العذرية وغشاء البكارة

غلطت مع حبيبي وفقدت البكارة وسابني

أنا كنت بعيده عن ربنا بس أهلى متزمين وأمى ست طيبة جدا جدا، بس أنا كان ليا أصحاب بعاد كل البعد عن ربنا ،وكنت بعرف شباب كتير وكتير منهم كان يتقدم لخطبتى، وكنت بشرب مخدرات أنا وكل أصحابى من البنات والشباب.

وعمرى ما تعلقت بحد ولا بعمل حساب لحد ولا أسمع كلام حد غير كلام نفسى وبس، وكتير كنت بسيب بيتى وأقعد عند أحد أقاربى لأن بنتها كانت من أصحابى وكل أولادها بايظين.

وعندما أتممت 24 وكان بعد عيد ميلادى بيوم قابلت شاب كنت أعرفه سابق عن طريق أخوه كان أحد أصدقائى، بدأت علاقتى بيه وتعلقنا ببعض بشدة، وكنا قريبين جدا من بعض وهو الشخص الوحيد الذى حبيته من كل قلبى وتمنيت أرضائه بأى شكل.

وكنا من أول يوم يقابلنى لغاية ماتطور الموضوع ونامنا مع بعض أكثر من مره، وحدث الذى لم أتوقعه أبدا وأصبحت مدام، فى الأول كنت شاكه عشان الموضوع حصل بصعوبة وعشان كان بيقولى أنتى ضايقه قوى وممكن يكون غشاء البكارة بتاعك مطاطى.

وبعد كده بحوالى أربع شهور أصبحت حامل وطبعا نزلته، وفى ذلك الوقت بدأت أقرب لربنا وأحفظ قرآن وفقت من اللى أنا فيه وبقيت بخاف من ربنا قوى وندمت على كل شىء أنا عملته.

وكان هو بيقولى مش حينفع نتجوز عشان أنا كنت أعرف أخوه ولقيت أنى عماله أضحى أزرع فى أرض مش أرضى فبعدت عنه.

لما بعدت أكتشف أنه مش عارف يعيش من غيرى بعد كده تبت إلى الله توبة نصحوة عشان ربنا يكرمنا وأحوال أهله تتغير ويوافقوا عليا عشان أخوه كان مشوه صورتى أدام مامته وهى كانت رافضانى برغم أنها عارفه ألى حاصل ما بينى وبين أبنها، وما خافتش ربنا عشان هى عندها ولاد مش بنات.

وفضلنا مع بعض عشان كنا بنحب بعض جدا وكنت دايما أقوى وأقف جمبه وكان بيقولى أنتى اللى علمتينى ان الحب عطاء.

بس كان بتحصل مشاكل ما بينى وما بينه زى أى مشاكل بتحصل مابين اتنين بيحبو بعض، والله كنت بحبه وبخلص ليه لدرجة أنه كان بيقولى انتى احن عليا من أمى، وبعد زن ماماته وأخوه سبنى بعد كل ده، وقالى أنا أهلى مش موافقين.

أنا أستحملت اللى ماحدش يستحمله منه عشان كنت بحبه وعشان عرفت أنى الغلطه دى لازم أتعاقب عليها مهما كان، أنا أتبهدلت منه كتير لدرجة أن كل اللى يعرفنا يقولى ماحدش يصبر الصبر ده وبقول معلش عليه لود أهله، وبعد كده سبنى وماخافش ربنا فيا.

أنا مش ببكى عشان اللى أنا فيه وبس عشان أنا لوحدى ماقدرش أحكى أو أتكلم مع حد وأقوله على اللى أنا فيه حتى أنا مبأش ليا صحاب عشان كلهم كانو أصحاب سوء وبعدت عنهم.

أناخسرت نفسى وكرامتى وقلبى وخايفه من بكره ومافيش حد يقولى معلش أنا بقرب من ربنا ووصلت فى حفظ القرآن عم وتبارك ووصلت للبقره.

نفسى ربنا يسمحنى وأعرف أعمل إيه، مع العلم أنى رافضة تماما عملية ترقيع البكارة لأنى مش حقدر أغش حد وربنا يحاسبنى على كده.

مع العلم أنى جربت مع واحد كان بيحبنى وكان عايز يتقدملى قبل معرفتى بالشخص اللى حصل معاه كل ده وقابلته وقولتله اللى حصلى وبعد ما تقبل الموضوع رجع بعد عنى وأنا ماحاولتش أعرف السبب عشان أنا عارفه.

أنا لسه بحب الشخص اللى حصل مابينى وبينه كده وماتخيلش أن حد غيره ممكن يتجوزنى أو يلمسنى غيره واللهم لا أعتراض على حكمك يارب.

أرجو الدعاء أن ربنا يفرج همى وكل بنت تقرأ الرسالة تعرف أن الشخص اللى معاكى لو بيحبك حيحافظ عليكى ومش حيطلب منك أى حاجه تغضب ربنا أبوس أيد كل بنت تفوق عشان مفيش أحساس أسوأ من اللى أنا عايشه فيه.

مشاكل وحلول ذات صلة

اضيف بتاريخ: Sunday, January 16th, 2011 في 22:58

كلمات مشاكل وحلول: , , , , , , , , , , ,

69 رد to “غلطت مع حبيبي وفقدت البكارة وسابني”

  1. يمني صاحب واجب
    10/08/2021 at 01:07

    اخواتي
    بالرغم اني ابحث عن زوجه

    لكني مستعد اني اتزوج اي واحده تشتي تستتر … وبعدها استمرار زواجي بها هو قراري … لكني مستعد للطلاق بعدها إذا كان الغرض هو الستر فقط

  2. مصطفى
    18/04/2017 at 09:09

    أحقر عملية سمعة عنها هي الترقيع أجل هي أحقر عملية يذهبون ويزنون وبعدها يأتون ويعملون العملية ويخدعون الرجل المتقدم للخطبى ولقد قرأت الآن رجل قد كتب اعملي عملية ترقيع غشاء البكارة وتعود لكي عفتكي أريد أن أقول العفة اذا ذهبت لن تعود وان هذه العملية ليست سترا على النفس بل هي قمة في الخداع والتلاعب للجانب المقابل ربما تكون هناك حالات خاصة مثل الاغتصاب وغيره قد يمكن أن تجوز لكن هذا العمل الذي تعملونه الآن ليس بصحيح وارجوا أن يصل صوتي إليكم

  3. يارب
    27/09/2016 at 01:34

    انا حاسة بيكي اووووووووووي لان عمر محد هيحس بمشكلة حد بجد غير لما يكون مر بيها انا حصلي نفس ظروفك وتوبت لربنا بس المشكلة ان الانسان دا مخدش طريق انو يتخلا عني هو خد طريق اوحش انو مش عايز يسبني لحد غيرو يرحمني حتي وطبعو وحش جددااا معايا وبقا يشتمني ويهددني ويهني وكل ما اقولو نبعد يهددني اكتر لحد ما بعد سنين قدرت باعجوبة ابعد عنو من غير مشاكل عشان عمر ما حد يقدر يستحمل الاهانة والذل والعذاب في المعاملة اللي كان بيعملني بيها والخوف والتهدديد اللي كاان بيعيشني فيه في كل لحظة وقولت اسبها لربنا يمكن ربنا يعوضني بحد كويس احكيلو ويقتي ربنا فيا خصوصا اني صممت عمري ماهخدع حد ولا اعمل عملية وتوبت بجد واتعرفتت علي انسان كان طيب اووووي معايا وصرحتو بكل حاجة وكنت وخداه جد اووي وهو قبل دا وقال هيكمل معايا والموضوع مفرقش معاه وكنت اسعد انسانة ف الدنيا ان ربنا عوضني خير ومن غير مصلح غلط بغلط وبدأت صفحة جديدة وعيشني في سابع سما وحمدت ربنا ونسيت الماضي بس للاسف فجأة اتغير معايا وقالي مينفعش اخطبك اهلي مش موافقين اخطب دلوقتي وعامل مشاكل معاهم ومش عايز اظلمك معايا وربنا يوفقك ولقيتو بعدها نساني خالص وكلم بنات كتير وحتي مفرقتش معاه حسيت اني وقعت تاني علي الارض وكل املي في الحياة اتهدت ومبقاش عندي ثقة في اي حد اني احكيلو سري وميخذلنيش ويغدر بيا ولالاااسف الشديد من خوفي من بكرة وعدم ثقتي في اي حد تاني ولا اقلل من نفسي وكرامتي تاني اني اصارح حد ويخذلني رجعت للانسان اللي غلطت معاه ولسة زي ماهو وحش معيا وبيشتمني وبيهددني وبيزعلني وبنام كل يوم معيطة ومبيتقيش ربنا فيا وكل ما احاول ابعد عنو يهددني وفكرت كتير في الانتحار بجد بس خوفت ربنا بجد مش عارفة اعمل ادعولي ربنا يفك كربي خلاص مبقاشعندي امل في حد ونفسيتي وصحتي كل يوم بتدمر والله حاسة هيحصلي حاجة يا رب

  4. ربنا كريم علينا
    20/02/2016 at 02:33

    انا فقدت بكارتي من خطيبي بعد ماتحدد زواجنا وحصل مشاكل بين مامتو وبابا وبابا رفضو وفركشنا وانا مش ح احط ابويا في موقف صعب لانه اتهان من مامت خطيبي لانه ست صعبه ووحشهواتنازلت وسبت خطيبي والان اتخطبت وبابا فرحان بالخطيب اللي خطبني هذا لانه ابن ناس وعيله ومحترم جدا وخايفه اوي وعايزززه ااعملللل بكاره بس مش عارفه اعملها فين انا عايشه في السودان ومابعرف هنا لا يوجد من يعمل العمليه افيدوووني ماذا افعل انا في عايشه ف نفسيه صعبه وزواجي قريبا هل ساجد من يعمل لي عمليه البكاره في السودان؟

  5. نور العيون
    17/05/2015 at 21:08

    اناعندى 18 فى نفس المشكله بس انا بقى مش لقيلها حل لانه انسان عديم القلب وبيهددنى كل شويه انه يفضحنى عشان اروحله البيت انا بجد يا ناس تعبت ومش عارفه اعمل ايه ومش عارفه مكان دكتوره لو حد يعرف يا ريت يكون عتقنى من انسان ليس بقالبه رحمه وحتى انا ظروفى الماديه صعبه جداواحتاج من يساعدنى ربنا يسترها عليكم جميعا ارجوكوم احتاج للماعدة

  6. Islam shield
    13/12/2014 at 15:34

    توبه يعنى اقطهى علاقتك بالماضى وانسى الاسلام يغب ما قبله واعملى العمليه واتجوزى ومتصا رحيش احد وطلعى صدقه رب ذنب يدخل صاحبه الجنه وصدقه تدخل صاحبها النار وصدقينى زى متعمل معاكى هيتعمل مع بنته

  7. صمويل
    22/10/2014 at 00:42

    كل اللى اقدر انصحك بيه هو ترك هذا الشخص ومحاولة نسيانه تماما والحفاظ ع ما تبقى لك من كرامة ومدام ربنا ساتر عليكى للان يبق كملى ستر واعملى عملية ترقيع واستعيدى عذريتك وابدئى حياة جديدة مع شخص يحبك واسترنى ع نفسك ولا داعى للمصارحة مع اى عريس لانه لايوجد اى راجل شرقى هيقبل وضعك قبل العملية

  8. ساسو
    03/09/2014 at 23:42

    انتى غلطانه بس ربنا غفورا رحيم والتعليم مش ببلاش وربنا يفرج هم كل انسان يارب

  9. نادين
    13/07/2014 at 14:04

    مين اللي قال انه حرام تعمل عملية ترقيع علي فكرة اسمعوا فتوة الدكتورة سعاد صالح والشيخ خالد الجندي والدكتورة امنه نصير وكتير جدا افتو في الموضوع دة وقالو بنفس الفظ يجوز بس اهم حاجة علشان يجوز التوبة …وياريت فعلا متقوليش لحد خالص ولا حتي اهلك اكتمي سرك وانسيه لان اللي يعمل كدة في واحدة ويسبها انا بصراحة مش لقية تعبير دة انتي لو كنتي جبتي كلب وربتيه كان وفالك اكتر منه قولي حسبي الله ونعم الوكيل وصدقني اوعي تخدعك طيبة شاب كلهم زي بعض صدقيني تركيبة الراجل غير البنت تماما وهقولهالك تاني اوعي اوعي تقولي لحد ابدا مهما كان ملاك من السما معاكي ربنا كبير وبينسي اخطاء البشر انما البشر مش بينسوا اخطاء بعضهم ربنا معاكي ويسترها علينا وعليكي وعلي كل البنات

  10. SOSO
    24/06/2014 at 18:04

    الله يعينك ويسامحك ويسامحنا ويتوب علينا جميعا ويهدي الشباب

  11. شهد
    26/11/2013 at 08:05

    الله يعينك

  12. ๏♡♥\/\/♥♡=ℒℴѵℯ๏♡
    21/11/2013 at 10:09

    ان الله غفور رحيم وان شاء الله ربنا غفرلك وسامحك

  13. عبدالله الردفاني (اليمن)
    14/08/2013 at 08:05

    ربنا يعطيكـ الصبر و القوه لتتغلبي على مأساتكـ ، مافي معي غير أننا أدعيلكـ في كل صلاة ربنا يفرج همكـ و هم كل بنت مرت بنفس معاناتكـ …

  14. تائبه الي الله
    19/05/2013 at 02:06

    وأنا كمان عايزه اعرف ايه اللي حصل
    يارب تكون عدت علي خير ياااااارب
    ويسترك ويستر بنات المسلمين جميعا يارب
    ربنا كبيييير قوي وغفور رحيم

  15. ملاك
    15/05/2013 at 06:48

    المشكله أنكم ماتتوبن الأبعد غلطه كبيره أسألا اللـَّــ̯͡ﮭ أن يستر جميع بنات المسلمين
    وقصتك مره مؤثره

  16. dr.m
    11/03/2013 at 04:51

    ياااااه الموضوع من ٣ سنين ياريت تطمنينا عليكي الله يحفظك و يرزقك باللي يصونك يارب يارب

  17. dr.m
    11/03/2013 at 04:50

    اول شئ ربنا يطهر قلبك و يغفر لك و رحمة ربي كبيرة ….. قال تعالى : قل ياعبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم …

    اهم شئ عيشي حياتك و طهري ضميرك و صاحبي ناس كويسة و نظيفة و بلاش تتكلمي في الماضي …… وبلاش تقولي ماضيكي لاي شخص عشان سمعتك وربنا حيكرمك

    الله يستر عليكي

  18. ابواميرة
    25/11/2012 at 16:02

    احي فيك شجاعتك وصراحتك وصلابةجاشك وقوة ارادتك صدقيني انت احسن من الاف البنات اللي يغلطوويستمرو فيه دون وازع من دين اوتانيب ضمير واستمري في توبتك هذة وحرصكي عل قراءة القران الكريم اللي فيه شفاءللنفوس وراحة وسكينة من الهموم والمشاكل وتاكدي انك على خير والله سوف يعوضك ويرزقك بالرجل الصالح اللي يقدرك ويسعدك

  19. د محمد حسام الدين
    18/10/2012 at 01:50

    بسم الله والحمد لله ولا إله إلا الله ربنا العلى العظيم وبعد

    أولاً : وضعك الحالى هو علاج وليس مصيبه أو مشكله بالعكس وضعك الحالى أفضل من إستمراريه وضعك السابق لماذا ؟
    إن أستمرت حياتك بالشكل السابق فكنتى الأن مدمنه والمدمنه تفعل أى شئ وكل شئ بمعنى الكلمه سواء برغبتها أو رغم عنها
    إن أستمرت حياتك بهذه الشاكله كنتى الأن معروضه للإستخدام كوسيله إشباع بيولوجى لكل من فى مجموعتكم من أصدقاء ولأبناء الجيران وقد يكون من أشخاص من عائلتك لأنكى وقتها تكونى سيئه السمعه بدرجه كبيره وكيف ذلك ؟
    فى لحظه سكر أو تخدير يقدم أحدهم على وضع ماده تجعلك ضعيفه المقاومه ولكنى مستيقظه ويبدء فى عمليه إغتصاب كامله ومصوره ويهدد بالفيديو وحينها سوف يكون الوضع أصعب من ما سبق بمراحل
    وقد لا يحدث كل ذلك وتموتى ببساطه لأى سبب جرعه أكبر أو ماده كميائيه مخدره مضافه بدون علمك أو خلاف حولك أو غيره أحدهم منكى ويحدث تنشيط لكل تلك المشاعر بسبب المواد المخدره دون إدراك من المتعاطى
    والأهم أن الأمر حدث برغبتك وليس رغماً عنكى وأنه يحبك حقاً ويود الزواج بكى والمشكله أن أخوه شوه صورتكى أمام أمه إذا على أخوه أن يعيد تحسين صورتك أمامها مره أخرى ولكنى أشك فى صدق أنه يحبك لأنه يعلم من البدايه أن صورتك مشوهه أمام أهله وأكمل ما أراد فهو كان يكذب من البدايه ولكنكى أخطأتى هذا ما فى الأمر وهذا هو الخطأ الوحيد فى المشكله كامله أنكى سمحتى بحدوث …….

    ثانياً الحلول المقترحه
    أولاً التواصل مع الشاب الذى قام بفعلته وأن تشركيه فى الأمر وإلا فإنه قد تحدث مصائب لا حمل له بها
    ثانياً يجب أن يتم الأمر سراً بينكم ويتقدم لكى بشكل طبيعى أولاً حتى لا يشك أحد فى شئ وحتى لا يتطور الأمر إلى جريمه قتل من طرف أخاكى أو أحد شباب عائلتك لكى أو له
    ثالثاً أن يتم إحتواء الموقف ويتم علاج نتائجه وحلها الزواج حتى وإن طلق بعدها أو إستمر
    رابعاً يجب أن تتوبى عن كل ماسبق من بدايه الأخطاء حتى الزنا والقتل أو ماتسميه الإجهاض
    خامساً يجب أن تدرسى الموقف كامل من البدايه للنهايه وتبدئى بوضع حلول سليمه مستقبليه لحياتك حتى لا تنتهى بهذه الشاكله
    سادساً يفضل أن تزورى معالج نفسى او طبيب نفسى لتخطى تلك المحنه وأثارها الدفينه التى لا تظهر علامتها حالياً تلاشياً لوقوع أمر مكروه مستقبلاً

    حفظكم الله ودمتم بخير

  20. لبنى
    13/10/2012 at 17:15

    اختي في الله انصحك ان تكتمي سرك الى حين تجدي مصدر ثقة فتحكي له ويكتم سرك ويساعدك فانا معك بكل الدعاء. فاطلب من الله تعالى ان يغفر لك ولنا جميعا بعد توبتك وان تنسيه فان كان يحبك فسياتي يوم من تلايام للبحث عنك وسيذوق الالام ايضا لانه جزء من هذه الغلطة واتمنى من الله ان يساعدك في ايجاد زوج يعوضك عما مر وانقضى

  21. الحلم المنتظر
    04/09/2012 at 15:06

    يااااااااه قد كدا الشباب كلهم زى بعض ده انا على كدا رخيصه اوى فى نظر حبيبى اصلى عملت معاه حاجات كتير بس انا بنت الحمدلله وهوه حلف عليا انه ماهيقرب لعزريتى ابدا غير لما نتجوز بس انا بعمل معاه كل حاجه اكنى متجوزاه الفرق بس انى لسه بنت وخلاص وكل لما اساله يقولى انا مستحيل ابعد عنك انا بجد اتعلمت من الحكايه دى انا عمرى ماهسلم نفسى ليه مره تانيه وهحاول اكون قويه قدامه لانى لما بشوفه بضعف اوى وربنا يكرمك ويهديكى ويهدينى معاكى

  22. احمد زين
    13/04/2012 at 23:17

    يا ناس حرام عليكم ليه كده الشيطان بيضحك علينا نقتل روح ونقول تبنا نغلط ونقول نقرب لربنا طبعا انا مقدرش اقولك انك توبتك مش صادقه لأني مدخلتش جواكي بس ربنا يهديكي لطاعته ويهدي الجميع مكنتش متخيل ان فيه بنات كتير بيضحك عليها بالسهوله دي .

  23. واحد محتاج الي ينصه
    07/02/2012 at 00:23

    والله انتي طيبه وتستاهلي كل خير
    بس كنتي عايزة توجيه ولكن خلاص الي حصل حصل
    لو كان ينفع بجد كنت اتجوزتك

  24. salma
    29/01/2012 at 12:42

    بصى انا عندى 16 سنة وبحب واحد بحبه اوى اكتر من اهلى المهم انه كل شوية يقولى نفسى اعمل معاكى كدة ولما مثلا ازعل منه من الكلام دة يقولى انا عمرى ما اعمل حاجة انتى مش راضية بيها هو عايز يعمل معايا كا حب وكنا هنعمل كدة بجد فى عيد الحب الجاى بس بجد لما جيت هنا وقريت كلامك وكلام كل الناس المحترمة دى بجد والله استغفرت ربنا وعمرى ما اقدر اعمل كدة الحمد لله انى جيت وقريت سالتك بصى ان شاء الله ربنا هيعوضك بأنسان يحبك بجد ويقدرك ويسامحك ويغفرلك والله انتى بنت كويسة انك رجعتى لربنا فى الاخر انتى ممكن صح شوفى مين اقرب انسان ليكى وصارحيه هو ممكن يساعدك بس المهم تكونى بتثقى فيه ومتسمعيش لكلام الناس انتى مغلطيش لوحدك بصراحة اهلك هما سبب اللى انتى فيه عشان هما سبوكى كدة تمشى من البيت عادى ربنا اكيد هيعوضك بأذن الله وانتى متزعليش نفسك والله ما يستاهلك بس يارب تكونى اتعلمتى من التجربة دى انك متديش الثقة لاى حد وربنا يوفقك يا قمر يارب ويحفظك

  25. زمن غريب
    16/01/2012 at 16:21

    السلام عليكم اختى الكريمة انا كماان حصل لى زيك كدا بس انا كنت كويسة ولسه ماعنديش خبرة كافية فى الدنيا دى بس الملعون استغل سذاجتى بس ما حصلش حمل بس فى الاخر قال لى مش حينفع نتجوز اصلى لازم اتجوز قريبتى حسب تقاليدنا وانا عارفه انه مافيش لا قريبه ولا بعيدة كل الحكاية انو(رجولته) ما تسمحلوش انه ينجوز وحده سلمتو نفسها وانا اترجيتو كتييييييييير عشان يصلح غلطتو معاى وهو رافض الموضوع نهائ المهم سبتو فى الاخر وقلت احفظ ما تبقى لى من كرامة احسن لى وفوضت امرى لله وتوب اليه زى كدا بس بيعرف بقصتى دى غير ربنا سبحانه وتعالى صحبنى الانتيم وبنت خالتى تعبوا معاى جداا وما وصلوش معاى لحل غير انى اعمل عملية ترقيع لما اجى اتجوز وخلاص ولانه مافيش راجل شرقى بيقبل بكدا ابداا الا فى الافلام والروايات وبس صدقينى وانا كمان بنصحك بكدا وماتقليش لحدا واسترى نفسك اتمنى لك التوفيق وربنا معاكى

  26. حلال مشاكل
    15/01/2012 at 00:48

    اول شي بتستاهلي لانك سلمتي حالك وتاني شي يا بنات اتعلمو من اخطاء البنات الي قبلكم وارجعو الي الله تعالى واتقو الله في انفسكم

  27. zeze
    18/11/2011 at 22:08

    انا متعاطفه معاكي لاني في نفس المشكله و كنت حامل ونزلت الجنين هو كان متقدم لخطبتي و كنت احبه كثيرا ولكن والدتي رفضت الخطبه و عندما رفضت استدرجني لاقابله واغتصبني وحملت منه فأجبرني على الاجهاض وطلبت منه الزواج فرفض ولكنه يريد ان يتزوجني عرفي وانا مثلك لا اعرف ماذا افعل لم ابلغ عن اغتصابه لي خوفا من الفضيحة و لم اخبر احد عن مشكلتي

  28. mmm
    11/11/2011 at 08:53

    اختى الفاضله : ما علينا من الغلط لان الغلط حصل وقدر الله ماشاء فعل وانتى غلطانه محدش يقدر يقول لا لاكن توبتك تغفرلك كل اخطائك لعل الخير مكنون فى الشر والخير انك توبتى عن طريق الشر الى هو الجنس من الاخر كذا طريقه وحل لهذه المشكله اولا 1 – تعملى عمليه تجميل للغشاء ( ترقيع ) ودا انا ضده ولو عملتيه اتحلى انتى وزره 2- تشوفى حد من قرايبك يكون شديد يجيب الشاب ده ويجبلك حقك مع الاخذ فى الاعتبار ان الشخص ده موثوق فيه لعدم الفضيحه سترنا الله واياكم 3 – ودا الحل الامثل قضيه زنا وهو ده المفروض بعيد عن الفضائح وحكم القضاء فى مصلحتك علما بانى محامى وباكدلك ده فرج الله همك وازاح كربك

  29. انسه
    11/08/2011 at 04:02

    انتى لازم تصارحى مامتك باللى حصل ده وتخلى باباكى يرفع عليه قضيه او يعمل اى حاجه علشان يتجوزك .. ازاى يعنى ياخد شرفك وتكونى حامل منة وتسقطتى وتتعبى وبعد كل دا يسيبك بالبساطه دى ويعيش حياته مع واحده غيرك
    لا متسكتيش بس حاولى تخلى الموضوع بين اهلك واهله وبس بلاش الاعمام واخالات يعرفوا لانهم بيشمتوا
    المهم انك مينفعش تتجوزى غيره لان ده اللى فقدك عذريتك
    حسبى الله فى كل واحد يعمل كدا مع واحده ويسبها

  30. سلسبيل
    10/08/2011 at 14:26

    انا مشكلتي مثل مشكلتك.حيث جامعني حبيبي ونزل مني دم ولكن بعد توبتي ذهبت الى طبيبة وكشفت عليا واكدت لي ان غشائي سليم والحمد لله.اختي عليك بالتوبة وتاكدي ان الله معك.

  31. حرام
    05/07/2011 at 06:57

    بس اقوللك على حاجه اللى انتى غلطى مهاع ده عمرو ماحبك لان اللى بيحب بجد بيحافظ عليها واخر حاجه ممكن يفكر فيها ان ياخد منها بوسه ومن خدها كمان مش ينام معاها ويقولها غشاء ضيق ده شحصيه زباله وحيوان بس برضو انتى غلطانه انك تسلمنى نفسك بالسهوله دى ربنا ينتقم منه وان شاء الله لو ليه اخت هيتعمل فيها كده وهتتكسر نفسا ز ماهو عمل فيكى وهو اللو هيتجوزها هتكون من شارع الهرم وهتكون نامت مع غيرو كتييييييييييير ماهو ربنا مش بيسيب وحسبى الله ونعم الوكيل

  32. حرام
    05/07/2011 at 06:50

    ربنا معاكى انا بصراحه بنت ومش كنت اعرف اى حاجه عن كلام البنات ده وكنت بعمل حاجات ف نفسى كتير بس بجد انا استفت بحاجات كتير يااااااااارب يوقفلك واحد يقف جنبك

  33. mai
    26/06/2011 at 05:14

    مش هاقدر اقول غير انك تصبري لان كل اللي هايحصل هو اللي ربنا كتبه ليكي
    لكن في كل الاحوال متفضحيش نفسك ومتقوليش لحد

    وهاتعرفي اذا كان ربنا سامحك ولا لا من اللي هايحصل بعدين
    ممكن ربنا يبعتلك انسان كويس وتصارحيه ويقبل ويسترك

    عليكي بقراءه سورة البقرة يوميا والدعاء لله

  34. هاجر
    25/06/2011 at 11:52

    قصتك حلوة حسيت بحالي كاني بشاهد فيلم والله غفر رحيم وهيسمحك وقصتك فيها عبرة كبيرة وكل من قراءها بيحس بنفس بالمعناة الي عنتها

  35. no time
    17/05/2011 at 06:12

    حقيقة ان الله سبحانه تعلى تواب غفور …. وطالما كانت التوبة مخلصة لله ومش هترجعيلها تاني فانشاء الله ربنا يغفر ذنبك … ولا تهتمي بيه ولا اي حاجة …. للإن في يوم من الأيام هيتردلو الي بيعملو في كل الناس
    في امي …. اختي …. خالتو …. عمتو …. حتى بنتو

  36. الفيلسوف
    04/05/2011 at 03:39

    كلنا معاكى وجنبك يا اختى العزيزه واحسن حاجه فى الوجود انك تعشقى حب الله وديما افتكرى ده كويس ” لو انكم تتوكلون على الله حق توكله لرزقكم مثلما يرزق الطير ” ربنا هيكرمك ويوفقك ونظرة رضا من ربنا تساوى والله والله الدنيا بالى فيها وحاولى تتعرفى على صحبات كويسه تعرف ربنا وتقدرى تحكيلهم وتفضفضي معاهم

  37. اي حاجة
    26/04/2011 at 21:54

    والله انتي صعبانة عليا جدا بس ربنا يقبل توبتك ويارب يقرب لبعيد ويرجعلك تاني

  38. ايه محمد
    16/04/2011 at 10:20

    انا برضوا بحب واحدبس احنا متجوزين على ثنه الله ورسوله من غير ما يلمسنى بس بجد انتى وضحضيتيلى حاجات كتير وربنا يستر عرضك والحمد لله على كل شئ والله انتى ربنا هيكرمك علشان وضحتيلى ووضحتى لبنات كتير ان كده غلط

  39. HanyMoh
    24/03/2011 at 09:58

    السلام عليكم ورحمة الله وبركاته….

    مرحبا أختنا ومبارك عليكِ التوبة فهي خير من الدنيا وما فيها…..

    أنا لا أخشى غضب الله عليّ ما دمتُ قادرا على التوبة من الذنوب….

    إن الله يغفر الذنوب جميعا…….

    واعلمي أن ما يحدث لك الآن إنما هو تكفير عن ذنوبك العظيمة التي ارتكبتينها…..

    واعلمي أيضا أن من خانك وخنتيه “من أخطأت معه” هو ليس برجل سواء وقت خطئكما أو قت طاعة أهله في البعد عنك بعدما أخطأتما معا….

    أنا لا أشفق عليك مطلقا،،، لأني من بين السطور علمت أنك شخصية قوية جدا جدا جدا…..

    وأوصيكِ أن تثبتي على ما أنتِ عليه من الإيمان،،، ولا يكفيك حفظ القرآن ولكن اقرئي في الفقه وأصوله وسيرة النبي محمد صلى الله عليه وسلم…..

    وأيضا لا أرى أن تخبري أحدا تقدم طالبا زواجك بما كان لك في الماضي،،، وهذا ليس خداعا وإنما حفظا لنفسك وسمعتك وكرامتك،،، فإن التوبة تمحو ما قبلها من الذنوب ولو كانت أضعاف ما ارتكبتينه….

    ولا تنسي قول رسول الله صلى الله عليه وسلم “إذا بليتم بالمعاصي فاستتروا” وجاء هذا الحديث في الزنا بالتحديد ولكنه يشكل كل المعاصي…..

    فلستِ مجبورة على إعلام خطيبك أو غيره بأنك أخطأت من قبل،،، كما أن خطيبك ليس ملزما بذلك،،، ولكن البت دائما تكون مكشوفة لفض بكارتها،،، ولك أن تكذبي عليه أيضا بأن تقولي له أنك فقدتينها في حادث أو غيره من الطرق الأخرى،،، ففض البكارة أمر سهل جدا بغير زنا،،، وقد تتعرض له أي فتاة عفيفة شريفة،،، وأنت لم تكوني شريفة ولكن الآن أشرف من كثيرات وسيكون لك خير شاب بإذن الله…..

    هدانا الله وإياكم إلى كل خير….

  40. رنا
    10/02/2011 at 00:49

    اولا انا متعاطفة معالكى جدا وربنا انشاء اللة بغفر لك ويكتبلك اللى فية الخير بنيتكك الصافية ونصحتك لكل البنات .
    تانيا : كل الناس اللى قالولك طريقك هو اللجوء الى ربنا دة فعلا الحل الاكيد ودة اللى هيريحك داخليا بحجد . بس انا كان فى حاجة مش عجبانى انك بتقولى مقدرش احس نفسى مع غيرو بس دة غلط دة انت مفروض تكرهية وتطلعية برة حساباتك خالص , انا معرفش اذا كان شخص كويس بردو بس دى كانت لحظة ضعف بس معتقدش كدا خالص , انا رائى انك تركزى مع ربنا بس الفترة اللى جاية وانشاء اللة ربنا هيكرمك اكتر مما كنتى تتوقى باخلاصك الحقيقى اللى مش تعرفى تخدعى بية ربنا ابدا ..
    ربنا يحفظك ويحقظ كل بنات المسلمين يارب

  41. مى
    09/02/2011 at 14:28

    انا بجد حاسه بيكى وربنا مفيش ارحم منو فى الدنيا ديه واحن من البشر الى هما مش بشر اصلا فى الدنيا الغريبه ديه انا فى نفس مشكلتك وهو موجود معايا مسبنيش بس ان بعدها مبقتش عيزاه لانى حسيت انو كان بيستغلنى وحفظ عليا وقلت اعيش طول عمرى كده وا عيش مع انسان ميعرفش ربنا خصوصا انى عندى 19 سنه وهو اكبر منى بكتير وربنا يهون عليكى يارب ويرزقك بابن الحلال الى يقدرك ويستاهلك وياريت نكون اصحاب اختك مى

  42. احساس صعب
    07/02/2011 at 12:43

    اختي الكريمة انا حاسة فيك لاني مريت بنفس تجربتك والى الان . الحل هو الجوء الى الله . لازم تصبري وتعملي خير كثير .وتجدي لنفسك اصحاب بنات فقط يحبوك في الله وتطلبي منهم يدعوا لك بالستر في الدنيا والاخرة. والله يفرج همك ويسترك .ويرسل لك احد ينقذك من الذي انتي فية.وتاكدي ان الله معاكي مهما كانت احطائك وزنوبك . لان الله بيغر ويرحم .ولا تياسي وافتكري اذا مارتحتي في الدنيا . وعشتي مغلوبة .ربنا راح يسعدك في الاخرة . عشان اتحملتي عقابة في الدنيا. الله يستر عليكي وعلى كل البنات الاحياء منهم والاموات

  43. فى الخير
    20/01/2011 at 14:04

    أناقولتلك فكرى فى العبره من اللى حصل كان إيه وبعدين لما تكونى عايزه ترضى صاحب الملك أنتى فكره أنه مش حيرضيكى بصى أنا قربت من ربنا وبأيت أعرف عن ربنا حاجات تخلنى أتمسك أنى لازم أرضيه وخصوصا أ،ى كنت بعيده وبغلط وعرفت أن ربنا أحن عليا من أمى بدليل أن ربنا سترها عليا وعليكى أقولك على حاجة أنا لما حملت ماكنتش عارفه وخصوصا أن البيريود بتتأخر قوى ومش منتظمة أصلا وكنت بقول لنقسى لما أتجوز حتعب عشان أخلف لما أتأخرت عملت تحليل اللى بيجى من الصيدليه وطلع مافيش حاجه وكبرت دماغى وبعد شهر واحدة من صحابى قالتلى هى البيريود ماجتش قولتلها لأ قالتلى أعملى تحليل دم قولتلها لأ هى كدة كدة بتتأخر ووالله كانت بتتحايل علية المهم روحت وأنا متأكده أنه مافيش حاجه ولما أستلمت التحليل جتلى صدمة كل اللى عملته وكان كل اللى عارف واحدة قربتى وصحبتى دى وحبيبى كانو كلهم مرعبين إلا أنا عشان كان عندى ثقه فى الله أنه الستار المهم جبنا البرشام دة اللى بيتاخد وأنا كنت فى حوالى شهرين ثلاثه وكان لينا حد من أصحبنا دكتور كان بيتابع معانا بلتليفون وهو عارف أن البرشام مش حينزل وحيكون لازم عمليه أنا عمرى ماعملت عمليات كنت ممكن أموت لو ده حصلى عارفه بعد ماالموضوع خلص الدكتور ده قال لقربيتى أن ربنا هو اللى واقف معاها والموضوع كان مستحيل يخلص كده عارفة أنا بقولك كده ليه عشان أنا لما أتوكلت على ربنا بأخلاص وقف جمبى عشان ربنا ةالله الرحمن الرحيم بس أنتى أصدقى فى أخلاصك وتوكلك وقوليله (اللهم أنى أشكو أليك ضعف قوتى وقلة حيلتى وهوانى على الناس أنت أرحم الراحمين وأنت رب المستضعفين وأنت ربى إلى من تكلنى إلى عدو يتجهمنى أم بعيد ملكته أمرى إن لم يكن بك غضب على فلا أبالى غير أن عافيتك أوسع بى أعوذ بنور وجهك الكريم الذى أشرقت له الظلمات وصلح عليه أمر الدنيا والأخره أن يحل عليا غضبك أو يترل عليا سخطك لك التبى حتى ترضى ولا حول ولا قوة إلا بك )والله أنا وأنت ملناش غيره وسيبك من كلام الشيطان اللى بيقولك واحد مناسب حيوافق ولا لأ بصى الشيطان هو اللى ضيعنا أولانى وماتمشيش ورا كلامه تانى يوم ماحتغشى واحد وتتجوزى ويفضل ضميرك وجعك وتقوليله متعرفيش رد فعله إيه وبعدين متعرفيش تتوبى من ذنب جوزك غير لما تقوليله عشان ده حيكون حقه بصى أنا زاى زايك بس أنا فقت وماعنديش أدنى أستعداد أغضب ربنا عشان دنيا ماأحنا جرينا وراها وصلنا لإيه مرار مش كدة أكيد أنتى حاسه وعرفه فميبأش بقه مرار دنيا وأخره فى الكريم اللى مافيش أحن منه أنا ملقتش أحن منه لما بقعد أبكى وأشكيله وأقوله طيب خاطرى بيطيب خاطرى وبعدين أقولك على حاجه أنا أعرفه واحده غلطت برده قبلت واحد وحبيته وأتقدملها وخطبها وكان بيحبو بعد ووقعها فى الكلام على سبيل الهزار وقالتله ومسبهاش ودلوقتى عندها ولدين عقبالك برغم أنه ماكنش قريب من ربنا بس قالك مافيش أحسن من الستر. بصى يا لولا أخلصى لله وربنا قالك سبحانه ( أنا عند ظن عبدى فاليظن عبدى بى ما يشاء ) فأحسنى الظن بالله . لما تقابلى حد مناسب أصبرى شويه لغاية مايعرفك و يعرف أنك فعلا كويسة ساعتها حيفكر قبل مايعمل أى خطوه وربنا موجود .عارفة أنا لما كتبت على الموقع ده كنت بشكى همى عشان الوحدة وغربتى وأنا بين أهلى كانت حتموتنى ولما لأقيت الردود دى فرحت قوى عشان كفايا بس الدعاء وأعرفى أنه من غشنا فليس منا )دى دنيا زايلة أ،ا مش محبطة عشان متفتكريش كده بس رضى ربنا هو أهم من كل شىء وربنا معاكى ومعايا فوضى أمرك له .

  44. lola
    18/01/2011 at 22:41

    وكمان عايزة اسالك حاجة وانا هتكلم معاكى بصراحة عايزة تفهمينى ان المفروض لما حد يكون مناسب ويتقدم ليا اقولة الحقيقة وبعد لما ربنا سترنى افضح نفسى لو قدرتى تردى على كلامى يا يت

  45. lola
    18/01/2011 at 22:37

    انا متابعة الموضوع وكنت مستنياكى تردى على كلامى لانى كان نفسى اكلم حد يقدر يحس بيا وانتى بس اللى تقدرى تحسى بيا لان انتى عديتى باللى حصل معايا بس اغنا عايزة اقولك انى اتقدملى كتير جدا وحتى انى اشوفهم كنت برفض لانى خايفة حتى انى اشوف حد مناسب لانى معتقدش انى هقدر اغش حد بس المشكلة انى نفسى استقر ويعنى انا غلطت وعرفت غلطتى بس هعيش طول عمرى فى عذاب بسبب الغلطة دة او بمعنى اصح الكارثة دة

  46. فى الخير
    18/01/2011 at 11:56

    أنا صحبة المشكله أنا بشكر كل الى بعت ردود بس أنا كنت عايزه أقول حاجه أنا يوم مانزلت الحمل كنت بنزل روحى مش روح جوايا لأن أنا بحب الأطفال موت وكنت قبل ما يحصلى كده كنت بقول لو ماتجوزتش حكفل طفل وكان نفسى من وأنا صغيره يبقى عندى بيبى أشيله جوه عنيه مش متخيليين الموضوع ده بيعمل فيا إيه أنا كان زمان عندى طفل عنده شهرين لما بفتكر بكره نفسى أكتر بس بستعين بالله وبقول (قد جعل الله لكل شىء قدرا )وبقول لlola أوعى تفكرى تبتدى حياه بغش المفرض اللى أنتى أتغشتى فامتعلجيش الغلط بغلط لكل محنه منحه يعنى اللى حصللك وحصلى له هدف ربنا قال (أبتليكم بالمصائب لأطهركم من المعايب ) وزاى ماقولت فى الأول( ومن يتوكل على الله فهو حسبه أن الله بالغ أمره قد جعل الله لكل شىء قدرا ) وعارفه أول الأيه كان إيه ( ومن يتق الله يجعل له مخرجا ويرزقه من حيث لا يحتسب )فكرى بس فى ربنا وأستغفرى الله كتير عشان كثره الأستغفار تفرج الهم وبتوسع الرزق

  47. ابو مالك المصرى
    18/01/2011 at 11:34

    اختى العزيزه غفر الله لكى واصلح حالك ماحدث ماساه يتعرض لها كتير من البنات بس الحل فى ايدك استرى عل نفسك ولاتعلمى احد بذلك الان فى موضوعك راح ناخد باخف الضررين مع العلم انى ضدد الترقيع بس راح نعمل ايه مافى حل غير تعيدى بكارتك وربنا يستر عليكى ثقى بالله وهو راح يكون جنبك بس تكونى توبتى بجد وتبعدى عن هذا القذر الحقير م شبعد مواحد يسطر عليكى تقولى مش عارفا لسا بحبوا ارجعى اللا ربك وهو ويقف جنبك

  48. pepars
    18/01/2011 at 10:30

    يا اختى مدام تركتى كل المعاصى من اجل رضى الله عز وجل اكيد هيكون جزائه خير اقسم بالله انه هيعوضك براجل احسن منه مية مره بس انتى اصبرى وحافظى على قربك من ربنا واجعلى ايمانك برك قوى وصلب وان الله لا يضيع اجر من احسن عملا وربنا يسترك

  49. صرخت صمت
    17/01/2011 at 22:49

    اهم شئ انك توتبتى ربنامعاكى ويقبل توبتك انا رئيى قربى من ربنا وكويس انك بعدتى عن اصحاب السوء وصدقينى ثقى ف ربنا انه هيعوضك بانسان كويس ويتقى ربنا فيك ويحبك صدقينى ربنا سترك ماتفضحيش نفسك مدام هتصونى وهتحافظى الراجل اللى هيكون معاكى انشاء الله سبيها عاللى وانشاء الله خير وخليكى تقربى وتقربى من ربنا اكتر واكتر ربنا يسترها معاكىوع بنات المسلمين اجمعين

  50. الصبور
    17/01/2011 at 22:12

    يا اختي اسرعي جدا واعملي غشاء البكارة دون تردد مادام الله سترك ولم يفضح سرك ولا تقولي لاي بشر او حتي للذي يتقدملك لان محدش حيرضي علي نفسه يتجوز كدةوتخافي يا اختي من الفضايح ولا تنجلط امك من الصدمة وتكوني انت السبب ولا تعملي لعيلتك فضايح لانوا محدش برحم حدا الايام دية وابتعدي عن حبيبك الخاين لانه خانك وتخلي عنك في اصعب الظروف ولو تجوزتيه حيعايرك هو وامة ابتعدي عنهم ولاتقولي لحدا لا تفضحي نفسك محدش برحم اسرعي واعملي الترقيع ولاتقولي حرام وحلال انت في مصيبة وانقضي نفسك اسسسسرع

  51. محمد شهريار
    17/01/2011 at 21:03

    الاحساس بالذنب اول طريق التوبه
    بسم الله الرحمن الرحيم
    (قل يا عبادى الذين اسرفوا على انفسهم لا تقنطوا من رحمه الله
    ان الله يغفر الذنوب جميعا) صدق الله العظيم
    اسال الله ان يبدل همك فرح وسرور وانتى فى طاعته
    وربنا يسترك ويكرمك يارب

  52. houhou
    17/01/2011 at 20:37

    السلام عليكم و رحمة الله و بركاته تحياتي لك اختي العزيزة انا متعاطفة كثيرا مع قصتك لكن اريد ان اقول لك شيئا واحدا تحلي بالصبر و اتقي الله اكثر و اكثر و اريد لك ان تعلمي ان الله غفور رحيم بشرط ان تكوني تبتي توبة نصوحة لا رجعة فيها اما بالنسبة للفتى و امه فربنا يتكفل بهم و اريد ان اقول لك رغم انكي اتبعتي قلبك الذي اخذكي الى الهاوية جل من لم يخطئ واشكرك على طرحك لمشكلتك و افادة من ترتكب الخطا او في طريقها اليه و في امان الله

  53. ronaldo7
    17/01/2011 at 18:49

    انتى بنت بس ب 100 راجل و ان شاء الله ربنا حا يقف معاكى ز مشكلتك حاتتحل بسهولة ان شاء الله

  54. متزوج
    17/01/2011 at 15:25

    بسم الله
    مادام تبتي
    ادعي يارب استرني
    يارب استرني
    يارب استرني
    يارب استرني … كل وقت ادعي بالستر.. لانو وحده الستار
    الله ما يضيعك ابداً … كوني صادقة بالتوبة

    الله يستر عليك يا اخت ويوفقك بابن الحلال اللي يصونك
    وإياك والرقاع لانو خداع لشريك حياتك
    لكن الله لا يضيعك اذا كنتي صادقة

  55. اشرف الاسوانى
    17/01/2011 at 13:51

    اصبرى واكدى التوبه علشان ربنا يكرمك باحسن منه .اما موضوع العمليه انا من رائ تسالى شيخ عن الموضوع ده

  56. kareim
    17/01/2011 at 11:20

    الحمد لله علي نعمة الايمان والحمد لله علي نعمة النسيان
    ربنا يوفقك للخير ويهديكى ويهدى بنات المسلمين
    اعملي عملية ترقيع لان مفيش شاب مهما كان بيحب هيقبل ان مراته تكون مش بنت والله غفور رحيم

  57. الحياة مأسى
    17/01/2011 at 10:28

    انت اكتر واحدة اثرت فيا …. و انت انسانة صادقة ما فيش ليكى حل غير الحنان المنان ذو القوة المتين الجبار العزيز المتكبر الذى يقول للشئ كن فيكون الوهاب المقتدر رب السموات السبع العاطى الغفور الودود … ادعى ربنا فى ظلمات الليل و الناس نيام و احكيله اللى انت فيه لان هو اللى عنده الحل … و من يتقى الله يجعل له مخرجا و يرزقه من حيث لا يحتسب…. صدقينى انا راجل اللى بيكلمك و حسيت بيكى اوى و انت انسانة جميلة و طيبة و ربنا حيديكى على قد نيتك و لو ما حصلش و اتجوزتى كفاية انك حتقابلى ربنا على الطاعة لان حب الله شىء بيمن بيه الله على عباده و ربنا يرزقك بشخص يتفهم مشكلتك امين يارب العالمين.

  58. الصديقه الوفيه
    17/01/2011 at 10:00

    aبجد مش عارفه أقول إيه وجعتى كل مكان فيا بس والله العظيم صديقتى الحميمه عاشت نفس تجربتك بل الأسوء إن الشخص الذى تزوجها هو صاحب الندل حبيبها الأول وكان عارف كل شئ لكنه كان عارف كمان أنها إنسانه وبنت ناس علشان كدا غفر لها كل شئ وأتجوزوا والحين هما أسعد زوجين بالدنيا أنا متأكده إن ربنا حيبعتلك أحن وأحسن زوج بالدنيا ثقى فى الله وأدعى ربك

  59. همسات حب
    17/01/2011 at 08:05

    الأخت العزيزة بصدق أنا حاسس بيكي جداً وحاسس بمدى المعاناة اللي بتعشيها رغم اني ممريتش بحاجة زي دي ابداً بس كويس أنك انت عارفة حاجة مهمة جداً ونصحتي بيها البنات انا طول عمري باقولها ومؤمن بيها جداً وقولتها هنا أكتر من خمسين مرة وهي فعلاً أن الأنسان لما يحب بجد عمرة ما يفكر يعمل حاجة زي دي مع اللي بيحبها قبل الجواز بل بالعكس بيخاف عليها أكتر من خوفة على نفسة أنا لما بحب واحدة بجد مش بقدر أصلاً أقولها أنا بحبك لأن الحب من وجهة نظري مش كلام وخلاص على العموم اتمني من رب العالمين ان ربنا يقبل توبتك ويقويكي ويثبتك على الخير وارجو من كل أنسانة تشوف الرسالة دي تعرف ان لو اللي معاها بيحبها بجد متهيقلي ومن وجهة نظري مش راح حتى يمسك أيدها تقبلوا تحياتي جميعاً

  60. عايش الواقع
    17/01/2011 at 08:01

    الله عليكى اختى الكريمة ما اجمل الرجوع الى الله
    مش عيب ان الانسان يغلط لكن العيب اننا نكرر غلطنا
    فا اللى عايزه منك انك تتلزمى الطريق اللى انت ماشيا فيه
    ومترجعيش للى كنتى فيه ومتبصيش ورا تانى وانسى اللى فات عايزك فى الفترة دى انك
    تصفى ذهنك لانك مشوشة دلوقتى وفيه صراع جواكى واول ما تحسى انك تمام الحمد لله
    ابتدى فكرى انتى عايزة ايه
    وبالنسبة لموضوع انك متقوليش للى حيتقدملك على الموضوع بتاعك فأنا من رائيي
    ان ربنا سترك فمتفضحيش انتى نفسك لان مفيش شاب حيقبل حاجة زى دى وبعدين انتى متضمنيش الشخص ده ما ممكن يفضحك ويبقى انتى بردوا اللى وقعتى نفسك فى المشاكل تانى وفضحتى نفسك بنفسك
    استرى على نفسك واخلصى التوبة لله وانا متأكد ان شاء الله ان ربنا قبل توبتك ما دمتى مصرة على التوبة فلا تحزنى اختى الكريمة ان بعد العسر يسرا

  61. basha
    17/01/2011 at 05:41

    اهم شئ انك تبتي توبة نصوحة و رجعتي الي طريق الله. انصحك الا تخبري من يتقدم لخطبتك بما حدث لانها ستظل في ذهنه طول العمر و ربنا بيستر علي عباده و لا تفضحي نفسك لا تكشفي ستر ربك واعملي عملية او غشاء صيني او اي شئ و عاهدي ربك علي الاخلاص للانسان اللي ها تتزوجيه و ربنا يهنيكي و يستر بنات المسلمين و يا ريت كل البنات تسمع نصيحتك في اخر رسالتك

  62. همسه
    17/01/2011 at 03:27

    يا حبيبتى ربنا واسع الرحمه والمغفره وبيفرح بتوبه عبده مهما عملتى ربنا ذو الفضل العظيم دايما فيه امل وربنا قال ان رحمته سبقت غضبه ربنا يعينك بس انتى روحى اسالى شيخ يفهم فى الفتاوى لو ينفع تركبى غشاء تانى ولا لاء وتنسى اللى فات وتبداى حياه جديده نضيفه وتتجوزى حد يكون بيحبك اوى ومانا سمعت الشيخ بيرد على سؤال واحده متجوزة غلطت مع واحد تانى اثناء سفر جوزها الشيخ قالها طالما توبتى توبه نصوحه متقوليش حاجه لجوزك واسترى نفسك والله سمعته وشوفته انتى ممكن تركبى الغشاء وتنسى كل اللى فات وتسترى نفسك او تقولى للى بيحبك وعاوز يتجوزك انك اغتصبتى وتشوفى رايه ايه وربنا يدلك على اللى فيه الخير ليكى ويسترك انتى وكل البنات يارب

  63. امير القلوب
    17/01/2011 at 00:14

    تعرفى انك قتلتى نفس وهو الجنين
    تعرفى انك مشيتى ورا رغباتك من غير حتى ما تفكرى انتى صح ولا غلط
    تعرفى انك لو فعلا قربتى من ربنا كانت علاقتك انتهت بالشخص اللى عمل معاكى كدا تماما من اول لحظه توبتى فيها
    تعرفى انك حتى لو اتجوزتيه دا مش معناه ان اللى عملته خلاص هيتمسح
    تعرفى معنى التوبه النصوحه ايه ترك المعصيه بصفه كليه
    تعرفى انه لو نصيبك هتاخديه غصب عن كل اهله والعالم ولو مش نصيبك مش هتاخديه حتى لو الكل وافق
    تعرفى تصبرى وتجاهدى نفسك وقفلى بابك عليكى لحد ما يجيل ابن الحلال ويكون نصيبك ومتصارحهوش الا لما تحسى انه شخص محترم وملتزم وبيحبك ويقدر يتفهم لأنه لو غير كده ممكن يفضحك ويهددك
    تعرفى ان اللى بيحصلك دا بيحصل لبنات كتير متعلمين ومتدينين ومثقفين تحت خدعه اسمها الحب
    تعرفى ان الحب انى احافظ عليكى مش اسرق منك اعز ما تملك
    تعرفى ان بدعيلك ربنا يوفقك ويسترك ويسر على اخوتنا المسلمات
    بالتوفيق ان شاء الله

  64. نخنخ
    17/01/2011 at 00:12

    انتي موضوعك حساس جدا ومش قدره الومك لان كفيه الانتي فيه توبي لربنا وحفظي علي نفسك وارجعي لربنا ثم ضار الافتا في موضوع ترقيع غشاء البكاره لان ربنا هو البيغفار بس مش قدرهااقولك غشي حد بس محدش هيرضا بوضعك ولو وفق هيشك فيكي والله اعلم بس في ناس كتير فيها الخير توبي لربنا بجد وانتي ربنا هيوفقك ربنا يستر عرضك انتي وكل البنت

  65. lola
    17/01/2011 at 00:05

    انا مشكلتى شبة مشكلتك شوية مع شوية اختلاف يعنى انا عمرى ما كان ليا اصدقاء سوء بس الشاب اللى عمل معايا كدة هو اصحاب السوء كلهم هو كل حاجة حلوة وكل حاجة وحشة فى حياتى عارفة انا معاة بقالى خمس سنين بس من سنة هو سافر وسابنى وقالى اعملى عملية قال اية خايف عليا ودلوقتى رجعلى وقالى هنتجوز ونعيش سوا والظاهر انة مجرد كلام لانى مش مصدقة اى حاجة ن كلامة المهم مش عاوزة اوجع دماغك بمشكلتى بس تعرفى انا اتكلمت لانك انتى بس اللى ممكن تحسى بمشكلتى لانك فيها وانا من رايى ان المفروض احنا الاتنين نعمل العملية فعلا ونتجوز ونعيش حياتنا بس المشكلة ان انا زيك مش عايزة اغش حد وبردة مش متخيلة نفسى لحد غيرة وانا الحمد للة تبت لربنا من زمان بس اقولك حاجة مش عارفة لية حاسة ان ربنا مش مسامحنى

  66. جميلة
    16/01/2011 at 23:59

    بجد مشكلتك توجع القلب وبذات انى عندى بنات ووضعت نفسى مكان امك وقلت انا ممكن اموت لو بنتى كدة ادعو من الله ان يرشدك على طريق الثواب ومن اخطائنا نتعلم وربنا معاكى

  67. هوان الحب
    16/01/2011 at 23:41

    كل بنى آدم خطاء وخير الخطائين التوابين او التائب من الذنب كمن لا ذنب له صدقينى انا من الصعيد وعندنا مسائل الشرف دى ما فيهاش تفاهم وعمرى مارديت على بنت قالت انها فرطت فى شرفها لانى بصراحة ببقى عايزة اقطعها بس مش عارفة ليه تعاطفت مع رسالتك وحسيت انك بتتكلمى من قلبك انت مشيت حاليا فى طريق صح انك بعدت عن اصحاب السوء واستمرى فى حفظ القرآن صدقينى من تمسك بالله لن يخذله ابدا ما حدش يعرف ربنا شايل لنا ايه يمكن بعد هذا الشاب عنك يكون فيه الخير بس اياك يكون التزامك ده فترة بتأثير الصدمة وترجعى تانى لطريق الاستهتار ياريت تقربى من امك وتصارحيها وما دمت رفضه الغش يبقى ما فيش غير ان واحد من اهلك يستر عليك حتى ولو فترة ويطلقك لان صعب جدا رجل يقبل على كرامته انه يتجوز واحدة فرطت فى شرفها وهو يعلم وياريت كل بنت تقرأ رسالتك وتتعلم اللهم احفظ بناتنا من الذئاب الذين لايتقون الله

  68. المسالمة
    16/01/2011 at 23:33

    يااتى الى حصل حصل انتى ادعى رب العالمين يغفر ليك كلنا خطائين وخير خطائين توابين وتاكدى انو رب العالمين بعوض المهم انك فقتى ودا هو الصح وطلبى دعوة الوالدين وانشاء الله رب العالمين يوفقك وما فى احسن من الصلاة هى الى تقربك من الله وتبعد عنك الهم من اختك فى الله

  69. توتا
    16/01/2011 at 23:25

    بجد انتى صعبانة عليا اوى انشا اللة ربنا يسامحك على كل حاجة وحشة عملتيها احلى حاجة عملتيها انك توبتى لربنا انشا اللة ربنا يتقبل توبتك واللة انتى وجعتى قلبى عليكى اوى ربنا يكرمك وتحلى كل مشاكلك وتكونى احسن بنت فى الدنيا ربنا معاكى بس حافظى على الصلاة والقران وربنا يوفقك ويكرمك اللهم امين انا بجد هدعيلك

اترك رداً أو حلاً لهذه المشكلة