مشاكل الحب الفاشل

بنموت في بعض بس امو بتكرهني

سلام اتمنى تكونو بخير انا فتاة عمري17سنة ادرس بالثانوية بلشت قصتي السنة الماضية كنت بدرس مع شب من لما كنا صغار السنة الماضية اعترفلي بحبو وطلب اني اكون معاه رفضت لاني كنت عادي يعني مابحبو بس هو ضل يلاحقني فبلشت حبو وقبلت كون معاه كااان مجنون فيني بيحبني لدرجة الجنون في مرة تفارقنا بكى قدامي وقالي ارجعيلي رجعنا وكملنا وانا بلشت حبو شوي بشوي لحد ماوصلت حبو مثل مابيحبني وعايشين كلشي تمام صرت بخاف عليه وكانو قطعة مني هو ايضا نحنا بنحب بعضنا لدرجة الجنون وفي كتير ذكريات بيينا بس مشكلي مع امو من لما عرفت انو بيحبني وقبل مانرتبط وهي بتكرهني وتبعثلي مع بنتها مشان نترك رغم اني ولا مرة غلطت معاها بس هي مصرة اننا نترك مابعرف ليش بتكرهني قالت لي اختو انو بيضل مهووس باسمي وعلطول بيحكي عليي بعثتلي امو علفيسبوك رسالة تهددني اننا نترك او رح تخبر اهلي ومااقلو ليش تركنا واذا عرف رح تجي لبيتنا وتخبر اهلي وانا كثير خايفة قالت اني ضيعتلو حياتو بس بلعكس انا بشوف اني اذا بتركو مارح يعرف يكمل لحالو لاني دائما انصحو بخااف عليه لدرجة كبيرة والله العظيم بظن اكثر من امو تركنا بس انا جنيت من لما تركنا وهو كمان بيضلو يبعث رسايل بس انا ماارد عليه لاني خايفة من امو انها تخبر اهلي وفنفس الوقت انا عم احترق واتوجع كرهت حياتي وماعم اعرف شو اعمل اتمنى تساعدوني وتلاقولي حل

مشاكل وحلول ذات صلة

اضيف بتاريخ: Monday, March 23rd, 2020 في 12:43

كلمات مشاكل وحلول: , , , ,

2 رد to “بنموت في بعض بس امو بتكرهني”

  1. سامي
    28/03/2020 at 22:57

    الحل هو انو تلتهي بدراستك ، عندك بكالوريا السنة الجاية ، حبيبك بين قوسين لساتو صغير متلك على الاغلب وبدون شغلة ولا عملة .
    ازا هو شب كبير و قد حالو خليه يجي لعند أهلك ويقعد معهن .
    أما قصص الغرام المستحيل، فهي بلالك ياها لانو هي مجرد عبارة عن كذبة كبيرة .

  2. ابواميرة
    28/03/2020 at 18:18

    وهل دي تصرفات بنت محترمة وتخاف على سمعتها وسمعة أهلها عيب يابنتي تعمل هيك ومن قالك انو دا هو الحب انما هي طيش وتهور مراهقين انت والشاب اهتم بدراستك وفكري جيدا في صون شرفك وسمعتك وسمعة اهلك وبكير عليك الحب يازين الصبايا هتلاقي نصيبك جايك مع ابن الحلال اللي يطرق باب بيتكم ويخطبك من اهلك حسب الأصول وشو بدكي بشاب طالما امه تكرهك ومش طايقتك خلي عندك كرامة وعزة نفس واتركيه انت وارفضيه لو كان اخر الشباب بالدنيا ماتفكري به

اترك رداً أو حلاً لهذه المشكلة