احنا متجوزين بقلنا سنتين ومش جواز تقليدى لا بالعكس عن حب اتخطبنا سنه والحمد لله ربنا كان مسهل كل حاجه انا بحبها جدا وبغير عليها قوى واموت لو اتخدشت بس وهى كمان لو اتعورت تقعد تعيط جمبى ولو زبونه رنت على تلفونى الشخصى بتخرب الدنيا فوق دماغى بس فى مشكله بتقبلنى كل ما بنخرج هى بتبص على كل إلى رايح وإلى جاى وانا لحظت الموضوع ده كذا مره واتعصبت عليها وبفقد اعصابى وكنت هطلقها بس بصيت لبنتى وفكرت فيها ودلوقتى لما بنخرج بتحاول ماتبينش إدامى الموضوع ده بس بلاحظ احينأ وهى ماشيه جمب بس هى اول مابتاخد بلها انى بابوص عليها بتبصلى علطول
وانا خلاص مابقتش مستحمل الموضوع ده وكرهت الخروج وكرهت الجواز وكرهت نفسى ومابقتش طيقها وفكرت فى الطلاق كذا مره بس بنتى هى الى منعانى
مع العلم ان مراتى محترمه جدا يعنى لو رن عليها رقم غريب مبتردش عليه وتستنى لما ارجع وتحكيلى
وبرضو الفيس لو شاب بعت اد مبتقبلوش وبتعمل بلوك
واسف على الاطاله شكرا
مشاكل الازواج
بحب مراتي بجنون وبتحبنى بس فى حاجه ناقصه
اضيف بتاريخ: Monday, November 18th, 2019 في 22:46
كلمات مشاكل وحلول: الزواج, الطلاق, بنت, حب, زواج
حضرتك انت ممكن تتكلم معها براحه وهى هتفهمك حاول تعرفها ان عاده البص على الناس دى مش كويسه وبتتفهم غلط علينا احنا كا بنات وربنا يصلح الحال ان شاء الله
يااخي طالما انت واثق من مراتك وخلاقها فاحسن الظن بها وابعد عن الأفكار والوساوس اللي تخرب عليكم حياتكم الزوجية اما مسالة انها تبص على الناس في الشارع فدي عادة مش كويسة في حق المراة اطلب منها تبطل العادة السيئة دي وفهمها ان النظرات الرجل للمراة او المراة للرجل من المحرمات وتوقع في الفتن والشبهات وانك غير راضي عن العادة دي من غير ماتسئ لها وربنا يهديكم ويصلح لكم الحال ان شاء الله تعالى
والله ما في شيء ناقص غير في فهمك وتفكيرك ، النظر من المرأة ليس هو المحرم او المنهي عنه والا لماذا النساء المتشددين في الحجاب يلبسو النقاب ، لان النظر باعينهم مسموح ليس فيه اي حرام ، ألنظر الممنوع او المنهي عنه هو نظر الرجل لوجه المرأة ،
السلام عليكم …. طالما انت واثق ان مراتك محترمة فاترك موضوع الطلاق خالص .. فيما يبدو ان مراتك عندها عادة البص علي الناس وهي عادة مش حلوه اكيد حاول تفهمها واشرح لها قلها ينفع انا ابص لغيرك ؟؟؟ حاول تبين لها ان اي راجل هيفهم ان هي ست مش كويسه بسبب نظراتها … وربنا يهديكم ويصلح حالكم تحياتي لك