العذرية وغشاء البكارة

زوجي بعيرني بموضوع غشاء البكارة ويهددني بالطلاق

استحلفكم بالله افيدوني

انا بنت مدام عمري 25 سنه ومن الصعيد تزوجت جواز تقليدي وزوجي في فترة الخطوبة كان اي شي اطلبه منه مجاب حتي الدهب الشبكه كنا طالبين 7 الاف حنيه قال 10 الاف وكان خده مداس وانا ربي عالم احترمته وقدرته

المهم انا وانا طفله شفت امي بتستخدم دش مهبلي وهي في الحمام وفي يوم استخدمته زي والدتي ونزل دم قولت يمكن دم الحيض وماحطيطت في بالي لاني كنت في اولي اعدادي انا عارفه انه عيب من الام انها مافهمتني موضوع غشاء البكارة واكده المهم انا كبرت وفهمت وخفت اصارح اهلي واتخطبطت

وانا لاني براعي ربي في حالي ومابحب الغش صارحت  زوجي في فترة الخطوبة وهو قبل الوضع وكان راجل معايا وفرحت وقالي مدام صرحتيني ومو هاخذلك وتزوجت وبعد 9 شهور ربي رزقني ببنتي الكبيره 6 سنوات واول مشكله عيرني باموضوع غشاء البكارة سكت واستحملت علي شان بنتي وقولت ليه حق وبعد كل مشكله مابينا مابينا يقول واحده زيك المفروض تشيل جزمتي علي راسها واي شي مابينا ازا جيبت عبايه  او لبس يقولي دي تلبسيها عند اهلك لما اطلقك والله والله بقالي 7 سنوات معاه عمري ماطلبت منه شي خاص فيا يمكن انا بساعد في البيت من فرش للبس لاكل لشرب ودلوقتي بيتلكك ليا علي شان ازعل وانا اقسم برب العزه مو وحشه في الشكل ولا في البيت معفنه ومعاه كزوجة ربي عالم بيا بعطيه حقه ومافيه تقصير وكل مابيتكلم معايا بيهددني بالطلاق بسبب وبدون سبب حتي في لبس الخمار بقوله دي حريه وانا لبسه حجاب يقولي هاطلقق واي مشكله هايفه يتصل باخواتي يشهدهم عليا واطلع غلطانه واسكت واقول بيتك والله واقسم برب العزه اني بقبل ايده ورجله علي شان يرضه عني واجي اهزر معاه او اضحك يتعصب ويضايق ويزعق والله عمره مانزل من البيت وساب فيه 5 جنيه

انا مش بتكلم من الماده مو فارقه اهم شي الاحترام ودلوقتي بيعملني وحش ومابيكلمني بقاله 10 ايام وبساله ليه يقولي انا بكرهك فيا علي شان تذهبي بيت اهلك وتطلبي الطلاق وتتركي كل شي حتي دهبي حقي عاوزني اتركه حق بناتي وهو بيعيرني بخلفت  البنات وبيقولي عاوز طفل بقوله لسه شويه لاني رحمي الدكتور النساء وانا بولد بنتي 2 كنت هاموت قال لازم فتره ومن ساعتها وهو متغير ومابيكلمني وبيتلك علي غلطه كلمت امي ولسه بحكي ردت قالت اني شايفه شوفه عيط ونزلت ودلوقتي محتاره امشي واترك البيت واروح عند امي ولا ايه اعمل وهو كل شويه بيهددني بالطلاق بقا لبانه في فمه ارجوكم دلوني لاني محتاره

اختكم الصغيرة حبيبة الرحمن    منتظره ردكم سلام

مشاكل وحلول ذات صلة

اضيف بتاريخ: Tuesday, September 28th, 2010 في 00:39

كلمات مشاكل وحلول: , , , , , , , , , , , , , , , , , , , , ,

50 رد to “زوجي بعيرني بموضوع غشاء البكارة ويهددني بالطلاق”

  1. مجنون نسوان
    08/12/2015 at 22:51

    اختىالصابرة على هذالزوج السافل الحقير الغير اخلاقي بالمرة كل ماذكرتيه عن معاناتك مع هالزوج لاتحتمل اطلاقا ولاتصدر من انسان عاقل يخاف الله عزوجل ولاخيرفيه وان كان يصلي ويصوم الدهر كله ويحج كل عام فلاخيرفيه ان كانت صلاته لاتردعه عن هالافعال معك ولايعطيك حقوقك الشرعية كزوجة من المحبةوالاحترام والتقدير فلا تظنى انه سوف ينصلح حاله اويتغير ابدا احفظي كرامتك وعزةنفسك وكفاية على كدا وطلبي منه الطلاق فورا وبلا نقاش وطالبي بحقوقك وحق بناتك من نفقة ومصاريف وخلافه واياك ان تتهاوني اوتتنازل عن شي منها ولك رب اسمه الكريم انت وبناتك لن ينساكم ابدا سوف يكرمك نشاءالله بخيرمنه ان اردت الزواج وان جلست على تربية بناتك لك الاجر مضاعف من رب العباد وفقك الله وبارك لك في بناتك واطعمك برهم واخلف عليك بكل الخير

  2. ابوبتول
    24/07/2014 at 02:27

    اختي من الصعيد السلام عليك ورحمةالله وبركاته ماقولتيه عن معاناتك مع هالزوج اللي لايحترم نفسه ويصون مراته وام بتاته ليس براجل خالص ولاعنده ذرةمن الرجولةوالشهامة والمروة وناكرللعشرةوالمعروف لابدمن اشارك اهلك في الموضوع ده حتى يلجموه ويوقفوه عن حده الا الكرامةوعزةالنفس ماحدش يرضى اهاناتهااوالمساس بها اطلاقا واياك والسكوت اوالتهاون معه في الكرامةوالحقوق الشرعية لك كزوجة والا فلاخيارامامك غير الطلاق منه وصون كرامتك وحفظ حقوقك وتاكدي انه انسان سافل ومنحط وغير اخلاقي وربنايعوضك بخيرمنه ويبارك لك في بناتك ويطعمك ثمرتهم وبرهم

  3. سبحان الله
    07/07/2014 at 12:38

    سبحان الله واحده فى مثل موصفاتك قليل جدا انك تتشالى فى العين دى الرجاله بتتشحتف على واحده محترمه ومتربيه مش على الدين بس لاكن على العادات والتقليد الصعيديه دا مش عارف قيمتك واحده زيك تتساب وسط ميت راجل وهوا مطمن ومحدش يعرف حتى يقلك انتى مين هو مش عارف الدنيا بقت ازاى والاخلاق بقت ازاى لاكن هقول ايه سبحان الله يعطى الحلق

  4. امل
    27/04/2014 at 16:21

    نصيح من اى انسان لا تقلقة على اى شى فالله سبحان وتعالى يصتوره
    ولا تخاف من زوجك ولا من اى احد فى هذا العالم

  5. ناصح
    02/03/2014 at 09:51

    أولاً أختي أحسنت على الصبر مع هذا المسكين الراجل لوهدد المرأة المرأة تستطيع تبهدله بهدله بالمكر لكن إنتى بنت ناس محترمين جدا ياخافوا ربنا .

    بخصوص التهديد البكارة هذا يمش رمته يطلع هل الكلام بعد زواج دام هل المدة ماراح يتكلم لو تكلم الفشيلة عليه لو أفترضنا تكلم يجب معاه النكران لحماية نفسك وبناتك .

    ويجب وقف هذا عند حده والشكوى لأهل العقل من الأسرة ا الذين يحفظون الأسرار طبعا الوالدين يا إما الإحترام أو الطلاق إذا طلاق عدم التنازل عن أي شئ من نفقة سكن يتحمله وهو محترم .

    ملاحظة أختي :::

    مهمة مهمة مهمة

    ( مهمة اذا جاب غشاء البكرة من صالحك وصالح أهلك وبناتك الله يستر عليهم جميعا وجميع بنات المسلمين نكران أفضل بعد الذل إلي عشتيه معاه ما يستحق الصدق معاه لأنك إعترفتيله عمل نفسه راجل يحترمك وما يطلع الذي دار بينكم فغدر وكذب لذلك هذا إذا جاب طاري البكارة وأنا متأكد ما يستطيع يقول هل الكلام إذا راجل لأنه يجعله خنفس قدام الرجالة
    من عائلتك وعائلته فنكران واجب عليكِ أختى نصيحة لكِ لأن فيه خراب بيتكم ومستقبل البنات يطلق يطلق وطلعيه عيل أحسن بالنسبة لبناتك ووالديك .
    رضى يعيش معاكِ بإحترام أهلا وسهلا طلق مافيه تنازل عن حقوقك الشرعية مع النكران النكران لأنه الذي يستقل المرأة رجل مريض .
    الذي لايرضي على بناته الذل مايرضى على بنات الناس لأنهن مثل خواته وبناته .

    تقبلي تحياتي أختي
    والسلام عليكم ورحمة الله وبركاته

    لا تنسينا من الدعاء

    بارك الله فيك

  6. ابواميرة
    16/12/2013 at 16:35

    اختي الزوجةاللي من الصعيد اولا انتي غلطت وعملتي في روحك وفضيت بكارتك لان الحاجةدي تجهلينهاتمام والخطا على امك كان المفروض والواجب عليهاتفطنك لمثل هالحاجات لكن ربنايسامحهاويعفى عنها وماحصل من زوجك هذالجاهل المتخلف ومعاملته القاسيةلك لااحد يرضاه اطلاقا ولايمكن القبول به ولازم تكون الحياة الزوجية قايمة على الاحترام والتقدير بين الزوجين ومسالة انه يعيرك بغشاءالبكارة ويهددك بالطلاق فانه انسان متخلف ولافي قلبه رحمةولاخوف من الله ولاحفظ لمكانة الزوجةعنده وكرامتك فوق كل شي اطلب الطلاق منه ارحم واكرم لك من الاهانةوالذل وربي يعوضك بخيرمنه وبيكرمك بالزوج الصالح اللي يتقي الله فيك ويستاهلك ويسعدك

  7. saudi
    19/11/2013 at 10:46

    عليك-باللجوء-إلى-ملك-الملوك-الله-ادعيه-وناجيه-في-ظلمات-الليل-“أمن-يجيب-المضطر-إذا-دعاه-ويكشف-السوؤ”صدق-الله-العظيم

  8. كيفي
    04/12/2012 at 19:30

    عيشي حيااااااااااااااااااتك مبسوطه وارضي بما كتبه الله لك واصحك تغلطي بشي علي خليك محترمه ولا تحيجي نفسك علي ابد اعتبري مو موجود ريحي قلبك حبيبتي لاتطلبي اي شي اطلبي الله بس هو راح يعطيك الي ت بيه عيشي مبسووووووووووووووطه

  9. ابواميرة
    26/11/2012 at 18:25

    الاخت الفاضلة حبيبةالرحمن السلام عليكم تالمت اشدالالم لقصتك المحزنة وارجومنك الاصغاءلماقوله لمصلحتك اولا الراجل دامش بني ادم وسافل ونذل ومايستاهل العيش معه ثانيا اطلبي الطلاق ارحم لك من هذالعذاب وخدي بناتك معك ثالثا الزميه بالنفقة الشرعية لبناته عن طريق القاضي رابعا اياك والتفريط في حقك وحقوق بناتك واسال الله ان يعوض صبرك خيرا ويبارك لك في بناتك

  10. ماريا
    04/03/2012 at 03:52

    اسمعي ياحبيبة الرحمن مشكلة البكارة ليست سبب غضبه وانما هي مسمار الللي بيشدك منو فين كان المشكل ليلة الدخلة ولا لما خلفتو كبري دماغك لو عاد وقال انتي طالق قولي لو طب طلاقي يوصلني في بت اهلي وروحي يمكن انتي قلت كان بيكلم وحدة في الشات يمكن يكون بيتحجج وبيشهد عليك خواتك عشان لما يطلق محدش ياخذ بالو حاولي تهجري من الفراش مده معينة لو استحمل اعرفي انو وحدة تانية ومتديهوش وقت كبري دماغك متديهوش وقت ادي وقت لبناتك ولنفسك ومهدي لنفسك في بيتك صارحي خواتك بجزء من الحقيقة عشان مبيبقوش غالطين فيكي …اموت واعرف ليه المراة لازم تكون الحلقة الاضعف المراة مخلوق موازي لرجل وليس كل ذكر رجل للعلم يعني لو غابت صفة الرجولة فيصير الرجل هو الحلقة الاضعف تبا للاعراف التي تدمر نساء الكون

  11. shreef
    28/02/2012 at 19:22

    عمليه زى ما بيعملك وسبيها على الله هى الرجاله كده كل ما تحسيسيه انو مهم وعظيم يتا نك ويزيد فيها كبرى دماغك خالص ولا تديلو اى اهميه والله هتشوفى الرجاله دى نمروده

  12. مكتئبه
    08/02/2012 at 01:17

    اخ يا اختي انا عندي ظلم الزوج ولا ظلم اهلي انا مريت بتجربه زواج مع انسان مريض بالصرع وكل يوم ضرب واهانات منو ومن اهلو وكنت استحمل لاني عارفه انو اهلي اقسى علي لكن عند ما يئست وفكرت بالانتحار قلت لا خلص بترك زوجي وبروح لاهلي يمكن هم تغيرو وفعلا شجعوني اتطلق وبعد ما رحت عندهم اصبحت بلا قيمه الكل بدو يثبت كيف بعذبني ويتعمد اهانتي حتى امي انا الوحيده الغير مسموح لها بالتكلم بأي شيء بالبيت لاني مطلقه وغير انهم سرقو ذهبي وكل مستحقاتي ولم يعجبهم فأنا الان امنت ان نار زوجي ولا جنه اهلي واقول حسبنا الله ونعم الوكيل عليهم

  13. شوشو هيما
    29/01/2012 at 23:42

    حبيبتى متزعليش ربنا معاكى طولاما انتى مكدبتيش علية من الاول خلاص انتى كدا عند ربنا حاجة كبيرة وان الله غفور رحيم انت لا تستحقية حاولى معاة تانى ممكن ربنا يهدية بجد ربنا معاكى

  14. HanyMoh
    22/10/2011 at 03:57

    رغم أن هذه المشكلة قديمة نوعا ما إلا أنني أود الرد عليها..

    أولا/ أنت أخطأت حينما أخبرتيه في فترة الخطوبة بما حدث لك وأفقدك العذرية..
    ولكن لا علينا الآن..

    ثانيا/ معايرته لك وحدها كافية لهدم العشرة والمودة التي بينكما..

    ثالثا/ تهديدك بالطلاق في محله فأنت أغنى بالله عنه..

    رابعا/ لو كان يطلب منك لبس الخمار عن الطرحة وغيرها فأنا أتفق معه فالخمار أكمل وأجل للمرأة المسلمة، فأنا شخصيا أحب الخمار عما سواه من أغطية الرأس..

    خامسا/ ليس في القانون أو الشرع ما يبيح للزوج إهانة زوجته، بل فيهما ما يأمره برعايتها وتدليلها كما كان يفعل الرسول صلى الله عليه وسلم..

    سادسا/ أنا أرى أن الحياة بينكما أصبحت صعبة وأراه قد أخذ منك ما أراد فلا داعي للبكاء الآن فهو لا يستحق البكاء، وللعلم الرجل هو الذي يحدد جنس المولود وليس المرأة..

    سابعا/ توجهي لله واتركي أمرك له فهو أكم الحاكمين وإن كان الخير في بقائك معه فإنك ستبقين وإن كان في تركك له فسييسر لك أمر الترك..

  15. محمد
    02/05/2011 at 04:13

    بصى يا اختى الى زى ده مش راجل سيبك منه خالص وقدامك حلين الاول انك تروحى عند اهلك وتطلقى بس الاول تشهدى عليه ناس وتعملى له قاعده رجاله فاهمانى ؟يعنى تطلعيه غلطان .علشان تحرقى دمه .
    الح الثانى انك تقعدى فى بيتك وتبقى ببرود اعصاب اوووووووى وكانه مش موجود اصلا مسافر او ميت وغلطانه انك بتعطيه الاهتمام الكبير ده . طنشيه ولا كانه موجود . واختارى انتى الحل الى يناسبك والحل الثانى لو حسيتى انه يجى منه مش هيجى منه يبقى الحل الاول والحمد لله انتى مخلفه يعنى مش هيقدر يقول على موضوع غشاء البكاره فكبرى دماغك منه

  16. sawml rada
    10/04/2011 at 20:00

    اوعى تسيبى بييتك وحبييه من قلبك ولا تؤدى دور الزوجةالمثالية المضحية لاتفكرى فى اخطائه فقط بل فكرى فى اى حاجة حلوة قد تحدث بينكما واقنعى نفسك انه مازال يحبك وادعى له بان ربنا يهديه

  17. لله الامر
    16/03/2011 at 00:46

    ممكن اعرف انت خايفه تتطلفى منه ليه خايفه من كلام الناس تتحرق الناس وكلامهم اهم شئ راحتك انتى ده راجل لا يمد للرجوله بصله وما اكثرهم فى زمانه هو بيعيرك ليه انتى كنت صادقه معه ولو وحشه كنتى كنتى ماقلتى واتصرفتى فى الزمن الاسود ده بس نقول ايه الرجاله اغلبهم اغبياء بيحبوا اللى يضحك عليهم والله انا اتعصبت من بس كلامك عنه الله يكون فى عونك ده لو انا مكانك كنت اكيد قتلته ولو منك ورجع وعيرك تانى وقالك هفضحك وقوليله اثبت انت ماعندك دليل وهشتكيك وقول انك مجنون هو شيفك ضعيفه وخايفه ماتسكوتيش هوبعد كده هيخاف ولو قالك روحى لاهلك قوليلوا انا حاضنه وده بيت ولادى انت اللى ابتديت اتشجعى وماتخاقى انت عملتيه بمايرضى الله كفايه كده عليه والله يعينك

  18. حبيبة الرحمن
    07/12/2010 at 02:02

    انا حبيت الرحمن صاحبة المشكله والله انا بطرد من بيتي وعلي طول يحلف عليا بالطلاق بسبب ومن غير سبب انا دلوقتي اخر مالقيتشي حل بقية عايشه لبناتي يعني اعتبرته ميت بخرج انا وبناتي وبنتفسح وهو مافيش كلام معاه اللي محزني اني مش حاسه اني زوجته من اسبوع افاجي انه سره من اصحابه وانا مراته مابيعرفنيش اي شي عنه مع انه والله وربي عالم لو دخلت الحمام بتصل فيه اقوله انا في الحمام مابخي عليه اي شي ابدا وبقالي 3 ايام متخصمين والسبب اني واخد فلوس من واحد صحبه 1000 جنيه وصاحه شاكي للناس انا عرفت بيعت غويشه ولما رجع بساله قالي اه قولت عيب عطيته 1500 جنيه وقولت سد صحبك واي شي تعوزه انا موجوده راح رمي الفلوس في وجهي وقالي انا مش عازمنك شي ومابيكلمنيش المشكله انا مش عارفه كيف اراضيه مع اني بعمل اي حاجه علي شان اسعده ونفسي احس اني متزوجه مافيش اهتمام بيا ولا ببناته نفسي اشوفه يشيل بنت ويلعبها او نيجي نخرج يخرج معانا نفسي ولا عند دكتور بيجي معايا لابيا ولا لو بنت مريضه مكبر دماغه خالص ومش عارفه عاوزه حل لاني بجد مش قادره انا من كتر مابخرج لوحدي الناس تفتكرني ارمله وغير الناس اللي طمعانه فيا والله ربي عالم اني كتير بخاف علي نفسي والحمدو الله بحافظ علي نفسي انا وبناتي من يومين بنتي تعبت درسها وجعها كان في جنازه قولت ليه تعاله معايا رفض نزلت الساع 9
    مساء ورجعت البيت الساعه 1
    صباح كنت مكسوفه وانا دخله العماره قولت ياربي ايه الناس هاتقول عليا لقيته اعد علي شات بيكلم بنت بصيت ودخلة نمت وحزينه علي حالي وهو صحيح الراجوله اني الراجل يجيب عيال ويخلف ومراته في السرير وخلاص ولا ايه هي الرجوله

  19. بدر الدين
    05/12/2010 at 19:03

    اصبري .. إن الله مع الصابرين إذا صبروا
    كوني له الصدر الحنون .. والزوجة الصالحة دائماً ليقتنع إنك شريفه وقريبة من الله .. وموضوع الخمار هو معه حق فيه .. المهم لا تكوني شكايه على كل شيء .. وجربي معاه كل الطرق اللي قال عليها ربنا وجددي في نفسك دايماً واظهري له الحب والرغبة فيه .. وترجمي ده عملي كل يوم صدقيني حتلاقي فيه زوج كويس لأنه كان رجل من الأول ومطلعش سرك لحد وكان أمين عليكي بدليل إنك معاه وخلفتي منه عيال .. اتركي فرصة للحوار المتسامح والرومانسي .. واتركي الموضوع على الله هو إن شاء الله حيكون جنبك لو كنتي صادقة في كل كلامك .. واصبري علشان خاطر بناتك

  20. مصري بالكويت
    30/11/2010 at 12:57

    الحل الوحيد لمشكلتك اه اقصد سجنك اللي انتي فية هو انك تخرجي من السجن وربنا يكرمك تاني بابن الحلال اللي يفهمك لانو انسان وضيع بيعايرك اولا طب من الاول ما كان وافق علي زواجه منك دة يدل علي انو مالية شخصية وقال انتي بتقولي بيصلي ما بيسيب فرض حراااااام علية والله كما تدين تدان ربنا يحفظ بناتنا جميعا
    عموما والمشكلة الثانية انو بيتلكك بخلفتك للبنات لانو لو عاقل انو الامردة كلو من عند ربنا دة اكيد جايبة معاه اخرها خالص فانتي ما تكلمي شيخ والا اي حد في مشكلتك
    حلي مشكلتك قعدة صفا معاه وتترائو في الامر نفسه هتقدر تكمل معاي والا ما تقدر وبعدين كمان القانون في صفك من ناحية محكمة الاسرة وليكي شهريا نفقة ليكي انتي وبنتك ما تخافين بعد لاقدر الله اذا تطلقتين من البهدلة بل بالعكس سوف تعيشين حياة كريمة ومعاكي فلوس تربي بنتك احسن تربية احسن من الحياة اللي انت فيها ومش بيعطيكي فلوس ما تقولي ما يهمك الكلام دة اكيد اي واحدة محتاجة فلوس مهما كانت مشاكلك ومش معقول هتفضلي تاخدي من ابوكي فلوس علي طول ما يصير يااختي فكري كويس وربنا معاكي انا فعلا محتاج اتابع مشكلتك حتي لو بعدين تدخلين وتقولين ايش صار معاكي واتمني ربنا يسامحني علي ما اقول

  21. قلب برئ
    20/11/2010 at 19:38

    لا اله الا الله … هقولك شئ.. فى حد يعرف غيرو الموضوع دا طبعاا لا … هو كدا بيفترى عليكى .. لمه يقولك شئ زاى كدا تانى قوليلو قول قول . هو اصلاا مش هيقدر يقول ومفيش حد هيصدقو.. الناس كلها هتكدبو هيقولو انت ليه مقلتش من الاول . ماشى هو اصلاا هيخاف يقول ولو قال والله هيصدقو.. وربنا يقويكى عليه ويصبرك يا اخت حبيبه

  22. شباب الدرب
    16/10/2010 at 08:32

    ياختى انتى صارحتية وقبل الحين لاتخافى انتى تزوجتى وخلفتى منة لما يجيب سيرة غشاء البكارة لية متكلمش ليلة الدخلة انتى تقولى لة لما غشاء البكارة مش موجود قدام اخواتك لية قبلت من ليلة الدخلة لاتخافى ولايقدر يتكلم ابدا واتقلى علية يرجع وحدة غصب عنة كل ماتخافى منة يمرد ويهددك اعملى نفسك مش خايفة هو انسان عندة نقص لما تعطية اكتر من وضعة يتمرد عليكى والبيت ماتطلعى منة ولا تخافى ابدا والله معك

  23. هنا
    16/10/2010 at 03:12

    للاسف الشديد مش عارفة اقول اية اولا لو بيصلى وعارف ربنا مكنش عمل كدة اول شئ انة بيعايرك وثانيا انة بيقول انك السبب فى خلفة البنات طب فين ايمانة بربنا انا عندى حل بس مش عارفة تقدرى تعملية ولا لاء
    لو تعرفى راجل دين (شيخ) او حتى سيدة تقدر تتكلم معاة والافضل يكون شيح عشان يقدر يتعامل معاه وهو اللى هايرد لة عقلة وكل واحد يحكى امام الاخر وامام الشيخ اية اللى مزعل التانى منكم وربنا يقدم الخير
    لان للاسف العيشة بالاسلوب اللى انتى بتقولية حرام وميرديش مسلمين
    هو لازم يفهم انك ليكى حقوق علية واولادة كمان ولازم يراعى ربنا فيكى حاولى تشوفى راجل دين يكون وسيط بينكم وربنا يوفقك

  24. mody
    16/10/2010 at 01:27

    والله انت شكلك غلبانة وهو غصب عنة معذور هو كان فاكر الموضوع رحلة وهتعدي

    بيتهيألي هو بيحبك بس مش قادر ينسي الموقف ده حاولي تتقربي منة وخلية نمرة واحد في حياتك واستحملي واحتسبي انتي عندك بنات متسيبيش بيتك ولتاني مرة بقولك انتي عندك بنات
    ——
    ——

  25. خالد
    08/10/2010 at 14:39

    قولى له الرجل هو المسئول عن انجاب الذكور او الاناث والعلم الذى يقول ذلك واكيد هو عارف ذكريه تانى ولا هو عند فيما اعطى الله وقولى له اياك ان تعند مع ربك خاف الله وقولى له حديث النبى صل الله عليه وسلم خيركم خيركم لاهله وانا خيركم لاهللا صدق رسول الله يعنى خير الناس من يعمل زوجته بالاخلاق والطبع اللين والرحمه وادعى له بالهدايه اللهم اهديه وابعد عنه الشيطان ووسوسه النفس الاماره بالسوء امين

  26. جيل حر
    03/10/2010 at 17:14

    أختاه احتسب تحملك وصبرك عند الله ولكن لاتفكريه بهذا الموقف فهو والله حر وطيب وذو نخوه فلا تتضايقى منه واصنعى مايريده بدون جدال ودائما اجعليه يحس بأنه الرجل الأوحد فى حياتك وةاشركيه فيما تريدين أن ترتديه له لكى يشعر بأنك لانريدين أحد من الناس يراك إلا هو بهذا اللبس حتى لو جعلتيه يشترى هذه الملابس واصبر وربنا يعينك

  27. الدنجوان
    29/09/2010 at 09:12

    اصبرى ان الله مع الصابرين

  28. LOLO
    28/09/2010 at 23:21

    طب هو قالك ان عايزك تكرهية قوليلوا اية اللي مش عاجبك فيا وانا هغيرة للاحسن وكلمية براحة ولوزعق متشديش اعصابك عشان ميزيدش عشان هو بيتلكك علي اي حاجة

  29. حبيبة الرحمن
    28/09/2010 at 20:34

    انا اقسم برب العزه اني ماكدبت عليكم في حرف من كلامي وصادقه في كل شي وربي يشهد علي كلامي انا بعامله معاملة اطفال يعني اجي اهزر معاه يقولي لالا اسكت اجي ارخم عليه واضربه بالراحه يخبطني خبطه في اي مكان توجعني وهو بينزل من الساعه 5 الصبح الي 8 مساء اجي اكلمه يقولي انا هاتعشه وانام طيب اقل الاسباب اللي جاب اخواتي البيت علي شانها وبيشهدهم عليا اني بقوله ساعدني في رفع الكرسي علي شان ارفع السجاده وهاشيلها وانفضها رفض انا شيلتها انا والبنت ورتبت البيت دخلت الغرفه اصالحه راح كسر زجاج التسريحه بقوله ليه مش حرام انا داخله بصلحك راح قالي انتي تربية مره بقوله اللي يسمحك وطلع لفظ عفوي والله ماقصد بيه شي انتا قليل الادب دي كان يوم اسود اخواتي جابهم من البلد الساعه 10 مساء واعد يقول ليهم اختكم بتقولي كزا واتسفت وافهم فيه اقوله عيب سر البيت يخرج بره يقولي لالا لازم اجيبهم وعلي اكده بيشهد عليا اخواتي علي شان اطلع انا غلطانه دانا لو اشتريت شبشب خروج ومن فلوس ابي يزعق ويخرب الدنيا ويقولي هاطلقق زهقت من اني بعمله وحش وهو بيعمل اكده

  30. سعيد حسن
    28/09/2010 at 14:44

    هو اكيد عارف انك انسانه محترمه من قبل الزواج واثناء فتره الزواج بدليل انه لم يطلقك حتى الان .ولكن هناك اكيد موءثرات خارجيه تؤثر على فكره وردود افعاله .ومنها الممكن مواحهتها بالحب والدلال منك تجاه والتسامح وعدم توضيح مابدخلك امامه والتظاهر بانك سعيده معه .وهناك بعض المؤثرات التى لااعلمها ومنها موضوع الدكتور او خلفت البنات وهذا لادخل لك بها وهذه حاولى ان تفهمى ان خلفت البنات واو الولاد ده شىء بيد الله سبحانه وان لادخل لكى بها وانهم رزق من عند الله يجب شكرا الله عليه وان يحمد ربنا انه رزقه بيهم ولم يخلقه عقيم . واصبرى لحين يهدى الله

  31. lolo
    28/09/2010 at 14:24

    علي فكرة هو لما وافق انة يكمل معاكي بعد ما قولتيلة انك مش بنت افتكر انها حاجة سهلة وفكر انة هيقدر يستحمل بس مستحملش في الاخر بس نا عايزة اقولك ان اي حاجة بيقولك عليها صح وانتي مش مقتنعة بيها اعمليها عشان ميلقيش فرصة معاكي ويلاقيكي كويسة معاة وهتستحملية زي موضوع الخمار البسي خمار اية المشكلة دة بالعكس انتي كدا هتثبتيلة انك بتسمعي كلامة وهو بيعمل كدا عشان يشوفك هتسمعي كلامة ولا ممكن تفكري تعملي حاجة غلط او تخونية لازم تكوني قوية عشان ولادك وربنا شايف انتي بتعملي اية وخلي معاملتك لية كويسة وامتصي غضبة واعملي واجباتك ومتخلهوش يمسك عليكي اي غلطة صغيرة وهو هيحس ان انتي بتحبية وعايزاة ومش هتعملي حاجة وحشة في حقة.بس ياريت تعملي كدا وصدقيني الموضوع شوية وقت واديلة فرصة يعدي الموضوع بس خليكي حنينة معاة واعمليلة كل حاجة متخلهوش محتاج حاجة ومتحكيش اي مشكلة بينك وبينة لاي حد عشان ميتخانقش معاكي لما يعرف

  32. king727
    28/09/2010 at 14:16

    رايى لو زعلك تانى روحى لبيت اهلك لغايه لما يحس بقيمتك ويقدرك
    والا من حقك الطلاق لانه فى هذه الحاله يبقى كارهك وطبعا مينفعش تعيشى مع شخص كارهك
    وانتى شايفه الكره بين الازواج بيوصل لايه
    وربنا يهديه

  33. Tunisie
    28/09/2010 at 14:01

    Enti makench lmafroudh enek tesalimilou amrek lazzem tedih bel gazma ala demaghou ! 7awli t7afthi 3ala bitek ! law ma9derti rou7i lahlek m3azaza mkarma w mates2ali fih es2ali fi awladek w 3ichi 7ayatek w tzawaji w choufi kif ra7 yendam ! ra7 ighir lama ichoufek ma3a rejal thani

  34. من المانيا
    28/09/2010 at 13:38

    أولاً ياأختي علميا الرجل هو المسؤول بكروموسوماته ال y في أنجاب الذكر او الأنثى , وهذا التخلف في البلدان العربية يجب أن يٌعرف ان الرجل هو المسؤول عن ذلك وليست المرأة. الشيء الوحيد الذي يمكن أن يزيد فرصة حصول الولد هو الجماع بعد اليوم الرابع عشر من الدورة وليس قبلها وتستطيعين السؤال عند طبيبتك.
    اما بالنسبة للمعايرة فتستطيعين أن تصارحيه مثلا وتختاري الوقت المناسب كمثلا الإنتهاء من صلاته أو عندما يكون هو في مزاج رايق وتصارحي معه وقولي له ان مايعمله يؤثر فيك وفي نفسيتك ونفسية بنتكما التي ربما تسمع مثل هذا الكلام ويؤثر بها. الكل يخطاً وانتي ربما أخطأتي عن جهل وليس قصد و أهم أثبات على ذلك أنك كنتي ربما تتألمين من المجامعات الأولى معه وهذا الشيء يعرفه الرجال بانك لم تجامعي قبله. المعايرة عيب وحرام في الأسلام.
    زوري طبيبتك وأسئليها عن مسألة الخلفة ربما الطفل القادم هو حجته وأكثري من أكل المواد الطبيعيه وأسئلي طبيبتك بإعطائك فيتامين أسمه حمض الفوليك هو يساعد على تسريع الحمل .
    أتمنى لك التوفيق وكما أستطعتي ان تكتبي لنا مشكلتك عليك أن تختاري الوقت المناسب لمصارحة زوجك بكل أحترام وهدوء.

  35. طريق النجاة
    28/09/2010 at 13:24

    ارى انه لا داعي للتجريح في حق الزوج او التشكيك في امر الزوجه فكلا الامرين هو الثابت بالزواج عن مغفرة من الزوج لزوجته وانه تم بالحب الذي جمع الله بينهما به ومن ثم وجود اطفال تربط بينهم .. وليس من الطبيعي ان تعيشي مهدورة الكرامة بين اولادك وفي بيتك الذي هو مملكتك والمعروف ان مثل هذه الامور اذا تصاعدت بين الزوجين يجب ان يتدخل الاهل لوجود حل لها وارى انك يجب ان تسبقيه لفتح هذه الامور امام اهلك بشكل نهائي وعليهم اخذ الموقف المناسب لذلك .

  36. من الاخر
    28/09/2010 at 12:25

    الراجل اللى بيقول ان الراجل بطبعه واطى ولازم ياخد بالسلك على دماغه ده اكيد مش راجل
    وعيب كدا
    صحبت المشكله جوزك متنسيش انه وانتو فى الخطوبه قدر موقفك يعنى بيتفاهم لان الراجل عند الموضوع ده بالزات مش بيقدر يتفاهم فيه فانتى اصبرى وحولى ولا تقطعى الحوار وانشاء الله يصير خير

  37. Hany
    28/09/2010 at 12:04

    حبيبة الرحمن ان الله مع الصابرين اذا صبروا معلش تعالى على نفسك شويه واصبرى لو مش عشانه هوا عشان بناتك من كلامك انو فعلا راجل انانى ميستهلكيش حافظى على بيتك وعلى بناتك عشان هما محتاجينلك ادعيلوا ربنا يهديه انتى عارفة ان ارادتة ربنا واسعة اصبرى صدقينى ربنا مش هتخلى عنك

  38. من أخ
    28/09/2010 at 11:44

    الصبر _الصبر _ الصبر_ الصبر_

  39. عيسى
    28/09/2010 at 11:09

    الي الاخت حبيبة الرحمن من فضلك اقرئي كلامي كويس
    ونصيحة حافظي ع بيتك ولو حتى هو جاف معاكي خليكي انتي ودودة ومتتامسيش يعني خلي وشك بيضحك ع طول ولو قال حاجة تضايقك خديها بضحك وهذار ولما يروق ويبقى كويس عرفية انة قاللك حاجة ضايقتك وانتي ماعلقتيش عليها عشان مش عاوزة تضايقية وكدة خلي الموضوع بشيط وسهل وخدي الامور ببساطة وضحك

  40. baher13
    28/09/2010 at 11:06

    يا يا حبيبه انا هاكلمك كاخ وانا صعيدى كل ما ارجوه منك الصبر وليس سوى الصبر واستعينى بالله
    وراعى ربنا فى زوجك
    عاملك وحش عامليه كويس اتلكك عليكى استحملى واصبرى واقعدى فى بيت زوجك الراجل مننا محتاج شويه حنان وتلاقيه بسرعه يرجع زى الاول واحسن

  41. دكتور عمرو
    28/09/2010 at 10:21

    السلام عليكم
    اختى الفاضلة / طبعا المفروض عشان نكون مقسطين ونعطيكى قرار سليم كان لابد ان نسمع من زوجك هو الاخر ولكن من كلامك يمكننى ان استنبط انه وصل لدرجة الذروة التى لايطيق بعدها معاشرتك واعتقد انه بهذا الاسلوب الغير تربوى او انسانى استحاله العشرة بينكما فلو كان الطلاق هو اسلم الحلول فاختارى كرامتك ولو على حساب ان تكونى مطلقه فلا تنظرى نظرة دونيه للامور ، فكرى فى حالك وفى نفسيتك ابناءك عندما يروك ذليله مهانه . لو استحاله العشرة اطلبى الطلاق والله يرعاكى .
    د.عمرو

  42. حبية الرحمن
    28/09/2010 at 08:36

    انا حبية الرحمن صاحبة المشكله بس انا زوجي بيصلي الفرض بفرضه بس هو طبعه جاف وعلي طول انتي طالق

  43. عيسى
    28/09/2010 at 07:46

    للاسف انا شوفت ردود من الاخوة مش كويسة لية بتحكموا ع جوزها انة واطي ومش محترم يا جماعة عيب وبعدين انتوا سمعتوا المشكلة من طرف واحد ومسمعتوش من الزوج مش يمكن هو عندوا اسباب على اساسها بيتصرف بالشكل دة
    الاخت صاحبة المشكلة انا افضل لغة الحوار اجلسي معاة واعرفي هو بيعمل كدة لية بس بطريقة هادئة ورومانسية وشوفي نفسك انتي بتجددي ف شكلك كل فترة ولا لا وحاولي تشوفي موضوع الجماع لو في اي مشاكل بيضايق منها حاولي تحليها وتحببية ف الموضوع دة معاكي وخدي الامور بصدر رحب حتى لو هتيجي ع نفسك معلش عشان خاطر البنات وانسي موضوع الطلاق ونفذيلة كل اللي هو عاوزك وهو اللي هيرجع ويتاسفلك
    وربنا يوفقكم.

  44. DND
    28/09/2010 at 06:48

    السلام عليكم
    هذا الشخص غير مهذب وعديم الاحساس بالمسئوليه
    اذهبي بيت اهلك ورمي العيال عنده يوم واحد فقط والله يشوف الويل ويجيك جري
    هل هو يصلي انا لا اتوقع هذا فان الصلاه والتقرب الي الله عز وجل
    تجعل في الانسان موده واخوه مع الغير \
    اتمنا لكي حياه سعيده ونطلب من الله ان يغير الحال

  45. رشا
    28/09/2010 at 03:33

    دة راجل واطى خذى ذهبك واتركى البيت واذا جاب سيرة غشاء البكارة لاهل قولى كاذب عايزكوا تنقلبوا ضدى انة انسان وضيع انة قال كدةوكل شى فى المنزل ملكك لو هو اللى عايز يمشى يمشى انت حاضنة كلة ملكك

  46. ابو البنات
    28/09/2010 at 02:53

    من كلامك فهمت انه ازداد فى تهديده بعد البنت الثانيه واى رجل يريد ان يكون له ابناء زكور وانا واحد منهم لكن اين العقل واين انتى او احد اقاربك او اقاربه لما لا تحاولى تخاطبى عقله ووتيقظيه من شيطانه وان هذا بامر الله لو جاء الولد وكان عاق مثلا او اعطانا الله اياة ثم اخذه او لو كان هو عقيم مثلا وهل هو متاكد انه لو تزوج باخرى سوف تنجب الولد اما موضوع البكارة فلا زنب عليكى حيث صارحتيه به وهو تقبله عليكى بالحوار يا اختاه واصبرى ان الله لن يضيعك ما دمتى صادقة مع نفسك اولا ثم مع الاخرين ولا تتطرقى للحوار التافه مثل الذهب والعفش وهكذا لان السعادة والراحه خير من هذا بكثير فعليكى بالحوار ثم الحوار ثم الحوار الهادى طبعا بعدها تكونى فعلتى كل ما عليكى و تذكرى انه لا توجد كرامه بين الرجل وزوجته وان شاء الله ربنا يهدى زوجك ويوفقك

  47. رأي اخر تماما
    28/09/2010 at 01:37

    مع احترامى لرايكم انا عندى رأى تانى خالص
    بصى يا بنت الناس الرجاله عمتا مش كلهم طبعا صنف واطى مش بيجى غير بالسك على دماغهم
    وانتى من الاول سمحتيله انه يتحكم فيك وده غلط ات فين شخصيتك انتى لو انت قادره على العيشه يا بنت الناس لوحدك يعنى عندك بيت وعندك دخل خلاص يغور ف داهيه تاخده ده مش بيراعى ربنا وعلى فكره هيعرف قيمتك ويعرف انك غاليه لما يطلق اتطلقى يا بنتى وانتى معاكى بناتك جنبك بس الاهم انك تاخدى كل حقوقك كامله منه
    يعنى عاوز تطلق طلق ومالو مافيش اى مشاكل بس كل حقوقك تاخديها دهبك ده تشيليه عند اهلك قبل ما تعملى الخطوه دى علشان لو قالك سيبى الدهب قبل ما تمشى ولو ليك اخوات راجاله لازم تصاريحهم ويقفوا جنبك لو الاخ موقفش جنبك ف موقف زى ده هيقف جنبك امتى يا جماعه الاخوات الراجاله عزوه للست مش صوره وخلاص ولازم يعرف ان ليك اهل وانه حشره وواطى اسمعى النصيحه عرفى اهلك بالى حصل
    واياكى تفكرى تزعلى حد حد بالشكل ده ده مش انسان ده واطى واطى واطى
    واسف لكل الرجاله وانا واحد منهم انى قولت انهم مش بيجوا غير بالسك على دماغهم
    وربنا معاكى
    ونصيحه برضه لوجه الله
    صلى صلاه استخاره
    والسلام عليكم ورحمه الله وبركاته

  48. نادى عمار
    28/09/2010 at 01:26

    لو بيحبك صح ومن قلبة عمرة ما يستغنى عنك لكن اصبرى والصبر جميل وربنا معاكى

  49. أمير الظلام
    28/09/2010 at 01:18

    ربنا يعينك على مابالاكى اصبرى يختبر المؤمن باالصبر وصدقينى ربك هيعطيكى القوة والصلابه اكتر قربى من ربنا اكتر وصلى وادعو له باالهدايه ومعلشى استحملى شويه كمان وحسبى الله على كل راجل يلاقى فى زوجته كل شىء محتاجه من حب وحنيه ومايقدرشى معلشى اديله فرصه كمان واصبرى ماتنسيش انه عندك بنات مش صبيان لازم تستحملى اكتر علشانهم ربك يعينك

  50. اسماعيل
    28/09/2010 at 01:07

    السلام عليكم شوفى يااختى طلما انتى صارحتية من الاول ليس عليكى اى شى وربك شاهد عليكى مادمتى صريحة وربك هو الى حاينجيكى ادية محاولة تانى وان شاء الله ربنا يهدية لكى

اترك رداً أو حلاً لهذه المشكلة