مشاكل الاصدقاء

بخسر كل اصحابي

انا بنت عندي 22 سنه من ساعه ما اتخرجت من الجامعه و المدرسه انا تقريبا كل اصحابي بدأوا يبعدوا عني مش فاضل منهم غير واحده و طبعا الولد الي انا مرتبطه بيه بردو كان من اصحاببي بس هما دول الي فضلين علشان هما بس الي متفهمني صح لكن الباقي كلهم حتي صديقه عمري الي متربيين مع بعض من 16 سنه مابقاش حد بيكلمني غير كل فين و فين و بيبقي مجرد هاي ازيك عامله ايه و ده بيبقي اونلاين بس كمان و كتير ببقي انا الي بدأه الكلام و بعدين حتي لو كلمتهم في التليفون و مع العلم اني بكره حاجه اسمها تليفون اصلا بس لو حد اتكلم والله ما ببقي مأفله عليه خالص مع العلم بقه اني بحاول اني ديما بحاول عنهم علي الشات علشان من بحب التليفوون بس برده مش راضيهم بي عندي مشكله اني عندي فراغ في حياتي بمعني معنديش كلام كتير اقوله او احكيييه مشاكل بيت مثلا ما تتحكيش لاصدقاء، علاقتي بالي انا مرتبطه بيه علاقتنا من سنه و نص بس و الحمد لله الحمد لله علاقه مستقره و متفهمين الي حد كبير مع بعض و انا مش من النوع الي بحكي لاصحابي علي مشاكل بينا حتي لو فيه مشاكل انا و هو متفقين ان حياتنا بحلواها و مرها ما يخرجش بره لاي حد مهما كان مين اصحابي بقه مش كده خاااااالص بيحكوا كتييير ده لما كنا بتكلم في الوقت القليل الي بيتكلموا فيه معايا هما دلوقتي قريبين من بعض جدااااااااا و بيتكلموا كتييير جدا و بعدين انا حاسه لما بكلمهم صوتهم نفسه كأنهم بيتكلموا مع حد غريب علشان انا عارفه صوتهم لما كانوا بيتكلموا زمان معايا هما ديما بيشتكوا مني اني مش بتكلم علي طول في التليفون و انا حاولت اتكلم والله بس مالقتش منهم رد فعل او انهم يرجعوا زي الاول و يتكلموا معايا تاني انا فعلا حاسه اني وحيده جدا علشان كلهم بعدوا عني فعلا

تاني مشكله عندي اصلا ان كل اصحابي بردو انا بحس انهم مش بيحبوا يتكلموا معايا كتير او مش في كل حاجه مع انهم دايما يقولولي اني انا الوحيده الي بفوقهم و اني زي ضميرهم، دايما ماما بتقولي علشان كده مش بيتكلموا كتيير علشان الغلط هو الي بيريحهم و اني علشان صح اوي و مش بحد اغلط فانا ديما بنصحهم او بنبههم علي الغلط الي بيعملوه و ديما بحاول اقولهم الصح علشان خايفه عليهم والله يعني انا مش بحاول اعمل عليهم عاقله ولا حاجه

ضروري يا ريت اعرف اراكم في مشكلتي و الي عنده حل و اقتراح للمشكله يا ريت ماتبخلوش عليه بيه
سوري اني طولت عليكم بجد بس انا بجد مش عارفه اتكلم مع حد و ماحدش عنده حل ليه بجد يا ريت ترضوا عليه

ميرسي علي وقتكم

مشاكل وحلول ذات صلة

اضيف بتاريخ: Friday, June 24th, 2011 في 23:49

كلمات مشاكل وحلول: , ,

15 رد to “بخسر كل اصحابي”

  1. هدى مجدى
    04/04/2017 at 16:25

    انا عندى 13 سنة انا تقريبا معنديش اصحاب كل اصحابى مبحبونيش مش عارفة لية بالغم ان انا بحبهم اوى كن عندى صاحبتى القريبة اووى كنا اصجاب اوى لغايت ما جت بنت وصاحبتى المقربة حبيتها وسابتنى دلوقتى انا تقريبا محدش بيبحبنى خالص ومش عارفة اعمل بليييز ساعدونى ممكن ترجعلى صاحبتى تانى يا راب تقولولى الحلول دى اية

  2. عادى
    26/08/2012 at 00:52

    اكيد اكيد انتى عملتى حاجة ليهم حولى تفكرى وترجعى نفسك شوفى انتى بتعملى اية لصحابك ممكن اسلوبك مش حلو معاهم اى حاجة اسألى ممتك قوللها انا فيا اية وحش فى اسلوبى من غير مجاملة حولى كدة انا بقى صحابى مش بيكلمونى الا لما يكونوا عايزين مصلحة ويلا مش بحط فى دماغى

  3. memo
    30/09/2011 at 00:08

    بصي إنتي صح وماتحوليش تغيري نفسك وماتضغطيش علي نفسك ولا تجري ورا حد وسيبي الناس هي اللي تجري وراكي ولو حتي محدش جري وراكي كفاية عليكي حبيبك وصديقك ده يكفيكي بجد وعلي فكرة أنا بردو بتعرض لنفس المشكله هو الواحد بيحس أنه علي طول بيدور علي الأصدقاء وعلي طول بيجري وراهم سيبيهم اللي يحطك في عينه ويسأل عنك أسألي واللي ميسألش ماتجريش وراه وعاملي كل واحد بمعاملته

  4. حياتي بلا أمل
    24/09/2011 at 20:36

    انا بردو كده مع اني كنت ع طول ببقي واقفه جنبهم وبوقع نفسي ف مشاكل كتير عشانهم ومش بيفتكروني ير لما يكونوا عايزين مني مصلحه وبس او ميعرفونيش غير لما يكونوا محتاجيني ف حاجه بس انا خلاص اتعودت ابقي وحدي واديني داخله جامعه ومش عارفه هعرف اتعامل مع الناس تاني وانا بقالي اكتر من سنه ونص ناسيه الاصحاب والناس والمشكله اني عبيطه وبصدق كل حاجه وماما دايما تقولي بلاش تقولي لحد حاجه وانا زي مابصدق يكون ليا صديقه عشان احكيلها اي حاجه وكل حاجه انا المفروض تالته جامعه بس لسه هدخل اولي ربنا معاكي يا رب وزي ما قالولك اخواتنا اللي هنا نفضي وعيشي ليكي ولحبيبك ولصحبتك المخلصه دي ومتزعليهاش

  5. رشا
    09/09/2011 at 23:27

    طيب انا اعمل اية كل ما اصاحب حد وافتكروا صديقتى كل ما يغدر بية بح انهم مش بيحبونى رغم انى نفسى اسعدهم بعونى وغدروا بية وظلمونى بس اقولك حاجة انا مش عارفة اعملها وهى بيعى الا يبيعك لان زمن دة ميستهلش حبك ليهم وسلام

  6. مش مهم
    17/08/2011 at 12:40

    بصي يا اختي بما انك بنت فانتي عارفه ان البنات بيحبوا الرغي وانتي معندكيش الصفة دي دي اول حاجة وبعدين البنات اكتر حاجة يحبوا يتكلموا فيها المشاكل وبالذات لما تكون بين بنت و ولد بس انتي كده الصح مينفعش المشاكل تطلع بره لاي حد وياريت تكون كل البنات زيك كده بالنسبة لاصدقاء ممكن يحكم على الصداقة بالضعف او الانتهاء بعد المكان مثلا وبعد اوقات اللقاء وحاجات زي كده يعني انتي سواء في الجامعة او المدرسة بتتقابلوا في اي منها او في الدروس او كده يعني بس بعد اما خلصتي الكلية بقى الوضع مختلف انتي تخليكي مع الي انتي مرتحالهم و الي واثقة فيهم لان الصداقة مش بكتر العدد الصداقة ليها معانيها انتي ممكن يبقى عندك صديقة واحدة احسن من 20 واحدة

  7. Dark night
    06/08/2011 at 11:27

    أولا مرحبا
    انا شاب من سوريا وكان عندي نفس المشكلة دائما انا المبادر بالاتصال ةالصداقات لحد ما وصلت لمرحلة ما عاد اقدر اتجمل مليت من الرفقات ومن الصداقات حسيت حالي مالي قيمة وانا عم اركض و احكي واتصل لحد ما كرهت الناس وكرهت حالي وقررت اي اتغير وما اتصل بحدا ورجع كرامتي صحيح تعذبت بس اقدرت وقلت مارح موت اذا ما حدا حكى معي انا كبير وعاقل وفهمان وما حدا احسن مني ابدا وهلق الناس هي يلي بتتصل فيني بس ليس تكبر ولكن حطيت حد لي وللناس والصداقة هي مو كلمة هي فعل وانت عندك حبيبك وصديقة وحدة هدا شي منيح واللة بيكفوك ما بدك حدى
    سوى شخص بيحبك وصادق معك ومتفاهمين مع بعض وصديقة بتحبك شو بدك احسن من هيك سمعي مني صديق مخلص احسن من عشرة بيحكو معك وهنن من جوا ما بيحبوكي
    ولاتزعلي حالك من شان ناس ما عرفو قيمتك
    ويلي باعك بيعي متل نا انا عملت واللة رح يجي اليوم يلي يعرفوا فيه قيمتك بس الشغلة بدها شوية وقت صدقيني لانو رح يحسوا بغيابك ولاشخ كان عم يسال عنهم
    وهلق بقلك دير بالك على حالك وعلى حبيبك وعلى صديقتك والدنيا رح تكون بالف خير
    بس انت ما تكبري القصة وتعطيا اكتر من حجما موفقك وفي امان اللة

  8. wa7da keda
    01/08/2011 at 11:50

    بصى عموما فى الحياه اللى يبيعك بيعيه واللى يشتريكى حطيه فى عنيه
    انتى قولتى عندك حبيب وواحده لسه من اصدقائك متهيقلى الدنيا تكفى بحبهم اللى بجد
    كرامتك ثم كرامتك ثم كرامتك متحاولش تغيرى من نفسك عشان ترضى حد
    كل اللى اقدر اقلهولك ان مشكله زى التليفون مش مستاهله انك تعقديها ايه يعنى تكلميهم ولو ربع ساعه فى اليوم اساليهم على الحياه عامله معاهم ايه وكده ودة مش تغيير من نفسك بس دة عشان تتخلصى من مشكله انتى اللى عملتيها حد وفاصل بينك وبينهم
    مش لازم تحكى مشاكل بيتك حقك ودة يميزك عنهم بس اكيد فيه مشاكل بتقابلك تافهه يا ستى ابقى احكيهالهم وخلاص حسسيهم انهم اصحاب لان الاصحاب مش كلمه بتتقال
    واخيرا ادعى ربنا يحبب فيكى خلقه ويخليلك حبيبك واهلك والدنيا هتبقى زى الفل ان شاء الله حاولى انتى بس متعقدهاش

  9. منون
    25/07/2011 at 03:20

    انا برده زيك كل لما بفتكرهم افضل اعيط ومعايا صورهم واحلي الذكريات بس بحاول انساهم واصاحب ناس تانين

  10. ناشط ثانوى
    23/07/2011 at 15:40

    حاولى تنسيهم وخلي عندك كبرياء وكرامة وخلي نفسك فوق مش اى حد يوصلك ويكسرك بسهولة

  11. نور
    12/07/2011 at 02:33

    حبيبتى انا حسة بيكى اوى هى دى حاجة تزعل اوى اوى
    وياستي معلش خليها عليكي وكلميهم وخليكي انتي احسن يمكن يكونو غيرانين منك عشان مرتبطه بزميلك ولسه معاكي لحد دلوقتي اصل انتي عارفه علاقات الجامعه بتبقي فاشله وحاولى تقربى منهم وتسأليهم عن مشاكلهم وكدا يعنى

  12. كبرياء انثى
    11/07/2011 at 03:36

    بنزري اللي باعك بغالي بعي برخيص

  13. koke
    27/06/2011 at 02:34

    انتى ما تزعليش نفسك وسالى انتى خليكى انتى احسن منهم معلشى يمكن مشغولين شويه بس انتى مدام كويسه ومعملتيش حاجه تزعلهم خلاص ما تحطيش فى بالك ومش مهم

  14. المحتا
    26/06/2011 at 11:12

    شكلك مخنوقه اوى منهم وأنا حاسس بيكي
    هم ممكن بيتضايقوا علشان مش بتكلميهم عالموبايل
    لان الكلام عالشات حاجه وعالموبايل حاجه تانيه يعنى بيحسوا بمدى حبك ليهم وكده
    معلش حاولى تتصلى عالموبايل وتعتذرى ليهم لإنك مكنتيش بتتصلى واتطمنى عليهم يوم ويوم كده هتلاقيهم شويه شويه معاملاتهم هتبقى احسن معاكى بكتييييير بإذن الله 🙂

    وربنا يوفقك ويوفقك كل الناس 🙂

  15. دينا
    26/06/2011 at 01:47

    ياستي معلش خليها عليكي وكلميهم وخليكي انتي احسن لعلمك انا زيك في جامعه بس انا لسه بدرس واصحابي برضو ساعت الدراسه يسالو ويهتمو وفي الاجازه بينفضو عادى خالص وانا بتصل وبسال بس عادى يمكن يكونو غيرانين منك عشان مرتبطه بزميلك ولسه معاكي لحد دلوقتي اصل انتي عارفه علاقات الجامعه بتبقي فاشله

اترك رداً أو حلاً لهذه المشكلة