أنا بنت عندى 15 سنة فى أولى ثانوى عندى مشكلة بنسبالى كبيرة اوى لانها فيها مستقبالى أنا بنت بحب الاحترام وفى حالى أنا مدرستى بنين وبنات فلازم اكون على قد ما أقدر كويسة فى عيون الزملاء الولد قبل البنات وهو ده حصل من اول ما دخلت المدرسة وانا محترمه نفسى وبقالى أسبوع وأنا هموت من كتر التفكير انا دخلت اول يوم عدى عادى لكن المشكلة بدأت من تانى يوم ولد فى ثلاثة ثانوى شافنى وأعجب بيا هو شكلوا محترم لكن طول الاسبوع مسبنيش فى حالى الاول بدأ يسأل عن اسمى للبنات والصبيان وعرف اسمى وبدأ يبعت بنات تكلامنى علشان اكلاموا لكن انا خفت وارتبكت وقلت لماذا أنا عن كل البنات دى ؟ وبدأيقول عليا انى محترمة وبدأوا اصحابى البنات يقولولى حرام عليكى الولد بيحبك بجد المشكلة مش انى أكلموا المشكلة هى انوا اخر سنة ليه فى الدراسة وهيسبا المدرسة وانا لس اول سنة يعنى لو كلمتوا مش هنكمل لانوا هيروح معهد او كلية فهيشوف بنات أحلى منى واحتمل ينسانى وثانيا انى بكده هشهر نفسى وهبقى سيرة كل لسان ودى اللى خايفة منها وكل الصبيان هيفتكروا انى ممكن اكلمهم زى ما كلمتوا وكمان هيشغالنى عن الدراسة انا متكلمتش معاها فى ده لكن هو قال لأصدقائى انوا غرضوا شريف وانوا هيخلص 3 ث وهيخطبنى وانا مش عارفه اعمل ايه وهو اهتماموا بيا شغالنى اوى حتى عن الدراسة اعمل ايه ارجوكم سعدونى انا حسه ان مستقبلى هيضيع ؟
اكزي في مذاكرتك اوعي تسمعي كلام حد طنشي زن صحابك و زن اي شخص
خليكي لمذاكرتك و بس
بصي ي حبيبتي هو طالما زي م بتقولي غرضه شريف يعرف عنوانك و اهلك مين و ميكلمكيش خاالص ولا تتصاحبوا لأن ده هيقللك ف نظره و هو لما يمشي من المدرسة و يدخل الكليه مثلا و محبش حد غيرك و بقا مستعد انه يتحمل مسؤلية الجواز يجي يتقدم لأهلك طالما هو شاريكي مش يمشي معاكي عشان هيخطبك بعد كدة متصدقيش حد ي حبيبتي كلهم بيقواوا كدة و مفيش ولد محترم يقول كدة اللي بيحب واحدة مبيبقاش عايز سيرتها تبقي علي كل لسان او الناس تتكلم عنها لأن كرامتها من كرامته المهم معلش خليكي علي مبدأك و ملكيش دعوة ب اصحابك عشان دول مفكرين ان ده الصح انما ده اكبر غلط بجد انا عارفه ان البت بتحب اللي يهتم بيها و بتفرح اووي لأن انا بنت زي زيك بس بصي ل ربنا و لو اتخليتي عن امور دنيوية حرام عشان خاطر ربنا خليكي متأكدة و واثقه مليون ف النية ان ربنا هيعوضك بأحسن منها بمرااااحل يااارب اكون افدتك ي حبي 😚😚😚