أنا محمود فتحى من المنيا ووكنت ادرس في بنى سويف وبحب بنت عمتى لدرجة ميتخيلهاش عقل بشرى(حب رهيب)وهى كانت أكبر منى بسنه و7شهور 2009(انا صارحتها بحبى منذ شهر 5/2008 وكنت بكلمها ديما عالموبايل وبنرسل لبعض رسائل حب ديما وتطورت العلاقة بنا جدا وحبينا بعض أكتر لحد ماقررت انى أبلغ عمتى بحبى لبنتها وفى شهر2/2009 ذهبت أنا وأخى الاكبر الى عمتى وبلغناها بانى هتقدم رسمى بعد سنتين ورحبت عمتى بالموضوع وقالت من ناحيتى أنا وبنتى موافقين فأنا من منذ ذلك الوقت كنت كأنى خاطب رسمى وكان نفسى أبوها يعرف عشان أبقى مبسوط وواخد راحتى وتطورت العلاقة بنا جدا وجبتلها هدايا مثل خاتم دهب وقمصان نوم ودبدوب وموبايل وكنا بنتكلم مع بعض فأى شئ وبدون كسوف وكنت كل ما أروح عند عمتى هى اللى بتفتحلى فالدور الارضى لانهم ساكنين فى الطابق الثانى وكنت ببوسها وأحضنها وهى كانت بتتمنع وبتتكسف بس كانت بتبقى مبسوطة وأنا هى كنا ديما فمشاكل بسبب غيرتى عليها وكنت ديما أشتمها لما بكون غضبان بسبب غيرتى وهذا غير طبيعتى معاها فالاوقات العادية فأنا بكون رومانسى جدا معاها وهى كمان وأستمرت قصة حبنا 16/7/2010 لحدما اتقدملها شاب قدها فالسن بالظبط وهو متخرج السنة دى وهى وافقت علية وبعد ما اتفقوا على كل شئ جت هى وعمتى يعزمونا على الخطوبة وأنا أول ماسمعت انهرت وشديت فالكلام مع عمتى وبنتها وقعت ألوم فيهم وقالولى انت اللى ضيعتها من ايدك وافتكرتلى كل الوحش ومفتكرتش أى حاجة حلوة معاها(بس أنا مش مصدق السبب دة وحاسس أنهم وافقوا على الشخص دة لانة مخلص كليه وأنا ليسا بقيلى السنة دى وعشان كمان هو مؤهلة ومستقبلة أحسن منى)فمن غيظى روحت مبلغ الشخص دة بعلاقتى مع بنت عمتى عشان أفشكل الخطوبة وحصلت مشاكل كتير وانتهت بان الشخص دة صدق عمتى وبنتها بعد ما نفوا كلامى والخطوبة تمت)أرجوكم قلولى أعمل ايه أنا بحبها قوى وأستحالة أنساها أبدا وأنا دلوقتى بتعزب بسببها
الحب الاول
بحب بنت عمتى الاكبر منى بسنه و7شهور
اضيف بتاريخ: Friday, August 27th, 2010 في 17:15
كلمات مشاكل وحلول: الخطوبة, المنيا, بنت, بني سويف, خاتم, ذهب, رسائل, رسائل حب, شاب, قمصان نوم, كلية التجارة, مشاكل, موبايل, هدايا
شوف يا ابني محمود بارك الله فيك انت غلطان جدا لما ماخطبتش البنت رسمي من اهلها عشان تربطها بك مجرد كلام من اخوك الكبير لعمتك ام البنت وكان المفروض تخطب البنت من ابوها مش دي الاصوول والبنت جاها عريس مناسب وجاهز من مجامعيه من الغباء انها ترفضه ولاعاوزها تستنى حضرتك سنتين لغاية ما تتقدم لها رسمي خليك واقعي واعرف الحياة كيف ماشيه وبرضو غلطت لما رحت كلمت خطيبها وعاوز تخرب عليها دي تصرفات واحد عاقل الزواج قسمة ونصيب وربنا بيكرمك بحسن منها تمنى لها الخير والسعادة من قلبك ودي مهما كان بنت عمتك زي اختك اوع تزعل عمتك منك مهما حصل انتم اهل وصلة الرحم واجبة وربنا يؤفقك ويصلح حالك ويسعدك طوال حياتك
بص و الله دى متستهلكش بس انا عايز اقولك حاجه مهمه جدا
و الله انت صعبت عليا اوووى و مل اخر فكك بقا انها تكرهك و مش
تكرهك انا لو مكانك كنت هعمل اكتر من كدا و الله
بس اللى انا عيزك تعملوا انك حاليا فى الوقت الحالى
تحسسها انك عمرك ما هتتعوض عيش و انساها و ابعد عنها
خالص و حب اكيد زى ما حبيت بجد هتتحب بجد
و هتلاقى الانسانه اللى زيك الله يكرمك
شوف يا معلم انت غلطان عشان عملت كدا و شوهت صورتها عشان اللى بيحب بيضحى و لو كان فى فرصه انكو تكونوا اصحاب انت ضيعتها و بجد لو بتحبها سبها تختار و كمان انت بتقول ان مستقبله افضل منك لو بتحبها باركلها و انفى اللى انت قولته لخطبها و مين عارف مش يمكن تكون بتحبك انت
انساها وملكش دعوه بيها تانى لان بعد القولته خلاص وشوف حياتك ومستقبلك وان شاء الله ربنا هيكرمك
بص بقة سورى هى لو كانت بتحبك عمرها مكانت هتتخلى عنك لان الى بيحب حد استحالة يكون لغيرة او حتى غصب عنها وهما كمان غلطانين لانك رحت لمامتها واديتك كلمة يبقة هى الى غلطانة مش انت وعموما انا مقدرة كل الى انت فية وحاسة بية لانو حصلى بس انت تحاول تنساها مش هقولك هتنساها فى يوم فى سنه وانت غلطان كمان انك رحت لخطيبها وقلتلو الكلام دة سورى بس انساها ومع الوقت ان شاء الله ربنا هيعوضك باحسن منها وهقولك حاجة كمان كل شى اسمة ونصيب ويمكن دى مش نصيبك وربنا يوفقك يارب
انا مش عارفة اقولك اية بجد انسها هى قبلت بي يعنى هى مكنتش بتحبك ومش بتحب غير مصلحتها وخلاص موضوع بنكو انتها مهى هترتبط بشخص تانى هقولك حاجة افهمها اوى مقولة مشهورة جدا عندما تفقد علاقة انسانية لابد ان تبدلها بعلاقة اخر انا كنت بحب واحد قريبي زيك كدة وراح خطب بس مكنتش قايلة لية بس هو كان عارف ودلوقتى نسيتو وكدة وقررت انى احافظ علي علاقي بي كصديق واخ بدل مخسرو خالص ونسيت والحمد الله الوقت لي سحرو وكمان لو معاك واحدة تحبك ياريت ترد عليا بعد ردى وتقولى رايك اية لازم تشغل نفسك باى حاجة لازم تقرر من جواك انك تنسها عشان تنسها فعلا فاهم لازم تعرف انها شم بقت ليك اصلا وان لو بتحبك كانت بقت ليك بس ودة نصيب عن تجربة كمان ربنا يقويك يارب
اولا مع احترامي لكل الحب دة ويا بختها بيك بس انت مبتحبهاش بالعكس انت ضرتها بالكلام اللي انت قولتة عليها دي زمانها كرهتك ومستحيل ترجعلك تاني صدقني الواحد صعب يحب بس سهل يكرهه اتقي ربنا وانسي اي حاجة حصلت ما بينكوا لو ليك نصيب فيها حتبقي ليك لو ملكش يبقي انساها وربنا حيكرمك ان شاء الله ادعيلها ربنا يوفقها طالما لسة بتحبها وادعي انها تكون نصيبك الخطوبة مش اول المشوار وربنا معاك