مشاكل الشباب مع البنات

بحب بنت معايا في الكلية وخايف تضيع مني ..

أنا طالب ف سنة أولى كلية الطب وبحب بنت معايا في الكلية جدا اول ما شفتها حبيتها .وبصراحة مقدرتش امسك نفسي ورحت كلمتها على الماسنجر والكلام ده من حوالي ٥ شهور وهي ردت عليا وبقا الموضوع تمام وكل حاجة .. واحنا تقريبا كل يوم بنقعد نتكلم بالساعات على مدار ال٥ شهور دول .. هي البنت دي جميلة جدا ومحترمة جدا ..
المشكلة دلوقتي اللي مأرقاني انها قالتلي ان هي حاسة اللي احنا بنعمله ده *كلامنا مع بعض حاليا* غلط وبتقول بحس بالذنب لما بفكر في الموضوع .وبتقولي هنبطل نتكلم في اجازة سنة اولى دي .ممكن في اضيق الحدود مرة ف اخر الاسبوع ..وانا كمان بحس بالذنب من كده ..بس الفكرة دلوقتي اني بحبها جدا واتعلقت بيها فعلا ومش متخيل حياتي من غيرها وصرحتلها بكده كذا مرة وقلتلها انا ان شاء الله جاد وناوي باذن الله اتقدملها في اقرب فرصة ممكنة .. بس اللي تاعبني اني كل ما اقولها انا مقدرش اعيش من غيرك وكده تقولي انت حاجة كبيرة جدا بالنسبالي ومحدش هياخد مكانك ابدا مهما بس انا مش حاسة بال*حب العاطفي* ده ناحيتك !! بتقولي انت مقبول جدا وهستناك لما تتقدم لي بعد كده .بس هي بتقول ان الفكرة ان هي مش عايزة تسمح لنفسها انها تحب حد حاليا*ف الدراسة* وبتقولي انا المشكلة لو حبيتك خايفة يتطور الحب ده لخروجات وحاجات حرام واحنا لسه قدامنا بدري في الكلية *لسه ٤ سنين دراسة وسنتين امتياز*
..
هي مبينة اهتمامها جدا بيا ف كلامها .. وحاسس منها بمشاعر كتييير ..بس هي تقريبا مش عايزة تضعف وتسمح لنفسها انها تقع ف قصة حب بدري كده خوفا من الحرام والغلط *زي ما قلت فوق* ..
.وانا بصراحة بفكر فيها كتير جدا جدا والموضوع شاغلني .وخايف هي في الفترة اللي هنبطل نتكلم فيها دي تنساني ..او حد تاني يتقدملها او يربطها .. خصوصا وانها بنت جميلة جدا وممكن تتخطب بدري … انا متحير وخايف جدا لتضيع مني وارتبطت بيها جامد .
مش عارف اعمل ايه ..اشيروا عليا ..

مشاكل وحلول ذات صلة

اضيف بتاريخ: Tuesday, July 16th, 2019 في 11:41

كلمات مشاكل وحلول: , , , , ,

2 رد to “بحب بنت معايا في الكلية وخايف تضيع مني ..”

  1. حلا88
    18/07/2019 at 03:10

    سأقول لك اولا و اخرا ان انت تريدها حقا و تخاف ضياعها منك تقدم لها حتى بابسط الامكانيات, لتكون علاقتكما على الاقل تحت ناضري العائلتين و برضا الله سبحانه.
    أنصحك بصفتي فتاة وجدت نفسي يوما في موقف مشابه: شاب في الكلية يكبرني بسنتين يريدني بجدية و لا يستطيع التقدم خطوة رسمية ناحيتي (غالبا حتى يتخرج و يعمل و يكسب المال). بادلته نفس المشاعر و بدأنا التعرف حتى انه تحدث الى امي لتأكيد نواياه لكن دون توضيح لاي برنامج .تمر الايام و الشهور و تنقضي سنتان و يبدأ ضغط أمي لأنتهي برسالة على المسنجر أطلب فيها منه الابتعاد و اتعلل بالنصيب.
    اليوم انا مخطوبة لشخص لا اعرفه لكن سعيدة به نوعا ما. ما اردت قوله ان تجاوز شاب لم يبذل غير المشاعر و الكلمات لم يكن بتلك الصعوبة و أدركت ان من المروءة و الرجولة و كمال الشخصية طرق البيوت و إتيانها من أبوابها على عكس التردد و التعلل و الانتظار للفرصة الممتازة التي يخيل أنها سانحة إطلاقا.
    من منظوري الشخصي كفتاة أتوقع أن علاقتكما لن تنجح على هذا المنوال الا ان انت انقذتها بخطوة ثابتة تثبت بها صدق نيتك و صفاء مرادك ..و الا فقد قلتها بنفسك ان الخاطبين كثر و ان السنين طويلة و الفتاة لى قدر من الجمال و الاحترام. لست اضرب بقيمةالمشاعر في العلاقة عرض الحائط لكن من المعلوم ان الفتاة تختار من يثبت حبه لها و ليس من يملكه فقط .
    استخر الله و استشر والدتك في امرك هذا فهي اقرب الناس و ادراهم بأصلح الامور لك .
    بالتوفيق.

  2. ابوالبتول
    18/07/2019 at 02:35

    فعلا البنت كويسة ومحترمة جدا وكلامها صح لو فعلا تحبها وجاد في الارتباط بها تقدم لها فورا وخطبها من اهلها قبل مايجي احد ثاني وياخذها منك والبنت مش بتاعت عواطف وخرجات وعلاقات من النوع ده باين انها محترمة ومتربية كويس ومن عيلة محترمة اوع تفرط فيها اوتتركها وربنا يجعلها من نصيبك ان شاءالله

اترك رداً أو حلاً لهذه المشكلة