لازم ليك نفقه انتى والاولاد فى مدارس وفى حياه وفى غلاء معيشه كل يوم بيزيد شوفى هتعملى ايه وعرفينى وربنا يسهل / المحامى

  11. صاحبة المشكلة
    25/09/2011 at 00:56

    اخي الفاضل المحامي اشكرك علي نصائحك بس انا طلبت منه الطلاق قالي اتنزلي عن الولاد
    وانا اطلقك حالا وطبعا هو متاكد اني عمري ما هاسيبهم هو خايف اني اعمل زيه واتجوز لكن انا مش نلويه اكر الماساه دي تاني واتجوز ابدا انا عايزه اكرس حياتي لاولادي وبس وهوحاليا مزهقني في المصروف اعمل ايه

  12. حل المشكلة
    24/09/2011 at 01:39

    انا انصحك بالصبر لان عندكي اولاد ونصف راجل احسن من اولاد بمشاكل ولا راجل ونافسي درتك وتفادي اخطاءك وغيري طباعك بما يحب زوجك حتنتصري على درتك

  13. محمد
    18/09/2011 at 18:54

    بسم الله الرحمن الرحيم في هذه الحالة عمر الرجل ليس له لية اهمية .و بما انه يبحث عن المتعة خارج البيت فربما لا يجدها في البيت و انا لا اقول انك مقصرةلاننا سمعنا وجهت نضرك وحدها وحتى لو كت مقصرة هذا لا يعطيه الحق في خيانتك لكن انصحك اختي ان تغيري معاملتك معه ان تهتمي به بشكل اكثر ان تتزيني له ان يصبح البيت عبارة عن جنة لا خصام ولا لوم .على ما اظن انك جربتي لومه و خصامه لكن جربي هذه الوصفة لا عتاب بعد اليوم الابتسامة دائما على وجهك حاولي ان يكون البيت هادئا عند عودته ان تجهزي له كل ما يحب من اطعمة و اهتمي بمظهرك وزينتك في البيت .و كوني على يقين ان سلاح المراة في ضعفها

  14. reda587
    18/09/2011 at 14:26

    حل هذه المشكلة هو أن تصبرى وسوف ياتى الوقت الذى يندم فيه أشد الندم ، أختى ليس الطلاق هو حل المشكلة وحاولى أن تقربى منه اكثر وتهتمى به مثل غهتمامك بأولادك وسوف يهديه الله ويرجع لرشده
    وهذه نصحية منى لك لأن الطلاق واللجؤ إلى المحاكم سوف يترتب عليه مشاكل نفسية لك وللصغار أكثر مما تعانيه الأن ( نصحيحة محامى بالنقض )

  15. الطيار الرايق
    18/09/2011 at 13:33

    صباح الخير ازيك يا رب تكونى بخير اولا مفيش راجل محترم بيعاير زوجته باى شئ حتى ان كان بيوصل والدك للمستشفى او مساعده ماليه او غيرة وموضوع ان خليك وربى الاولاد انتى مش خادمه لى نعم لاولادك بس فى نظرة دى خادمه فده مرفوض انا زوجه بكل تقدير واحترم قدام الجميع وانت اولهم لانك زوجى ولازم يفهم كده معنى انه راح ودور على حياه تانيه يبقى مينفعش يرفض الطلاق عرفى اهلك واهله فى يقعدو مع بعض اذا تم الاتفاق على الطلاق بكل احترام وبون مشاكل وبكل ما يضمن ليك الحقوق ولاولادك مستقبلا من مصروفات وتكلفه معيشه ودراسه للاولاد خير وبركه متمش مظبوك يبقى عليك وعلى المحكمه وترفعى كمان قضيه نفقه للاولاد وتاخدى حقك وانتى معززة مكرمة وبدون اى مشاكل وارجعيلى فى الرد / المحامى

  16. الطيار الرايق
    18/09/2011 at 09:54

    صباح الخير اولا مفيش راجل محترم بيعاير زوجته لا لتوصيل والدها ولا لا مساعده انشاله ماليه كل الامور دى تافهه ولكن الحياة ليها اساسيات ولازم تكون مرضيه للجميع واحنا فى مجتمع شرق وناس كبيره وعاقلين معنى الا بيعمله ده انك هتفضلى خادمه للاولاد وهوه رايح جاى من التانيه وبس لا تتنازلى عن حقوقك الشخصيه بما فيها قيمتك انتى كانسانه هوه رافض الطلاق كلمى اهلك واهلو ان فشلو فى الحوار معاه روحى على المحكمه وارفعى دعوى طلق للضرر بانك مش واخده حقوقك منه وان فى عمليه هجر للبيت واثبتى كل ده قدام القاضى وتعامل باسلوب غير لائق للحياه الزوجيه وخدى حقك وانتى مش هتعيشى فى الحياه 50 مره انتى انثى ومن تعيشى حياه كرمه من كل شئ وبكل احساس ومشاعر وليس منها بالتجريد فاطلبى حقوقك كلها وشوفى حياتك زى ما هوه راح ودور على حياته وربنا يوفك شوفى الا بيصير معاك وارجعى عرفينى وربك كريم المحامى

  17. المراهقة الطائشة
    18/09/2011 at 02:50

    انتى بطله انك اتحملتى كل الظلم ده لو كانت ظروفك تسمح انك تطلبى الطلاق اطلبيه ولكن بعد ما تشوفى مصلحت اولادك فين لان الام اتخلقت علشان نضحى ولكن كل انسان وله طاقه ولا يكلف الله نفسا الا وسعها وانتى ادرى واحدة بظروفك يعنى من الناحيه الماديه وربنا معاكى يصبرك ويعوضك فى اولادك

  18. بسمة امل
    17/09/2011 at 14:58

    أختي في الله انصحك بان تصبري لان بعد الصبر الفرج واعلمي ان الله مع الصابرين أسأل الله ان يفرج همك ويعوضك باولادك وانا اعرف نساء كثير ان ازواجهم مثل زوجك لاكن مساكين صبروا والان كل واحد منهم يقول نعم انك زوجه صبوره وبالفعل ندموا لانهم عرفوا ان معهم جوهره

  19. ابوعليا
    16/09/2011 at 02:33

    ياستي النظرة في وش اولادك بالدنيا وما فيها بس عليكي بالصبروانت اللي كسبانة وصدقيني حييجي عليه اليوم اللي حيندم فيه عليكي ده كفايه انه اكبر منك بكتير يعني انت بالنسباله قطة بريئة وحتى لو انت سمحتيه برده انت اللي كسبانه يكفي انه حيفضل قدام عينك بقيت عمره صغير لكن انا مقدرش اقوللك سبيه لان ده حرام شرغا مش يمكن التانيه دي برده مظلومه ذيك

  20. صاحبة المشكلة
    15/09/2011 at 19:42

    شكرا لمساعدتكم ليا واشكر اخي الفاضل المحامي بما اني صاحبه المشكله فانا نفسيتي تعبانه جدا من حياتي معاه وهومابيحبش الا نفسه ونزواته وطبعا غير انه بيعيرني لما كان بيساعد والدي ويوصله يعمل عمليه بالعربيه وحاليا انا انهارده قولتله اني مش عايزه اشوفه تاني ومش ناويه اعيش بنصف راجل يقعد هناك 4 ايام وهنا 3 وبعدين طالما هو بيحبها خليه معاها يربي ابنها ويسيب ولاده ويظلمهم وهو رافض الطلاق نهائي بيقولي خليكي وخدي بالك من الولاد ومش هاطلقك

  21. ملكة الاحزااااان
    15/09/2011 at 10:28

    خدي ولادك وامشي وخليه يطلقك دة هيضيع مستقبلك ومستقبل الولاد بس يا ريت متجوزيش غيرة علشان نفسيه الولاد متتعبش

  22. الطيار الرايق
    15/09/2011 at 10:20

    صباح الخير اولا انتى فى موقفك قويه جدا ومكانك قوى باولادك وببيتك ومدام انه مش فارقه معاه الا نفسه فانتى كلمى اهله واهلك واقعدى معاه وحطى نقط على حروف واتفاق فى حاله ترك البنت دى فانا معاك وملكك وفى بيتك فى حاله عدم الترك ليك انتى الاختيار قادره تتحملى اوك مش قادره خلاص اطلبى الطلاق ولازم يكون طلبك للطلاق لاسباب مقنعه للمحكمه او للقاضى انا محامى مصرى بالكويت وهنا حلات مشابهه كتير لحالتك وعارف بقولك ايه علشان متروحيش ترفعى دعوه وتخسريها وتضيعى الوقت فلازم الاول اقعدى معاه واعملى اتفاق وشوفى الباقى وانشاله تتوفقى فى حياتك مكنش فى اتفاق اقدر افيدك انشاء الله وربنا الموفق

  23. قلوب في الغربة
    15/09/2011 at 08:03

    أختي في الله
    اصبري وصابري ولو على زوجته التانية أهم شئ يعدل بينكما
    واطلبي منه ذلك أن يتق الله فيكما ويعدل بينكما
    أسأل الله أن يصبرك ويآجرك

  24. مدمنة السهر
    15/09/2011 at 02:54

    الحل الوحيد هو الطلاق اكبر منك ب19سنة ومو حامد الله على النعمة يلي هو فيها سيبيها وانتي لسه صغيرة ولسه الطريق طويل قدامك ولادك طبعا رح تظلي تحبيهم وتحافظي عليهم ولا تقولي رح اتحمل من شانهم حتى يكونو مع ابوهم انا بشوف لو انفصلتو رح تحترمو بعضكم احسن ما تظلو مع بعض وما في احترام وحياة كلها خيانة وغدر والاولاد مش رح يظلو صغار اكيد رح يفهمو كل شيء ورح يكرهو ابوهم لما يشوفوه عم يعذبك ويخونك لهيك بنصحك بالانفصال عن هاد الشخص الاناني يعني رضيتي بيه بجميع عيوبه ولما انفتحت بواب الخير بوجهه اول شي يعملو انو يغدرك الله يصبرك ويعينك وربي يهديه ان شاء الله اتمنالك كل خير انتي فيكي تقتنعي بكلامي وفيكي لا بس فيكي تستخيري لله وهو رح يسهل كل امورك باذنه وحده لا شريك له ديري بالك ع حالك وفكري بمصلحتك والسلام عليكم ورحمة الله تعالى وبركاته

اترك رداً أو حلاً لهذه المشكلة