السلام عليكم ورحمة الله
كل عام وحضراتكم بكل خير
لو سمحتم عايز اخد رايكم في موضوع مهم
المشكلة ومافيها اني خاطب من حوالي سنة ونص
خطوبة مصونات(صالونات)، وخطيبتي جميلة ومحترمة واهلها ناس كويسين.
لما شفتها علطول أعجبت بجمالها واحترامها وهدوئها لكن كان جواي احساس اني مخنوق ومش مرتاح، ماهتميتش وكملت وخطبتها.
مرت الشهور وبرضوا بحس بخنقة ومش مرتاح
هيا طبيعتها انطوائية خالص، فقولت ممكن عشان انطوائية فمش مرتاح بسبب كده .
وبالمناسبة خطيبتي دي كانت مخطوبة لحد قبلي واتخطبتله اكتر من سنة
المهم كلمته لاننا كلنا كدا من قرية واحدة
فقالي علي سبب أنه سابها وهو أنه طول فترة الخطوبة كان مخنوق ومش مرتاح مع ان البنت كويسة جدا لكن مكانش مرتاح، وكمان شخصيته زي شخصيتها انطوائي هو كمان،
يعني المفروض تكون مناسبة ليه لانها شبهه في الشخصية والطباع.
المهم انا مش مرتاح وبحس بخنقة اذا حتي اتكلمت معاها في التليفون او كنت عندهم بالبيت.
ممكن تفسير من حضراتكم وتقولولي اعمل ايه، وهل معقولة انا وخطيبها السابق يكون عندنا نفس إحساس الخنقة؟
مشاكل الشباب قبل الزواج
باشعر بخنقة شديدة تجاه خطيبتي
اضيف بتاريخ: Sunday, April 10th, 2022 في 19:51
كلمات مشاكل وحلول: الخطوبة, الشباب, حب, خاطب, شاب, فترة الخطوبة
استازى الغالى دة عبارة عن عمل معمول لها لكل من بتقرب اليها فياريت تروح لاحد الصالحين الى بيفكوا الاعمال من غير مقابل لانهم هم دول الصادقين واياك والدجالين ربنا بصلح حالك وحالها ويخرب بيت كل من ياذى عباد الله
السلام عليكم ورحمة الله انا صاحب المشكلة يا جماعة وحبيت اضيف تعديل خطيبتي دي انا بحبها وعمري ما هقدر استغني عنها لكن كنت محتاج افهم اه سبب الخنقة؟